Numbers15
1तब यहोवा मूसा से कहलन,2इस्राएलियन से ई कहऽ, कि जखनी तूँ ऊ देश में पहँचवऽ जौन हम तोरा दे ही,3आउर तूँ यहोवा ला खास बलिदान चढ़ावऽ, आउर जखनी याजक ओकरा वेदी पर जलावे, तब हम खुश होम। ओकरा में से कुछ अईसन बलि हो सकऽ हे जेकरा पूरा तरह से बेदी पर जला देवल जईतो। ओकरा में से कुछ ई सुगंध देवे लागी हो सकऽ हे कि अपने हमरा से एगो गहरा वादा कईलऽ हे, स्वेच्छाबलि के होवे, ओकरा में से कुछ ठहरावल गेल परव में से एगो के बलि हो सकऽ हे जेकरा तूँ हरेक साल मनावऽ हऽ। ई बलि तोहनी के धूर जनावर के झुण्ड में से चाहे तोहनी के भेड़ बकरियन में से लेवल जा सकऽ हे4आउर तूँ यहोवा के होमबलि चढ़ईहऽ, आउर एपा के दसवां हिस्सा के अन्नबलि भी चढ़ईहऽ, जेकरा पर एगो हिन के तेल मिलल होवे। 5जखनी तूँ एगो जवान मेढ़ा या बकरी के बच्चा बलि कर के चढ़ईवऽ, जौन पूरा तरह जल जाय, चाहे जखनी तूँ हरेक जवान भेड़ के मेम्ना बलि चढ़ईवऽ, तऽ पिये के लायक एक लीटर दाखमधु तइयार करिहऽ6जखनी तूँ एगो मेढ़ा बलि करे लागी चढ़ईवऽ, लमसम सवा लीटर जैतून के तेल में मिलावल लमसम साढ़े तीन लीटर बारीक पिसल अन्नबलि भी चढ़ईहऽ। 7आउर बेदी पर लमसम डेढ़ सेर दाखमधु उझलिहऽ। जखनी ऊ जल रहल होत तऽ ओकर सुगंध यहोवा के बड़ी बढ़िया लगत। 8कहियो-कहियो तूँ एगो जवान बैल के वेदी पर जलावे लागी होमबलि चढ़ईहऽ। कहियो-कहियो तूँ ई मनिता माने लागी बलिदान चढ़ईहऽ कि तूँ यहोवा से एगो गहरा बादा कईलऽ हे। कहियो-कहियो तूँ हमरा साथे मेल-मिलाप शुरू करे लागी मेलबलि चढ़ईहऽ।9जखनी तूँ बछड़ा के बलिदान चढ़ईहऽ, तऽ तोरा लगभग तीन दसवां भाग जैतून के तेल के साथे मिलावल लमसम आधा हीन तेल बारीक पिसल मैदा भी चढ़ावे के चाही। 10आउर अर्घ लागी आधा हीन दाखमधु चढ़ईहऽ कि यहोवा लागी सुगन्धदायक होवे। 11आउर जखनी कोई बैल चाहे मेढ़ा चाहे नर मेम्ना या बकरी के बच्चा बलि कर के चढ़ईहऽ, तऽ ऊ एही तरह करिहऽ। जौन जनावर तूँ हमरा भीर बलि लागी लावऽ, उनका ई आज्ञा के पालन कर के होत।12आउर जौन जनावर तूँ हमरा भीर बलिदान लागी लावऽ, ऊ सभे लागी तोरा ई आज्ञावन माने के होत।13तूँ सभे मूलनिवासी लोगवन जौन जीवन भर इस्राएली रहलऽ हे, जखनी तूँ अईसन बलिदान चढ़ईहऽ जौन वेदी पर जलावल जाय तऽ यहोवा ला सुखदायक सुगंध होत, तऽ ई सब नियम के पालन करिहऽ।14जदि कोई परदेशी तोरा से मिले आवे, या तोर बीच में रहे, आउर कोई अईसन बलिदान लावे चाहे, जेकरा से वेदी पर जलावल जाय, तब ऊ यहोवा ला सुखदायक सुगंध हव्य होवत, तऽ उनका एही आज्ञा के पालन करे के चाही।15हम समझऽ ही, कि जौन हमेशा इस्राएली रहलन हे, आउर जौन परदेशी हे, ऊ सभे एक जइसन हथिन, येहिसे ऊ सभे के एक ही आज्ञा के पालन करे के चाही। तोर सभे वंशजवन के यहोवा के ई आज्ञावन के पालन करते रहे परतो।16तूँ इस्राएलियन आउर तोरा बिच में रहे वालन परदेशियन, “सभे के बराबर आज्ञा के माने के चाही।”17यहोवा मूसा से ई भी कहलन,18इस्राएली लोगवन के ई आज्ञा सुनावऽ, कि जखनी तूँ ऊ देश में पहुँचिहऽ, जेकरा में हम तोरा ले जा रहली हे,19आउर उहाँ के उपज के खईबऽ, तखनी ओकरा में से कुछ रखिहऽ ओकरा में से यहोवा ला पवित्र दान कर के ओकरा अलगे कर के यहोवा दान करऽ।20हरेक साल पहला अनाज जौन तूँ कूटे के वाध खलिहान में से जमा करिहऽ, ओकरा में से कुछ अलगे रख दिहऽ। जौन पहला मैदा तूँ पिसिहऽ ओकरा में से एगो रोटी पका के, आउर पवित्र दान कर के हमरा सामने चढ़ईहऽ।21तूँ आउर तोर वंश हरेक साल अपन उपज के पहला हिस्सा के मैदा से पकावल एगो रोटी बना के यहोवा ला चढ़ावल करिहऽ।22अईसन समय हो सकऽ हे जखनी तोहनी इस्राएली सभे आज्ञावन के पालन नऽ करऽ हऽ जौन यहोवा तोहनी के माने लागी मूसा के देली हे, बाकि ई ला नऽ कि तूँ उनकर आज्ञा के तोड़े के इरादा रखऽ हऽ।23अईसन भी हो सकऽ हे कि तोर वंसजवन में से कुछ लोगवन ई सभे आज्ञावन के पालन न करे जौन यहोवा तोरा माने लागी मूसा के देली हे।24जदि तूँ चाहे ऊ ई सभे आज्ञावन के पालन करे ला भूल के पाप करवऽ, आउर इस्राएली लोगवन में से कोई के भी नऽ जानकारी होवे कि ऊ अईसन कर रहलन हे, तऽ सभे लोगवन लागी बलि कर के एगो बछड़ा याजक भीर लावल जाय। जखनी ई वेदी पर जलावल जायत तऽ ई यहोवा ला सुखदायक सुगंध होत। उनका अपन पाप के दोष दूर करे लागी हमरा भीर मैदा के अन्नबलि, दाखमधु के अर्घ, आउर पापबलि चढ़ावे लागी एगो बकरा भी लावे के चाही।25ई सभे बलिदनमन के चढ़ा के याजक तोहनी सभे इस्राएली लोग लागी पछतावा करतन। तब उनका वेदी पर जलावे लागी यहोवा भीर पापबलि लावे के नतीजा तोरा मांफ करल जायत, काहेकि तूँ बिना ई समझले कि तूँ पाप कर रहलऽ हे, पाप करल हे।26तोहनी इस्राएली लोगवन, आउर तोर बिच में रहे वाला परदेशीयन, सभे के गुनाह मांफ करल जायत।27जदि कोई आदमी बिना ई समझे पाप करतन कि हम पाप कर रहली हे, तऽ ऊ आदमी के दोष दूर करे लागी हमरा भीर एगो पापबलि के बकरा ले आवे के चाही।28याजक ऊ आदमी के पाप के दोष दूर करे लागी ओकरा बलिदान कर के यहोवा के सामने पश्चाताप करे के चाही, आउर ऊ आदमी के पाप मांफ करल जायत।29तोहनी इस्राएलियन मूलनिवासी, आउर तोर बिच में रहे वाला सभे परदेशियन के ई सभे आज्ञावन पालन करे के चाही।30बाकि जौन इस्राएली मूलनिवासी आउर तोर बिच में रहे वालन परदेशियन भी जानबूझ के यहोवा के आज्ञावन के तोड़लन हे, ऊ अईसन कर के यहोवा के खिलाफ पाप कईलन हे। येहिसे उनका शिविर से निकास देवे के चाही।31ऊ यहोवा वचन के अपमान कईलन हे आउर जानबूझ के यहोवा के आज्ञा के तोड़लन हे, येहिसे उनकर पाप के सजा ई मिले के चाही कि ऊ तोहनी के बिच में फिनो कभी नऽ रह सकतन।32एक दिन जखनी इस्राएलियन जंगल में हलन, तऽ ओकरा में से बड़ी मनी एगो आदमी के सब्त के दिन लकड़ी बीनते देखलन।33जौन लोगवन ऊ अईसन करते देखलन ऊ ओकरा हारून आउर मूसा आउर बचलकन इस्राएली लोग भीर ले अईलन।34ऊ होशियारी से उनकर हिरासत में रखलन, काहेकि ऊ नऽ जानऽ हलन कि ओकरा सजा देवे लागी का करीयई।35तऽ यहोवा मूसा से कहलन, “ऊ अादमी मारे ला जरुरी हे। तूँ सभे के छावनी के बहारसी ओकरा पर पत्थरवाह कर के मार डाले के चाही।”36येहिसे ऊ सभे ऊ आदमियन के छावनी से बहारसी ले गेलन, कि ओकरा पर पत्थरवाह कर के ओकरा मार देतन, जईसे यहोवा मूसा के आज्ञा देलन हल।37यहोवा मूसा से ई भी कहलन,38“इस्राएल के लोगवन से ई कहऽ: 'तूँ आउर तोर सभे वंशजवन के धागा के एक साथे जोड़ के झालर बनावे के चाही, आउर फिनो उनका अपन कपड़वन के निचला किनारा पर नीला डोरियन से जोड़े के चाही।39जखनी तूँ झालरवन के देखवऽ, तब जौन-जौन आज्ञावन यहोवा तोरा देली हे ऊ सभे तोरा याद आवत, आउर तूँ उनका मानते रहिहऽ। ई तरह तूँ हमरा से विश्वासघात न करवऽ। तूँ ऊ विश्वाशघाती वेश्या के जईसन नऽ होवऽ जौन ऊ लज्जा वाला काम करऽ हे जेकरा ऊ देखऽ हे आउर करे ला चाहऽ हे।40ऊ झालरवन के देखके तोरा ईयाद रखे में मदत मिलतो कि तोरा परमेश्वर के सभे आज्ञावन के पालन करे परतो, आउर तूँ हमर पवित्र परजा ठहरवऽ41ई मत भुला कि हम तोर परमेश्वर यहोवा ही। हम ओही ही जौन तोरा मिस्र से येहिगुने निकास के लईली हे जेकरा से तूँ हमर हो जा। हम यहोवा, तोर परमेश्वर ही।”
Bridge Connectivity Solutions Pvt. Ltd.