Nehemiah5
1लगभग ओही घड़ी, मरदवन आउर उनकर औरतियन ई बात के बारे में बीख भरल शिकायत कईलन कि उनकर यहूदी उनका साथे का कर रहलन हे।2ओखनी में से कुछ ई कहेला सुरु कर देलन, “हमरा भीर ढेर लईकन हे। हमरा ओखनी सभे के खिलावे लागी ढेरे अन्न के जरुरत हे।”3दुसरकन कहलन, “हमरा कोई के अपन खेत, दाख के बारियन आउर घर देवे के प्रतिज्ञा करे परलई हे, जदि हम ऊ पईसा के कर्जा नऽ चुकावऽ हियई जेकरा ऊ हमरा उद्धार देलन हे। हमनी के ऊ घड़ी अन्न खरीदे लागी पईसा उद्धार लेवे पड़लई हल जब खाना मिले ला मुश्किल हल।”4ओकर बाद फिर दुसरकन कहलन, “हमर खेतवन आउर हमर दाख के बारियन पर हमरा ऊ लगान चुकावे लागी पईसा उधार लेवे पड़लई हे जेकरा हमरा राजा चुकावे के आज्ञा देलन हल।5ई एतना खराब बतियन घटना हे। हमनी अपन लईकमन के गुलामी करे ला बेच रहली हे। सच तऽ ई हे कि, हम अपन बेटियन के भी बेच देली हे। हमर महाजन खेत आउर दाख के बारियन जे जेकरा हम कर्जा लागी बंधक रखे ला मन में सोचली हल, ओकरो ले लेलन हे येहिसे हम आउर कुछ भी नऽ कर सकली हल बाकि हम यहूदी ही, ठीक ओखनी के जईसन जौन हमनी के साथे अईसन काम कर रहलन हे!”6जखनी हम ई सभे बतियन सुनली तऽ हमरा बड़ी जादे गोस्सा अईलक जौन बात के ऊ शिकायत कर रहलन हल।7हम बड़ी जादे सोचली कि का करूँ। तब हम मुख्य नागरिक आउर नगर के अधिकारियन के खिलाफ आरोप लगईली। हम लोगन के एगो बड़का समाज के उनका पर लगल इजलेम के सुने लागी बुलईली। हम ई सभे अगुवन से कहली, “तूँ अपन साथी यहूदी लोग से कर्जा पर सुद्ध ले रहलऽ हे। तूँ जानऽ हऽ कि मूसा के व्यवस्था में एकर मनाही हे।”8हम उनका से कहली, कहली, “जब भी हमर संगी यहूदी के खुद के दूसरा देश में लोग के गुलामी करे ला रहे पड़ल हे। त हम उनका अपन ताकत के मोताबिक खरीद के वापस लईली हे। बाकि तूँ तऽ सचमुच में अपन साथी यहूदियन के ही गुलामी करे ला बेच रहलऽ हे जेकरा से तूँ ऊ धन के वापस ले सकऽ जौन तूँ उनका देलऽ हल। ई कुछ अईसन लोग हथिन जिनका हम वापस खरीद रहली हे!” ऊ जानऽ हलन कि आरोप सही हल, येहिसे जबाब में उनका भीर अपन बचाव में कहे लागी कुच्छो नऽ हल।9तब हम आगे उनका से कहली, “तूँ जे कहऽ रहलऽ हे ऊ गलती हे! तोरा जरुर ही परमेश्वर के भय माने के चाही आउर ओही करे के चाही जौन सही हे! नऽ तऽ हमर दुश्मन जौन अन्यजाति हमनी के आउर मजाक उड़ईतन।”10हमनी, आउर हमनी के रिश्तेदार आउर हमर सेवक धन आउर अनाज बेगर सूद लेले कोई के भी कर्जा देते रहली हे। हमनी सभे के कर्जा के सूद लेवे ला बंद कर देवे के चाही।11उनकर ऊ खेत, दाख के बारी जैतून के बगईचा आउर घर वापस लौटा दऽ। अईसन तुरते करऽ! आउर धन, अनाज, दाखमधु, आउर जैतून के तेल पर जौन तूँ उनका उधार में देलऽ हे, ओकर 12 प्रतिसत सलाना सूद जौन तूँ जमा कर रहलऽ हे वापस लौटा दऽ।12ई सभे अगुवन जबाब देलन, “हाँ, हम ओही करम जौन तूँ कहबऽ। हम उनकर खेत, दाख के बारी, जैतून के बगईचा, आउर घरवन के लौटा देम। आउर हम उनका से सूद लेवे ला बंद कर देम।” तब हम याजकवन के बुलईली, आउर अगुवन के परमेश्वर के सामने शपथ देलईली कि ऊ ओही करतन जौन ऊ करे के प्रतिज्ञा कईलन हल।13हम अपन कपड़ा के कोरी के हिलईते झाड़ली आउर उनका से कहली, “जे कोई ई शपथ के नऽ मानतन अईसहीं परमेश्वर ओकरा ओकर सभे कुछ से झाड़ देतन। हाँ, ऊ आदमी अपन सभे कुछ भुला देतन!” तब उहाँ मौजूद सभे आदमी ई कहलन, “आमीन!” आउर ऊ यहोवा के बड़ाई कईलन। ओकर बाद यहूदियन में से कोई भी कर्जा से रहे लागी घर चाहे खेत नऽ लेलन, आउर उनका में से कोई भी आगे से सूद नऽ लेलन।14ईहाँ कुछ आउर बात भी हे जेकरा हम लोगवन के मदत लागी कईली। फारस के राजा, अर्तक्षत्र, हमरा अपन शासन के बीसवाँ वरिस में यहूदा प्रांत के राज्यपाल के बराबर बनईलन हल। उनका द्वारा हमरा बनावे के बारह साल में अपन शासन के बत्तीसवाँ साल तक, हम राज्यपाल के खाना भत्ता के स्वीकार नऽ कईली, आउर अपन रिश्तेदारवन के हम एकरा खिलावे लागी इस्तेमाल नऽ कईलन। हम जानऽ हली कि लोग गरीब हलथिन आउर एकरा ला पईसा नऽ कर चूका सकलन हल।15हमरा से पहले के राज्यपाल, लोगवन के जिन्दगी बड़ी मुश्किल बना देलन हल। ऊ माँग कईलन हल कि लोग उनका रोजाना रोटी आउर दाखमधु आउर चाँदी के चालीस शेकेल प्रदान करतन। ईहाँ तक कि उनकर सेवक भी लोग के दुखी कईलन, हल। बाकि हम परमेश्वर के भय मानली आउर इज्जत कईली, आउर येहिसे हम उनका पर शोषण नऽ कईली। 16हम खुद के दीवार के पुनर्निमाण के काम में लगा देली। हमर रिश्तेदार आउर हम कोई सम्पति नऽ खरीदली, जबकि हम एकरा सस्ता में कीन सकली हल काहेकि गरीब एकरा बेचे लागी जादे से जादे तईयार हलन। हम अपन सभे सेवक के दीवार पर काम करे लागी भी ठहरईलन।17राज्यपाल के रूप में, हम 150 यहूदी संगी अगुवन आउर शहर के अधिकारियन के खाना खिलावे लागी जबाबदेह हली। हम यहूदी मेहमान के साथे मुलाकात कईली जौन अगल-बगल के देश से अईलन हल।18रोजाना हम अपन सेवकवन से कहली कि ऊ हमरा ला एगो बैल, छउगो बढ़ियाँ भेड़वन, आउर सभे तरह के चिरईंयन के तइयार करतन। एकरा ला हम खुद खर्चा कईली। हम हर दस दिन पर एक बार भरपूरी के साथ अलग-अलग तरह के दाखमधु के आवऽ हली। बाकि हम जानऽ हली कि लोग जिन्दगी लागी संघर्ष कर रहल हल, आउर येहिसे ऊ सभे चीजवन के हम अपने खर्चा से चुकईली। नहेम्याह फिन से समझइलन हम ई सभे लोग के खिलावे के खर्चा करे लागी राज्यपाल के भोजन भत्ता स्वीकार नऽ कईली।19हे हमर परमेश्वर, हमर बारे में सोचऽ, आउर यहूदा के लोग के प्रति करल हमर भलाई लागी हमरा प्रतिफल दे।
Bridge Connectivity Solutions Pvt. Ltd.