Deuteronomy1
1ई सभे ओही वचन हे जौन मूसा जंगलवा में पैदल चललन यरदन नदी के पार सूप के सामने के अराबा में, आउर पारान, तोपेल, लाबान, हसेरोत, आउर दिजाहाब के बीच में यरदन नदी के घाटी में सभे इस्राएलियन से कहलन। 2होरेब से सेईर पर्वत के राह से कादेशबर्ने तक 11 दिन के राह हे। 3चालीसवाँ साल के ग्यारहवाँ महीना के पहिला दिन मूसा इस्राएलियन से बात कईलन, जे कुछ यहोवा उनका उनकर बारे में आज्ञा देलन हल।4ई तखनी होल, जखनी यहोवा एमोरियन के राजा सीहोन पर, जौन हेशबोन में रह हलन, आउर बाशान के राजा ओग पर, जौन एद्रेई में अश्तारोत में रह हलन, हमला कईलन हल।5यरदन के पार मोआब देश में मूसा ई सभे आज्ञा के सुने ला सुरु कईलन,6"हमर परमेश्वर यहोवा होरेब पर्वत में हमरा से कहलन, तूँ ई पहाड़ी देश में बड़ी दिन रह चुकलऽ हे। 7आउर जतरा कर आउर एमोरी लोग के पहाड़ी देश में, आउर ओकरा भीर के यरदन नदी के घाटी में, आउर पहाड़ी देश में, आउर अराबा में, आउर दक्खिन देश में जतरा करिहऽ, आउर समुद्र के किनारे के सब जगह पर, आउर कनानियन के देश, आउर लबानोन में महानद परात ला आउर समुद्र के किनारे के सभे जगह पर जईहऽ।8देख, हम देश के तोरा सामने कर देली हे; जौन देश के यहोवा अब्राहम, इसहाक, आउर याकूब तोर पुरखन से किरिया खा के कहलन हल कि तूँ उनका आउर ओकर बाद उनकर वंश के भी देवे के किरिया खईलऽ हे ऊ देश में जा, आउर ओकरा अपन अधिकार में लेलऽ।9ऊ घड़ी हम तोरा से बात कर के कहली, हम तोरा अकेले नऽ उठा सकऽ ही।10तोर पूर्वज के परमेश्वर यहोवा तोरा बड़ी बढ़ईलन हे, आउर देखऽ, आज तूँ आसमान के तरेगन के जइसन हो गेलऽ हे। 11तोर पितरवन के परमेश्वर यहोवा तोरा तोर जईसन हजारगुना करतन, आउर अपन वचन के मोताबिक तोरा आशीष देतन!12बाकि हम अकेलहीं तोर भार, तोर बोझ, आउर तोर झगड़ा कईसे उठा सकली हे?13सभे गोत्र में से बुद्धिमान, समझदार, आउर इज्जतदार आदमी के लेलऽ, आउर हम उनका तोरा पर प्रधान ठहरायेम।14तऽ तूँ हमरा जबाब दे के कहलऽ, जौन बतिया तूँ कहलऽ हे ऊ हमरा ला बढ़िया हे।15येहिसे हम तोर गोत्रवन में से मुख्य आदमी के, बुद्धिमान आउर इज्जतदार आदमी के ले लेली हे, आउर उनका तोरा पर प्रधान के नियुक्त कईली हे, मतलब कि हजार-हजार, सौ-सौ, पचास-पचास, दस-दस, आउर गोत्र के प्रधान के।16ऊ घड़ी हम तोर न्यायियन के ई आज्ञा देली, कि अपन भईवन के बीच में के मुकदमा सुनऽ, आउर कोई आदमी, आउर ओकर भाई, आउर जौन परदेशी हे उनका साथे होवे ओकर न्याय धर्म से करऽ। 17तूँ झगड़ा में कोई के पक्षपात नऽ करिहऽ; तूँ छोटका आउर बड़का दुन्नो के एक समान सुनिहऽ। तूँ आदमी के सामने नऽ डरिहऽ, काहेकि न्याय परमेश्वर के हे। जौन विवाद तोरा ला कड़ा हे, ओकरा तूँ हमरा भीर लईहऽ, आउर हम ओकरा सुनम। 18ऊ घड़ी तोरा सभे काम के आज्ञा देम जौन तोरा करे ला हे। 19हम अपन परमेश्वर यहोवा के आज्ञा के मोताबिक होरेब छोड़ के ऊ समूचे बड़का आउर भयानक जंगल में से होके, जौन तूँ देख लऽ हल, चाहे एमोरियन के पहाड़ी देश दने चलली; आउर हम कादेशबर्ने शहर तक गेली।20हम तोरा से कहली, तूँ एमोरियन के पहाड़ी देश में आ गेलऽ हे, जेकरा हमर यहोवा परमेश्वर हमरा देलन हे।21देखऽ, तोर परमेश्वर यहोवा देश के तोर सामने दे देलन हे; तोर पितरवन के परमेश्वर यहोवा तोरा जे कहलन हे, उनके मोताबिक चढ़ाई करिहऽ, आउर अधिकार में कर लिहऽ; मत डरिहऽ, नऽ निराश होईहऽ।22तोहनी में से सभे कोई हमरा भीर आके कहलन, हम अपन आगे मरद के भेजम, कि ऊ हमरा लागी देश के पता लगईतन, आउर हमरा ऊ राह के बारे में बतईतन जेकरा से हमरा चढ़ाई करे ला हे, आउर हमरा नजदीक के नगर के बारे में बतईतन जेकरा में हम आयेम।23ई सलाह से हम खुश होली; हम तोहनी में से बारहगो आदमी के, मतलब कि सभे गोत्र से एक एक गो आदमी के ले लेली।24आउर ऊ बारह आदमी मुड़ के पहाड़ी देश पर चढ़ गेलन, आउर एशकोल नाम के नाला तक पहुँचलन, आउर ओकर भेद लेलन।25आउर ऊ देश के उपज में से कुछ अपने हाथ में लेके हमरा भीर लईलन। ऊ हमरा भीर सन्देश पहुँचईलन आउर कहलन, 'ई एगो बढ़िया देश हे जेकरा परमेश्वर यहोवा हमरा दे रहलन हे।26तईयो तूँ चढ़ाई करे से इनकार कईलऽ, बाकि अपन परमेश्वर यहोवा के आज्ञा के खिलाफ बगावत कईलऽ।27आउर तूँ अपन-अपन डेरवा में शिकायत कर के कहे लगलऽ, यहोवा हमरा से दुश्मनी रखऽ हथिन, येहिगुने ऊ हमरा मिस्र देश से निकास के ले अईलन हे, कि हमरा एमोरियन के हाथ में कर देतन, कि ऊ हमरा नाश करत।28अब हम कहाँ जा सकली हे? हमर भईवन ई कह के हमर दिल के पिघला देलक हे, 'कि ओखनी हमरा से बड़गो आउर लम्बा हथिन; उनकर नगर विशाल आउर आसमान ला मजबूत कईल गेल हे; एकर बदले, हम उहाँ अनाकवंशियन के बेटवन के देखली हे।" 29तऽ हम तोरा से कहली, मत घबरा, आउर न ओकरा से डेरा।30तोर परमेश्वर यहोवा जौन तोर आगे-आगे चलऽ हथिन, ऊ जइसन मिस्र में तोरा सामने तोरा ला कईलन हे ओईसहीं तोरा ला लड़तन।31आउर जंगल में भी, जेज्जा तूँ देख लऽ कि तोर परमेश्वर यहोवा तोहनी के सुरक्षित ई जगह पर ले अईलन, जईसे कोई आदमी अपन बेटा के ले जा हे। 32तईयो ई वचन के रहते भर में भी तूँ अपन परमेश्वर यहोवा के विश्वास नऽ कईलऽ,33जौन रात के आग में, आउर दिन के बादल में, तोरा लागी डेरा डाले के जगह खोजे ला तोर आगे-आगे चललन।34यहोवा तोर बतिया के सुनलन, आउर गोस्सा होलन; ऊ किरिया खईलन आउर कहलन,35पक्का ई दुष्ट पीढ़ी में से एगो भी आदमी ऊ अच्छा देश के देखे न पईतन, जेकरा हम तोर पुरखावन के देवे के किरिया खईली हे।36यपुन्ने के बेटा कालेब के बचावऽ; ऊ एकरा देखतन, हम ओकरा ऊ देश दे देम जेकरा पर ऊ कदम रखलन हे, आउर ओकर लईकमन के भी देम, काहेकि ऊ पूरा तरह से यहोवा के अनुशरण कईलन हे।37आउर यहोवा तोरा वजह से हमरा पर गोस्सा होलन, आउर कहलन, तूँ भी उहाँ जाय न पईवऽ;38नून के बेटा यहोशू जौन तोर सामने खड़ा रहऽ हथिन, उनकर हौसला बढ़ावऽ, ऊ ओही हे जे ऊ इस्राएल के ओकरा उत्तराधिकार देलईतन।39आउर तोर छोटका-छोटका लईकमन, जेकरा बारे में तूँ कहलऽ कि ऊ दुखी होतन जौन आज निमन चाहे दोम के कुछ भी ज्ञान नऽ रखऽ हथन, ऊ भी उहाँ जईतन। हम एकरा उनका दे देम, आउर ऊ एकरा पर अधिकार कर लेतन।40बाकि तूँ मुड़ऽ, आउर जंगल में लाल सागर के राह से जतरा करऽ।41तऽ तूँ हमरा से कहलऽ, हम यहोवा के खिलाफ पाप कईली हे; हम चढ़ाई करम आउर लड़म, आउर जे कुछ परमेश्वर यहोवा हमरा करे ला आज्ञा देलन हे ओकरा पालन करम।42यहोवा हमरा से कहलन, उनका से कहऽ, हमला मत करऽ, आउर मत लड़ऽ, काहेकि हम तोरा साथे नऽ रहम, आउर तूँ अपन दुश्मन से हार जईबऽ।43हम तोरा ई तरह बात बतईली, बाकि तूँ नऽ सुनलऽ। तूँ यहोवा के आज्ञा के खिलाफ बगावत कईलऽ; तूँ घमण्ड कर के पहाड़ी देश पर चढ़ाई कर देलऽ।44बाकि ऊ पहाड़ी देश के रहबईया एमोरी लोग तोरा सामने निकस के मधुमक्खियन के जइसन तोर पीछा कईलन आउर सेईर में होर्मा शहर तक तोरा मारते चल गेलन। 45तूँ लौटलऽ आउर मदत लागी यहोवा के सामने रोलऽ; बाकि यहोवा तोर नऽ सुनलन आउर नऽ तोरा दने ध्यान देलन46अईसे कर के बड़ी दिन ला तूँ कादेश में रहलऽ, पूरा दिन तक तूँ कादेश में रहलऽ।
Bridge Connectivity Solutions Pvt. Ltd.