Mark4
1एक आउर समय पर यीशु गलील के झील के किनारे लोगवन के शिक्षा देवे लगलन। जब ऊ शिक्षा दे रहलन हल, तऽ उनकर चारो तरफ एगो बड़ी बड़का भीड़ जमा हो गेल। काहेकि ऊ बड़ी बड़का भीड़ हलऽ, येही से ऊ नाव पर चढ़ के पानी में चल गेलन। भीड़ झील के किनारे जमीन पर उनकर शिक्षा के सुनलन।2ऊ ओखनी सभे के साथ वाला दृष्टान्त कहानी के जरिये शिक्षा देलन। ऊ उनका से ई कहलन:3“हमर सुनऽ।” एगो किसान अपन खेत में बिच्चा बुने निकलल।4जखनी ऊ बिच्चा बुन रहलन हल, तऽ कुछ बिच्चा राह में गिरल। फिन कुछ पक्षियन आके ऊ बच्चवन के खा लेलक।5दोसरा बिच्चा अईसन जमीन पर गिरल जहाँ मट्टी कम हल बाकि पत्थर ढेर हल। जल्दिये मट्टी में से अंकुर देखाई देवे लगल काहेकि मट्टी बड़ी गबड़ा नऽ हलन।6दिन निकलला पर, जखनी सूरज के इंजोर ऊ नया पौधा पर पड़ल, तऽ ऊ सुख के येही से मुरझा गेल, काहेकि हल्का मट्टी जड़ी के जमीन में पत्थर के बीच पानी नऽ मिलल।7जखनी ऊ बुनते हलन, तऽ दोसरा बिच्चा अईसन जमीन पर गिरल जेकरा में काँटा वाला पौधा के जड़ी हलऽ। अंकुर बढ़ तऽ गेल, बाकि काँटा वाला पौधा बढ़ के अच्छा पौधा के झाँक देलक। येही से ऊ पौधा में से अनाज पईदा नऽ होल।8बाकि जब ऊ बुनते हलन, तऽ एगो आउर बिच्चा अच्छा जमीन पर गिरल। जेकर नतीजा, ऊ अंकुर होके बड़ा होल, “आउर फिन बड़ी अनाज पईदा करलक। ऊ आदमी के द्वारा बुनल गेल बिच्चा में से कुछ पौधा 30 गुणा से जादे उपज देलक। कुछ 60 गुणा उपज देलक। कुछ 100 गुणा से जादे उपज देलक।”9तब यीशु कहलन, “जे कोई भी सुने ला इच्छुक हथन, ऊ जौन हम कह रहली हे ओकरा सुनऽ।”10बाद में जखनी खाली 12 चेलवन आउर दोसरा नजदीकी अनुयायी उनकर साथे हलन, तऽ ओखनी उनका से दृष्टान्त के बारे में पूछलन।11ऊ उनका से कहलन, “हम तोहनी के ऊ समाचार एकर बारे में बतईली हे कि परमेश्वर अपन राज में अपने आप के राजा के रूप में कईसे परकट करऽ हथन, बाकि दोसरा के हम दृष्टान्त में सुनावऽ ही।”12जखनी ऊ देखतन कि हम का कर रहली हे, तऽ ऊ जान नऽ पईतन कि हम ई काहे कर रहली हे। जब ऊ सुनतन कि हम का कह रहली हे, तऽ ऊ समझ नऽ पईतन कि एकर मतलब का हे। अईसन येही से हे ताकि कहीं ऊ पछतावा नऽ करतन, आउर कहीं परमेश्वर उनका मांफ नऽ कर देतन। 13यीशु अपन चेलवन से ई भी कहलन, “का तूँ ई दृष्टान्त के नऽ समझलऽ? फिन जब हम तोरा दोसरा दृष्टान्त सिखायेम तऽ तूँ कईसे समझवऽ?”14जौन दृष्टान्त हम तोरा बतईली, ओकरा में बिच्चा बुने वाला अादमी कोई अईसन जन के देखावऽ हे जे दोसरा के परमेश्वर के सन्देश सिखावऽ हे।15जब बिच्चा राह के किनारे गिरल तऽ कुछ लोग ऊ उदाहरण के जईसन होवऽ हथन। जब ऊ परमेश्वर के समाचार सुनऽ हथन, तऽ शैतान तुरन्त आके जे कुछ ऊ सुनलन हे ओकरा भूला दे हे।16कुछ लोग ऊ बिच्चा के जईसन होवऽ हथन जेकरा किसान पत्थरीली जमीन में बुनऽ हथन। जब ऊ परमेश्वर के समाचार सुनऽ हथन, तऽ तुरन्त ओकरा खुशी से कबूल करऽ हथन।17बाकि उनकर अपन जड़ी बरियार नऽ होवऽ हे, आउर उनका में सहनशक्ति के कमी होवऽ हे। येहिगुने, जब लोग परमेश्वर के समाचार के चलते उनका सतावऽ हे, तऽ तुरन्त से विश्वास करे ला छोड़ दे हथन।18कुछ लोग ऊ मट्टी के जईसन होवऽ हथन जेकरा में काँटा वाला झाड़ी होवऽ हे। अईसन लोग परमेश्वर के समाचार सुनऽ तऽ हथन19बाकि खाली सांसारिक चिजवन के आउर धनवान बने के चिंता करऽ हथन, आउर परमेश्वर के सन्देश भूला जा हथन। ई सभे बात अादमी के जिनगी के भर के जे सन्देश उनका मिलल हल ओकर गला घोंट दे हथन, आउर ऊ अादमी फल लावे में असमर्थ हो जा हथन।20बाकि कुछ लोग ऊ बिच्चा के जईसन होवऽ हथन जे अच्छा जमीन में बुनल गेल हल। ऊ परमेश्वर के समाचार सुन के ओकरा कबूल करऽ हथन, आउर ऊ ओकरा पर विश्वास करऽ हथन, आउर ओही करऽ हथन जे परमेश्वर उनका से चाहऽ हथन। ओखनी, ऊ सभे अच्छा पौधा के जईसन हथन जे 30, 60 चाहे 100 गुणा अनाज पईदा करऽ हथन।21ऊ चेलवन के एगो आउर दृष्टान्त सुनईलन: “सच में लोग तेल के दीया बार के घर में येही से नऽ लावऽ हथन कि ओकरा टोकरी चाहे खटिया ऊपर कुछ रख के ओकर इंजोर झाँक देतन। एकर अलावे, ऊ ओकरा दीवट पर रखऽ हथन ताकि ओकर इंजोर चमकत।”22ओही तरह से, जौन बात छिपल हल एक दिन सभे कोई ओकरा जानऽ लेतन आउर जौन बात गुप्त में होल हल एक दिन सभे कोई ओकरा पूरा साफ इंजोर में देखतन।23जदि तूँ एकरा समझे ला चाहऽ हऽ तऽ “जौन कुछ तूँ अखनी सुनलऽ हे ओकरा पर धियान से विचार करऽ।”24जे कुछ तूँ हमरा तोरा से कहते सुनऽ हऽ ओकरा पर धियान से विचार करऽ, काहेकि परमेश्वर तोरा ओही सीमा तक समझे देतन जे सीमा तक तूँ हमर बात पर धियान दे हऽ। ईहाँ तक कि ऊ तोरा एकरो से जादे समझे नऽ देतन।25काहेकि जदि कोई अादमी में कुछ समझ होवे, तऽ ऊ आउर जादे पईतन। बाकि जदि कोई अादमी में समझ नऽ होवे, “तऽ जौन कुछ तनी सा उनका भीर हे, ऊ ओकरा खो देतन।”26यीशु ई भी कहलन, “जखनी परमेश्वर अपन राज में खुद के राजा के रूप में परकट करतन, तऽ ई ऊ एगो किसान के जईसन हे जौन जमीन पर बिच्चा बुनले हथन।”27एकर बाद ऊ बिच्चवन के चिंता कईले बिना रोज रात के सूतऽ आउर जगऽ हल। ओही दरमियान बिच्चा अंकुरित होल आउर अईसे बढ़ल कि ऊ समझ नऽ सकलन।28जमीन खुद से फसल उपजईलक। पहिले अंकुर, तब बालवन देखाई देलक। फिन बाल देखाई देलक। फिन बाल में भरल अनाज देखाई देलक।29जईसहीं दाना पक गेल, “तऽ ऊ हँसुआ लगा के ओकरा काटे लागी लोगवन के भेजलन काहेकि कटनी के समय हो गेल हल।”30यीशु उनका दृष्टान्त के साथे एगो आउर खिस्सा सुनईलन। ऊ कहलन, “जब परमेश्वर अपन राज में खुद के राजा के रूप में परकट करे ला शुरु करतन, तऽ ई किनका जईसन होतन? एकर बखान करे लागी हम कौन सा शब्द के इस्तेमाल करूँ?”31ई राई के दाना के जईसन हे, जौन जमीन में बुनल गेल बिच्चा में सभे से तनिगो होवऽ हे, आउर धरती पर पावल जाय वाला बिच्चवन में से सभे से तनिगो होवऽ हे।32बुनल जाय के बाद, “ऊ बढ़ के बगईचा के दोसरा सागपात से बड़का हो जा हे। ओकरा में से बड़का-बड़का डालियन निकलऽ हे ताकि ओकर छहूँरा में आसमान के पक्षी खोंता बना सकत।” 33जौन घड़ी यीशु लोगवन से परमेश्वर के सन्देश के बारे में बात करलन, तऽ ऊ बड़ी दृष्टान्त के इस्तेमाल करलन। ऊ उनका ओतने बतईलन जेतना समझे में सक्षम हलन।34जखनी ऊ उनका से बात करऽ हलन तऽ ऊ हमेशा सभे वाला कहानी के इस्तेमाल करलन। बाकि जब ऊ अपन चेलवन के साथे अकेले हलन तऽ यीशु, ऊ सभे दृष्टान्त के समझईलन।35ओही दिन, जब सूरज डूब रहल हल, तऽ यीशु अपन चेलवन से कहलन, “आवऽ हमनी गलील के झील के पार कर के दोसरा तरफ चलम।”36यीशु पहिले से नाव में हलन, येही से ऊ भीड़ के छोड़ के दोसरा दने निकास गेलन। उनका साथे दोसरा लोग भी अपन-अपन नाव में गेलन।37एगो जोर के आँधी आयेल आउर लहरवन नाव में आवे लगल! नाव पानी से भर जाय के खतरा हल।38यीशु नाव के पिछलका हिस्सा में हलन। ऊ तकिया पर माथा रख के सुतल हलन। येही से चेलवन उनका जगईलन आउर उनका से कहलन, “हे गुरु! का तोरा ई बात के चिंता नऽ हे कि हमनी मरे वाला ही?”39तऽ यीशु उठ के हवा के डाँटलन, आउर ऊ झील से आज्ञा देलन, “चुप रह! शान्त हो जा!” हवा बहेला रुक गेल, आउर फिन गलील के झील बड़ी शान्त हो गेल।40ऊ अपन चेलवन से कहलन, “तोहनी काहे डेरा हऽ? का तोहनी के अखनी तक परमेश्वर में विश्वास नऽ हे कि हम तोहनी के रक्षा कर सकऽ ही?” 41ऊ डेरा गेलन हल। चेलवन एक दोसरा से कहे लगलन, “ई अादमी कौन हथन? ईहाँ तक कि हवा आउर लहर भी इनकर कहना मानऽ हे!”
Bridge Connectivity Solutions Pvt. Ltd.