Mark5
1यीशु आउर उनकर चेलवन गलील झील के दोसरा तरफ पहुँच गेलन। जहाँ ऊ उतरलन हल ऊ जगह भीर गिरासेनी नाम के लोग रहऽ हलन।2जब यीशु नाव पर से उतरलन, तऽ कब्रिस्तान के कब्र में से एगो अादमी निकल के आयेल। ऊ अादमी अशुद्ध आत्मावन के वश में हल।3ऊ अादमी कब्रिस्तान में से बाहरी आयेल काहेकि ऊ कब्र के बीच में रहऽ हल। लोग ओकरा रोके के बड़ी बार कोशिश करलन। बाकि ऊ ओकरा केतना बेरा लोहा के सिकड़ से भी नऽ रोकलन।4जब भी ओखनी सिकड़ आउर बेड़ियन के काम में लेलन, तब-तब ऊ अादमी ओकरा तागत से तोड़ दे हल। ऊ एतना बरियार हल कि कोई भी जन ओकरा वश में करे में सक्षम नऽ होलन।5ऊ अादमी रात-दिन अपन समय कब्र में लोगवन के गाड़े जाय के जगह के बीच में बितावऽ हल। पहाड़ी देश में ऊ जोर से चिकरऽ हल आउर खुद के धार वाला पत्थर से घायल करऽ हल।6जब ऊ दूरगरे से यीशु के नाव पर से उतरते देखलन, तऽ ऊ उनका भीर दौड़ के चल आयेल आउर उनकर आगे घुटना टेक के प्रणाम करलक।7ऊ दुष्टात्मा जोर से चिल्ला के कहलक, “हे यीशु, परमप्रधान परमेश्वर के बेटा, हमरा अकेले छोड़ दऽ! परमेश्वर के नाम के कसम लऽ कि तूँ हमरा नऽ सतईवऽ!” 8ऊ अशुद्ध आत्मा ई बात येही से कहलक, काहेकि यीशु ओकरा से पहिले ही कहऽ रहलन हल, “हे असुद्ध आत्मा, ऊ अादमी में से निकल जा!”9यीशु ऊ असुद्ध आत्मा से पूछलन, “तोर नाम का हो?” ऊ जबाब देलक, “हमर नाम सेना हे काहेकि हमनी बड़ी दुष्टात्मा ही जौन ई आदमी में समायेल ही।”10फिन ऊ दुष्टात्मा गोस्सा होके यीशु से लगातार विनती करते रहल कि ऊ ओकरा ऊ देश से बाहरसी नऽ भेजतन।11ओही घड़ी, सूअर के एगो बड़का झुण्ड बगल के ऊ पहाड़ी इलाका में चर रहल हल।12येही से ऊ दुष्टात्मावन यीशु से ई कह के विनती करलक कि, “हमनी के सूअरवन में जाय के आज्ञा दे दऽ कि हमनी ओकरा में घूँस जायेम!”13यीशु ओकरा अईसन करे के आज्ञा दे देलन। येहिसे ऊ अशुद्ध आत्मा ऊ आदमी के छोड़ के सूअरवन में घूँस गेल। लगभग दू हजार सूअरवन के संख्या वाला ऊ झुण्ड खड़ा पहाड़ से नीचे उतर के झील में जा गिरल, जहाँ ऊ डूब गेल।14आउर जे लोग ऊ सूअरवन के चरा रहलन हल, ऊ दौड़ के नगर आउर गाँव में गेलक, आउर जे कुछ होल हल ओकर खबर देलक। ऊ जगह में रहे वाला बड़ी लोग अपने खुद देखे गेलन कि का होवऽ हल।15ऊ सभे लोग ऊ जगह में गेलन जहाँ यीशु हलन। फिन ओखनी ऊ अादमी के देखलन जेकरा पहिले दुष्टात्मावन वश में कईले हल। ऊ ईहाँ कपड़ा पेहेनले बईठल हल आउर अब ऊ अईसन कोई काम नऽ कर रहलक हल जेकरा से लगे कि ऊ दुष्टात्मावन के वश में हे। जब ओखनी ई सभे देखलन तऽ ऊ डेरा गेलन जेकरा भीर सेना हल।16जौन लोग ऊ देखलन हल जौन यीशु करलन हल, ओखनी उनका ऊ सभे बतईलन जे नगर आउर गाँव से अईलन हल। ओखनी उनका एकर बारे में बतईलन कि ऊ अादमी के साथे का होल हल जौन पहिले दुष्टात्मावन के वश में हल। ओखनी ओही बात बतईलन जे सूअरवन के साथे होल हल।17तऽ लोगवन यीशु से उनकर देश से चल जाय ला विनती करलन।18जब यीशु चल जाय ला नाव पर चढ़ गेलन, तऽ पहिले जे अादमी दुष्टात्मावन के वश में हल, ऊ उनका से विनती करलन, “कृपया कर के हमरा अपना साथे चले दऽ!”19बाकि यीशु ऊ आदमी के अपने साथे आवे नऽ देलन। बदले एकर, ऊ उनका से कहलन, “अपने परिवार भीर घरे चल जा आउर जौन-जौन काम प्रभु तोरा पर दया करलन हे उनका ऊ सभे बतावऽ।”20तऽ ऊ अादमी जा के ऊ दिकापुलिस देश के दस नगरवन में यात्रा करलन, जौन-जौन काम यीशु उनका लागी करलन हल ऊ लोगवन के ऊ सभे बात बतईलन। जे बात ऊ अादमी प्रचार ओकरा सुने वाला सभे कोई चौंक गेलन।21जब यीशु नाव पर चढ़ के फिन से गलील के झील के दोसरा दने गेलन, तऽ किनारे पर एगो बड़ी बड़ा भीड़ उनका भीर जमा हो गेल।22यहूदी आराधनालय के सरदार में से एगो, जेकर नाम याईर हल, ईहाँ पड़ी आयेल। जखनी ऊ यीशु के देखलन तऽ ऊ उनकर गोड़ पर गिर के ठेहुनियाँ मार देलन।23फिन ऊ घिघिया के यीशु से विनती करलन कि, “हमर बेटी बेमार हे आउर मरे वाली हे! कृपा कर के हमर घरे आके ओकरा पर अपन हाथ रखऽ। ओकरा चंगा करऽ कि ऊ जिन्दा रहे!”24तऽ यीशु उनकर साथे गेलन। एगो बड़का भीड़ उनकर पीछे-पीछे हो लेलन, आउर बड़ी लोग उनकर नीचे गिर जा हलन।25भीड़ में एगो औरत हल जिनका लहू बहे के बेमारी हल। उनका 12 साल से हर रोज लहू बहऽ हल।26ऊ बड़ी बार अलग-अलग वैद्य के हाथ से इलाज करवावे के बाद भी दुःख हल। ऊ घड़ी, ऊ अपन समूचे धन खरचा करवईला के बाद भी ठीक नऽ होल हल। बजाय एकर, ऊ आउर बेकार हो गेल हल।27जखनी ऊ सुनलन कि यीशु लोग के चंगा करऽ हथन, तऽ ऊ उनकर पीछे-पीछे चले वाला भीड़ में शामिल हो गेलन। जईसहीं ऊ उनकर नजदीक गेलन तऽ ऊ उनकर कपड़ा के छू लेलन।28ऊ सोच रहलन हल, “जदि हम खाली उनकर कपड़ा के ही छू लेम, तऽ हम बेमारी से चंगा हो जायेम।”29तुरन्त उनकर लहू बहेला बंद हो गेल। ओही घड़ी, ऊ अपन देह में जान लेलन कि यीशु उनका उनकर बेमारी से निमन कर देलन हे।30यीशु भी तुरन्त अपन मन में जान लेलन कि उनकर सामर्थ कोई के चंगा करलक हे। येही से ऊ पीछे मुड़ के भीड़ से पूछे लगलन, “कौन हमर कपड़ा के छूलक?”31उनकर चेलवन जबाब देलन, “तूँ देख सकऽ हऽ कि तोरा भीर बड़ी लोग गिर रहलन हे! तऽ जरुर हे कि बड़ी लोग तोरा छूलक होत! तऽ फिन तूँ काहे पूछऽ हऽ कि हमरा कौन छूलक हे?”32बाकि यीशु ऊ औरत के देखे ला चारो दने खोजते रहलन जौन उनका छूलन हल।33ऊ औरत बड़ी डेरा गेलन आउर काँपे लगलन, काहेकि ऊ जानऽ हल कि जौन घड़ी ऊ यीशु के छूलन, ओही घड़ी ऊ उनका चंगा कर देलन हल। ऊ उनकर आगे ठेहुनियाँ मार के उनका सच बता देलन जौन ऊ करलन हल।34ऊ उनका से कहलन “हे बेटी, काहेकि तूँ विश्वास करलऽ हल कि हम तोरा चंगा कर सकऽ ही, येहिगुने अब हम तोरा चंगा कर देली हे। ई बात के जान के शान्ति रहऽ कि हम तोरा तोहर बेमारी से हमेशा ला चंगा कर देली हे।”35जब यीशु ऊ औरत से बात कर ही रहलन हल तऽ कुछ लोग पहुँचलन जौन आराधनालय के सरदार याईर के घरे से अईलन हल। ओखनी याईर से कहलन, “तोर बेटी अब मर गेल हे। येही से अब गुरु के अपने घरे लाके परेशान करे के कोई जरुरत नऽ हे।”36बाकि ई आदमियन जौन कहलन हल ओकरा सुन के यीशु आराधनालय के सरदार याईर से कहलन, “ई बात से मत डेरा कि तोर बेटी मर गेल हे! खाली विश्वास रखऽ तऽ ऊ जिन्दा रहत!”37फिन ऊ खाली अपन नजदीक चेलवन मतलब कि पतरस, याकूब आउर यूहन्ना के अपने साथे ऊ घर में जाय के आज्ञा देलन। ऊ आउर कोई भी जन के अपने साथे आवे नऽ देलन।38जब ऊ आराधनालय के सरदार याईर के घर भीर पहुँचलन, तऽ यीशु देखलन कि ऊहाँ जौन लोग हलन ऊ निराश हलन। ऊ रो रहलन हल आउर ऊँचा आवाज में विलाप कर रहलन हल।39ऊ घर में घूँस के ऊहाँ पर मौजूद लोगवन से कहलन, “तोहनी एतना उदास काहे हऽ, आउर रो काहे रहलऽ हे? बच्ची मरल नऽ हे, खाली सुतल हे।”40लोग उनका पर हँसे लगलन काहेकि ऊ जानऽ हलन कि ऊ मर गेल हे। बाकि ऊ सभे लोगवन के घर से बाहरी भेज देलन। फिन यीशु, ऊ बच्ची के माय-बाप आउर ऊ तीनगो चेलवन जौन उनकर साथे हलन लेके घर में गेलन जहाँ ऊ बच्ची पड़ल हल।41यीशु, ऊ बच्ची के हाथ पकड़ के ओकरे भाषा में कहलन, “तलिता कूमी!” जेकर मतलब हे, “हे छोटकी लड़की, उठ के खड़ा हो जा!”42एक बेरा में ऊ बच्ची उठ के चले-फिरे लगल। ई चौंके के बात नऽ हल कि ऊ चल सकऽ हे काहेकि ऊ लगभग 12 साल के हल। जब अईसन होल तऽ जौन लोग ऊहाँ मौजूद हलन ऊ बड़ी चौंक गेलन।43यीशु ई कह के उनकर माय-बाप के कड़ाई से आदेश देलन, “जौन हम करली हे ओकर बारे में कोई से नऽ कहिहऽ!” फिन ऊ उनका से कहलन कि लड़की के कुछ खाय लागी दऽ।
Bridge Connectivity Solutions Pvt. Ltd.