Numbers1
1इस्राएली लोग के मिस्र देश छोड़ला के बाद साल के दूसरका महीना में, जब मूसा सीनै के जंगल में पवित्र तम्बू में हलन, तब यहोवा उनका से बात कईलन। यहोवा उनका से कहलन,2इस्राएल के हरेक मंडली के कुल से इस्राएली लोग के गिनती करऽ आउर ऊ सभे के नाम लेके पुकारऽ3तूँ आउर हारून ऊ आदमी के गिनती करऽ जे कम से कम बीस बरिस के हथिन, जौन सेना में सिपाही के रूप में सेवा कर सकलन हे, ऊ आदमी के गिनती लिखऽ आउर उनकर परिवार के नाम भी लिखऽ।4हम अईसन करे में तोर मदत करे लागी हरेक गोत्र से एगो आदमी के चुनली हे। हरेक के अपन झुण्ड के अगुवा होवे के चाही।5ओखनी के नाम हे:रुबेन के गोत्र से शदेऊर के बेटा एलीसूर,6शिमोन के कुल से सूरीशद्दै के बेटा शलूमीएल;7यहूदा के कुल से, अम्मीनादाब के बेटा नहशोन;8इस्साकार के कुल से, सूआर के बेटा नतनेल;9जबूलून के कुल से, हेलोन के बेटा एलीआब;10यूसुफ के बेटा एप्रैम के कुल से, अम्मीहूद के बेटा एलीशामा; यूसुफ के बेटा मनश्शे के कुल से, पदासूर के बेटा गम्लीएल;11बिन्यामीन के गोत्र में से गिदोनी के बेटा अबीदान;12दान के कुल से, अम्मीशद्दै के बेटा अहीएजेर;13आशेर के कुल से, ओक्रान के बेटा पगीएल;14गाद ले कुल से, दूएल के बेटा एल्यासाप;15नप्ताली के कुल से, एनान के बेटा अहीरा;16मंडली में सभे ऊ आदमी हथिन जेकरा लोगवन में से चुनल गेलन हल। ऊ अपन कुल के अगुवा होतन। ऊ इस्राएली लोग के कुल के मुख्य आदमी हलन।17हारून आउर मूसा ई सभे अगुवा के बोलईलन,18आउर ऊ ओही साल दूसरा महिना के पहिला दिन सभे के जमा कईलन। आउर ऊ सभे आदमी के नाम सूचीबद्ध कईलन जौन कम से कम 20 साल के हलन, आउर उनकर नाम के साथे ऊ उनकर कुल आउर उनकर परिवार के लोग के नाम भी लिखलन।19जईसे यहोवा मूसा आज्ञा देलन हल। जब इस्राएलियन सीनै के जंगल में हलन, तब ओखनी के नाम लिखलन।20इस्राएल के पहिलौठा रुबेन के वंश में से एक-एक आदमी के नाम जौन बीस बरिस चाहे ओकरा से जादे के हलन आउर जौन लड़ाई लड़े के लायक हलन, अपन-अपन पितर के कुल आउर अपन कुल के मोताबिक गिन लेवल गेलन।21आउर रुबेन के गोत्र में से साढ़े छियालीस हजार आदमी गिनल गेलन।22शिमोन के वंश में से हरेक आदमी के नाम जौन बीस साल चाहे ओकरा से जादे के हल आउर जौन लड़ाई लड़े के लायक हल, अपन-अपन पितरवन आउर अपन कुल के मोताबिक गिन लेवल गेल।23आउर शिमोन गोत्र से 59, 300 आदमी गिनल गेल।24गाद के वंश में से हरेक आदमी के नाम जौन लड़ाई लड़े के लायक हल, अपन-अपन पितर आउर कुल के मोताबिक गिन लेवल गेलन।25ऊ गाद गोत्र से 45, 650 आदमी गिनलन।26यहूदा के वंश में से हरेक आदमी के नाम, जौन बीस साल चाहे ओकरा से जादे उमर के हलन, जौन युद्ध करे के लायक हल, अपन पितर के कुल के आउर कुल के मोताबिक गिन लेवल गेलन।27आउर यहूदा गोत्र में से 74, 600 आदमी गिनल गेलन।28इस्साकार के वंश में से हरेक आदमी के नाम जौन बीस साल चाहे ओकरा से जादे उमर के हलन आउर जौन लड़ाई लड़े के लायक हलन, अपन पितर के कुल आउर अपन कुल के मोताबिक गिन लेवल गेलन।29ऊ इस्साकार गोत्र से 54, 400 आदमी गिनल गेलन।30जबूलून के वंश में से हरेक आदमी के नाम, जौन बीस साल चाहे ओकरा से जादे उमर के हल जौन लड़ाई करे के लड़े के लायक हलन, अपन पितर के कुल आउर अपन कुल के मोताबिक गिन लेवल गेलन।31आउर जबूलून के कुल में से ओखनी में से 57, 400 आदमी गिनल गेल।32यूसुफ के बेटा एप्रैम के वंश में से हरेक आदमी के नाम बीस साल चाहे ओकरा से जादे उमर के हल आउर जौन लड़ाई करे के योग्य हल, अपन पितरवन के कुल आउर अपन कुल के मोताबिक गिन लेवल गेलन।33आउर एप्रैम के गोत्र में से 40, 500 आदमी गिनल गेल।34यूसुफ के बेटा मनश्शे के वंश में से हरेक आदमी के नाम जौन बीस साल चाहे ओकरा से जादे उमर के हल आउर जौन लड़ाई लड़े के लायक हलन, अपन-अपन पितरवन के कुल आउर कुल के मोताबिक गिन लेवल गेलन।35आउर मनश्शे के कुल में से 32, 200 आदमी गिनल गेलन।36बिन्यामीन के वंश में से हरेक आदमी के नाम जौन बीस साल चाहे ओकरा से जादे उमर के हलन आउर जौन लड़ाई लड़े के लायक हलन, अपन पितर के कुल आउर अपन कुल के मोताबिक गिन लेवल गेलन।37आउर बिन्यामीन गोत्र में से 35, 400 आदमी गिनल गेलन।38दान के वंश में से एक-एक आदमी के नाम, जौन बीस साल चाहे ओकरा से जादे उमर के हलन, जौन लड़ाई लड़े के लायक हलन, अपन पितर के कुल आउर अपन कुल के मोताबिक गिन लेवल गेलन।39दान के गोत्र में से ऊ सभे 62, 700 आदमी गिनल गेल।40आशेर के वंश में से एक-एक आदमी के नाम जौन बीस साल चाहे ओकरा से जादे उमर के हलन आउर जौन-जौन लड़ाई लड़े के लायक हलन, अपन पितर के कुल आउर अपन कुल के मोताबिक गिन लेवल गेलन।41आउर आशेर के गोत्र में से 41, 500 आदमी गिनल गेल।42नप्ताली के वंश में एक-एक आदमी के नाम जौन बीस साल चाहे ओकरा से जादे उमर के हलन आउर जौन लड़ाय लड़े के लायक हलन, अपन पितर के कुल आउर अपन कुल के मोताबिक गिन लेवल गेलन।43आउर नप्ताली के गोत्र में से 53, 400 आदमी गिनल गेलन।44मूसा आउर हारून ओखनी सभे आदमी के, आउर ऊ बारहगो आदमी के, जौन इस्राएल के बारह गोत्र के प्रधान हलन, गिन लेलन।45अईसे कर के इस्राएल के सभे आदमी, जौन बीस साल के हलन, आउर जौन लड़ाई लड़ सकलन हल, ऊ सभे अपन-अपन कुल के मोताबिक गिनल गेलन।46ऊ 63, 550 आदमी गिनल गेलन।47बाकि एकरा में लेवी के कुल के आदमियन के नाम के नऽ जोड़ल गेल हल।48काहेकि यहोवा मूसा से कहलन हल।49जब तूँ इस्राएल के गोत्र के लोग के गिनती करिहऽ, तऽ लेवी कुल के लोग के मत गिनिहऽ।50लेवी वंशज के लोग के पवित्र तम्बू आउर ओकर भीतरे संदूक के देख-भाल करे लागी ठहरईलन हे जेकरा में सामान हे जेकरा पर दसगो आज्ञा लिखल गेल हे। आउर उनकर तम्बू के भीतर दूसरा जौन कुछ भी रखल हे, ओकर खियाल रखे के चाही। जब तूँ यात्रा करिहऽ, तऽ ऊ ओही हे जेकरा पवित्र तम्बू आउर ओकरा भीतर रखल सभे चीज के ले जाय के चाही, आउर उनका एकर देख-भाल करे के चाही आउर एकर चारो दने अपन डेरा के खड़ा करे के चाही। 51जखनी तोहनी सभे लागी दूसरा जगह पर जाय के समय होवऽ हे, तऽ लेवी वंसज के पवित्र तम्बू के नीचे उतारे के चाही। आउर जब यात्रा बंद करे के समय होवऽ हे, तऽ उनका फिन एकरा खड़ा करे के चाही। कोई बाहरी आदमी जौन ई काम के करे लागी पवित्र तम्बू भीर जा हे, ओकरा मार देवे के चाही।52हरेक इस्राएली परिवार के झुण्ड अपन-अपन इलाका में अपन डेरा डाले के चाही आउर एगो झंडा खड़ा करे के चाही जे उनकर कुल के अगुवाई करऽ हे।53बाकि लेवी आदमी वंसजवन के पवित्र तम्बू के चारो दने अपन डेरा खड़ा करे के चाही जेकरा से दूसरा इस्राएली मंडली के पवित्र तम्बू भीर आवे के चलते यहोवा के दंड से बचावल जा सकल हे। लेवी के वंशज ओही हथन जिनका पवित्र तम्बू के रक्षा करे लागी ओकर चारो दने खड़ा रह हथन। 54येहिसे इस्राएल के लोग सभे कुछ ओईसहीं कईलन जईसन यहोवा मूसा के आज्ञा के देलन हल।
Bridge Connectivity Solutions Pvt. Ltd.