Numbers12
1जब ऊ हसेरोत में हलन तब मरियम आउर हारून ऊ कुशी औरत के चलते जेकरा मूसा बियाह कईलन हल, ओकर बारे में मूसा के निन्दा करे लगलन। 2ऊ कहलन, का यहोवा खाली मूसा से बात कईलन हे कि? का ऊ हमरा से बात नऽ करतन" अखनी यहोवा उनकर बात सुन लेलन3सच तो ई हल कि मूसा बड़ी नरम आदमी हलन। ऊ धरती पर कोई दुसर अादमी के तुलना में सब से जादे नरम हलन।4तब यहोवा तुरते मूसा आउर हारून आउर मरियम से बात कईलन। ऊ कहलन, “तोहनी तीनो जा आउर पवित्र तम्बू में खड़ा रहिहऽ।” तऽ ऊ ओईसहीं कईलन।5तऽ यहोवा एगो विशाल उजला खम्भा के जईसन बादल में होके तम्बू के दुआरी पर उतरलन। ऊ हारून आउर मरियम के आगे बढ़े लागी कहलन, येहिसे ऊ आगे बढ़लन।6तऽ यहोवा उनका से कहलन,"हमर सुनऽ"जखनी कोई भविष्यद्वक्ता तोर बीचे में रहऽ हथन,तऽ हम उनका दर्शन दे के खुद के प्रकट करऽ हे,आउर सपना में उनका से बात करऽ ही।7बाकि हम अपन दास मूसा से ई तरह से बात नऽ करऽ हीहमरा विश्वास हे कि ऊ हमर लोगवन के बढ़िया से अगुवाई करऽ हथन। 8येहिसे हम उनका से आमने-सामने बात करऽ ही।हम उदाहरण के इस्तेमाल नऽ कर के, उनका से साफ-साफ बात करऽ ही।ऊ ई भी देख लेलन हे कि यहोवा कईसन लगऽ हथन।येहिसे तोरा हमर दास मूसा के निंदा करे से डरे के चाही!9यहोवा मरियम आउर हारून पर बड़ी गोस्सा होलन, आउर चल गेलन।10जखनी बादल पवित्र तम्बू से ऊपर उठल, तऽ हारून मरियम पर दृष्टी कईलन, आउर का देखलन कि चमड़ा बर्फ के जईसन सफेद हो गेल हे, काहेकि उनका अब कोढ़ी हो गेल हे।11हारून मूसा से कहलन, हे हमर स्वामी, हम जौन मुर्खता से पाप कईली ओकर सजा हमरा नऽ दऽ12मरियम के ऊ लईकन के जईसन न होवे दऽ जौन पईदा होते ही मर जा हे, आउर जेकर मांस आधा सड़ जा हे!"13तऽ मूसा यहोवा के दोहाई दे के कहलन, हे परमेश्वर, हम अपने से बिनती करऽ ही, कि तूँ ओकरा चंगा कर दऽ14बाकि यहोवा मूसा के जबाब देलन, “जदि ओकर बाबूजी उनकर मुंह पर थूक के खराब काम करे के चलते ओकरा डांटे, तऽ ऊ सात दिन तक लज्जित होतन। ऊ जौन कईलन हे ओकरा पर उनका शरम आवे के चाही येहिसे उनका सात दिन ला छावनी से बहारसी भेज दऽ। तऽ ओकरा फिनो से कोढ़ के रोग नऽ होत, आउर ऊ छावनी में लौट सकऽ हे।” 15येहिसे उन्खानी मरियम के सात दिन लागी छावनी से बहारसी भेज देलन। जखनी तक ऊ वापस नऽ लौटलन, लोगवन दूसरा जगह पर नऽ गेलन।16बाकि उनका लौट आवे के बाद ऊ हसेरोत के छोड़ के पारान मरुस्थल में उत्तर दने चल गेलन, आउर उहाँ अपन तम्बू खड़ा कईलन।
Bridge Connectivity Solutions Pvt. Ltd.