Leviticus27
1यहोवा मूसा से कहलन2इस्राएलियन से कहऽ, जदि कोई यहोवा से खास मनिता माँगऽ हे, तऽ ई बतियन के अपना लेतन।3बीस से साठ साल के लोग लागी अपन रखल दाम पवित्रस्थान के शेकेल मुताबिक पुरनका पचास शेकेल चाँदी के होत। 4आउर ओही उमर के औरतियन लागी तोर मोल तीस शेकेल होत।5आउर पांच साल से लेके बीस साल तक के आदमी लागी तोर दाम बीस शेकेल होत। आउर औरतियन लागी दस शेकेल होत।6एक महीना से लेके पांच साल के लईकन लागी तोर दाम चाँदी के पांच शेकेल आउर लईकी लागी तीन शेकेल चाँदी होवे के चाही।7सात साल से जादे उमर वाला आदमी लागी तोहनी के रखल दाम पंद्रह शेकेल के होवे के चाही, आउर औरत लागी दस शेकेल होवे के चाही।8बाकि मन्नत मांगे वाला ठहरावल दाम नऽ दे सकतन तऽ जौन कुछ मनिता मानल जा हे ऊ याजक भीर खड़ा करल जायेत, आउर याजक ओकर दाम ऊ कीमत के मुताबिक ठहरईतन जे मनौता मांगे वाला दे सकतन,9जदि कोई जे प्रतिज्ञा कईलन होई यहोवा ला कोई जानवर के बलिदान करे ला चाहऽ हे, आउर यहोवा ओकरा ग्रहण करतन, तऽ ऊ जानवर ओकरा लागी अलग करल जाइ।10आदमी के अईसन कोई जानवर के, अच्छा के बदले बुरा, चाहे बुरा के बदले अच्छा के नऽ बदले के चाही, जदि ऊ एगो जनावर से दोसरा जनावर बदलऽ हे, ऊ आउर जेकरा से ऊ बदलल जा हे, दुन्नो पवित्र हो जा हे।11बाकि जदि ऊ आदमी यहोवा के देवे के कसम खईलन हे, तऽ सच में ऊ अशुद्ध हे, एहिसे यहोवा ओकरा कबूल नऽ करतन, तऽ ऊ जनावर के याजक भीर लावे के चाही।12याजक ऊ जनावर के दाम बाजार के कीमत के मुताबिक ठहरईतन। याजक जनावर के जे भी दाम रखतन, ओही ओकर दाम होत।13जदि मालिक एकरा छोड़ावे ला चाहऽ हे, तऽ ओकर दाम के पाँचवाँ भाग ओकर छुड़ावे के कीमत में जोड़ल जायत।14जखनी कोई अपन घर के यहोवा लागी पवित्र भेंट कर के अलग करतन, तऽ याजक ओकर कीमत बढ़ियाँ चाहे दब रखतन, याजक जौन कुछ ओकर दाम रखतन, ओही ओकर दाम होत।15बाकि ओकर मालिक, जौन अपन घर अलग कईलन हे, ओकरा छुड़ावल चाहऽ हे, तऽ ऊ ओकर पईसा के पाँचवाँ भाग ओकर छोड़ावे में मिलावे पड़त, आउर ई ओकर होत।16जदि कोई अपन जमीन में से कुछ भाग यहोवा ला अलगे करऽ, तऽ ओकर मोल ओकरा रोप लागी जरुरी बिच्चा के मात्र के मोताबिक होवे, मतलब एगो होमेर जौ के मोल पचास शेकेल चाँदी के बराबर हे।17जदि ऊ जुबली साल में अपन खेत पवित्र रखतन, तऽ ओकर दाम ठहरल रहतन।18बाकि जदि ऊ खेत जुबली साल के बाद पवित्र रखतन, तऽ याजक ऊ खेत के दाम जुबली अगला साल ला बचल हल साल के संख्या के अनुसार जोड़तन, आउर ओकर दाम घटते जात।19जदि खेत पवित्र करे वाला ओकरा छोड़ावे ला चाहतन, तऽ मोल में पाँचवाँ भाग आउर जोड़तन आउर ऊ ओकर हो जायत।20जदि ऊ खेत के छुड़ा नऽ पावऽ हे, जदि ऊ दोसर आदमी के हाथ में बेच दे हे, तऽ ऊ फिनो नऽ छोड़ावल जा सकतन।21बाकी जौन खेत जुबली साल में छोड़ल जायत ऊ खेत के जईसन यहोवा लागी अर्पण पवित्र भेंट ठहरत, ऊ खेत के जईसन जौन पूरा तरह से यहोवा के देल गेल हे। ई याजक के होत।22जदि कोई आदमी खेत के, जेकरा ऊ दाम में लेलन हे, अलग कर देतन, बाकि ऊ खेत ओकर परिवार के भूमि के हिस्सा नऽ होत, यहोवा ला पवित्र ठहरे।23तऽ याजक जुबली साल ला ओकर मूल्यांकन करतन, आउर ओही दिन लोग के ओकर कीमत यहोवा लागी पवित्र भेंट के रूप चुकावे पड़त।24जुबली साल में, खेत ओही आदमी के, जेकरा से मोल लेवल गेल हे, मतलब कि जमीन के मालिक के लौटा देवल जायेत।25सभे दाम पवित्रस्थान के शेकेल के वजन के हिसाब से तय करल जाय के चाही, बीस गेरा एगो शेकेल के होवे के चाही। 26कोई पहिलौठे के जनावरवन में से अलगे नऽ कर सके, काहेकि पहिलौठा तऽ यहोवा के हे; चाहे बैल होवे चाहे भेड़, वह यहोवा के हे।27अशुद्ध जनावर होत, तऽ ओकर मालिक दाम लेके ओकरा खरीद लेतन, आउर ऊ दाम में पाँचवाँ भाग भी जोड़ल जायेत। जदि जानवर के छोड़ावल नऽ गेल हे, तऽ ओकरा तय दाम में बेचल जाय के चाही।28बाकि लोग जौन कुछ यहोवा ला अर्पण करऽ हे, चाहे ऊ आदमी होत चाहे जनावर चाहे ओकरा घराना के जमीन से जौन कुछ भी ओकरा भीर हे, ऊ नऽ तऽ बेचल जा सकऽ हे आउर नऽ छोड़ावल जा सकल हे। जौन कुछ अर्पण करल जा हे ऊ यहोवा लागी बहुत पवित्र हे।29जौन आदमी विनाश ला समर्पित हे, ओकरा लागी कोई छोड़ावल नऽ जायत। ऊ आदमी के मौत के सजा दे देवे के चाही।30जमीन के सभे दसमांश चाहे जमीन पर उपजावल गेल चाहे पेड़वन के फल, ऊ यहोवा के हे। ई यहोवा लागी पवित्र हे। 31जदि कोई आदमी अपन दशमांश में से केकरो छोड़ावऽ हे तऽ ओकरा ऊ दाम में पाँचवाँ हिस्सा जोड़ऽ होत।32जहाँ ला गाय-बैल चाहे भेड़-बकरियन के सभे दसवां भाग के बात हे, जौन कुछ चरवाहा के छड़ी मे से होकर जायत, ओकर दसवाँ भाग यहोवा लागी अलग रखल जायेत। 33चरवाहा निमन चाहे दब जानवर के खोज नऽ करे के चाही, आउर ओकरा एक के जगह पर दूसरा जानवर के जगह नऽ लेवे के चाही। जदि ऊ एकरा एकदम बदल दे, तऽ ई आउर ऊ ओकरा लगी एकरा बदलल गेल हे, दुन्नो पवित्र होतन। एकरा छोड़ावल नऽ जा सकल हे।34ई ऊ आज्ञा हे जे यहोवा सीनै पहाड़ पर इस्राएलियन के लागी मूसा के देलन।
Bridge Connectivity Solutions Pvt. Ltd.