Numbers2
1तब यहोवा हारून आउर मूसा से ई कहलन2जब इस्राएलियन अपन तम्बू लगावऽ हे, तऽ उनका ऊ इलाकवन में खड़ा करे के चाही जौन पवित्र तम्बू के घेरऽ हे, बाकि एकरा भीर नऽ। हरेक जतियन के लोग के एगो अलगे इलाका में अपन तम्बू खड़ा करे पड़त। हरेक जाति के ऊ इलाका में एगो झंडा लगावे के चाहऽ हे जौन ओखनी के जतियन के पछान करत।3जौन मिलाप वाला तम्बू के पूरब दने, जेज्जा सूरज उगऽ हे, डेरा डालतन, ऊ यहूदा के छउनी हे, आउर तोर झुण्ड के निचे डेरा खड़ा करतन। अम्मीनादाब के बेटा नहशोन यहूदा के लोग के प्रधान हे। 4यहूदा के लोगवन के गिनती 74, 600 हे।5इस्साकार के गोत्र के यहूदा भीर डेरा डाले के चाही। आउर उनकर प्रधान सूआर के बेटा नतनेल के इस्साकार के सेना के अगुवाई करे के चाही।6उनकर दल में आदमियन के गिनती 54, 400 हे।7जबूलून के गोत्र के इस्साकार भीर डेरा डाले के चाही। आउर उकार प्रधान हेलोन के बेटा एलीआब जबूलून के सेना कि अगुआई करतन।8उनकर दल में आदमियन के गिनती 57, 400 हे।9यहूदा के छउनी के समूचे गिनती में 1, 86, 400 हे। ऊ पहले निकलतन।10दक्खिन दने रुबेन के छउनी उनकर झंडा के निचे होतन। आउर रुबेन के छावनी के प्रधान शदेऊर के बेटा एलीसूर होतन।11आउर उनकर दल में आदमियन के गिनती 46, 500 हे।12शिमोन के गोत्र रुबेन भीर डेरा डालले हथन। आउर उकार प्रधान शिमोन के लोग के अगुवा सूरीशद्दै के बेटा शलूमीएल हे।13उनकर दल में आदमियन के गिनती 59, 300 हे।14फिर गाद के गोत्र हे गाद के लोग के प्रधान दूएल के बेटा एल्यासाप हे।15आउर उनकर दल में आदमियन के गिनती 45, 650 हे।16येहिसे रुबेन के पवित्र तम्बू के दक्खिन दने 151, 450 सिपाही होतन। जब इस्राएली यात्रा करतन तऽ ऊ तीनगो गोत्र पहिले से झुण्ड के अनुशरण करतन।17ऊ दल के पीछे लेवी के वंसज चलतन, जौन पवित्र तम्बू के ले जइतन। इस्राएली ओही कतार में ऊ हर घड़ी जुलुस निकालतन जौन सूचि में ऊ हमेशा अपन तंबू खड़ा करतन। हरेक कुल अपन झंडा लेके चलतन।18एप्रैम के छावनी के दल अपन-अपन दल के मोताबिक। आउर उकार प्रधान एप्रैम के लोग के अगुवा अम्मीहूद के बेटा एलीशामा हे।19उनकर दल में आदमियन के गिनती 40, 500 हे।20उनका से आगे मनश्शे के गोत्र हे। आउर उकार प्रधान मनश्शे के अगुवा पदासूर के बेटा गम्लीएल हे।21उनकर दल में आदमियन के गिनती 32, 200 हे।22अगला बिन्यामीन के गोत्र होतन। आउर उकार प्रधान बिन्यामीन के अगुवा गिदोनी के बेटा अबीदान हे।23उनकर दल में आदमियन के गिनती 35, 400 हे।24एप्रैम के छावनी में जेतना गिनल गेल आदमियन एक लाख आठ हजार एक सौ आदमी हे। ऊ तीसरा स्थान पर रहतन।25उत्तर दने दान के छावनी के भाग होवत। दान के लोग के प्रधान अम्मीशद्दै के बेटा अहीएजेर हे।26उनकर दल में आदमियन के गिनती 62, 700 हे।27आशेर के गोत्र के लोग दान भीर डेरा खड़ी करतन। आशेर के प्रधान ओक्रान के बेटा पगीएल हे।28उनकर दल में आदमियन के गिनती 41, 500 हे।29फिन नप्ताली के गोत्र हे। आउर उकार प्रधान नप्ताली के सरदार अहीरा एनान के बेटा हे।30उनकर दल में आदमियन के गिनती 53, 400 हे।31आउर दान के साथे छावनी में जेतना आदमी गिनल गेल ऊ सभे 1, 57, 600 हे। ऊ सब से अन्त में अपन झण्डा के छउनी से बहारसी निकलतन।"32येहिसे छः लाख तीन हजार साढ़े पांच सौ इस्राएली आदमियन जौन लड़ाय करे में योग्य हलन जेकर अपन-अपन परिवरवन के मुताबिक कतार में करल गेलन हल।33बाकी जईसही यहोवा आज्ञा देलन हल, मूसा आउर हारून इस्राएल के लोग में लेवियन के नऽ गिनलन।34इस्राएलियन ऊ सभे कुछ कईलन जौन यहोवा मूसा से कहलन हल। ऊ अपन-अपन कुल के झंडा भीर अपन डेरा खड़ी कईलन, आउर जब ऊ नया जगह पर गेलन, तऽ ऊ अपन खुद के कुल आउर परिवरवा के झुण्ड के साथे लेके चललन।
Bridge Connectivity Solutions Pvt. Ltd.