Numbers11
1एक दिन इस्राएली लोग यहोवा से अपन समस्या के बारे में शिकायत कईलन। जखनी यहोवा सुनलन कि ऊ का कह रहलन हे, तऽ ऊ गोस्सा होलन। येहिसे ऊ आग भेजलन जौन लोगवन के बीचे उनकर छावनी के एक छोर से जरे लगल।2तऽ लोगवन मूसा के दोहाई देलन, आउर ऊ यहोवा से प्रार्थना कईलन। फिन आग जरे ला बंद हो गेल।3येहिसे ओखनी ऊ जगहिया के नाम तबेरा रखलन, जेकर मतलब हे 'जरे ला', काहेकि यहोवा के आग ओखनी के बीचे में जरे लगल हल। 4तऽ दुसर लोग के झुंडवन में से कुछ उपद्रवी लोग जौन इस्राएलियन के साथे यात्रा कर रहलन हल, बढ़िया खाना के चाह करे लगलन। आउर जखनी ऊ शिकायत करे लगलन। तऽ ओखनी कहलन, "अईसन हमरा भीर खाय लागी कुछ मांस होत हल! 5हमरा ऊ मछलियन याद हे जौन मिस्र में रहते घड़ी खा हली, मतलब जौन मछलियन हमरा सेंतमेंत में देवल जा हल। आउर हमरा भीर सभे खीरा, खरबूजा, लिक, प्याज आउर लहसुन हल जौन हम खा सकऽ हली।6बाकि अब हमर भूख मिट गेल हे, काहेकि अखनी हमरा खाली एही मन्ना खाय ला हे!7मन्ना छोटा धनिया सफेद बिच्चा के जईसन हल।8रोजदिन भोरे लोगवन बाहरे जा हलन आउर जमीन पर से कुछ बटोरऽ हलन। फिन ओखनी पीसके या पत्थरवा से कूटके मैदा बनईलन। फिन ओखनी पानी डाल के आउर एकरा एगो बर्तन में उबाललन, चाहे ओखनी एकरा साथे चपटा केक बनईलन आउर ओकरा पकइलन। केक के सबाद जैतून के तेल से पकावल गेल रोटी जईसन हल।9आउर रोज रात के मन्ना ओखनी के तम्बू पर आकाश से सीत के जईसन गिरऽ हल। 10जखनी सभे परिवारवन लोग अपन-अपन डेरवन के द्वारा पर खड़ा हलन, तऽ मूसा उनका सिकायत करते सुनलन। यहोवा बड़ी गोस्सा होलन, आउर मूसा भी बड़ी घबरा गेलन।11मूसा पवित्र तम्बू में गेलन आउर यहोवा से प्रार्थना कर के कहलन, “तूँ हमरा पर, अपन दास पर ई समस्या काहे डाललऽ हे? हमरा पर दया करऽ! हम अईसन का गलत कईली हे जेकर नतीजा तूँ हमरा ई सभे लोगवन के देख-रेख करे लागी खड़ा कईलऽ हे?12हम उनकर पूर्वज नऽ ही। तूँ हमरा से उनका देख-रेख करे लागी काहे कहलऽ हे जईसे एगो औरत अपन लईका के लेके घूमऽ हे आउर ओकरा पोसऽ हे? हम ओखनी के ऊ देश में कईसे ले जा सकऽ ही जेकरा तूँ हमनी के कुल-खमदान के देवे के वचन देलऽ हे?13ई सभे लोग के खिलावे लागी हम मांस कहाँ से लायेम? ऊ हमरा से शिकायत कर रहलन हे आउर कह रहलन हे, 'हमरा खाय लागी कुछ मांस दऽ!'14हम ई सभे लोगवन के बोझ अकेल्ले नऽ उठा सकऽ ही! ऊ हमरा लागी एगो भारी बोझ के तरह हे, आउर हम अखनी एतना भारी बोझ नऽ उठा सकऽ ही।15जदि तूँ हमरा साथे अईसन वर्ताव करे ला चाहऽ हऽ, तऽ अब हमरा मार डालऽ। जदि तूँ सच में हमरा बारे में चिंता करऽ हऽ, तऽ हमरा पर दया करऽ तऽ हमरा हमर दुर्दशा के नऽ देखे दऽ!”16तऽ यहोवा मूसा से कहलन, सत्तर आदमियन के जेकर बारे में तूँ जानऽ हऽ कि ऊ इस्राएली लोगवन में पुरनिया हथन, बुलावऽ। उनका से कहऽ कि, तूँ लोग ला बुजुर्ग आउर अधिकारी हऽ आउर ऊ पवित्र तम्बू के सामने तोरा साथे खड़ी होवे।17हम निचे आयेम आउर तोरा से बात करबो। तऽ हम अपन आत्मा के जौन ताकत तोरा भीर हे, ओकरा में से कुछ ले लेबो, आउर ऊ ताकत के ओकरा पर भी डालम। ऊ तोरा कुछ अईसन चीज के ध्यान रखे में मदत करतो जेकर बारे में लोगवन चिंता में हथिन, जेकरा से तोरा एकरा अकेले करे के जरुरत नऽ पड़े। 18आउर लोगवन से ई भी कहिहऽ, कि खुद के हमरा ला कबूलेयोग्य बनावऽ, आउर कल तोरा भीर खाय लागी मांस होतो। तूँ शिकायत कर रहलऽ हल, आउर यहोवा तोर सुन लेलन, जखनी तूँ कह रहलऽ हल, “हमरा खाय लागी कुछ मांस चाही। मिस्र में हमरा बढ़िया खाय ला मिलऽ हल!” अब यहोवा तोरा कुछ मांस देतन, आउर तूँ ओकरा खईबऽ19तूँ एक दिन चाहे दू दिन ही नऽ, बलुक खाली पांच, चाहे दस, चाहे बीस दिन तक ही मांस खईबऽ20आउर तूँ एक महीना तक रोजदिन मांस खईबऽ, आउर ओकरा से तोरा घिन बरतो, आउर ओकरा से तोरा उल्टी करे के इच्छा होतो। अईसन येहिसे होतो काहेकि तूँ यहोवा के जौन इहाँ तोर बीच में हथिन, इनकार कर देलऽ हे, आउर तूँ ओकर सामने ई कह के विलाप कईलऽ हे, “जदि हम मिस्र नऽ छोड़ती हल तऽ हमरा भीर खाय लागी बढ़िया खाना होतई हल।”21बाकि मूसा यहोवा के उत्तर देलन, "इहाँ हमरा साथे छ: लाख आदमी, औरतियन आउर लईकन हे, तऽ तूँ ई काहे कहऽ हऽ, 'हम ओखनी के एक महीना तक रोजदिन भर पेट खाना देवो!'?22जदि हम सभे भेड़ बकरियन के झुंड आउर बछिया-बैलवन के मार डालम, तइयो ऊ सभे के खाय लागी ऊ काफी न होतई! जदि हम समुद्र के सौंसे मछलियन पकड़ के ओखनी के दे दियई, तईयो ई भरपूर न होतई!"23बाकि यहोवा मूसा से कहलन, का तूँ समझऽ हऽ, कि हमरा में कोई ताकत नऽ हे? अब तूँ देखवऽ कि का हम ऊ कर सकऽ ही जौन कहऽ ही कि हम करबई।24तब मूसा पवित्र तम्बू से बहारसी निकसलन, आउर यहोवा जौन कुछ कहलन चाहे, ऊ इस्राएली लोग से कहलन। तब ऊ सत्तरगो पुरनिया के जमा कईलन, आउर ओखनी के पवित्र तम्बु के चारो दने खड़ा होवे ला कहलन।25तब यहोवा ऊ बादल में से जौन तम्बू के उपरे हलन उतर अईलन, आउर मूसा से बात करे लगलन। ऊ आत्मा के कुछ ताकत जौन ऊ मूसा के देलन हल, ओकरा में से लेके सत्तर पुरनिया के दे देलन। अपना भीतर आत्मा के शक्ति के जरिये, ऊ भविष्यवाणी कईलन, बाकि ऊ खाली अईसन एक बार कईलन।26मूसा जौन अगुवा के ठहरईलन हल, ओकरा में से दुगो, एल्दाद आउर मेदाद, जब बाकि लोग जमा होलन तऽ ऊ उहाँ नऽ हलन। ऊ पवित्र तम्बुअन के चारो दने जाय आउर खड़ा होवे लागी अपन तम्बू न छोड़लन हल। बाकि यहोवा के आत्मा उनका पर भी उतरलन, आउर ऊ भविष्यद्वाणी करे लगलन।27तब एगो जवान दौड़ के मूसा से कहलन, एल्दाद आउर मेदाद भविष्यद्वाणी कर रहलन हे, कि उनकर सभे तम्बू कहाँ हे।28नून के बेटा यहोशू, जौन बचपन से ही मूसा के मदत कईलन हल, कहलन, "श्रीमान, उनका से कहऽ कि ऊ अईसन करे ला बंद करे!"29बाकि मूसा उत्तर देलन, का तूँ हमरा से जलन करऽ हऽ, कि कहूँ ऊ हमर बेईज्जती नऽ करे? हम चाहऽ ही कि यहोवा के सभे लोगवन भविष्यवाणी कर सके। हम चाहऽ ही कि यहोवा ऊ सभे के अपन आत्मा के शक्ति दे!" 30तऽ मूसा आउर सब इस्राएली पुरनिया अपन-अपन डेरवा में लौट गेलन।31तऽ यहोवा समुद्र दने से भयंकर अंधड़ चलईलन। एकरा से बटेरवन छावनी के चारो दने के इलाका में उड़ गेल, आउर बटेरवन जमीन पर गिर गेल। ऊ एक मीटर ऊँचा जमीन पर ढेर हो गेल! 32तब लोग निकस के सौंसे दिन, आउर सौंसे रात, आउर दुसरका दिन बटेर बटोरते रहलन। अईसन लग रहल हल समझऽ हरेक आदमी दु घन मीटर जमा कर लेलन हे! ओखनी बटेरवन के डेरा के चारो दने जमीन पर फैला देलन, जेकरा से बटेरवन के नमी खतम हो जईतई।33तब ऊ ओकरा पका के खाय लगलन। बाकि जखनी ऊ मांस खा ही रहलन हल, तब यहोवा प्रकट कईलन कि ऊ उनका पर बड़ी गोस्साल हथिन ऊ उनका पर भयंकर माहामरी भेजलन आउर ढेर मनी लोग मर गेलन।34जौन लोग मर गेलन आउर दफना देवल गेलन, ऊ ओही हलन जौन कहलन हल कि हम मांस खाय ला चाहऽ ही जईसन कि ओखनी पहिले मिस्र में खईलन हल। येहिसे ऊ जगह के नाम किब्रोतहत्तावा रखलन, जेकर मतलब हे, ऊ सभे के कब्रवन जौन तरसऽ हलन। 35फिर किब्रोतहत्तावा इस्राएलियन पूरब देने चलते रहलन, आउर हसेरोत में पहुंचलन आउर ऊहीं ठहरलन आउर बड़ी दिन ला ठहरल रहलन।
Bridge Connectivity Solutions Pvt. Ltd.