Numbers35
1तऽ यहोवा यरीहो शहर में यरदन नदी भीर मोआब के अराबा में मूसा से बात कर के कहलन,2"इस्राएली लोग के हुकुम दऽ कि ओखनी सभे लेवी लोग के वंशज के अपन जमीन के कुछ हिस्सा दे देतन। ओखनी के रहे लागी शहर आउर ऊ शहर के अगल-बगल के चारागाह भी देवे के चाही3लेवी लोग के रहे लागी ई नगर होत। चारागाह के जमीन उनकर गाय-बैल, भेड़-बकरी, आउर उनकर सभे जनावर लागी होत।4नगर के चारो दने के चारागाह जेकरा तूँ लेवी लोग के दिहऽ, ऊ नगर के शहर के दीवार से लेके सब दिशा में एक हजार हाथ तक फैलल रहत। 5आउर पूरब दने नगर के बहारसी से दू हजार हाथ, दक्खिन दने दू हजार हाथ, पश्चिम दने दू हजार हाथ आउर उत्तर दने दू हजार हाथ नापिहऽ। ई उनकर नगर लागी चारागाह होवत। आउर नगर के बीच में होत।6तूँ जौन नगर के लेवी के वंशज के देवऽ ओकरा में से छऊ गो नगर शरणस्थान होत। तोरा इनका अईसन जगह देवे पड़त जेज्जा कोई आदमी जे कोई के मार देलक हे, ऊ जा के रह सकल हे। बयालीस गो आउर दोसरा शहर भी दिहऽ। 7जौन नगर लेवी के वंशज के दिहऽ ऊ कुल मिला के अड़तालीस गो होत। तोरा उनकर चारागाह उनके ला देवे के चाही।8इस्राएली लोग के बड़कन गोत्रवन के, आउर जौन गोत्र भीर जादे जमीन हे, उनका जादे नगर मुहईया करावे के चाही। छोटका जनजाति के कम शहर दे दिहऽ। सब गोत्र के लेवी लोग के ऊ भाग के मोताबिक जौन ओखनी के मिलल हे, उनका दे दिहऽ।9तब यहोवा मूसा से कहलन,10इस्राएल के लोग से कहऽ, "जहिया तूँ यरदन नदी के पार कनान देश में जईहऽ, तहिया तूँ इस्राएली लोग से ई भी कहिहऽ,11तब तोरा अईसन नगर चुन लेवे के चाही जौन तोर शरणस्थान होवे, आउर अईसन जगह जेज्जा से कोई के मार देवे वाला आदमी अनजाने में भाग जाय।12ई नगर बदला लेवे वाला के शरणस्थान होवे, जेकरा से दोषी आदमी समाज के सामने पहले खड़ा होले बेगर मारल नऽ जाय।13तोरा छऊ गो नगर के शरणस्थान के नगर के रूप में चुने पड़त।14तोरा तीन गो नगर यरदन नदी के ऊ पार आउर तीन गो कनान देश में नगर में व्यवस्था करे के चाही। ऊ शरणनगर होत।15इस्राएली लोग आउर परदेशी लोग आउर तोहनी के बीच में रहे वालन सब कोई लागी ई सभे छऊ गो नगर शरणस्थान होत, जेज्जा जे कोई अनजाने में कोई के मार देवे ऊ भाग सकल हे।16बाकि जदि कोई मुजरिम अपन शिकार के लोहा के कोई हथियार से मारलक हे आउर ओकर शिकार मर जा हे, तऽ मुजरिम सचमुच में हत्यारा हे। ओकरा जरुर मार देवे के चाही।17यदि कोई मुजरिम आदमी अपन शिकार के अपन हाथ के पत्थर से मारलक हे जे पीड़ित के मार सकल हे, आउर जदि ओकर शिकार मर जा हे, तऽ मुजरिम सचमुच में हत्यारा हे। ओकरा जरुर मार देवे के चाही।18यदि कोई अपराधी आदमी अपन शिकार के लकड़ी के हथियार से मारलक हे जे पीड़ित के मार सकल हे, आउर जदि ओकर पीड़ित मर जा हे, तऽ अपराधी सचमुच में हत्यारा हे। ओकरा जरुर मार देवे के चाही।19खून के बदला लेवे वाला हत्यारा के मौत के घाट उतारे के चाही। जखनी ऊ ओकरा से मिलऽ हे, तऽ खून के बदला लेवे वाला के ओकरा मौत के घाट उतार देवे के चाही।20जदि ऊ कोई दूसरा के दुश्मनी से मारऽ हे चाहे मार देवे लागी लूक-छिप के ओकरा पर कुछ बिगऽ हे, जेकरा से पीड़ित मर जाय, तऽ ओकरा मारे वाला के पक्का तौर से मार देवल जाय के चाही। ऊ हत्यारा हे। खून के बदला लेवे वाला हत्यारा के मिलला पर ओकरा मौत के घाट उतार देवे के चाही।21चाहे जदि ऊ अपन हाथ से ओकरा नफरत से मार देवे, तऽ जौन दोसी ओकरा मारलक हे, ऊ पक्का मार देवल जाय। ऊ हत्यारा हे। खून के बदला लेवे वाला हत्यारा के मिलला पर ओकरा मौत के घात उतार सकलन हे।22बाकि जदि कोई अपराधी एकबैग बेगर कोई पहिले से तय नफरत के बिना एगो पीड़ित के मारऽ हे चाहे कुछ अईसन फेंकऽ हे जे पीड़ित के बिना इनतेजार कईले मारऽ दे हे23चाहे जदि ऊ अईसन पत्थर फेकऽ हे, जेकरा से पीड़ित के बिन देखले ओकर मौत हो जा हे, तऽ अपराधी पीड़ित के दुश्मन नऽ हल; ऊ पीड़ित के चोट पहुँचावे के कोशिश नऽ करऽ रहलन हल। बाकि जदि पीड़ित अईसहीं मर जा हे तऽ ई का करे के हे। 24ऊ मामला में, मंडली के ई सब नियम के आधार पर अपराधी आउर खून के बदला लेवे के बीच न्याय करे के चाही।25समाज के खून के बदला लेवे वाला के शक्ति से अपराधी के बचावे के चाही। समाज के अपराधी के शरण के शहर में वापस करे के होत जेज्जा ऊ मूलरूप से भाग गेल हल। ओकरा मौजूद महायाजक के मौत तक उहाँ रहे के चाही, जेकरा पवित्र तेल से अभिषेक कईल गेल हल।26बाकि जदि दोसी कोई घड़ी शरणस्थान के नगर के सीमा के पार चल जाय, जेकरा में ऊ भाग गेल हल,27आउर जदि खून के बदला लेवे वाला ओकरा अपन शरणस्थान नगर के सीमा के बहारसी मिलऽ हे, आउर जदि ऊ दोषी के मार दे हे, तऽ खून के बदला लेवे वाला हत्या के दोसी नऽ होतई।28काहेकि दोसी आदमी के महायाजक के मरे तक अपन शरणनगर में रहे के चाहऽ हल। महायाजक के मरे के बाद, अपराधी ऊ जमीन पर लौट सकऽ हे जेज्जा ओकर अपन दौलत हे।29ई नियम तोर सभे लोग के पीढ़ी के मोताबिक ऊ सभे जगहिया में जेज्जा तूँ रहऽ हऽ, तोहनी ला विधि होवे के चाही।30जौन कोई केकरो मार देवे, ऊ हत्यारा जरुर मार देवल जाय, जइसन कि गवाह के बात से गवाही देवल गेल हे। बाकि खाली एगो गवाह के वचन से कोई भी आदमी के मौत के घाट नऽ उतारल जा सकल हे। 31आउर तोरा हत्या के दोसी हत्यारा के जीवन के छुड़ौती कबूल नऽ करे के चाही। ओकरा जरूरे मार देवे के चाही।32तोरा ऊ अादमी के छुड़ौती कबूल नऽ करे के चाही जौन शरणनगर में भाग गेल हे। तोरा ई तरह से ओकरा अपन संपत्ति पर तहिया तक रहे के अनुमति नऽ देवे के चाही जहिया तक कि महायाजक मर नऽ जाय।33जौन देश में तूँ रहऽ हऽ ओकरा अईसे अपवित्र मत करिहऽ, काहेकि हत्या से लहू देश के धार्मिक रूप से अशुद्ध करऽ हे। जमीन लागी कोई पछतावा नऽ कईल जा सकल हे जब ओकरा पर खून बहावल गेल हे, सिवाय ओकर खून के, जे एकरा बहईलक हे। 34येहिसे तूँ ऊ देश के अशुद्ध मत करिहऽ जेकरा में तूँ रहऽ हऽ काहेकि हम ऊ देश में रहऽ ही। हम, यहोवा, इस्राएल के लोग के बीच में रहऽ ही।
Bridge Connectivity Solutions Pvt. Ltd.