Numbers10
1यहोवा ने मूसा से ई भी कहलन,2“कोई से कहऽ कि चाँदी के एगो टुकड़ा से हथौड़ा मार के दुगो तुरही बनावऽ। लोगवन के एक साथे आवे लागी बोलावे ला तुरही बजावऽ आउर ई इशारा भी दीहऽ कि ओखनी अपन तम्बू के कोई नया जगह पर ले जाय।3जदि दुन्नो तुरहिया फूकल जा हे, तऽ एकर ई मतलब हे कि सभे कोई के मिलापवाला तम्बू प्रवेश द्वारा पर एक्के साथे जमा होवे के चाही।4जदि खाली एगो तुरही फूंकल जायत, तऽ इस्राएल के गोत्रवन के बारहो प्रधान जमा होतन।5जदि तुरही के जोर से बजावल जाय, तऽ पवित्र तम्बू के पूरब में रहे वालन गोत्रवन के आगे चले ला शुरू कर देवे के चाही।6जब दूसरा बार तुरही जोर से फूकल जाय, तऽ दक्खिन दने रहे वालन गोत्रवन के आगे चले ला शुरू कर देवे के चाही। तुरही के जोर से आवाज ई इशारा देत कि ओखनी के चले ला शुरू कर देवे के चाही।7जखनी तूँ खाली लोगवन के जमा करे ला चाहऽ हऽ तऽ तुरही बजावऽ, बाकि एतना जोर से मत बजावऽ8हारून के वंशज याजक के ही तुरही फूँके के चाही। ई एगो अईसन विधि हे जेकरा कहियो नऽ बदलल जईतई।9जखनी तूँ अपने देश में ऊ सभे दुश्मन से लड़वऽ जौन तोरा पर हमला करऽ हे, तऽ याजकवन से कहऽ कि ओखनी सभे जोर से तुरही फूकतन। हम, यहोवा, तोर परमेश्वर, ई सुनम, आउर तोरा तोर दुश्मन से बचायम।10आउर याजकवन से ई भी कहऽ, कि जखनी लोगवन खुश रहे, आउर हरेक साल के ठहरावल गेल परव में, आउर हरेक महीना नया चाँद मनावे के घड़ी तुरही फूकतन। उनका से कहऽ कि जखनी लोग मेलबलि ला भेंट लावे जौन पूरा तरह से जलावल जईतो, आउर जखनी ऊ हमरा साथे मेल-मिलाप सुरु करे लागी भेंट लईतन तऽ तुरहियन फूकतन। जदि ऊ अईसन करऽ हे, तऽ एकरा से तोरा हमरा बारे में सोचे में मदत मिलतो। तोरा अईसन करही परतो काहेकि हम तोर परमेश्वर यहोवा ही।” 11इस्राएलियन के मिस्र से निकले के दूसरा साल, के दूसरा महीना के बीसवाँ दिन के बादल पवित्र तम्बू के उपरे से उठ गेल।12तऽ इस्राएलियन सीनै के जंगल से चललन, आउर उत्तर दने चलते रहलन, जखनी तक बादल पारान के जंगल में रुक नऽ गेल,13ई पहला बार हल कि ऊ सभे आज्ञा के पालन करते आगे चललन, जौन यहोवा मूसा के ओखनी के बतावे लागी देलन हल।14जौन झुण्ड अपन झंडा लेके सब से पहिले गेल, ऊ यहूदा के गोत्र के झुंड हल। अम्मीनादाब के बेटा नहशोन ओकर सेनापति हल।15इस्साकार के गोत्र के झुंड उनकर पीछे हो लेलन। सूआर के बेटा नतनेल ओकर अगुवा हलन।16जबूलूनियन के गोत्र के झुण्ड आगे गेलन। हेलोन के बेटा एलीआब ओकर अगुवा हल।17तऽ ओखनी पवित्र तम्बू के ढाह देलन, आउर गेर्शोन आउर मरारी के वंशजवन ओकरा उठईलन, आउर ऊ आगे चल गेलन।18रुबेन के गोत्र के झुण्ड अपन झंडा लेके आगे चले लगलन। शदेऊर के बेटा एलीसूर ओकर अगुवा हलन।19शिमोन के गोत्र के झुण्ड आगे हल। सूरीशद्दै के बेटा शलूमीएल ओकर अगुवा हलन सूरीशद्दै20गाद के गोत्र के समूह आगे हल। दूएल के बेटा एल्यासाप ओकर प्रधान हल।21कहात से उतरल दल आगे हल। ऊ पवित्र तम्बू से पवित्र चीजवन ले गेलन। उनका उहाँ पहुंचे से पहले गेर्शोनियन आउर मरारियन लेवी गोत्र के नया जगह पर पवित्र तम्बू खड़ा करल गेल हल।22एप्रैम के गोत्र के झुण्ड अपन झंडा लेके आगे हल। अम्मीहूद के बेटा एलीशामा ओकर अगुवा हलन।23मनश्शे के गोत्र के झुंड आगे चललन। पदासूर के बेटा गम्लीएल ओकर अगुवा हलन।24बिन्यामीन के गोत्र के झुंड आगे चलल। गिदोनी के बेटा अबीदान ओकर अगुवा हलन।25जौन सभे से पीछे चललन ऊ दान के गोत्र के झुण्ड हल, जौन अपन झण्डा लेले हलन। अम्मीशद्दै के बेटा अहीएजेर ओकर अगुवा हलन।26आशेर के गोत्र के झुण्ड ओकर बाद चललन। ओक्रान के बेटा पगीएल ओकर अगुवा हलन।27नप्ताली के गोत्र के झुण्ड सभे से पीछे चललन। एनान के बेटा अहीरा ओकर अगुवा हलन।28ई ऊ सूचि हल जेकर मुताबिक इस्राएली गोत्रवन के झुण्ड या यात्रा करऽ हलन।29एक दिन मूसा रुएल के बेटा अपन बहनोई होबाब के जौन मिद्यानी में से हलन, ओकरा से कहलन, “हम ऊ जगह जा रहली हे, जेकरा यहोवा हमरा देवे के वचन देलन हे। हमरा साथे आवऽ, आउर हम तोरा ठीक से देख-भाल करबो, काहेकि यहोवा हमनी सभे इस्राएली लोगवन लागी भलाई करे के प्रतिज्ञा कईलन हे।”30बाकि होबाब जबाब देलन, “नऽ, हम तोरा साथे नऽ जायम। हम अपन धरती आउर अपन परिवार भीर लौटे ला चाहऽ ही।”31बाकि मूसा कहलन, “कृपा कर के हमरा नऽ छोड़िहऽ। तूँ ऊ जगहिया के जानऽ हऽ जहाँ हम ई रेगिस्तान में अपन तम्बू लगा सकऽ ही, आउर तूँ हमर मार्गदर्शन कर सकऽ हऽ।32हमरा साथे आवऽ हम तोर साथे ऊ सभे अच्छा चीजवन के साझा करबो जौन यहोवा हमरा देतन।”33ओखनी यहोवा के पर्वत से तीन दिन ला यात्रा करते रहलन। यहोवा के वाचा के सन्दूक उनका लगी विश्राम के जगह खोजे लागी तीन दिन ला उनकर आगे-आगे चलते रहलन।34यहोवा के भेजल बादल हरेक दिन ओकरा पर छाया रखऽ हल।35रोजाना भोरे पवित्र सन्दूक उठावे वाला लोगवन चले लगलन, तऽ मूसा कहलन,हे यहोवा, उठऽ!अपन दुश्मन के इधर उधर करऽ!जौन तोरा से नफरत करऽ हे ओकरा अपना भीर से दूर भगा दऽ!"36आउर जब-जब पवित्र सन्दूक रखे लागी रुक जा हलन, तब-तब मूसा कहऽ हलन,"हे यहोवा' हमनी हजारो के गिनती में इस्राएलियन के करीब रहऽ!"
Bridge Connectivity Solutions Pvt. Ltd.