Philippians1
1पौलुस आउर तीमुथियुस, जे मसीह यीशु के दास हथन, उनकर तरफ से अध्यक्षवन आउर सेवकवन जौरे, ऊ सभे मसीह यीशु के पवित्र लोगवन के नाम जे फिलिप्पी शहर में हथन, 2तोहनी पर अनुग्रह होवे आउर हमनी के पिता परमेश्वर आउर प्रभु यीशु मसीह के तरफ से शान्ति मिलत।3तोहनी के बारे में अपन सभे स्मरण में हम अपन परमेश्वर के धन्यवाद करऽ ही,4हमेशा, तूँ सभे लागी हमर सभे विनती में, आनन्द के साथे अपन प्रार्थना करऽ ही5पहिला दिन से लेके ई घड़ी ला सुसमाचार में तोरा सहभागिता के चलते;6ई भरोसेमंद बात के मान ले ही, कि जे तोहनी में भला काम के शुरु करलन हे ओही एकरा यीशु मसीह के दिन ला पूरा करतन;7जईसे तूँ सभे के बारे में ई रीति से विचार करिहऽ हमरा लागी सही हे काहेकि, तूँ हमर हृदय में हऽ, तूँ सभे के सभे सिकड़वन में आउर सुसमाचार के हमर बचाव आउर पुष्टिकरण दूनो में हमरा जौरे अनुग्रह में सहभागी रहलऽ हे।8काहेकि परमेश्वर हमर गवाह हथन, कि कईसे हम मसीह यीशु के गहरा प्रेम से तोहनी सभे के ललसा करऽ ही।9आउर हम ई प्रार्थना करऽ ही: कि तोहनी के प्रेम ज्ञान आउर सभे समझ में जादे से जादे बढ़ईते जाय10जेकरा से जे बढ़ियाँ हथन तूँ उनका सहमति दऽ, जेकरा से कि तूँ मसीह के दिन तक शुद्ध आउर बेकसूर बनल रहऽ,11धार्मिकता के फल से भरपूर होके जे कि परमेश्वर के महिमा आउर प्रशंसा लागी यीशु मसीह के तरफ से हे। 12हे भईवन, अब हम चाहऽ ही कि तूँ जान लऽ, हमर बारे में जे बात होल ऊ सच में सुसमाचार के उन्नति लागी घटित होल हे। 13जेकर नतीजा, मसीह में हमर सिकड़वन समूचे महल के पहरदारवन के बीच में आउर बाकि सभे पर प्रकट हो गेल हे।14आउर ज्यादा भाई लोग हमर सिकड़वन से ढेर निडरता से वचन सुनावे के साहस करे ला प्रभु में प्रोत्साहित होलन हे।15कुछ लोग सच में डाह आउर झगड़ा के चलते मसीह के प्रचार करऽ हथन, बाकि कुछ लोग बढ़ियाँ इच्छा से भी करऽ हथन, 16प्रेम रखे वालन ई समझ गेलन हे कि हम सुसमाचार के बचाव करे लागी नियुक्त करल गेली हे,17बाकि स्वार्थी महत्वाकांक्षा रखे वालन हमर सिकड़वन में हमरा लागी दुःख बढ़ावे के इच्छा कर के मसीह के प्रचार ईमानदारी से नऽ करऽ हथन।18तऽ का होल? हर तरीका से खाली येही चाहे बहाना से चाहे सच में मसीह का प्रचार होल हे, आउर हम ई में आनन्द करऽ ही। हाँ, आउर हम आनन्द करम,19काहेकि हम जानऽ ही कि तोहनी के प्रार्थना आउर यीशु मसीह के आत्मा के प्रावधान के द्वारा एकर नतीजा हमर उद्धार होत, 20हमर उत्सुक अपेक्षा आउर आशा के जईसन कि हम कोई बात में लज्जित नऽ होयेम, बाकि सभे बात में धीरज रखम, आउर ई कि हमेशा के जईसन, अखनियो भी, चाहे जिनगी के द्वारा चाहे मृत्यु के द्वारा हमर देह से मसीह के बड़ाई करल जायेत।21काहेकि हमरा लागी जिन्दा रहे ला मसीह हे, आउर मर जायला फईदा हे।22अब चाहे देह में जिन्दा रहे ला हे, तऽ ई हमरा लागी फलदायी परिश्रम हे, बाकि हम नऽ जानऽ कि हम केकर चुनम।23बाकि हम ई दूनो के जरिये जोर से दब गेली हे, ई इच्छा करते चल जायेम आउर मसीह के पास रहम, काहेकि ई बड़ी बढ़ियाँ हे,24बाकि देह में रहे ला तोहनी के चलते जादे जरुरी हे।25आउर ई भरोसेमंद बात के मान के, हम जानऽ ही कि हम बनल रहम, आउर विश्वास में तोर उन्नति आउर आनन्द लागी हम तोरा जौरे हमेशा रहम26जेकरा से तोहनी भीर फिन आवे के द्वारा मसीह यीशु पर तोहनी के घमण्ड हमरा में बढ़ते रहई।27मसीह के सुसमाचार के योग्य तरीका से खाली खुद के चलावऽ जेकरा कि चाहे आवे वाला पर आउर तोरा देख के चाहे गैरहाजरी में, हम तोर बारे में सुनऽ ही, कि तूँ एगो पवित्र आत्मा में स्थिर खड़ा रहऽ हऽ, एक चित्त होके सुसमाचार पर विश्वास लागी एक जौरे प्रयास करऽ हऽ।28आउर जे तोर विरोध करऽ हे ओकरा से कोई बात में मत डरऽ। ई उनका लागी उनकर विनाश के, बाकि तोर उद्धार के चिन्ह हे आउर ई परमेश्वर के तरफ से हे।29काहेकि ई मसीह के तरफ से तोरा नऽ खाली ओकरा पर विश्वास करे ला, बाकि ओकर ओर से दु:ख उठावे लागी भी मुफ्त देवल गेल हे,30ओईसने ही मेहनत करऽ जईसन तोहनी हमरा में देख लऽ, आउर अब तूँ हमरा से सुनऽ हऽ।
Bridge Connectivity Solutions Pvt. Ltd.