Numbers19
1ओकर वाद यहोवा, हारून आउर मूसा से कहलन,2"अखनी यहोवा तोरा एगो व्यवस्था के आउर नियम देतन। इस्राएलियन से कहऽ कि ऊ तोरा भीर एगो लाल आउर भूरा रंग के निर्दोष बछड़ा ले आवे जेकरा में कोई दोष नऽ रहे। ई एगो अईसन जनावर होवे के चाही जेकरा पर जूआ के इस्तेमाल जमीन जोते लागी नऽ कईल गेल हे।3एकरा एलीआजर याजक के दे दिहऽ। ऊ एकरा छावनी के बहारसी ले जईतन आउर कोई एकरा मार देतन।4आउर एलीआजर याजक अपन एगो अंगूरी लहू में डुबाके ओकरा में से कुछ पवित्र तम्बू भीर जमीन पर सात बार छीटे के चाही।5तऽ जखनी तक एलीआजर देखते रहतन, तखनी तक बछिया के, ओकर खाल, ओकर मांस, ओकर बचल खून, आउर गोबर भी पूरा तरह से जला देवे के चाही।6तऽ एलीआजर याजक देवदार के लकड़ी के एगो छड़ी, जूफा नाम के पेड़वा के डाँढ़, आउर कुछ लाल रंग के कपड़ा लावे के चाही, आउर उनका ऊ आग में देवे झोंक के चाही जहाँ बछिया जल रहल हे। 7तऽ याजक के अपन कपड़ा धोके नहाय के चाही। अईसन करे के बाध, ऊ छावनी में लौट सकऽ हे। बाकि ऊ साँझ तक अशुद्ध रहतन बाकि कोई भी पवित्र काम करे के लायक नऽ होतन।8जौन लोग बछिया के जलावे ऊ भी अपन कपड़ा धोके नहाय, आउर ऊ साँझ तक ऊ हमरा ला अशुद्ध होत।9तऽ जौन कोई हमरा ला शुद्ध ठहरतन ऊ बछिया के राख बटोर के छावनी के बहारसी कोई पवित्र जगह में रखे। राख के उहाँ जमा कर के रखे के चाही जेकरा से इस्राएल के लोगवन अशुद्ध के दोष के दूर कर के धार्मिक विधि लागी एकरा पानी में मिला के इस्तेमाल कर सकतन। 10जौन आदमी बछिया के राख बटोरऽ हे ओकरा भी अपन कपड़ा धोवे के चाही, आउर ऊ साँझ तक अशुद्ध ठहरतन। ई एगो अईसन नियम हे जेकरा कहियो नऽ बदलल जायत। एकर पालन तूँ इस्राएली लोग आउर तोर बीच में रहे वालन सभे परदेशी लोग के करे के चाही।11जौन कोई लाश छूअ हे ऊ सभे सात दिन तक हमरा ला अशुद्ध होतन।12तीसरा दिन आउर सातवाँ दिन कोई लाश के छुये के बाध ऊ हमरा फिन शुद्ध होवे के लायक ठहरतन, आउर अपन पाप के दोष दूर करे लागी ऊ पानी में से कुछ अपना उपरे छिटतन। जदि ऊ दुन्नो दिन अईसन नऽ करतन, तऽ ऊ हमरा ला अशुद्ध बनल रहतन।13ऊ सभे जौन कोई लाश के छुअ हे, आउर हमरा लागी फिनो से शुद्ध होवे लागी विधि ठीक रीति से नऽ करऽ हे, तऽ ऊ यहोवा के पवित्र तंबू के अशुद्ध करऽ हे। उनका इस्राएली लोग के बिच्चे रहे के अनुमति नऽ देवल जायत। उनकर पाप के दोष दूर करे के पानी नऽ छिटल गेल, बाकि ऊ आज भी हमरा ला शुद्ध हथन।14एगो आउर व्यवस्था हे जेकरा तब करल जाय के चाही जखनी कोई तंबू के भीतरे मर जाय। ऊ सभे जौन ऊ आदमी के मरे घड़ी ऊ तम्बू के भीतरे हलन चाहे जौन ऊ तम्बू में प्रवेश करऽ हे ऊ सात दिन तक हमरा लागी अशुद्ध रहतन।15ऊ तम्बू के भीतरे जौन बर्तन झाँकल नऽ हे, ओकरा इस्तेमाल करे के अनुमति नऽ हे, काहेकि ऊ अशुद्ध हे।16जदि कोई मैदान में तलवार से मारल गेल लाश के छुअऽ हे, चाहे जौन प्राकृतिक वजह से मर गेलन हे, चाहे जदि कोई-कोई आदमी के हड्डी छूअ हे चाहे कोई कब्र के छूअ हे, तऽ ऊ आदमी सात दिन तक हमरा ला अशुद्ध होत।17अशुद्ध आदमी जरल पापबलि के राख में से कुछ लेके ओकरा एगो बर्तन में रखे ला जरुरी हे। फिन राख के उपरे जरिसुन ताजा पानी डाले के चाही।18तब जौन कोई शुद्ध आदमी, ऊ जूफा नाम के पेड़ के एगो डाँढ़ लेके पानी में डुबा देवे। फिन ऊ आदमी के ऊ पानी में से कुछ ऊ तंबू पर, जहाँ ऊ आदमी मरल हल, ओकरा पर, तम्बू में जौन सामान हे, आउर जौन लोग तम्बू में हलन उनका पर छिड़के के चाही। उनका ऊ पानी में से कुछ ऊ आदमी पर छिड़के के चाही। कोई आदमी के हड्डी के छूलन हे, चाहे जौन कोई अईसन आदमी के छूलन हे जौन प्राकृतिक वजह से मर गेलन हे, चाहे जौन कोई कब्र के छूलन हे।19तीसरा दिन आउर ओकर बाद सतवाँ दिन जौन आदमी हमरा ला शुद्ध हे ऊ जल में से ऊ कुछ लोग पर छिटतन जौन हमरा ला अशुद्ध हो गेलन हे। सातवाँ दिन, जौन लोग फिन से हमरा ला शुद्ध बने लागी ऊ धार्मिक विधि कर रहलन हे उनका अपन कपड़ा धोवे आउर नहाय परत। जदि ऊ अईसन करऽ हे, तऽ ऊ साँझ फिन से हमरा ला शुद्ध हो जइतन।20जदि जौन लोग हमरा ला अशुद्ध हो गेलन हे, ऊ अईसन करे से फिनो हमरा ला शुद्ध नऽ ठहरतन, तऽ उनका इस्राएली लोगवन के बीच रहल नऽ देवल जाय, काहेकि ऊ यहोवा के पवित्र तम्बू के अशुद्ध कईलन हे। ओखनी अपना उपरे ऊ पानी नऽ छिटलन जौन उनकर पापवन के दोष दूर कर दे हे, येहिसे ऊ हमार ला अशुद्ध बनल रहतन।21ई इस्राएलियन लोग लागी अईसन व्यवस्था हे जौन कहियो नऽ बदलत। जौन लोग ऊ जल के अपना उपरे छिड़कऽ हे उनका फिर अपन कपड़ा धोवे के चाही। आउर जौन कोई ऊ जल के छूतन जौन पाप के दोष दूर कर दे हे, ऊ साँझ तक परमेश्वर के नजर में अशुद्ध बनल रहतन।22जौन चीज चाहे आदमी जौन कोई हमरा ला शुद्ध नऽ हे, ऊ जौन कुछ छूलन हे ऊ साँझ तक ऊ हमरा ला अशुद्ध रहत।"
Bridge Connectivity Solutions Pvt. Ltd.