Numbers20
1अगला साल के पहला महीना में इस्राएली लोग सिन नाम के जंगल में कूच कईलन, आउर कादेश शहर भीर डेरा खड़ा कईलन। जखनी ऊ उहाँ हल, मूसा कि बहन मरियम मर गेलन आउर ओकरा उहीं दफनावल गेल।2उहाँ मंडली के लोग लगी पानी पिये ला नऽ मिलल, येहिसे ऊ हारून आउर मूसा भीर अईलन।3ऊ सभे ई कह के मूसा से शिकायत कईलन आउर कहलन, “हम चाहऽ ही कि जखनी हमर साथी इस्राएली लोग मर गेलन, तऽ हम यहोवा के पवित्र तम्बू के सामने मर जईती हल!4का तूँ हमनी यहोवा के मण्डली के जानवर सहित मारे लागी ई जंगल में ले अईलऽ हे?5तूँ हमरा मिस्र से एतना खराब जगहिया में काहे ले अईलऽ? हियाँ नऽ अनाज हे, नऽ अंजीर, नऽ दाखमधु, नऽ अनार आउर हमनी के पिये लागी पानी नऽ हे!”6मूसा आउर हारून मण्डली भीर से लौट के पवित्र तम्बू के दुआरी पर गेलन, आउर जमीन पर औंधे मुंह गिर के दण्डवत कईलन। तखनी यहोवा के तेज महिमा के साथे उनकर सामने प्रकट होल।7जखनी यहोवा मूसा महिमा के साथे प्रकट होलन, तब ऊ कहलन,8"तोरा आउर हारून के हारून के छड़ी अपना साथे लेवे के चाही आउर सभे लोग के एक साथे जमा करे के चाही। जखनी लोग देख रहलन होते, तऽ ऊ बड़का चट्टान के पानी के पानी डाले के हुकुम दे। एकरा से लोग लागी पानी निकलत। ऊ सभे के आउर उनकर सभे जानवर के पिये लागी भरपूर पानी मिलत।"9येहिसे मूसा ओही कईलन जौन यहोवा उनका से करे ला कहलन हल। ऊ हारून के लाठी के पवित्र तम्बू के ऊ जगह से ले लेलन जहाँ ऊ रखल हल।10तऽ मूसा आउर हारून सभे लोग के चट्टान पर जमा होवे लागी बुलइलन। तऽ मूसा चिचिया के उनका से कहलन, “हे सभे बागी लोग, सुनऽ! का हमरा ई चट्टान से तोरा ला पानी लावे ला जरुरी हे?”11तऽ मूसा अपन हाथ उठईलन, आउर चट्टान से कुछ कहे के लाठी से चट्टान पर दू बार मारलन। आउर ओकरा में से पानी निकलल येहिसे सभे लोग आउर उनकर जानवर जेतना चाहलन ओतना पानी पिलन। 12बाकि यहोवा, हारून आउर मूसा से कहलन, तूँ इस्राएलियन के सामने हमरा पर विश्वास नऽ कईलऽ, आउर नऽ हमरा पवित्र मान लऽ, येही चलते तूँ ओखनी के ऊ देश में नऽ ले जा पईबऽ जौन हम ओखनी के देली हे।13बाध में ई जगह के मरीबा कहल गेल, जेकरा मतलब हे 'बकझक करे वाला', काहेकि उहाँ इस्राएली लोग यहोवा के खिलाफ बकझक-झक करऽ हलन, आउर उहाँ ऊ उनका पानी पिला के अपन आदर आउर पवित्रता प्रकट कईलन। 14जखनी लोग कादेश में हलन, तऽ मूसा एदोम के राजा भीर समाचार ई कहे लागी कुछ दूत के भेजलन,
"तोर परिवार मतलब इस्राएली लोग तोरा ई समाचार भेज रहलन हे। तूँ जानऽ हऽ कि हमरा पर केतना मुसीबत आयेल हे।15तूँ जानऽ हऽ, कि हमर पुरखा मिस्र में चल गेलन। तूँ जानऽ हऽ कि ऊ ढेर साल तक उहाँ रहलन। उनका दुःख सहे पड़ल काहेकि मिस्र के शासक लोग उनका अपन गुलाम बना लेलन आउर ओखनी से कड़ा मेहनत करवईलक।16बाकि जखनी ऊ यहोवा के दुहाई देलन, तऽ ऊ उनकर सुन लेलन, आउर एगो दूत भेज के मिस्र से निकाल लइलन। अखनी हम कादेश नाम के नगर में, जौन तोर देश के सीमा पर हे, अपन तम्बू खड़ा कईलन हे।17कृपा कर के हमरा अपन देश में यात्रा करे के अनुमति दऽ। हम होशियार रहम कि हम तोर खेतवन आउर अंगूर के बगीचा से होके नऽ गुजरम। हम तोर कुईयाँ के पानी भी नऽ पियम। यात्रा करते घड़ी, हम राजा के मुख्य सड़क पर रहम, जौन दक्खिन से उत्तर दने जा हे, आउर हमनी ऊ सड़क के तखनी तक नऽ छोड़म जखनी तक हम उत्तर में तोर देश के सीमा पार नऽ कर लेम।18बाकि एदोम के राजा मना कईलन। ऊ जबाब देलन, "हमर देश से बहारसिये ही रहिहऽ! जदि तूँ एकरा में प्रवेश करे के कोशिस करवऽ तऽ हम तोरा पर तलवार से हमला करे लागी अपन सेना भेज देम!"19इस्राएली दूत जबाब देलन, “जदि हम तोर देश में होके चलम, तऽ मुख्य रास्ता पर ही रहम। जदि हम आउर हमनी के जानवर में से कोई भी पानी पियत, तऽ हम ओकरा दाम चुका देम। हम खाली अपने देश में यात्रा करे ला चाहऽ ही। हमरा आउर कुछ नऽ चाही।”20बाकि एदोम के राजा जबाब देलन, “नऽ! हमर देश से बाहरे रहिहऽ! हम तोरा अपन जमीन से यात्रा करे के अनुमति नऽ देवो!” तऽ ऊ अपन ईस्राएली लोग के अपन देश में प्रवेश करे से रोके ला अपन सेना में सभे से तागतवर सिपाही भेजलन।21येहिसे, काहेकि एदोम के राजा इस्राएलियन के अपन देश से यात्रा करे के अनुमति देवे से इनकार कर देलन, एही चलते इस्राएली लोग मुड़ के दोसर रास्ता अपना लेलन।22इस्राएलियन लोग कादेश छोड़ देलन। ऊ होर पहाड़ पर गेलन,23जौन एदोम के सीमा पर होर पर्वत भीर हे। जखनी ऊ उहाँ हल, तऽ यहोवा हारून आउर मूसा कहलन,24“हारून के मरे के घड़ी आ गेल हे। ऊ, ऊ देश में प्रवेश करतन जेकरा हम तोर इस्राएलियन के दे ही, काहेकि जखनी हम तोरा से कहली हल, कि चट्टान से कहऽ, कि मरीबा में जल बहावे, तऽ तोहनी दुन्नो मूसा आउर हारून हमर आज्ञा के नऽ मान लऽ आउर हमरा से बलवा कईलऽ। 25अखनी हे मूसा, तूँ हारून आउर ओकर बेटा एलीआजर के होर पहाड़ पर ले जा।26उहाँ हारून के याजकीय कपड़ा जौन ऊ याजक के काम करते घड़ी पेहनऽ हे, ऊ उतार के ओकर बेटा एलीआजर के पेहनावऽ। हारून उहें मर जईतन आउर अपन पूर्वज में मिल जईतन।” 27येहिसे मूसा यहोवा के आज्ञा मोताबिक कईलन। ऊ तीनो होर पहाड़ पर चढ़ गेलन, जबकि सभे इस्राएली लोग देखते रहलन।28पहाड़ के चोटी पर मूसा ऊ कपड़वन के उतार लेल जौन हारून याजक के काम करते घड़ी पहेनलन हल, आउर एलीआजर के पेहनईलन। तऽ हारून ऊहें पहाड़ के चोटी पर मर गेलन, आउर एलीआजर आउर मूसा लौट गेलन।29जखनी इस्राएलियन के मालूम होल, कि हारून मर गेलन, तऽ ओखनी सभे उनका ला तीस दिन तक विलाप करते रहलन।
"तोर परिवार मतलब इस्राएली लोग तोरा ई समाचार भेज रहलन हे। तूँ जानऽ हऽ कि हमरा पर केतना मुसीबत आयेल हे।15तूँ जानऽ हऽ, कि हमर पुरखा मिस्र में चल गेलन। तूँ जानऽ हऽ कि ऊ ढेर साल तक उहाँ रहलन। उनका दुःख सहे पड़ल काहेकि मिस्र के शासक लोग उनका अपन गुलाम बना लेलन आउर ओखनी से कड़ा मेहनत करवईलक।16बाकि जखनी ऊ यहोवा के दुहाई देलन, तऽ ऊ उनकर सुन लेलन, आउर एगो दूत भेज के मिस्र से निकाल लइलन। अखनी हम कादेश नाम के नगर में, जौन तोर देश के सीमा पर हे, अपन तम्बू खड़ा कईलन हे।17कृपा कर के हमरा अपन देश में यात्रा करे के अनुमति दऽ। हम होशियार रहम कि हम तोर खेतवन आउर अंगूर के बगीचा से होके नऽ गुजरम। हम तोर कुईयाँ के पानी भी नऽ पियम। यात्रा करते घड़ी, हम राजा के मुख्य सड़क पर रहम, जौन दक्खिन से उत्तर दने जा हे, आउर हमनी ऊ सड़क के तखनी तक नऽ छोड़म जखनी तक हम उत्तर में तोर देश के सीमा पार नऽ कर लेम।18बाकि एदोम के राजा मना कईलन। ऊ जबाब देलन, "हमर देश से बहारसिये ही रहिहऽ! जदि तूँ एकरा में प्रवेश करे के कोशिस करवऽ तऽ हम तोरा पर तलवार से हमला करे लागी अपन सेना भेज देम!"19इस्राएली दूत जबाब देलन, “जदि हम तोर देश में होके चलम, तऽ मुख्य रास्ता पर ही रहम। जदि हम आउर हमनी के जानवर में से कोई भी पानी पियत, तऽ हम ओकरा दाम चुका देम। हम खाली अपने देश में यात्रा करे ला चाहऽ ही। हमरा आउर कुछ नऽ चाही।”20बाकि एदोम के राजा जबाब देलन, “नऽ! हमर देश से बाहरे रहिहऽ! हम तोरा अपन जमीन से यात्रा करे के अनुमति नऽ देवो!” तऽ ऊ अपन ईस्राएली लोग के अपन देश में प्रवेश करे से रोके ला अपन सेना में सभे से तागतवर सिपाही भेजलन।21येहिसे, काहेकि एदोम के राजा इस्राएलियन के अपन देश से यात्रा करे के अनुमति देवे से इनकार कर देलन, एही चलते इस्राएली लोग मुड़ के दोसर रास्ता अपना लेलन।22इस्राएलियन लोग कादेश छोड़ देलन। ऊ होर पहाड़ पर गेलन,23जौन एदोम के सीमा पर होर पर्वत भीर हे। जखनी ऊ उहाँ हल, तऽ यहोवा हारून आउर मूसा कहलन,24“हारून के मरे के घड़ी आ गेल हे। ऊ, ऊ देश में प्रवेश करतन जेकरा हम तोर इस्राएलियन के दे ही, काहेकि जखनी हम तोरा से कहली हल, कि चट्टान से कहऽ, कि मरीबा में जल बहावे, तऽ तोहनी दुन्नो मूसा आउर हारून हमर आज्ञा के नऽ मान लऽ आउर हमरा से बलवा कईलऽ। 25अखनी हे मूसा, तूँ हारून आउर ओकर बेटा एलीआजर के होर पहाड़ पर ले जा।26उहाँ हारून के याजकीय कपड़ा जौन ऊ याजक के काम करते घड़ी पेहनऽ हे, ऊ उतार के ओकर बेटा एलीआजर के पेहनावऽ। हारून उहें मर जईतन आउर अपन पूर्वज में मिल जईतन।” 27येहिसे मूसा यहोवा के आज्ञा मोताबिक कईलन। ऊ तीनो होर पहाड़ पर चढ़ गेलन, जबकि सभे इस्राएली लोग देखते रहलन।28पहाड़ के चोटी पर मूसा ऊ कपड़वन के उतार लेल जौन हारून याजक के काम करते घड़ी पहेनलन हल, आउर एलीआजर के पेहनईलन। तऽ हारून ऊहें पहाड़ के चोटी पर मर गेलन, आउर एलीआजर आउर मूसा लौट गेलन।29जखनी इस्राएलियन के मालूम होल, कि हारून मर गेलन, तऽ ओखनी सभे उनका ला तीस दिन तक विलाप करते रहलन।
Bridge Connectivity Solutions Pvt. Ltd.