Numbers36
1तब मनश्शे के बेटा गिलाद जौन माकीर बेटा आउर मनश्शे के पोता हल, जौन यूसुफ के वंश कुल के हलन, एक दिन आके मूसा आउर प्रधान लोग के सामने जौन इस्राएली लोग के घराना के प्रधान आदमी हलन, बतिया ई लगलन।2ऊ कहलन, "हमर मालिक, यहोवा तोरा हुकुम देलन हे कि तूँ इस्राएली लोग के चिट्ठी डाल के जमीन के हिस्सा दे दिहऽ। यहोवा तोरा आज्ञा देलन हल कि हमर भाई सलोफाद के हिस्सा उनकर बेटियन के दे दिहऽ।3बाकि जदि सलोफाद के बेटी इस्राएल के लोग के कोई दूसरा गोत्र के लोग से बियाह करऽ हे, तऽ ओकर हिस्सा हमनी के पुरखा के हिस्सा से छीन लेवल जईतई। ई ऊ गोत्र के हिस्सा में जोड़ देवल जईतई जेकरा में ऊ शामिल होतन। ऊ हालत में, एकरा हमर बाप-दादा के कहल गेल हिस्सा से घटा देवल जईतई।4ऊ दशा में जखनी इस्राएली लोग के जुबली साल आवत, तब उनकर हिस्सा ऊ गोत्र में हो जईतई जेकरा से ऊ अईलन हे। ई तरह से, हमनी के पुरखा के गोत्र के हिस्सा से उनकर हिस्सा छीन लेवल जईतई। 5तब मूसा यहोवा के वचन पर इस्राएली लोग के आज्ञा देलन। ऊ कहलन, "यूसुफ के वंशज के मनश्शे के गोत्र जौन कहलन ऊ सही हे।6यहोवा सलोफाद के बेटी के बारे में ई हुकूम दे हथन। ऊ कहऽ हथन, 'ओकर वियाह करे दऽ जेकरा ऊ सभे से बढ़ियाँ समझऽ हे, बाकि ऊ अपन बाबूजी के गोत्र के परिवारे में वियाह करे के चाही।7इस्राएल के लोग के कोई हिस्सा एक परिवार के समाज से दूसरा परिवार के समाज में नऽ बदलत। इस्राएल के लोग में से सभे कोई के अपन पुरखा के गोत्र के हिस्सा के साथे बनल रहे के चाही।8इस्राएल के लोग में से हरेक औरत जेकर अपन गोत्र में हिस्सा होवे, अपन बाबूजी के गोत्र के कुल में से कोई से वियाह करतन। ई येहिसे हे ताकि इस्राएल के लोग में से सभे अपन पुरखा से बिरासत में मिल सकत।9कोई भी हिस्सा एगो गोत्र से दूसरा गोत्र में हाथ नऽ बदल सकल हे। इस्राएल के लोग के गोत्र में से सभे के अपन-अपन हिस्सा सुरक्षित रखे के चाही।10ई तरह से सलोफाद के बेटियन ओही कईलन जौन यहोवा मूसा के आज्ञा देलन हल।11महला, तिर्सा, होग्ला, मिल्का, आउर सलोफाद के बेटी नोवा, मनश्शे के वंशज से बियाह कईलन।12आउर ओखनी यूसुफ के बेटा मनश्शे के वंश कुल में बियाह कईलन। ई तरह से, उनकर विरासत ऊ गोत्र में बनल रहल जेकरा से उनकर बाबूजी समाज से जुड़ल हलन।13जौन आज्ञा आउर नियम यहोवा मूसा के द्वारा इस्राएली लोग के मोआब के अराबा में यरीहो शहर में यरदन नदी भीर देलन, ऊ येही सब हे।
Bridge Connectivity Solutions Pvt. Ltd.