Numbers14
1जब इस्राएल के पूरा समुदाय कनान के बारे में बारह लोग जे जानकारी देलन ऊ रात सभे इस्राएली लोग जोर से चिचियाय लगलन। 2दूसरा दिन ऊ सभे हारून आउर मूसा के खिलाफ शिकायत कईलन। सभे लोगवन कहलन, "अच्छा हल मिस्र में चाहे एही जंगल में मरती हल! 3यहोवा हमनी के ई देश में काहे ले आवऽ हथिन, जहाँ हम तलवार से मारल जईबई? आउर ऊ हमनी के मेहरारूयन आउर लईकमन के अपन दास बनावे लागी छीन लेतन। कनान जाय के बजाय, हमनी लागी मिस्र लौटे ला बढ़िया होत!"4तऽ ओकरा में से ढेर मनी लोग अपने में कहलन, हमरा एगो अईसन अगुवा चुन लेवे के चाही जौन हमरा मिस्र में वापस ले जईतन। 5तब हारून आउर मूसा उहाँ जमा होलन सभे इस्राएलियन लोगवन के आगे झुक के प्रार्थना कईलन।6नून के बेटा यहोशू आउर यपुन्ने के बेटा कालेब नाम के आदमियन में से जौन ऊ देश के पता लगावे गेलन हल, बड़ी घबरा गेलन, आउर ऊ दुःख में अपन कपड़ा फाड़ लेलन।7ऊ इस्राएली लोगवन से कहलन, "जौन देश के हम पता लगईली हे ऊ बड़ी बढ़िया हे।8जदि यहोवा हमरा से खुश रहऽ हे, तऽ ऊ हमनी के ऊ उपजाऊ देश में ले जईतन, आउर ऊ हमनी के दे देतन।9येहिसे यहोवा से बगावत नऽ करऽ! आउर देश के लोगवन से मत डरऽ! हम ओकरा निगल जायम! ओकर कोई नऽ हे जौन ओखनी के हिफाजत करतन, बाकि यहोवा हमरा साथे रहतन आउर हमर मदत करतन। येहिसे ओखनी से मत डरऽ!" 10तब सभे इस्राएली लोग कालेब आउर यहोशू के पत्थर मार के हत्या करे के बात कईलन। बाकि एकबैग यहोवा के महिमा पवित्र तम्बू में उनका पर प्रकट होल। 11तब यहोवा मूसा से कहलन, “ई सभे लोगवन कखनी तक हमर बेईज्जती करते रहतन? हम ओखनी लोग से थक गेली हे जौन ई बतिया पर विश्वास नऽ कर हे कि हम का कर सकऽ ही, बिना एकर कि हम ओखनी के बीच में सभे चमत्कार कईली हे।12येहिसे हम ओखनी में महामारी फईलायम, आउर ऊ सभे के निज भाग से निकाल देम। बाकि हम तोर वंशजवन के एगो महान राष्ट्र बनायम जौन ई लोग से कहूँ जादे महान आउर तागतवर होतन।”13बाकि मूसा यहोवा के उत्तर देलन, “कृपा कर के अईसन मत करऽ, काहेकि मिस्र के लोग एकरा बारे में सुनतन! तूँ अपन महान ताकत से ई सभे इस्राएलियन के मिस्र से निकास लईलऽ हे,14मिस्र के लोगवन ई देश में रहे वाला कनान के वंसजवन के ई बता देतन। हे यहोवा, ऊ अपन बारे में पहले ही सुन चुकलन हे। ऊ जानऽ हे कि तूँ ई लोगवन के साथे रहऽ हऽ आउर ऊ तोरा आमने-सामने देखलन हे। ओखनी सुनलन हे कि तूँ एगो बादल के विशाल खम्भा के जइसन हे जौन ओकर ऊपर रहऽ हे, आउर ऊ बादल में होके तूँ दिन के उनकर अगुवाई करऽ हऽ, आउर रात के ऊ बादल आग बन के ऊ सब के इन्जोरा दे हथन।15जदि तूँ ई सभे लोगवन के एक ही समय में मार देवऽ, तऽ जौन लोग तोर ताकत के समाचार सुनलऽ हे ऊ कहतन,16'यहोवा उनका ऊ देश में पहुँचावे में समर्थ नऽ रह सकलन जेकरा देवे के वचन देलन हल, येहिसे ऊ उनका जंगल में मार देलन। 17येहिसे हे यहोवा, अब देखा दे कि तूँ बड़ी सामर्थी हऽ। तूँ कहलऽ,18यहोवा जल्दी नऽ गोस्साय वाला ही आउर करुणामय ही। एकर बदले, हम लोगवन से बड़ी प्यार करऽ ही आउर लोगवन के पाप करे आउर अपन नियम के तोड़े लागी मांफ करऽ हऽ। बाकि हम हमेशा ऊ लोगवन के सजा देम जौन गलत काम करे लागी दोषी हे। जखनी माय-बाप पाप कर हे, तऽ हम उनका सजा देम, बाकि हम उनकर लईकमन, उनकर पोतवन-पोतियन, उनकर परपोतवन-परपोतीयन के भी सजा देम। 19येहिसे, जबकि तूँ अपन परजा से बड़का वाचा के ईमानदारी से प्रेम रखऽ हऽ, ई लोग के उनकर पाप के बड़ी करुणा के मोताबिक मांफ करऽ, जईसे तूँ ओखनी के मिस्र छोड़ला के बाध से माफ करते अईलऽ हे।”20तब यहोवा उत्तर देलन, “जईसन तूँ हमरा से बिनती कईलऽ हे, ओईसहीं हम उनका क्षमा कर दे ही।21बाकि, हम एकदम से ई बात के एलान करऽ ही कि हम जिन्दा ही आउर संसार भर के लोग यहोवा महिमा देख सकऽ हे 22ओखनी सभे लोगवन हमर महिमा देखलन हे, आउर ऊ सभे चमत्कार के जौन हम मिस्र के जंगल में कईली हल, देखलन, बाकि ओखनी हमर आज्ञा नऽ मानलन, आउर बड़ी बार परखलन, कि हमरा सजा देले बिना ऊ बुरा काम लगातार करते रहतन कि नऽ। 23ई चलते ओखनी में से कोई भी ऊ देश के नऽ देखतन जौन हम उनकर पूर्वजवन के देवे के किरिया खईली हल। आउर जौन हम उनका देम। जौन कोई हमरा इनकार कर देलन, ऊ ऊ देश के नऽ देखतन।24बाकि कालेब जौन हमर बढ़िया सेवा करऽ हे, ऊ सभे से अलगे हे। ऊ हमर पूरा बात मानऽ हे। येहिसे हम उनका ऊ देश में ले जायम जेकरा ऊ पहले ही देखलन हे, आउर उनकर वंशज ओकर अधिकारी होतन।25येहिसे, काहेकि अमालेकियन आउर कनानियन के वंशज जौन कनान के घाटियन में रहऽ रहलन हे बड़ी शक्तिशाली हे, जखनी तूँ ईहाँ से निकलवऽ, तऽ कनान दने नऽ जा के जंगल के रास्ते लाल समुद्र दने लौट जईहऽ।”26तब यहोवा हारून आउर मूसा से कहलन,27“ई राष्ट्र के दुष्ट लोगवन कहिया तक हमरा बारे में शिकायत करते रहतन? जौन कुच्छो ऊ हमरा पर कुड़कुड़ईलन हे, ऊ सभे हम सुनली हे।28तऽ अखनी उनका से ई कहऽ: 'हम, यहोवा, पक्का हम कसम खा ही, हम ओही करबई जौन तूँ कहलऽ हल।29हम तोहनी सभे के हिएँ ई जंगल में मरवा देवो! काहेकि तूँ हमरा पर बुड़बुड़ईलऽ हल, येहि चलते तोहनी में से जौन बीस वरिस से चाहे ओकरा से जादे उमर के हल, आउर जखनी मूसा सभे के गिन लेलन हल तऽ तोरा में से कोई भी ओकरा में प्रवेश नऽ करवऽ। 30ऊ देश में प्रवेश करवऽ, जेकरा हम तोरा देवे के वादा कईली हे। खाली यपुन्ने के बेटा कालेब आउर यहोशू नून के बेटा ही ऊ देश में प्रवेश करतन।31तूँ तऽ कहलऽ, हल कि तोर लईकमन के दास बनावे लागी तोरा से छीन लेवल जायत, बाकि हम उनका ऊ देश में ले जायम, आउर जौन देश के तूँ छोड़ देलऽ ओकरा में ऊ सुख से रहतन।32बाकि जहाँ तक तोहनी के लाश हे, तऽ हिएँ एही जंगल में पड़ल रहत।33तूँ बालेबच्चे चालीस वारिस तक ईहें जंगल में चरवाहा होके भटकते रहवऽ। बाकि तोर जवान हमरा परती विश्वाशयोग्य नऽ रहलन, येहिसे तोर लईकमन तहिया तक दुःख झेलते रहतन जहिया तक तोहनी सभे जंगल में मर नऽ जईबऽ।34तूँ अपन पापवन के चलते चालीस वरिस तक दुःख भोगते रहवऽ। ऊ चालीस दिन में से हरेक लागी एक वरिस होत जखनी बारहगो जासूस कनान देश के पता कईलन हल। तऽ हम तोरा लागी दुश्मन के जईसन हो जायम। 35ई पक्का तरह से होत काहेकि हमरा, यहोवा, ई कहलन हे! हम ई झुंड में से हरेक ऊ अादमी के साथे अईसन करम जौन हमर खिलाफ साजिस रचलन हे। ऊ सभे ईहें एही जंगल में मर जईतन!”36तऽ मूसा जौन आदमी के भेद लेवे ला भेजलन हल, ऊ लौटके ऊ देश के बारे में बुरा बात फैलाके समूचे मण्डली में मूसा के खिलाफ कुड़कुड़ाय ला भड़कईलन।37ऊ आदमी जौन देश के अनादर करऽ हल, मारल गेल, आउर यहोवा के सामने विपत्ति से मर गेलन।38ऊ बारहो आदमियन में से जौन कनान के पता लगईलन हल, खाली यहोशू नून के बेटा आउर यपुन्ने के बेटा कालेब जिन्दा रहलन।39जखनी मूसा इस्राएलियन के यहोवा के ई बात बता देलन, तब ओखनी में से ढेर मनी लोग बड़ी रोवे लगलन।40येहिसे लोगवन दूसरा दिन भोर के जल्दी उठ के कनान के पहाड़ी देश दने जाय लगलन। ऊ कहलन, “हम जानऽ ही कि हम पाप कईली हे, बाकि अखनी हम ऊ देश में ढूंके लागी तइयार ही जेकरा यहोवा हमनी के देवे लागी वचन देलन हे।”41बाकि मूसा कहलन, “यहोवा तोरा जंगल में लौट जाय ला आज्ञा देलन हे, तऽ अब तूँ उनकर आज्ञा काहे नऽ मानऽ? ई सफल नऽ होत।42अखनी ऊ देश में ढूंके के कोशिस नऽ करऽ! जदि तूँ कोशिश करबऽ, तऽ तोर दुश्मन तोरा हरा देत, काहेकि यहोवा तोरा साथे नऽ हथन।43आउर जखनी तूँ अमालेक आउर कनान के वंश से लड़े लगलन, तब ऊ तोरा मार देतो! यहोवा तोरा छोड़ देतन, काहेकि तूँ उनका छोड़ देलऽ हे।”44बाकि जबकि मूसा छावनी के नऽ छोड़लन, आउर पवित्र तम्बू यहोवा के वाचा सन्दूक जेकरा में दस आज्ञावन हल, छावनी से नऽ निकालल गेल, तइयो लोग कनान के पहाड़ी देश दने जाय लगलन।45तब अमालेकियन आउर कनानियन जौन ऊ पहाड़वन में रहऽ हलन, ओकरा पर चढ़ अईलन, आउर ओखनी पर हमला कईलन; ऊ होर्मा तक दक्खिन दने ओकर पीछा कईलन।
Bridge Connectivity Solutions Pvt. Ltd.