Philemon1
1हम पौलुस, जे मसीह यीशु के सेवा करे के चलते बंदी ही, आउर साथी विश्वासी तीमुथियुस तरफ से प्रिय जन आउर हमर सहकर्मी फिलेमोन के नाम, 2आउर हमर बहिन अफफिया के नाम, आउर हमनी के साथी योद्धा अरखिप्पुस के नाम, आउर तोर घरे के कलीसिया के नाम।3तोरा पर अनुग्रह होवे आउर हमर पिता परमेश्वर आउर हमर प्रभु यीशु मसीह के तरफ से शान्ति मिलत।4हम तोरा अपन प्रार्थना में याद कर के, हमेशा अपन परमेश्वर के धन्यवाद करऽ ही।5तोर प्रेम आउर विश्वास के बारे में सुन के जौन तोरा प्रभु यीशु पर हे आउर सभे पवित्र विश्वासियन लागी हे।6कि तोर विश्वास के सहभागिता हरेक अच्छा बात के ज्ञान के जरिये से प्रभावी होवे जौन मसीह लागी हमर बीच में हे।7काहेकि तोर प्रेम के चलते हमनी के बड़ी आनन्द आउर प्रोत्साहन मिलल हे, काहेकि हे भाई, तोरा द्वारा पवित्र लोग के अन्दर वाला अंग तरोताजा हो गेल हे।8येहिसे, मसीह में तोरा आज्ञा देवे लागी हिम्मत कर के, जे काम करे लागी ठीक हे,9आज्ञा देवे के बजाय उनकर, प्रेम के चलते हम तोरा से विनती करऽ ही पौलुस, एगो बूढ़ा अादमी होवे के नाते आउर जौन ई घड़ी में मसीह यीशु के बन्दी भी हथन। 10हम अपन बेटा उनेसिमुस के तरफ से तोरा निवेदन कर रहली हे, जेकरा हम अपन कैद में सिकड़वन में जकड़ले जलमईली हे।11पहिले के समय में ऊ तोरा ला बेकार हल, बाकि ई घड़ी ऊ तोरा आउर हमरा दूनो लागी उपयोगी हे।12ओकरा हम तोरा भीर वापस भेजली हे। ऊ जे हमर अंदरूनी अंग हे।13हम ओकरा अपना जौरे रखे के इच्छा करली हल, जेकरा से ऊ तोरा तरफ से सुसमाचार के सिकड़वन में हमर सेवा करत।14बाकि हम तोर सहमति के बिना कुछ भी करे ला नऽ चाहली, जेकरा से तोर भलाई के काम मजबूरी के वजह से नऽ होवे बाकि बढ़ियाँ इच्छा के मुताबिक होवे।15काहेकि हो सकऽ हे: एही चलते ओकरा तोरा से कुछ घड़ी ला अलग करल गेल हल, जेकरा से तूँ ओकरा हमेशा लागी वापस पा लेवऽ,16अखनी दास के जईसन नऽ, बाकि दास से भी बढ़ के एगो प्रिय भाई, खास कर के हमरा ला, बाकि ओकरा से भी जादे तोरा ला, देह आउर प्रभु दूनो में।17येहिसे, जदि तूँ हमरा एगो सहभागी के रूप में मान लऽ, तऽ ओकरा भी हमरे जईसन ग्रहण करऽ।18बाकि जदि ऊ तोरा साथे गलत काम करलन हे चाहे ओकरा पर तोरा कुछ कर्जा हे, तऽ ऊ हमरा से ले लिहऽ।19हम, पौलुस, ई बात के अपन हाथ से लिखऽ ही। हम खुद ऊ लौटा देम तोरा से ई कहे के जरुरत नऽ हे कि तूँ खुदे ही तोरा पर हमरा कर्जा हे!20हाँ, हे भाई, का हम प्रभु में तोरा से फायदा उठा सकऽ ही; मसीह में अंदरूनी अंगवन के तरोताजा कर दऽ21तोर आज्ञाकारी होवे के बारे में भरोसा करते, हम ई जान के तोरा ई चिट्ठी लिखली कि जौन हम कह रहली हे तूँ ओकरा से बढ़ के करवऽ।22बाकि जौरे-जौरे हमरा ला भी एगो अतिथिकक्ष के तईयार करऽ, काहेकि हम उम्मीद करऽ ही कि तोर प्रार्थनावन के जरिये हम तोरा भीर लौटा देवल जायेम।23इपफ्रास, जौन मसीह यीशु में हमरा जौरे बंदी हथन, तोरा प्रणाम करऽ ही।24आउर हमर सहकर्मी मरकुस, अरिस्तर्खुस, देमास, आउर लूका।25हमनी के प्रभु यीशु मसीह के अनुग्रह तोहनी सभे के आत्मा के साथे बनल रहे। आमीन
Bridge Connectivity Solutions Pvt. Ltd.