Philippians2
1येहिगुने, जदि मसीह में कोई प्रोत्साहन हे, जदि कोई प्रेम भरल तसल्ली हे, जदि कोई आत्मा कि सहभागी हे, जदि कोई प्रेम आउर दया हे,2तऽ हमर आनन्द के पूरा करऽ कि तूँ एक जईसन ही विचार करऽ, एक जईसन ही प्रेम रखऽ, आत्मा में जुड़ के रहऽ, एक ही बात के विचार रखऽ।3स्वार्थी महत्वाकांक्षा चाहे खोखला अभिमान के लागी कुछो मत करऽ, बाकि विनम्रतापूर्वक दोसर के अपने से बेहतर समझऽ,4सभे आदमी खुद के चिजवन लागी खाली नऽ सोचतन, बाकि एक दोसरा के चिजवन लागी भी सोचतन।5ई विचार के अपन भीतर रखऽ जे मसीह यीशु में भी हलऽ6जे, परमेश्वर के समानता में अवतरित होके भी, परमेश्वर के बराबर होवे के पकड़ के रखे जईसन कोई बात नऽ समझलन।7एकरा बजाय, उनकर दास के रूप धारण कर लेलन, आउर आदमियन के जईसन जनम लेके आउर एगो आदमी के रूप में प्रकट होके, खुद के खाली कर देलन,8आउर मरे घड़ी तक, ईहाँ तक कि क्रूस के मृत्यु तक आज्ञाकारी होके, ऊ खुद के नम्र करलन!9येहिगुने परमेश्वर भी उनकर बड़ी जादे बड़ाई करलन, आउर उनकर अईसन नाम देलन जे सभे नाम से ऊँचा हे।10जेकरा स्वर्ग में आउर धरती पर आउर धरती के निचे सभे कोई घुटना यीशु नाम के आगे टेकतन,11आउर परमेश्वर पिता के महिमा लागी सभे जीभ अंगीकार करतन कि यीशु मसीह ही प्रभु हथन।12येहिगुने फिन, हे हमर प्रिय, जे तरह से तूँ नऽ खाली हमर मौजूदगी में, बाकि ओकरा से भी बढ़ के ई समय हमर गैरहाजरी में हमेशा आज्ञा मान लऽ हे, तऽ डरते आउर काँपते अपन खुद के उद्धार लागी काम करऽ।13काहेकि ऊ परमेश्वर ही हथन जे इच्छा आउर काम दूनो लागी अपन भली प्रसन्नता लागी तोहनी में काम कर रहलन हे।14सभे काम के बिना शिकायत कईले चाहे बिना कुड़कुड़ईले करऽ15जेकरा से तूँ बेकसूर आउर शुद्ध हो जा, परमेश्वर के अईसन बेकसूर सन्तान जे कुटिल आउर विकृत पीढ़ी के बीच में रहऽ हथन, जिनकर बीच में तूँ संसार में दीपक के समान चमकऽ हऽ,16मसीह के दिन हमर घमण्ड लागी जिनगी के सन्देश के पकड़लऽ कि हम बेकार नऽ दौड़ली, आउर नऽ बेकार मेहनत करली।17बाकि ईहाँ तक कि जदि हम तोर विश्वास के बलिदान आउर सेवा पर चढ़ावे के रूप में उण्डेलल भी जा रहली हे, तऽ हम आनन्दित ही आउर तोहनी सभे के जौरे आनन्द करऽ ही।18अब ऊ रीति से, तूँ भी आनन्दित होवऽ आउर हमरा जौरे आनन्द करऽ हऽ।19अब हम जल्दी ही तीमुथियुस के तोरा भीर भेजे के प्रभु यीशु में आशा करऽ ही जेकरा से तोर विषय में बात के जानकारी प्राप्त कर के हम भी प्रोत्साहित हो जायेम।20काहेकि हमरा पास ओईसन समान विचारधारा वाला कोई नऽ हे, जे तोर बात के बारे में सच रूप से चिंतित होतन,21काहेकि ऊ सभे यीशु मसीह कि बात के नऽ, अपन ही बात के खोज में रहऽ हथन।22बाकि तूँ उनकर साबित करल गेल मूल्य के जानऽ हऽ, कि अपन पिता के जौरे एगो बालक के रूप में, सुसमाचार में ऊ हमरा जौरे सेवा करलन।23येहिगुने, जईसे ही हम देखम कि हमर बारे में हालत कईसे घटित होत, ओही घड़ी हम उनका भेजे कि आशा रखऽ ही।24बाकि हम प्रभु पर भरोसा रखऽ ही कि हम खुद भी जल्दी ही आयेम।25अब हम इपफ्रुदीतुस के तोहनी भीर भेजे ला जरुरी समझऽ ही, जे हमर विश्वासी आउर सहकर्मी आउर साथी योद्धा, आउर तोर सन्देशवाहक आउर हमर जरुरतवन लागी सेवक हथन,26ई देखते कि ऊ तोहनी सभे के जौरे रहे के ललसा रखऽ हथन, आउर काहेकि तूँ सुनलऽ कि ऊ बेमार हल येहिगुने ऊ दुःखी हथन।27काहेकि सचमुच ऊ मरे के कगार तक बेमार हल, बाकि परमेश्वर ओकरा पर दया करलन, आउर खाली ओकरा पर ही नऽ, बाकि हमरो पर भी, जेकरा से हमरा दुःख पर दुःख नऽ मिलत।28येहिगुने, हम ओकरा आउर जादे आतुरता के जौरे भेज देली, जेकरा से, उनका फिन से देख के, तूँ आनन्द करऽ, आउर हम पीड़ा से मुक्त हो जायेम।29येहिगुने, पूरा आनन्द के जौरे प्रभु में होके उनका स्वागत करऽ, आउर जे उनका जईसन हथन उनका आदर करल करऽ।30काहेकि मसीह के काम के चलते, अपन जिनगी के जोखिम में डाल के ऊ मृत्यु के नजदीक ला आ गेलन हल, जेकरा से ऊ हमर सेवा में तोर कमी के पूरा करतन।
Bridge Connectivity Solutions Pvt. Ltd.