Hebrews1
1सालो पहिले परमेश्वर हमनी के पुरखावन से जरी-जरी कर के आउर बड़ी सा तरीका से अपन भविष्यद्वक्तावन के जरिये बात करलन हल,2आउर ई दिन के आखिर में हमनी से ऊ बेटा के जरिये बात करलन, जिनका ऊ सभे चिजवन के वारिस ठहरा देलन, आउर उनकर जरिये से ऊ युग-युग के रचना करलन; 3ऊ जे उनकर महिमा के तेज उनकर अस्तित्व के सही प्रतिरूप हे आउर अपन सामर्थ के वचन से सभे चिजवन के सम्हारले रहऽ हथन आउर पापवन के शुद्ध कर के महामहिम के दहिना तरफ ऊँचा पर विराजमान होलन; 4ऊ स्वर्गदूतवन से बढ़ के श्रेष्ठ येहिगुने ठहरलन काहेकि उनका उनकर से भी जादे बढ़ियाँ नाम विरासत में मिलल हे।5काहेकि स्वर्गदूतवन में से कोई अईसन कखनी कहलन कि,“तूँ हमर बेटा हऽ।हम आज तोरा जनम देली हे”?चाहे फिन अईसन कहलन कि,“हम उनकर पिता के जईसन रहम,आउर ऊ हमरा लागी बेटा के जईसन होतन”? 6बाकि फिन जब, ऊ पहिलौठा के दुनियाँ में लईलन, तऽ ऊ कहऽ हथन कि, “आउर परमेश्वर के सभे स्वर्गदूत उनका दण्डवत करतन।” 7आउर एक तरफ स्वर्गदूतवन के बारे में, ऊ कहऽ हथन कि,“परमेश्वर अपन स्वर्गदूतवन के आत्मा बनावऽ हथन,आउर अपन दासवन के आग के ज्वाला बनावऽ हथन।” 8बाकि दोसरका तरफ बेटा के बारे ऊ कहऽ हथन कि,“हे परमेश्वर, तोर सिंहासन सदा हमेशा बनल रहत,आउर उनकर राज के राजदण्ड धार्मिकता के राजदण्ड हे।9तूँ धार्मिकता से प्रेम रख लऽ आउर अधर्म से दुश्मनी रख लऽ।ई चलते परमेश्वर, मतलब तोर परमेश्वर,हर्ष के तेल से तोर साथियन से भी जादे तोरा अभिषेक करलन हे।” 10आउर “हे प्रभु तूँही आदि में तूँ धरती के नींव रख लऽ,आउर स्वर्ग तोर हाथ के कारीगरी हे। 11ऊ खुद तऽ खतम हो जईतन बाकि तूँ बनल रहवऽआउर ऊ सभे कोई कपड़ा के जईसन मैला हो जायेत,12आउर तूँ ओकरा चादर के जईसन लपेट देवऽ,आउर कपड़ा के जईसन बदल जईतन,बाकि तूँ तऽ ओही हऽ,आउर तोर साल के पतन नऽ होत।” 13बाकि स्वर्गदूतवन में से कखनी ऊ केकरो से अईसन कहलन कि,“हमर दहिना तरफ बईठऽ,जब ला कि हम तोर सभे दुश्मन के तोर गोड़ के चौकी नऽ बना देम”? 14का ऊ सभे सेवा टहल करे वाला ओही आत्मावन नऽ, जे उद्धार पावेवालन के सेवा करे लागी भेजल जा हे?
Bridge Connectivity Solutions Pvt. Ltd.