Nehemiah4
1जखनी सम्बल्लत सुनलन कि हमनी यहुदी शहर के देवाल फिर से बना रहली हे, तऽ सामरिया के शासक सम्बल्लता, आग बबूला हो गेल, आउर हमनी यहूदी लोग के ठट्ठा मजाक में उड़ईलन।2ऊ अपन भईवन के सामारिया प्रान्त के अधिकारी आउर सेना के अधिकारियन से बात कईलन। ऊ कहलक, “ई कमजोर यहूदी कुछ भी करे के लायक नऽ रहथिन! ऊ कहियो खुशहाल नऽ कर पईतन उनकर परमेश्वर उनका मदत नऽ करतन। उनका नऽ मालूम हे कि मरम्मत करे में केतना समय लगतई जेकरा में ऊ पत्थरवन के कचरा के ढेर में से निकास के प्राप्त कर सकलन हे। आउर ओईसहीं बाबेल के लोग नगर के जरा देलक, येहिसे ऊ पत्थर शायद कमजोर हे”3अम्मोनी तोबियाह सम्बल्लत भीर खड़ी हल। ऊ ई कह के यहूदियन के मजाक उड़ईलन, “ठीक हे! ऊ जौन दीवार के निर्माण कर रहलन हे एतना कमजोर हे कि जदि लोमड़ी भी ओकर उपरे चढ़इतन तऽ ऊ गिर जायत!”4जब हम सुनली कि ऊ का कहऽ रहलन हे, तऽ हम परमेश्वर से प्रार्थना कईली आउर कहली, “हे हमनी के परमेश्वर, सुनऽ ऊ हमरा मजाक उड़ा रहलन हे! हमनी के उनकर रोके के कोशिश के नाकाम कर देथिन, ताकि दूसरा लोग ओकर मजाक में उड़ा सकतन! ओकर दुश्मन के उनका ओकरा गुलाम बना लेवे दऽ आउर उनका एगो अन्यजाति के धरती पर जाय लागी मजबूर करऽ!”5ऊ पापी हथिन, ऊ तोर खिलाफ पाप कईलन हे। उनकर पाप क्षमा नऽ करऽ! हम ई कह रहली हे काहेकि ऊ दूसरा के भी ओखनी लोग पर गोस्सा दिला रहलन हे जौन दीवार बना रहलन हे!6पर हमनी दीवार बनईते रहली, आउर कुछ समय बाद, हम पूरा शहर के चारो दने के दीवार के जरुरी उंचाई से लगभग आधा बना देली हे। एकरा पूरा करे लागी सभे ठान लेलन हल।7बाकि जब सम्बल्लत, तोबियाह, अरब के भूमि के लोग अम्मोन देश के लोग, आउर अश्दोद के रहे बालन लोग सुनलन कि हम यरूशलेम कि शहरपनाह कि मरम्मत करे आउर ओकर छेदवन के भरे के काम में लगल ही, तऽ बड़ी जादे गोस्सा हो गेलन।8ओखनी सभे मिल के यरूशलेम के लोग भीर आवे आउर लड़ाई करे के योजना बनईलन। ऊ शहर के भीतर के लोग के बहकावे आउर फूट करे ला चाहऽ हल।9बाकि हम अपन परमेश्वर से अपन रक्षा करे लागी प्रार्थना कईली, आउर उनका पर हर घड़ी नजर रखे लागी दीवारवन पर पहरेदार के तैनात कर देली।10तब यहूदा के लोग कहे लगलन, “जौन लोग पत्थरवन के ढो रहलन हे उनकर ताकत घटते चलल जा रहल हे। कचरा बड़ी जादे हे। हम दीवार के फिन से बना के खतम करे में कामयाब नऽ हो पा रहली हे।”11तब हमर दुश्मन एक दूसरा से ई कहेला शुरू कईलन, “एकरा से पहले कि यहूदी ई जानत कि हम आ रहली हे, हम ओकरा पर हमला कर देम आउर उनका मार देम आउर दीवार के काम ओकर बंद कर देम!”12आउर जहिया कुछ यहूदी जौन हमर दुशमनमन भीर रहऽ हलन, ऊ यरूशलेम में अईलन, तऽ ऊ बेरी-बेरी हमरा से ई विनती कईलन, “हमर आदमियन के घरे लौटे दऽ जेकरा से ऊ हमर रक्षा कर सकतन।” 13बाकि हम दीवार के पीछे ऊ जगह पर पहरेदार के तैनात कर देली हे जहाँ ऊ कम हलन चाहे जेज्जा पर जादे बड़का गो छेदा हल। हमरा भीर सभे परिवार के झुण्ड से लोग तलवार, बर्छी आउर धनुष आउर तीर के साथे खड़ा कईले गेल पहरेदार हलन।14हमरा द्वारा सभे कुछ परख लेवे के बाद, हम मुख्य नागरिक आउर शहर के अधिकारियन आउर ढेर दूसरा लोग के बोलईली, आउर हम उनका से कहली, “हमर दुश्मन से मत डेरा! प्रभु महान आउर भययोग्य हथिन, येहिसे सोचऽ कि ऊ का कर सकऽ हथिन। आउर अपन परिवारवन, अपन बेटवन आउर बेटियन, अपन मेहरारूअन आउर अपन घरवन के रक्षा लागी लड़तन!”15जब हमर दुश्मन के मालूम चललई कि हमरा उनकर योजना के बारे में मालूम हो गेल हे, तऽ उनका मालूम हल कि परमेश्वर उनका एकबैग हमला करे से रोक के रखले न हें। ऊ हमनी पर हमला करे के फैसला नऽ लेलन हे। येहिसे हमनी सभे दीवार पर काम करे लागी लौट गेली। सभे आदमियन ओही काम के पहले के जईसन करते रहलन।16बाकि ओकर बाद, हमर खाली आधा सेवकवन दीवार पर काम कईलन ओकरा में से आधा बर्छी, ढाल, धनुष आउर तीर, आउर झीलम से लैश होके खड़ा पहरेदार हलन। अधिकारी कर्मचारी आउर यहूदा के घराना के पीछे सभे के हौसला बढ़ावे ला आउर हमला के हालत में आदेश देवे लागी खड़ा हलन। अपन पूरा समर्थन कईलन आउर हमला के हालत में आदेश देवे लागी खड़ा हलन।17जौन लोग दीवार बना रहलन हल आउर भारी बोझ के ढोवेबाला भीर हमेशा उनकर हथियार ढोवऽ हल जेकरा से ऊ हमला के समय में लड़े ला तइयार रहतन।18सभे राजमिस्त्रियन अपन कमर में बाँधल तलवार के साथे काम करऽ हलन। जदि हमरा इशारा के जरुरत पर हे तऽ हमर बगल में नरसिंगवन के फूँके लागी कोई एगो के हम तैनात कईली। 19तब हम मुख्य नागरिक, नगर के अधिकारी, आउर बड़ी मनी दूसरा लोगन से कहली, “हम एगो बड़ी बड़का विशाल इलाका में काम कर रहली हे, आउर हम दीवार पर एक दूसरा से बड़ी दूर रहऽ हियई।20बाकि जहाँ कहूँ तूँ आदमियन के नरसिंगा बजईते सुनिहऽ, ऊ जगहिया पर हमर चारो दने जमा हो जईहऽ। हमर परमेश्वर हमरा लागी लड़तन!”21येहिसे हम दीवार के पुनर्निमाण पर काम भोरे से साँझ तक करते रहली। आधा आदमियन पहरेदार के रूप में सेवा कईलन आउर अपन शस्त्रवन के हर घड़ी तइयार रखलन।22ऊ घड़ी, हम आदमियन से ई भी कहली, “सभे काम करे वालन आउर उनकर सेवक के यरूशलेम के भीतर रात बितावे के चाही आउर जदि ऊ नगर से बहारसी रहतन तऽ घरे नऽ जाय। ई तरह से शहर में रात में बड़ी मनी पहरदार होलन आउर ऊ दिन के समय दीवार पर काम कर सकऽ हथन।”23ऊ घड़ी हमनी में से कोई भी अपन कपड़ा नऽ उतारलनऽ हल। आउर हमर भईवन, हमर सेवकवन, आउर हमर निजी सिपाहीयन भी नऽ। हमनी में से कोई अपन कपड़ा नऽ उतारलन आउर सदैब हमनी के हथियार साथे रहऽ हल, ईहाँ तक कि जखनी हम साफ सफाई करे लागी पानी भीर जा हली।
Bridge Connectivity Solutions Pvt. Ltd.