Numbers13
1यहोवा मूसा से कहलन,2“कनान देश के पता लगावे लागी कुछ लोग के कनान भेजऽ। एही ऊ जमीन हे जेकरा हम तोहनी ईस्राएलीयन के देवो। अईसन लोग के भेजऽ जौन अपन गोत्रवन के प्रधान होवे।”3येहिसे मूसा ओही कईलन जौन यहोवा ऊ करे के आज्ञा देलन। ऊ बारहगो इस्राएली आदमियन के भेजलन जौन सभे अपन गोत्रवन के अगुवा हल। ऊ जंगल में पारान के डेरा से निकाल देलन।4ऊ सभे आदमियन के नाम आउर गोत्र ई हे: रुबेन के गोत्र में से जक्कूर के बेटा शम्मू;5शिमोन के गोत्र में से होरी के बेटा शापात;6यहूदा के गोत्र में से यपुन्ने के बेटा कालेब;7इस्साकार के गोत्र में से यूसुफ के बेटा यिगाल; हे8एप्रैम के गोत्र में से नून के बेटा होशे;9बिन्यामीन के गोत्र में से राफू के बेटा पलती10जबूलून के गोत्र में से सोदी के बेटा गद्दीएल;11यूसुफ के वंशज में से मनश्शे के गोत्र में से सूसी के बेटा गद्दी12दान के गोत्र में से गमल्ली के बेटा अम्मीएल;13आशेर के गोत्र में से मीकाएल के बेटा सतूर;14नप्ताली के गोत्र में से वोप्सी के बेटा नहूबी;15कनान देश के गाद के गोत्र में से माकी के बेटा गूएल।16ई सभे ऊ आदमियन के नाम हे जिनका मूसा कनान देश के भेद लेवे ला भेजलन हल। उनका जाय से पहले, मूसा नून के बेटा होशे के एगो नया नाम यहोशू देलन, जेकर मतलब हे 'यहोवा बचावे वाला हथिन। 17एकरा से पहले मूसा उनका कनान के खोज में भेजलन, ऊ उनका से कहलन, “यहूदिया के दक्खिनी जंगल से होक जा, आउर फिन उत्तर दने पहाड़ी देश में जा। 18देखऽ, जमीन कईसन हे? देखऽ कि उहाँ रहे बाला लोग बरियार हे चाहे कमजोर। देखऽ कि का ढेर मनी लोगवन हे चाहे खाली कुछ लोग हथिन।19पता लगावऽ कि ऊ कौन तरह के जमीन पर रहऽ हे। का ऊ अच्छा हे या बुरा हे? ऊ गाँव के बारे में पता लगावे जेकरा में ऊ रहऽ हे। ओकर चारो दने दीवार हे चाहे नऽ? पता लगावऽ20मट्टी के बारे में पता करऽ का ई उपजाऊ हे चाहे नऽ? पता लगाव कि का उहाँ पेड़ हे। ऊ जमीन में उपजे वाला कुछ फलवन के वापस लावे के कोशिस करऽ।” ऊ अईसन येहिसे कहलन काहेकि अंगूर के फसल काटे के पहिला समय शुरू हो गेल हल।21येहिसे ऊ आदमी कनान के चल गेलन। ऊ पूरा राज में, दक्खिन में सिन के जंगल से लेके उत्तर में लेबो हमात के नगीच रहोब शहर तक चल गेलन।22ऊ दक्खिन यहूदिया के जंगल में हेब्रोन के गेलन, जहाँ अहीमन, शेशै, आउर तल्मै नाम अनाक के वंसज के बड़कन आदमी रहऽ हलन। हेब्रोन एगो शहर हल जेकरा मिस्र में जोअन शहर के निर्माण से सात साल पहिले बनावल गेल हल। 23एशकोल के तराई में ऊ एगो अंगूर के गुच्छा के एगो डाली तोड़ लेलन। येहिसे ई बड़ी बड़ा हल, येहिसे एकरा एगो खम्भा पर ले जाय लागी उनका दऽ आदमियन के जरुरत परलई। ऊ अपन शिविर में वापस ले जाय लागी कुछ अनार आउर कुछ अंजीर भी तोड़ लेलन।24ऊ, ऊ जगहिया के एशकोल कहलन जेकर मतलब हे, 'गुच्छा' काहेकि ऊ उहाँ अंगूर के ऊ विशाल गुच्छा के काटलन हल।25आउर चालीस दिन तक देश के जानकारी लेवे के बाध ऊ अपन डेरा लौट गेलन।26तब ऊ हारून आउर मूसा इस्राएल के बचे लोगवन भीर पारान के जंगल के कादेश जगह में अईलन। ओखनी सभे के बतईलन कि ओखनी का देखलन हल। ऊ उनका ऊ फल भी देखईलन जौन ऊ सभे वापस लईलन हल।27बाकि ऊ मूसा से ई कहलन, "हम ऊ देश में पहुँचली गेली हे जेकरा पता लगावे लागी तूँ हमरा भेजलऽ हल। सच में ई एगो बढ़िया जमीन हे। ई बड़ी उपजाऊ जमीन हे आउर इहाँ बड़ी फलदार पेड़ हे। 28बाकि जौन लोग उहाँ रहऽ हथिन ऊ सभे बड़ी तागतवर हे। उनकर शहर बड़का-बड़का हे आउर दीवारवन से घेराल हे। हम उहाँ अनाक के कुछ भयंकर वंशजवन के भी देखली।29अमालेक के वंशज देश के दक्खिन दने, आउर हित्त, यबूस, आउर एमोर के वंश उत्तर के पहाड़ी देश में रहऽ हथिन। कनान के वंसज भूमध्य सागर के किनारे आउर यरदन नदिया के किनारे रहऽ हे।30कालेब ओखनी सभे लोगवन से जौन मूसा भीर खड़ी हलन, चुप रहे ला कहलन। फिनो ऊ कहलन, "हमनी के उहाँ जा के जमीन के उपर अधिकार कर लेवे के चाही, काहेकि हम जरुर ओकरा जीत सकली हे!"31बाकि जौन आदमी उनका साथे गेलन हल ऊ कहलन, नऽ, हम ऊ सभे लोगवन पर हमला कर के हरा नऽ सकऽ ही!"32येहिसे ऊ आदमियन इस्राएलियन के ऊ देश के बारे में जेकरा ऊ पता लगईलन हल, खराब समाचार देलन। ऊ कहलन, “जौन धरती के हम पता लगईली हे ऊ ओखनी लोग के जीवन नास कर देत जौन ओकरा पर हमला करे के कोशिस करतन। आउर उहाँ के रहे वालन सभे लोगवन बड़ी लंबा-तगड़ा हे।33हम उहाँ दानव भी देखली। ऊ अनाक के कुल खानदान हे जौन नपीली, ऊ दिग्गज लोग से आवऽ हे। जखनी हम ई दानव के देखली तऽ हमरा लगल कि हम टिड्डीयन जेतना छोटा ही आउर ओकरा भी लगल कि हम टिड्डीयन जेतना छोटा ही।”
Bridge Connectivity Solutions Pvt. Ltd.