Mark11
1जखनी यीशु आउर उनकर चेलवन यरूशलेम के नजदीक अईलन, तऽ ऊ जैतून के पहाड़ भीर बैतफगे आउर बैतनिय्याह के गाँव में पहुँचलन। तऽ यीशु अपन दूगो चेलवन के आगे-आगे भेजलन।2यीशु उनका से कहलन, “हमर सामने वाला ऊ गाँव में जा। जईसहीं तूँ ओकरा में घूँसवऽ, तोरा ऊहाँ एगो जवान गदही के बच्चा बंधल देखाई देत।” ऊ एगो अईसन जानवर हे जेकरा पर कहियो कोई सवार नऽ होल हे। ओकरा खोल के हमरा भीर ले आवऽ।3जदि कोई तोरा से पूछतन कि “तूँ अईसन काहेला कर रहलऽ हे? तऽ कहिहऽ कि प्रभु के एकर जरुरत हे। जईसहीं एकर जरुरत नऽ रहत, ऊ एकरा केकरो साथे वापस भेज देतन।”4येहिगुने ऊ दूनो चेलवन गेलन, आउर उनका ऊ जवान गदही के बच्चा मिल गेल। ऊ एगो घर के दुआरी भीर बंधल गली में खड़ा हल। तऽ ओखनी ओकरा खोल लेलन।5जौन लोगवन ऊहाँ हलन ओखनी में से कुछ यीशु के चेलवन से पूछलन, ''तूँ ई गदही के बच्चा काहे खोल रहलऽ हे?''6जौन बात काहेला यीशु उनका कहलन हल ओखनी उनका से ऊ बात कह देलन। येही से ओखनी सभे ऊ गदहा के जाय के आदेश दे देलन।7ऊ दूनो चेलवन ऊ गदही के बच्चा यीशु भीर ले गेलन आउर ओकरा पर अपन कपड़ा डाल देलन जेकरा से अईसन बन जाय जेकरा पर ऊ बईठ सकतन ओकर बाद यीशु ऊ गदहा पर बईठ गेलन।8बड़ी लोग उनकर आगे सड़क पर अपन कपड़ा बिछा देलन। बाकि सभे नजदीक के खेतवन के आस पास से खजूर के पेड़ के डाली काट-काट के के सड़क पर बिछा देलन।9जौन लोग उनकर आगे-आगे जा रहलन हल आउर उनकर पीछे-पीछे आ रहलन हल ओखनी सभे चिल्ला रहलन हल, “प्रभु के स्तुति करऽ!” आउर “प्रभु ई आदमी के आशीष देतन जौन परमेश्वर के अधिकार के रूप में अईलन हे।” 10ओखनी जोर-जोर से ई भी कह रहलन हलऽ, परमेश्वर तोरा आशीष देतन जब तूँ ऊ रीति से शासन करवऽ हऽ जईसे हमनी के खानदान राजा दाऊद राज करलन हल! “जौन सभे से ऊँचा स्वर्ग में हथन ऊ परमेश्वर के स्तुति करऽ!” 11यीशु उनका साथे यरूशलेम में गेलन, आउर ओकर बाद ऊ भवन के अँगना में गेलन। ऊहाँ के सभे चिजवन पर चारो तरफ नजर करे के बाद, ऊ नगर में चल गेलन काहेकि दूपहर पहिले ही बीत गेल हल। ऊ अपन 12 चेलवन साथे बैतनिय्याह गाँव लौट गेलन।12अगला दिन भोरिये, जखनी यीशु आउर उनकर बारहो चेलवन बैतनिय्याह से निकल रहलन हल, तऽ उनका भूख लगल।13थोड़ा दूर पर, ऊ पत्ता के साथे एगो अंजीर के पेड़ देखलन, येही से ऊ ओकर भीर ई देखे लागी गेलन शायद उनका खाय लागी ओकरा पर अंजीर मिल जाय। बाकि जब ऊ ओकरा भीर अईलन, तऽ ओकरा पर पत्ता के अलावे कोई फल नऽ पईलन। अईसन येहिगुने हल काहेकि ई साल के ऊ साधारण समय नऽ हल जब अंजीर के पेड़ पकल अंजीर पईदा करतन।14ऊ, अंजीर के पेड़ से कहलन, ''अब से कोई भी कहियो तोर फल अनन्तकाल तक खा नऽ पावत। आउर उनकर चेलवन ई सुनलन।15यीशु आउर उनकर चेलवन फिन यरूशलेम चल गेलन आउर भवन के अँगना में गेलन। ऊ ऊहाँ अईसन लोगवन के देखलन जौन बलिदान लागी जानवर खरीद रहलन हल आउर बेच रहलन हल। ऊ भवन के अँगना में से ओखनी के खदेड़ देलन। ऊ ओखनी के चौकी भी उलट देलन, जौन रोमी सिक्का के बदला में भवन के लगान वाला पईसा ला बेच रहलन हल। आउर ऊ ओखनी के चौंकियन के उलट देलन जौन खरीदे वालन के बलिदान लागी कबूतर बेच रहलन हल।16ऊ अईसन कोई भी अादमी परमेश्वर के भवन के इलाका के जगह से होके जाय के अनुमति नऽ देलन जौन व्यापारिक माल बेचे लागी कुछ भी ले जा रहलन हल।17फिन जखनी ऊ ओखनी सभे के शिक्षा दे रहलन हल, तऽ ऊ उनका से कहलन, “भविष्यद्वक्तावन में से एगो, पवित्रशास्त्र में नऽ लिखलन हे कि परमेश्वर कहलन, हम चाहऽ ही कि लोग हमर भवन के अईसन भवन कहतन जहाँ सभे देश-देश के लोग प्रार्थना कर सकऽ हथन, बाकि तोहनी डाकूअन के ओकरा अईसन खोह बना देलऽ हे जेकरा में डाकू लुकल रहऽ हे।” 18यीशु जौन काम करलन हल ओकर बारे में बाद में महायाजक आउर यहूदी शास्त्री लोग सुनलन। ओखनी सभे साजिश रच रहलन हल कि ऊ उनका कईसे मारतन, बाकि ओखनी उनका से डेरा हलन काहेकि ऊ जान गेलन हल कि जौन बात ऊ सिखा रहलन हल ओकरा से सभे भीड़ चकित हो गेल हल।19ओही साँझ, यीशु आउर उनकर चेलवन शहर से चल गेलन आउर फिन से बैतनिय्याह में गेलन।20अगला दिन भोरिये जखनी ऊ सड़क पर यरूशलेम के तरफ जा रहलन हल, तऽ ओखनी देखलन कि जौन अंजीर के पेड़ के यीशु श्राप देलन हल ओकर जड़ सुख गेल हे आउर पूरा तरह से मुरझा गेल हे।21पतरस के ई बात याद आयेल जौन यीशु ऊ अंजीर के पेड़ से कहलन हल, आउर ऊ यीशु से चौंक के कहलन, ''हे गुरु, देखऽ! ई अंजीर के पेड़ जेकरा तूँ श्राप देलऽ हल सुख गेल हे!''22यीशु अपन चेलवन से कहलन, ''तोरा चौंके के नऽ चाही कि जौन हम माँगली हल परमेश्वर ओही करलन! तोरा विश्वास करे के चाही कि जौन कुछ तूँ परमेश्वर से करे लागी कहवऽ ऊ ओकरा करतन!23साथही ई सच भी जान लऽ: जदि कोई अादमी पहाड़ से कहतन कि 'उखड़ जा आउर खुद के समुद्र में डाल दऽ, 'आउर जदि ऊ अपन मन शंका नऽ करतन कि जौन ऊ माँगलन हे ऊ होत, मतलब जदि ऊ विश्वास करतन कि अईसन होत, तऽ परमेश्वर उनका लागी ओईसहीं करतन।24येही से हम तोरा से कहऽ ही कि जब कभी तूँ परमेश्वर से प्रार्थना कर के कुछ माँगवऽ, तऽ विश्वास करिहऽ कि तूँ ओकरा पा लेवऽ, आउर, जदि तूँ ओकरा पर भरोसा करवऽ, तऽ परमेश्वर ओकरा तोरा लागी कर देतन।25अब, हम तोरा से ई भी कहऽ ही कि जखनी भी तूँ प्रार्थना करऽ हऽ, तऽ जदि कोई आदमी लागी तोर मन में येही से गोस्सा रहे काहेकि ओखनी तोर खिलाफ पाप करलन हे, तऽ तोरा पर आवे वाला उनकर कर्जा मांफ कर दऽ जेकरा से स्वर्ग में रहे वाला तोहर पिता परमेश्वर तोहर पाप लागी ओकरा पर आवे वाला तोर कर्जा मांफ कर देतन।26बाकि जदि तूँ उनकर कर्जा मांफ नऽ करवऽ, तऽ तोहर पिता भी, जौन स्वर्ग में हथन, तोर पाप लागी तोर कर्जा मांफ नऽ करतन।27यीशु आउर उनकर चेलवन फिन से यरूशलेम के भवन के अँगना में पहुँचलन। जौन घड़ी यीशु ऊहाँ टहल रहलन हल, तऽ महायाजक, यहूदी शास्त्री लोग, आउर पुरनियन के एगो झुण्ड मिल के उनका भीर अईलन।28ओखनी उनका से पूछलन, ''तूँ ई काम के कौन अधिकार से करऽ हऽ? जौन काम के तूँ ईहाँ कल करलऽ हल ओकरा करे लागी तोरा कौन अधिकार देलन हे?''29यीशु उनका से कहलन, ''हमहूँ तोरा से एगो सवाल पूछम। जदि तूँ हमरा जबाब देवऽ तऽ हमहूँ तोरा बता देम कि ई सभे काम के करे के अधिकार हमरा कौन देलन हे।30“का परमेश्वर यूहन्ना के उनका भीर आवे वाला लोगवन के बपतिस्मा देवे के अधिकार स्वर्ग देलन हल? कि ई सभे ऊ आदमी हलन जौन उनका ई अधिकार देलन हल?”31ऊ अपने में चर्चा करे लगलन कि ऊ का जबाब देतन। ओखनी अपने में कहलन, ''जदि हम कहऽ ही कि ऊ परमेश्वर ही हलन जे उनका अधिकार स्वर्ग से देलन हल, तऽ ऊ हमनी से कहतन, 'फिन जौन यूहन्ना कहलन हल तोरा ओकरा पर विश्वास करे के चाहऽ हल!'32दोसरा तरफ, जदि हम कहऽ ही कि ई लोग हीं हलन जौन यूहन्ना के अधिकार देलन हल, तऽ हमनी साथे का घटना होत?'' ऊ ई कहे से डेरा हलन कि यूहन्ना के ई अधिकार कहाँ से मिलल हल, काहेकि ऊ जानऽ हलन लोग उनका पर बड़ी गोस्सा होतन। ऊ जानऽ हलन कि सभे आदमी सच में विश्वास करऽ हलन कि यूहन्ना एगो भविष्यद्वक्ता हलन जिनका परमेश्वर भेजलन हल।33येही से ओखनी यीशु के जबाब देलन, “हम नऽ जानऽ ही कि यूहन्ना के बपतिस्मा देवे के अधिकार कौन देलन।” तऽ यीशु उनका से कहलन, “काहेकि तूँ हमर सवाल के जबाब नऽ देलऽ, येहिगुने हमहूँ तोरा नऽ बतायेम कि कल ईहाँ ऊ काम के करे के अधिकार कौन देलन हल।”
Bridge Connectivity Solutions Pvt. Ltd.