Matthew4
1फिन पवित्र आत्मा यीशु के शैतान से परीक्षा करल जाय ला जंगल में ले गेल।2आउर चालीस दिन आउर चालीस रात उपवास रखला के बाद, उनका भूख लगल।3आउर परखेवाला उनका भीर आके उनका से बोललक, “जदि तूँ परमेश्वर के बेटा हऽ, तऽ कहऽ कि ई पत्थर रोटी बन जाय।” 4बाकि यीशु, ओकरा जबाब दे के, कहलन, “अईसन शास्त्र में लिखल हे कि ‘आदमी खाली रोटी से ही नऽ, बाकि परमेश्वर के मुँह से निकले वाला हर एक वचन से जिन्दा रहतन।’”5तब शैतान यीशु के यरूशलेम के पवित्र शहर में ले गेल आउर ऊ मन्दिर के सभे से ऊँचा चोटी पर खड़ा कर देलक,6आउर उनका से कहलक, “जदि तूँ परमेश्वर के बेटा हऽ, तऽ अपने आप के नीचे गिरा दऽ, काहेकि अईसन शास्त्र में लिखल हे कि ‘ऊ तोरा बारे में स्वर्गदूतवन के आज्ञा देतन, आउर ऊ तोरा अपन हाथ में उठा लेतन, कहीं अईसन नऽ होवे तोर गोड़ में पत्थर से ठेस लगे।’” 7यीशु ओकरा से कहलन, “ई भी तऽ शास्त्र में लिखल हे कि ‘तूँ प्रभु अपन परमेश्वर के परीक्षा मत करिहऽ।’”8फिन से, शैतान उनका एगो बड़ी ऊँचा पहाड़ पर ले गेल आउर ऊ दुनियाँ के पूरा राज आउर ओकर धन वैभव देखईलक।9आउर ऊ उनका से कहलक, “जदि तूँ हमरा झुक के प्रणाम करवऽ, तऽ हम ई सभे कुछ तोरा दे देम।”10तऽ यीशु ओकरा से कहलन, “हे शैतान! ‘दूर हो जा! काहेकि शास्त्र में अईसन लिखल हे कि तूँ प्रभु अपन परमेश्वर के दण्डवत करिहऽ, आउर खाली उनके सेवा करिहऽ।’” 11तऽ शैतान उनका भीर से भाग गेल, आउर देखऽ, स्वर्गदूत अईलन आउर उनकर सेवा-टहल करे लगलन।12जहिया ऊ सुनलन कि यूहन्ना के पकड़ लेवल गेल हे, तऽ ऊ गलील प्रान्त में चल गेलन।13आउर नासरत के छोड़ के, ऊ कफरनहूम शहर में समुद्र के किनारे गलील के झील जा के रहे लगलन, जे जबूलून आउर नप्ताली के इलाका में हे,14ताकि जे यशायाह भविष्यद्वक्ता शास्त्र के माध्यम से कहल गेल हल, ऊ पूरा होवे, 15“जबूलून के इलाका आउर नप्ताली के इलाका, समुद्र के राह से, यरदन नदी के पास ऊ अन्यजातियन के गलील प्रान्त हे16जे लोग अंधार में बईठल हलन ओखनी बड़का इंजोर देखलन, आउर जे मौत के इलाका आउर छाया में बईठल हलन, उनका पर ज्योति चमकल।”17ओही घड़ी से यीशु प्रचार करे ला आउर ई कहेला शुरु करलन, “मन फिरावऽ काहेकि स्वर्ग के राज निकट आयेल हे।” 18फिन ऊ गलील के झील के किनारे घूमते दूगो भईवन के मतलब कि शमौन के जे पतरस कहलावऽ हे, आउर ओकर भाई अन्द्रियास के, झील में जाल डालते देखलन, काहेकि ओखनी मछुआरा हलन।19आउर यीशु ओखनी से कहलन, “हमर पीछे चल आवऽ, आउर हम तोरा आदमी के पकड़े वाला बनायेम।”20आउर तुरन्त, ओखनी अपन जाल के छोड़ के, उनका पीछे चल देलन।21आउर ऊहाँ से चल के आगे बढ़ के, यीशु दूगो आउर दोसर भईवन मतलब कि जब्दी के बेटा याकूब आउर ओकर भाई यूहन्ना के अपन पिता जब्दी के साथ नाव पर अपन जाल के मरम्मत करते देखलन, आउर यीशु ओखनी के बोलईलन,22ऊ भी तुरन्त ऊ, अपन नाव आउर अपन पिता जी के छोड़ के, यीशु के जौरे चल देलन।23आउर यीशु पूरा गलील में घूमते फिरते, उनकर आराधनालय में उपदेश देते, आउर राज के सुसमाचार के प्रचार करते, आउर लोगवन के सभे दुःख आउर बेमारी के चंगा करते रहलन।24आउर पूरा सीरिया प्रान्त में उनकर खबर फैल गेल, आउर ओखनी सभे बेमार लोगवन के, आउर अईसन लोग के जे सभे किसीम के रोग आउर दुःख से जकड़ल हलन, आउर जेकरा में दुष्टात्मा हल, आउर मिर्गी के रोगी आउर लकवा के रोगियन के उनका भीर लेके अईलन, आउर यीशु ओखनी के चंगा करलन।25आउर गलील आउर दिकापुलिस आउर यरूशलेम आउर यहूदिया आउर यरदन के पार से बड़का भीर उनकर पीछा करलक।
Bridge Connectivity Solutions Pvt. Ltd.