Colossians1
1हम, पौलुस, तोरा ई चिट्ठी लिख रहली हे, आउर हमर साथी विश्वासी तीमुथियुस हमर जौरे हथन। परमेश्वर मसीह यीशु के प्रेरिताई करे ला हमरा येहिगुने भेजलन, काहेकि परमेश्वर हमरा येही करे ला चुनलन हे। 2हम ई चिट्ठी भेज रहली हे, तूँ जे परमेश्वर के पवित्र लोग हऽ आउर मसीह में एकजूट साथी विश्वासी हऽ आउर जे कुलुस्से शहर में रहऽ हऽ। परमेश्वर हमनी के पिता आउर प्रभु यीशु मसीह तोरा पर लगातार दयालु बनल रहतन आउर तोहनी के शान्ति प्रदान करतन।3हम तोहनी लागी ढेर बार प्रार्थना करली हे। आउर जखनी-जखनी हम प्रार्थना करऽ ही तऽ हमनी अपन प्रभु यीशु मसीह के पिता, परमेश्वर के धन्यवाद करऽ ही,4येहिगुने काहेकि ई जान के कि तूँ मसीह यीशु पर विश्वास करऽ हऽ आउर ई कि तूँ परमेश्वर के सभे पवित्र आदमियन से प्रेम करऽ हऽ।5तूँ ई काम के येहिगुने करऽ हऽ काहेकि तूँ आशा के साथ ऊ सभे चिजवन के इंतजार कर रहलऽ हे जेकरा तोरा लागी परमेश्वर स्वर्ग में रखले हथन। जे परमेश्वर भीर तोहनी लागी हे तूँ पहिले से ही ऊ सभे के बारे में जान लेलऽ हल जखनी तूँ ऊ सच्चा संदेश के सुनलऽ, जे कि मसीह के बारे में सुसमाचार हे।6जईसे कुलुस्से में तोहनी ई शुभ संदेश के सुनलऽ हे आउर एकरा पर विश्वास करलऽ, ओईसहीं समूचे दुनियाँ बढ़ते संख्या में लोग एकरा सुन रहलन हे आउर एकरा पर विश्वास कर रहलन हे। ई लोग ई घड़ी में दोसर तरीका से जिनगी बिता रहलन हे, जौन तरह से तोहूँ ऊ घड़ी अलग तरीका से जिनगी बिता रहलऽ हल जखनी तूँ पहिला बार एकर बारे में जानलऽ आउर सचमुच में अनुभव करलऽ कि हमरा प्रति परमेश्वर कईसे दयालु होके काम करऽ हथन।7एही हथन जे सह-सेवक इपफ्रास तोहनी के बतईलन हल कि घटित होत। ऊ हमनी के जौरे मसीह लागी काम करऽ हथन, आउर हम ओकरा से प्रेम कर ही। ऊ हमनी के अगुवा के रूप में विश्वासयोग्य मसीह के सेवक ही।8ओही हमनी के बतईलन कि तूँ परमेश्वर के सभे लोग से प्रेम करऽ हथन, जे तरह से परमेश्वर के आत्मा करे लागी तोरा मजबूत करल हे।9जे इपफ्रास हमरा बतईलन ऊ सभे बात के कारण, जखनी ऊ हमरा पहिला बार तोरा बारे में बतईलन, ऊ घड़ी से हम तोहनी लागी लगातार प्रार्थना करे में ओकर जौरे जुड़ गेली। जखनी-जखनी हम तोहनी लागी प्रार्थना करऽ ही तऽ तोहनी पर ऊ सभे बात के प्रदर्शित करे लागी हम परमेश्वर से विनती करऽ ही कि जे ऊ चाहऽ हथन कि तोहनी करऽ आउर जे परमेश्वर के आत्मा तोरा सिखा रहलन हे ऊ सभे आत्मिक ज्ञान के समझे में ऊ तोरा सक्षम करतन।10हमनी प्रार्थना कर रहली हे कि तूँ जान लऽ कि परमेश्वर कौची चाहऽ हथन ताकि तूँ अईसन तरीका से जिनगी के बितावऽ जेकरा से प्रभु के आदर होवऽ हे आउर हर तरह से ऊ उनका खुश करऽ हथन। जखनी तूँ ई तरीका से जिनगी बितावल करऽ हऽ, तऽ तूँ हर तरह से अच्छा काम के कर पईवऽ आउर लगातार परमेश्वर के अच्छा तरीका से जान पईवऽ।11जखनी तूँ ई तरीका से जिनगी बितावऽ हऽ तऽ सभे हालत के धीरजपूर्वक सहे लागी सक्षम होवे ला, आउर आनन्द के साथ अईसन करे में सक्षम होवे लागी परमेश्वर तोरा बड़ी सामर्थ प्रदान करतन। परमेश्वर तोरा बड़ी सामर्थ येहिगुने प्रदान कर सकलन हे काहेकि ऊ प्रतापी रूप से शक्तिशाली हथन।12तऽ तूँ हमनी के पिता परमेश्वर के लगातार येहिगुने धन्यवाद करवऽ, काहेकि ऊ तोहनी के ऊ सभे बात में भाग लेवे के योग्य बनईलन हे जे ओकर अपन पवित्र आदमियन के तखनी देवे ला हे जखनी ऊ ओकरा जौरे रहतन।13परमेश्वर हमनी के पिता हमनी के ऊ दुष्ट के अधिकार से छोड़ा लेलन हे, जे हमनी पर काबू करल करऽ हल, आउर ऊ हमनी के अपन बेटा दे देलन, जेकरा से ऊ प्रेम करऽ हथन, जेकरा से अब हमनी उनकर बेटा के राज में आज्ञा पालन करीयई।14काहेकि हम उनकर बेटा के जौरे एकजूट हो गेली हे, येहिगुने परमेश्वर हमनी के पाप छुटकारा कर देलन हे; मतलब कि, ऊ हमनी के पापवन के मांफ कर देलन हे।15परमेश्वर के बेटा तऽ अदृश्य परमेश्वर के प्रतिरूप आउर समूचे सृष्टि में पहिलौठा हथन।16तूँ जान सकलऽ हे कि कोई भी दोसर चीज के अस्तित्व में आवे से पहिलहीं बेटा अस्तित्व में हलन आउर सभे चिजवन के ऊपर ओकर पहिला स्थान येहिगुने हल काहेकि पिता आउर बेटा मिल के जे कुछ अस्तित्व में हे ऊ सभे चिजवन के सृष्टि ऊ करलन। एकरा में शामिल हे ऊ सभे चिजवन जे स्वर्ग में हे आउर ऊ सभे चिजवन जे धरती पर हे, आउर सभे चिजवन जेकरा हमनी देख सकली हे आउर ऊ सभे चिजवन भी जेकरा हमनी देख नऽ सकली हे, आत्मिक प्राणियन जौरे जईसे कि सिंहासन, प्रभुत्व, शासन, आउर अधिकारी। पिता आउर बेटा मिल के सभे चिजवन के सृष्टि करलन, आउर सभे चिजवन बेटा के आदर करे लागी अस्तित्व हथन।17कोई भी रचना अस्तित्व में अावे से पहिलहीं बेटा अस्तित्व हलन, आउर ओही ई सभे के बनावल रखऽ हथन आउर जोड़ऽ हथन। 18कलीसिया मतलब, सभे विश्वासियन के सम्बन्ध में, ऊ ओकरा पर शासन करऽ हथन जईसे अादमियन के माथा ओखनी के देह पर शासन करऽ हथन। जखनी ऊ मरला के बाद फिनो से जी उठे वाला पहिला आदमी हलन कि फिनो कभी नऽ मरतन तऽ ऊ कलीसिया लागी ई शुरु करे लागी संभव करलन। ओकर बारे में ई बात के चलते, ऊ कोई भी चिजवन से आउर दोसर कोई आदमी से बड़ा आउर जादे महत्वपूर्ण हे।19बेटा सभे चिजवन पर शासन एहिगुने करऽ हथन काहेकि बेटा ही पूरा तौर से परमेश्वर हथन, येहिगुने पिता आनन्दपूर्वक ओकर होवे के इच्छा करलन हल।20परमेश्वर पिता भी बेटा के लहू के जरिये आनन्दपूर्वक काम करे के चुनाव करलन जेकरा से समूचे धरती के सभे चिजवन आउर स्वर्ग के सभे चिजवन आउर सभे आदमियन जेकरा ऊ सृष्टि करलन हे उनका खुद से मेल-जोल करवईतन। जे घड़ी उनकर बेटा क्रूस पर मरलन, तखनी अपन बेटा के जरिये परमेश्वर अईसन करलन, जे परमेश्वर आउर उनकर सृष्टि के बीच में सभे बात में शान्ति स्थापित करलन।21एकरा से पहिले कि तूँ मसीह पर विश्वास करलऽ तूँ परमेश्वर भीर आवेला नऽ चाहऽ हल, आउर तूँ उनकर दुश्मन हलऽ काहेकि जे कुछ भी तूँ सोचलऽ आउर विचार करलऽ ऊ बुरा हल।22बाकि अखनी ई पूरा तोर से बदल गेलन हे कि तूँ यीशु पर विश्वास करऽ हऽ! जखनी उनकर बेटा देह में आदमी बनलन आउर मर गेलन तऽ अपन बेटा के जरिये मेल-मिलाप करे के द्वारा तोहनी के आउर अपन बीच के पवित्र सम्बन्ध परमेश्वर पिता ठीक कर देलन हे। परमेश्वर पिता ऊ सम्बन्ध के ठीक कर देलन जेकरा से तोहनी ओकर साथे ऊ लोगवन के समान रह सकऽ जे पाप से छूट के स्वतंत्र हथन।23तोहनी के बारे में ई पूरा सच हे जखनी तक तोहनी भरोसा के साथ मसीह पर विश्वास करे ला नींव रखऽ हऽ, आउर जखनी तक तूँ भरोसा के साथ परमेश्वर से ऊ करे के आशा करे ला छोड़ नऽ दऽ जेकरा ऊ सुसमाचार में वादा करलन हे जेकरा तोहनी सुनलऽ हे आउर जेकरा समूचे संसार के लोगवन भी सुनलन जे स्वर्ग के निचे हे। हम, पौलुस, ओही शुभ सन्देश के लोगवन में प्रचार करे के द्वारा जेकर हम परमेश्वर के सेवक ही।24वर्तमान समय में हम आनन्द के साथ येहिगुने दुःख उठावऽ ही काहेकि ई तोरा फईदा लागी हे। हम शारीरिक तोर पर दुःख उठावऽ ही जेकरा से दुःख उठावे के अपन हिस्सा के पूरा करीयई जेकरा मसीह अपन लोगवन मतलब कलीसिया लागी शुरु करलन, जे मसीह के खुद के देह के तरह हे।25परमेश्वर हमरा उनकर कलीसिया के सेवा करे लागी बोलईलन हे आउर ऊ खास तोर से हमरा अपन ऊ योजना के पूरा करे लागी सेवक नियुक्त करलन जे तोरा विषय में हे। ई योजना में हमर हिस्सा हे परमेश्वर के तरफ से आयेल समूचे संदेश के तोहनी गैर-यहूदियन में प्रचार करिहऽ।26एक लम्बा समय से एकरा लोगवन से छिपा के रखलन, परमेश्वर ई संदेश के गुप्त रखलन, बाकि अखनी ऊ ई संदेश के अपन पवित्र लोगवन पर उजागर कर देलन हे।27परमेश्वर अपन लोगवन के ई बड़ी ही उत्तम संदेश के बतावे ला चाहऽ हलन जे गुप्त हल, जे गैर-यहूदियन पर आउर साथे-साथ यहूदियन पर भी लागू होवऽ हे। रहस्य के महिमा ई हे कि मसीह तोहनी अन्यजातियन के जौरे एकजूट हो गेलन हे, जेकर मतलब हे कि तोहनी आशा के साथ मसीह के जईसन तेजस्वी प्राणी बने के आसरा कर सकऽ हऽ।28ई ऊहें मसीह हथन जिनकर हम सभे लोगवन में प्रचार करऽ ही। जखनी हम उनकर बारे में बात करऽ ही तऽ जेतना हम कर सकली हे हम हर एक आदमी के बुद्धिमानी से चेतौनी दे ही आउर सिखावऽ ही। हम ई काम के येहिगुने करऽ ही कि जेकरा से ई लोगवन में से एक-एक जन मसीह के साथ सभे आदमी के एकता में आत्मिक तरीका से परिपक्व हो जायेम।29जे कुछ भी हम करऽ ही ओकरा में हम कड़ा मेहनत करऽ ही येहिगुने ऊ लक्ष्य के पूरा कर सकम। हम अईसन येहिगुने कर सकली हे काहेकि मसीह हमरा सामर्थी रूप से एकरा करे लागी सक्षम कर रहलन हे।
Bridge Connectivity Solutions Pvt. Ltd.