Numbers4
1तब यहोवा हारून आउर मूसा से कहलन,2"ऊ आदमियन के नाम लिखऽ जौन लेवियन में से कहात के वंशज कुल के हथन।3ऊ सभे कहाती आदमियन के नाम लिखऽ जेकर उमर 30 आउर 50 साल के हे। ई सभे ऊ आदमियन होतन जौन पवित्र तम्बू में काम करतन।4कहात के वंसजवन के काम ऊ पवित्र चीजवन के देख-भाल करे के होत जेकरा इस्तेमाल लोग गुप्त तम्बू में आराधना करते समय करऽ हथन।5जब भी तूँ इस्राएली लोग दूसरा जगहा में जा हऽ, तऽ हारून आउर उनकर बेटवन के ऊ पर्दा के नीचे उतारे लागी तम्बू में पवित्र जगह से ढेर पवित्र तम्बू के पवित्र जगह से अलगे करऽ हे। उनका पवित्र संदूक के ऊ पर्दा से ढके के चाही।6फिन ऊ ओकरा चमड़ा के खाल से बनल परत से झांपे के होत। ओकरा पर उनका एगो नीला कपड़ा छितरावे के होत। फिन उनका एकरा ले जाय लागी संदूक पर छल्ला में डंडा डाले के होत।7फिन उनका मेज के उपरे एगो नीला कपड़ा के रखे के चाही जेकरा पर याजक परमेश्वर के सामने रोटी के रखतन। कपड़ा के उपरे धुप के कटोरा, बरतन दूसरा व्यंजन, दाखरस लागी जार जौन बलिदान के रूप में चढ़ावल जाय, आउर पवित्र रोटी रखे के चाही।8ई सभे पर उनका लाल रंग के कपड़ा बिछावे के होत। अंतिम में, अच्छा चमड़ा के खाल से बनल परत के उंचा पर रखे के चाही। फिन उनका ई ले जाइ लागी डंडा के कोनवा पर छल्ला में डाले ला होत।9फिन ओखनी दीया में जलावे लागी दीवट, दीया, थारी आउर जैतून के तेल के खाद जार के दूसरा नीला कपड़ा से ढांके परत।10ओकरा दीवट आउर दूसरा सभे चीजवन के चमड़ा के खाल से बनल आवरण से ढके के चाही। उनका ई सभे चीज के ले जाय लागी एगो ढांचा रखे के चाही।11फिन ऊ सोनमा के वेदी पर एगो आउर नीला कपड़ा विछावे के चाही जेकर इस्तमाल धुप जलावे लागी करल जा हे। एकरा पर ऊ महीन चमड़ा के खाल से बनावल आवरण बिछावे के चाही। फिन ओकरा ऊ वेदी के छल्ला में ओकरा ले जाय लागी डंडा डाले के होतई।12उनका ऊ सभे पवित्र तम्बू के अन्दर सभे चीजवन के ले जाय के चाही आउर ओकरा एगो नीला कपड़ा में लपेटे के चाही, ओकरा चमड़ा के खाल से बनल आवरण से झाँपे के चाही, आउर एकरा ले जाय लागी एगो ढांचा रखे के चाही।13तब उनका दसो वेदिया से राख निकाले के चाही जेकरा पर ओखनी बलिदान जलईलन हे। फिन उनका बेदी के एगो बैंगनी कपड़ा से ढंके के होतो।14फिन उनका कपड़ा के ऊपर वेदी पर इस्तेमाल करल जाय वाला सभे चीजवन फैलावे के चाही गरम कोयला ले जाय लागी ताव, मांस के काँटा, फावड़ा, लोग पर छिड़के लागी खून रखे वाला कटोरा, आउर दूसरा सभे पात्र। तब उनका ऊ सभे चीजवन पर बढ़िया चमड़ा के खाल से बनल एगो परत बिछावे के चाही। तब उनका वेदी एक अलंगवन के कड़ा में वेदी उठावे लागी डंडा के डाले के चाही।15जब हारून आउर उनकर बेटवन ई सभे पवित्र चीजवन के ढांके ला समाप्त कर देलन, तऽ इस्राएल के लोग एगो नयका जगह पर जाय लागी तइयार होथिन। कहात के वंसजवन के आवे के चाही आउर सभे पवित्र चीजवन के अगला जगह पर ले जाय ला जहाँ इस्राएली अपन मिलापवाला तम्बू के खड़ा करतन। बाकी कहात के वंसजवन के एकरा में कोई भी पवित्र चीजवन के छुये के नऽ चाही, काहेकि जदि ऊ सभे ओकरा छुअऽ हथिन तऽ ऊ तुरते मर जईतन। ऊ जौन ई चीजवन के लाव हथिन, बाकी ऊ ओकरा छू नऽ सकऽ हथन।16हारून के बेटा एलीआजर भीर दीया लागी जैतून के तेल, मीठी महक वला धुप, वेदी पर हर दिन जलावल जाय बाला अन्नबलि आउर याजकवन के अभिषेक लागी जैतून के तेल के देख-भाल करे के काम होत। एलिआजार ऊ हे जौन पवित्र तम्बू में करल जाय वाला काम के निगरानी करतन आउर जौन लोग एकरा में मौजूद हर चीज के देख भाल करऽ हथन।17तब यहोवा हारून आउर मूसा से कहलन,18"कहातियन के कुल के गोत्र के लेवियन के बीच में से दूर न होवे दऽ।19अईसन कर के उनकर रक्षा करऽ, कि ऊ जिन्दा रहतन, आउर नऽ मरतन। जब हारून परमपवित्र चीजवन के नगीच आवऽ हे20ऊ सभे एक पल लागी भी पवित्रस्थान देखे ला नऽ जाय, नऽ तऽ मर जईतन। हारून आउर उनकर बेटवन के अन्दर जाय के चाही, आउर तब हारून आउर उनकर बेटवन के कहातियन में से हरेक के उनकर काम, मतलब उनका खास काम सौपे के चाही।21यहोवा मूसा से भी कहलन,22ऊ सभे आदमी लोग के नाम लिखऽ जौन गोर्शोन के वंसजवन के कुल हथिन।23ऊ सभे आदमियन के नाम लिखऽ जेकर उमर 30 आउर 50 वरिस के हे। ऊ अईसन आदमी होतन जौन पवित्र तम्बू में भी काम करतन।24गेर्शोनियन के कुल के ई रीति हे, कि ऊ कखनी सेवा करते, आउर का सामान उठाव हे।25उनका पवित्र तम्बू के परदा ले जाय के चाही। ऊ पवित्र तम्बू आउर एकरा ढांके वाला सभे चीजवन के ले जाय के चाही। जेकरा में चमड़ा के खाल से बनल बहारसी आवरण आउर पवित्र तम्बू के प्रवेश द्वारा पर लटकल परदा शामिल हे।26उनका ऊ लटकल परदा के भी ले जाय के चाही जौन पवित्र तम्बू आउर वेदी के घेरे वाला अंगना के घेरे वाला दीवार बनाव हे, परदा जौन अंगना के प्रवेश द्वारा पर हे, आउर रस्सियन जौन परदा के बाँधऽ हे। ओखनी के ई सभे चीजवन के भराई आउर लदाई के काम भी करे के चाही।27हारून आउर उनकर बेटा गेर्शोन के सभे वंसजवन के काम के देख रेख करतन। ऊ काम ऊ सभे चीजवन के ले जाय आउर दूसरा काम भी शामिल हे जौन उनका हियाँ से ऊहाँ करे लागी जरुरी हे। उनका गेर्शोम के हरेक वंशज के बतावे के चाहऽ हे कि उनका का चीजवन ले जाय के चाही।28मिलापवाला तम्बू लागी गेर्शोनी के कुलवन के एही सेवा ठहरल। हारून याजक के बेटा ईतामार उनकर सेवा में अगुवाई कईलन।29ऊ सभे आदमी के भी गिनती करऽ जौन कुलवन के हे, जौन मरारी के वंशज हे।30ऊ सभे आदमियन के नाम लिखऽ जेकर उमर तिस से पचास वारिस के हे। ऊ अईसन आदमी होतन जौन पवित्र तम्बू में भी काम करतन।31उनकर काम पवित्र तम्बू के पकड़े वाला तख्तावन, डंडवन, बेड़वन, खम्भवन, परदावन के आउर पकड़े वाला चौंकियन के उठावे के होत।32आउर ऊ अंगना के दीवारवन आउर परदावन के खम्भा आउर खम्भवन के किनारे, आउर तम्बू के खूँटवन आउर परदावन के बांधे लागी रस्सियन भी ले जईतन। सभे आदमियन के बतावऽ कि उनका कौन चीजवन के उठावे के हे।33ई सभे ऊ काम हे जौन मरारी के वंसजवन के पवित्र तम्बू में काम करे के चाही, हारून याजक के बेटा ईतामार ही उनकर देख-रेख करतन।34येहिसे हारून आउर मूसा आउर इस्राएली अगुवन सभे कहातियन के वंसजवन के गिनती कईलन, आउर उनकर कुलवन के परिवार के समूह के नाम लिखलन।35ऊ सभे आदमियन के गिनती कईलन जौन 30 आउर 50 बरीस के हे जौन पवित्र तम्बू में काम करे के लायक हलन।36कुल मिला के 2, 750 आदमी हलन।37ऊ कहातियन के वंसजवन हल जौन पवित्र तम्बू में काम करे के लायक हलन। हारून आउर मूसा उनकर गिनती कईलन जईसन कि यहोवा आज्ञा देलन हल।38ऊ गेर्शोन के वंशज के भी गिनती कईलन, आउर उनकर परिवारिक समूह के कुलवन के नाम लिखलन।39ऊ सभे आदमियन के गिनती कईलन जौन 30 आउर 50 बरीस के हलन जौन पवित्र तम्बू में काम करे के लायक हलन।40लेवी कुल मिला के 2, 630 आदमी हलन।41ऊ गेर्शोन के वंशज के हलन जौन पवित्र तम्बू में काम करे के लायक हलन। हारून आउर मूसा गिनती कईलन जईसन यहोवा आज्ञा देलन हल।42ऊ मरारी के वंसजवन के भी गिनती कईलन, आउर उनकर पारिवारिक समूह के कुलवन के नाम लिखलन।43ऊ सभे आदमियन के गिनती कईलन जौन 30 आउर 50 बरीस के हे जौन पवित्र तम्बू में काम करे के लायक हलन।44कुल मिला के 3, 200 आदमी हलन।45ऊ मरारी के वंशज हल जौन काम करे के लायक हलन। हारून आउर मूसा ओखनी के गिनती कईलन जईसन यहोवा मूसा के आज्ञा देलन हल।46येहिसे हारून आउर मूसा आउर इस्राएली के अगुवन सभे लेवी वंसजवन के गिनती कईलन, आउर उनकर कुलवन के परिवार के समूह के नाम लिखलन।47ऊ सभे आदमियन के गिनती कईलन जौन 30 आउर 50 साल के हलन। ऊ लोग जौन पवित्र तम्बू में काम करे के लायक हलन आउर जौन तम्बू से जुड़ल हर चीजवन के ले जा हलन।48कूल मिला के 8, 580 आदमी हलन।49जईसे यहोवा मूसा के आज्ञा देलन हल ओकर मोताबिक ऊ सभे लेवी के वंसजवन के गिनती पूरा कईलन। आउर ऊ हरेक आदमी के कहलन जब ऊ सभे नया जगह में जा हे तऽ उनका का करे के हे आउर अपना साथे का ढोवे के हे।
Bridge Connectivity Solutions Pvt. Ltd.