Numbers3
1ई सभे कुछ अईसन बतिया हारून आउर मूसा के साथे होल जब यहोवा मूसा से सीनै के पहाड़ पर बात कईलन। 2हारून के चारगो बेटा हल। नादाब सब से बड़का, अबीहू, एलीआजर, आउर ईतामार।3ई सभे हारून के बेटवन के नाम जेकरा याजक के रूप में अलगे करल गेल हल आउर उनका याजक के रूप में ऊ सेवा करे लागी अभिषेक कईलन हल।4बाकि, जब यहोवा देख रहलन हल, नादाब आउर अबीहू सीनै के जंगल में मर गेलन हल काहेकि ऊ धूप ई तरह से जलईलन जौन यहोवा के आज्ञा के नऽ मान रहलन हल। येहिसे एलीआजर आउर ईतामार हारून के बेटा हलन, जेकरा उनकर बेटा हारून के साथे याजक बने लागी छोड़ देलन। 5तऽ यहोवा मूसा से कहलन,6"लेवी के कुल के लोग के पास में लेके आवऽ आउर ऊ सभे के याजक हारून के सामने खड़ा करिहऽ, जेकरा से ऊ सभे ओकर मदत कर सके।7ऊ हारून आउर इस्राएलियन के दुसरा सभे लोग के सेवा करतन, जबकी ऊ पवित्र तम्बू के अन्दर आउर ओकर बहारसी अपन काम करतन।8ऊ पवित्र तम्बू के भीतरे के सभे चीजवन के ध्यान रख के सभे इस्राएली लोगवन के सेवा करे के चाही।9उनका तूँ लेवीयन हारून आउर अपन बेटवन के मदत करे ला नियुक्त करऽ। हम ओखनी के काम करे ला सभे इस्राएली लोगवन में से चुनली हे।10हारून आउर ओकर दुन्नो बेटा के ऊ काम करे लागी नियुक्त करतन जौन याजक करऽ हे बाकि दूसरा कोई भी ऊ काम के करे लागी पवित्र तम्बू भीर आवऽ हे, ओकरा मार देवे के चाही।11फिनो यहोवा मूसा से कहलन,12सुनऽ हमनी सभे इस्राएलियन में से लेवी के कुल के आदमियन के इस्राएल के सभे पहिलऊँठा बेटवन के जगह लेवे लागी चुनली हे। लेवी वंसजवन के आदमी हमर हथन,13काहेकि सच में सभे पहिलौठा आदमी हमर हे। अईसन येहिसे हे काहेकि जौन दिन हम मिस्र के लोग के सभे पहिलौठा बेटवन के मार देली, ऊ दिन हम इस्राएल के सभे पहिलौठा बेटवन के छोड़ देली आउर उनका अपना ला अलगे कर देली। हम तोर पालतू जनावर के पहिलौठा नर के भी अलगे कर देली। हे यहोवा। ऊ हमर हे। 14यहोवा सीनै के जंगलवा में मूसा से फिर बात कईलन, उनका से कहलन,15लेवी कुल के आदमी के सदस्यवन के गिनती करऽ। उनकर नाम आउर उनकर कुलवन आउर परिवरवन झुण्ड के नाम लिखऽ। ऊ सभे आदमियन के गिनती करऽ जौन कम से कम एक महीना के हे।16येहिसे मूसा उनकर गिनती कईलन, जइसे यहोवा आज्ञा देलन हल।17लेवी के तीनगो बेटा हल, जेकर नाम गेर्शोन, कहात, आउर मरारी हल।18गेर्शोन के दुगो बेटा हल, लिब्नी आउर शिमी। ओकरा से जौन कुल निकलल ओकर ऊ दुन्नो बेटवन के समान हल।19कहात के चार बेटा हल, अम्राम, यिसहार, हेब्रोन, आउर उज्जीएल। ओकरा से जौन कुल वंश निकलल, उनकर नाम ऊ चारो बेटवन के जईसन हल।20मरारी के दुगो बेटा महली आउर मूशी हल। उनका से जौन कुल निकलल हल, ओकर नाम ऊ दुन्नो बेटा के जईसन हल। ई सभे ऊ झुण्ड हे जौन लेवी के वंशज हल।21गेर्शोन के वंसजवन दुगो झुण्ड हल जौन ओकर बेटवन लिब्नी आउर शिमी के वंशज हल।22ऊ दुन्नो झुण्ड में 7, 500 आदमियन हल जौन कम से कम एक महीना के हल।23ऊ गेर्शोनी के परिवार से कहलन हल पवित्र तम्बू के पश्चिम दने अपन डेरा के खड़ा करऽ।24लाएल के बेटा एल्यासाप गेर्शोनियन के कुल के प्रधान हे।25गेर्शोन के परिवार के काम पवित्र तम्बू के धियान रखे के हल, जेकरा में एकर पर्दा आउर आवरण आउर एकर प्रवेश द्वार भी शामिल हल,26परदा जे अंगना के चारो दने दीवारवन के निर्मान करऽ हल जे तम्बू के चारो दने आउर वेदी के चारो दने होवऽ हे, परदा जे अंगना के प्रवेस द्वार पर हल, आउर तम्बू के बांधे लागी रस्सियन। पवित्र तम्बू के बहारसी के चीजवन के देख-भाल के समूचे काम भी ऊ कईलन।27कहात से जौन वंश निकलल हल, ऊ उनकर बेटवन अम्राम, यिसहार, हेब्रोन, आउर उज्जीएल के वंशज हल।28ऊ सभे चारो कुलवन में 8, 600 आदमी हल जौन कम से कम एक महीना ला हल। कुलवन के आदमी के काम पवित्र तम्बू के अन्दर सभे चीजवन के देख-भाल करे के हल।29कहातियन कुल ऊ पवित्र तम्बू के दक्षिण दने अपन डेरा के खड़ा कईलन।30उज्जीएल के बेटा एलीसापान कहातियन चारगो कुल के अगुवा हल।31ऊ कुलवन के आदमियन के काम पवित्र संदूक, मेज जेकरा पर याजक पवित्र रोटी रखऽ हलन, दीवट, वेदियन ऊ सभे चीजवन जौन याजक पवित्र तम्बू में इस्तेमाल करऽ हल, आउर तम्बू के भीतर रखल परदा के देख-भाल करे के हल। उनकर काम तम्बू के भीतर चीजवन के धियान रखे के भी हल।32हारून याजक के बेटा एलीआजर लेवी के सभे आदमी वंसजवन के अगुवा हलन। ऊ पवित्र तम्बू में करल गेल सभे कामवन के देख-रेख कईलन।33जौन वंश मरारी के वंशज हल, ऊ उनकर बेटवन महाली आउर मूशी के वंशज हल।34ऊ दुगो कुलवन में 6, 200 आदमी हलन जौन कम से कम एक महीना के हलन।35उनका पवित्र तम्बू के उत्तर दने अपन डेरा खड़ा करे लागी कहल गेल हल। ऊ दुन्नो कुलवन के अगुवा अबीहैल के बेटा सूरीएल मरारी हल।36मरारी के दुन्नो कुलवन के आदमियन के काम के ढांचा के देख-भाल करे के हल जौन तम्बू के तख्तावन, बेड़वन, खम्भवन आउर कुर्सियन के पकड़ले हल। ओखनी, ऊ सभे काम भी कईलन जौन ऊ चीजवन से जुड़ल हल।37उनकर काम ऊ सभे खम्भवन के भी देख भाल करे के हल जौन आँगन के दीवारवन के निर्माण करे वाला पर्दा के पकड़ले हल। आउर सभे कुर्सियन, तम्बू के खूँटवन आउर रस्सियन के देख-भाल करिहऽ जौन ऊ पर्दा के बाँधले हल।38हारून, मूसा आउर हारून के बेटवन से कहल गेल कि ऊ सभे पवित्र तम्बू के सामने के इलाका में, पूरब दने अपन तम्बू के खड़ा करतन। उनकर काम इस्राएल के लोगवन के फायदा लागी पवित्र तम्बू में आउर ओकर अगल-बगल में करल जाय वाला काम के देख भाल करे के हल। खाली याजकवन के अईसन करे लागी अनुमति हल। यहोवा एलान कईलन कि बाहरी कोई भी ऊ काम के करे लागी तम्बू भीर जा हे जौन याजक करऽ हे, ओकरा मार देवे के चाही।39यहोवा के आज्ञा मोताबिक जब हारून आउर मूसा ऊ सभे आदमी के गिनती कईलन जौन कम से कम एक महीना के हल, जौन लेवी के वंशज कुल से सम्बंधित हल, तऽ कुल मिला के बाईस हजार हल।40तऽ यहोवा मूसा से कहलन, “अखनी इस्राएल के ऊ सभे पहिलौठा आदमी के गिनती करऽ जौन कम से कम एक महीना के हे, आउर ओकर नाम लिखऽ।41साथे-साथे, लेवी के वंसजवन के हमरा लागी अलगे कर दऽ जेकरा से ऊ दुसर इस्राएलियन के पहिलौठा आदमियन के बदला में बन सके। आउर यहोवा ला लेवी के वंसजवन के जानवरवन के अलगे कर देलन जेकरा से ऊ सभे इस्राएल के दूसरा लोग के पहिलौठा पशुधन के विकल्प बन सके।”42तऽ मूसा अईसन कईलन। ऊ इस्राएल के सभे लोग में से पहिलौठा आदमियन के गिनती कईलन, जईसन यहोवा आज्ञा देलन हे।43कम से कम एक महीना के उमर वाला लोगवन के कुल संख्या 22, 273 हल।44तब यहोवा मूसा से कहलन,45“लेवी के वंसजवन के अलगे कर दऽ जेकरा से ऊ सभे इस्राएल के दूसरा लोग के पहिलौठा आदमियन के विकल्प बन सके; हम यहोवा ही।46लेवी वंशजवन के तुलना में दुसर इस्राएली लोगवन के 273 जादे आदमी हलन।47तोरा पवित्रस्थान के पाँच शेकेल के अपन मानक तौल के रूप में इस्तेमाल करे के चाही। शेकेल बीस गेरा के बराबर हे। 48आउर तोरा छुडावे के ऊ पईसा जौन तूँ हारून आउर उनकर बेटवन के देलऽ हे, जरुरी दिहऽ।”49तब मूसा अईसन कईलन। ऊ 273 आदमियन से चाँदी के जमा करईलन।50मूसा इस्राएल के लोगवन के पहिलौठा से धन इकट्ठा किईलन। कुल चाँदी के 1, 365 टुकड़ा हल। हरेक चाँदी के टुकड़ा के तौल पवित्र तम्बू में जमा हरेक चाँदी के तौल के समान हल। 51मूसा ई चाँदी के पाँच टुकड़ा हारून आउर अपन बेटा के देलन जईसन यहोवा आज्ञा देलन हल।
Bridge Connectivity Solutions Pvt. Ltd.