Luke9
1फिन यीशु अपन बारहो चेलवन के एक साथे बोलईलन आउर ऊ सभे तरह के दुष्टात्मा के निकासे ला आउर लोगवन के बेमारी के चंगा करे के अधिकार देलन आउर सामर्थ देलन।2आउर ओखनी के परमेश्वर के राज के बारे में शुभ समाचार प्रचार करे लागी भेजलन कि राजा के जईसन परमेश्वर कईसे राज करतन। ऊ ओखनी के अईसन लोगवन के चंगा करे लागी कहलन हल जौन बेमार हल।3ओखनी के जाय के पहिलहीं, ऊ ओखनी से कहलन, “अपना यात्रा लागी अपना साथे कुछ नऽ लिहऽ। नऽ अपना साथे चले लागी लाठी, नऽ यात्री वाला कोई झोला, नऽ खाना, नऽ धन लिहऽ। नऽ एगो कोई दोसर कुरता लिहऽ।4जेकर कोई के घर में तूँ जईहऽ, ऊ जगह के छोड़े तक तूँ ओही घर में रहिहऽ।5जदि कोई शहर के लोग तोर स्वागत नऽ करऽ हे, तऽ तोरा ऊहाँ नऽ रुके के चाही। एकर बदले, ऊ शहर से निकल जा आउर, जब तूँ निकलऽ तऽ अपन गोड़ के धूरी झाड़ दिहऽ। ई तोरा इंकार करे लागी ओखनी लागी एगो गवाही के रूप में होत।”6तऽ यीशु के चेलवन चल गेलन आउर ओखनी बड़ी मनी गाँव से होके यात्रा करलन। जहाँ कहीं ओखनी गेलन, ओखनी लोगवन से परमेश्वर तरफ से आयेल शुभ संदेश के बारे में बात करलन, आउर ओखनी बेमरियन के चंगा करलन।7गलील प्रान्त के राजा, हेरोदेस अन्तिपास ऊ सभे बात के बारे में सुनलन जौन हो रहल हल, आउर ऊ घबरा गेलन। कुछ लोग कह रहलन हल कि यूहन्ना बपतिस्मा देवे वाला फिन से जी उठलन हे।8दोसर कोई कह रहलन हलऽ कि एलिय्याह भविष्यद्वक्ता फिनो से उठ खड़ा होलन हे। तईयो दोसर लोग कह रहलन हल कि पुरनका जमाना के कोई दोसर भविष्यद्वक्तावन में से कोई फिन से जी गेलन हे।9बाकि हेरोदेस कहलन, “ऊ यूहन्ना नऽ हो सकलन हे, काहेकि ओकर मुड़ी तऽ हमहीं कटवईली हल। तऽ फिन ई आदमी कौन हे? हम ओकर बारे में अचरज बात लगातार सुन रहली हे!” आउर ऊ यीशु से मिले ला कोई राह के खोज करते रहलन।10जखनी ऊ प्रेरित अपन यात्रा कर के लौट अईलन, तऽ ओखनी यीशु के सभे कुछ बतईलन जौन ओखनी करलन हल। तऽ ऊ ओखनी के अलग ले गेलन कि ओकरा साथे बैतसैदा शहर में जईतन।11बाकि जखनी भीड़ के पता होल कि यीशु कहाँ गेलन हे, तऽ ऊ ओखनी उनकर पीछे-पीछे ऊहाँ चल गेलन। आउर उनका स्वागत करलन, आउर उनका से परमेश्वर के राज के बारे में बात करलन कि राजा के रूप में परमेश्वर कईसे शासन करे जा रहलन हे। ऊ ओखनी के चंगा भी करलन जौन बेमार हल।12अखनी दिन के अन्त होवे लगल हल, येहिगुने बारहो चेलवन उनका भीर आके कहलन, “कृपा कर के लोगवन के ई बड़का भीड़ के विदा करऽ जेकरा से कि ओखनी सभे आसपास के गाँव आउर टोला में जा के कुछ भोजन पईतन आउर रहे ला जगह के खोज सकतन, काहेकि हमनी ईहाँ सुनसान जगह में ही।”13बाकि ऊ ओखनी से कहलन, “तोहनी के ओखनी ला कुछ खाय लागी देवे के चाही!” ओखनी जबाब देलन, “जौन कुछ हमरा भीर हे ऊ पाँचगो छोटा रोटी आउर दूगो जरीगो मछली हे। हमनी कखनियो ई सभे लोगवन ला भर पेट भोजन कीन नऽ सकली हे!”14ओखनी अईसन येहिगुने कहलन काहेकि ऊहाँ करीब-करीब पाँच हजार आदमी हलन। तऽ यीशु चेलवन से कहलन, “आदमियन के पंघत में बईठावऽ। हर एक पंघत में करीब-करीब 50 लोगवन के रखऽ।”15तऽ चेलवन ओईसने करलन, आउर सभे कोई बईठ गेलन।16तऽ यीशु ऊ पाँचगो रोटियन आउर दूगो मछलियन के लेलन। ऊ ऊपरे स्वर्ग तरफ देख के ओकरा ला परमेश्वर के धन्यवाद करलन। फिन ऊ रोटी आउर मछली के तोड़ के चेलवन के देते गेलन कि ओखनी सभे में बाँट देतन।17ओखनी सभे कोई खईलन आउर हर कोई जन के खाय ला भर पेट मिलल। ओकर बाद चेलवन रोटी के बाकि बचल टुकड़वन के जमा करलन, जेकरा से बारहगो दौरी भर गेल।18एक दिन जौन घड़ी यीशु अकेले में प्रार्थना कर रहलन हल, तखनी चेलवन उनके भीर हलन, आउर ऊ ओखनी से पूछलन, “ई भीड़ का कहऽ हे कि हम कौन ही?”19ओखनी जवाब देलन, “कुछ लोग कहऽ हथन कि तूँ यूहन्ना बपतिस्मा देवे वाला हऽ, बाकि दोसर लोग कहऽ हे कि तूँ एलिय्याह भविष्यद्वक्ता हऽ, आउर तईयो दोसर लोग कहऽ हे कि तूँ पुरनका जमाना के कोई भविष्यद्वक्तावन में से कोई एगो हऽ जौन फिन से जी गेलन हे।”20ऊ ओखनी से पूछलन, “तोर बारे में का हे? तोहनी का कहऽ हऽ कि हम कौन ही?” पतरस जवाब देलन, “तूँ मसीह हऽ जौन परमेश्वर के तरफ से अईलऽ हे।”21तऽ यीशु ओखनी के कड़ाई से चेतौनी देलन कि अखनी ई केकरो से मत कहिहऽ।22फिन यीशु अपन चेलवन से ई भी कहलन, “हमरा, आदमी के बेटा, के बड़ी बात में दुःख उठावे ला जरुरी हे। पुरनियन, आउर मुख्य पुरोहित, आउर यहूदी व्यवस्था के गुरु हमरा नकार कर देतन, आउर हमरा मार देतन तऽ ओकर बाद तिसरका दिन हम फिन से जी उठम।”23फिन ऊ ओखनी सभे भीड़ से कहलन, “जदि कोई हमर चेला होवे लागी चाहऽ हथन, तऽ तोरा खाली ओही नऽ करे ला हे जौन तूँ चाहऽ हऽ। एकर बदले, ईहाँ ला कि जिनगी के त्याग देवे के आखिरी दिन ला रोजदिन दुःख झेले के इच्छा होवे के चाही। हमर चेला बने ला अईसने हे।24तोरा अईसन येहिगुने करे ला हे काहेकि जौन लोग खुदे अपन प्राण बचावे के कोशिश करतन ऊ ओकरा अनन्तकाल लागी खतम कर देतन, बाकि जौन हमर चेला होवे ला प्राण के त्याग देतन, ऊ अनन्तकाल ला अपन प्राण के बचा लेतन।25आखिरकार जदि तूँ ई दुनियाँ में सभे कुछ पा लेवऽ, बाकि फिनो अन्त में तूँ खुद के खतम कर दे हऽ, चाहे बरबाद कर देवऽ, तऽ एकरा से तोरा का फायदा होत?26मान लऽ कि कोई ई कहे लागी डेरा हे कि ऊ हमरा पर विश्वास करऽ हथन आउर ई कि ऊ हमर शिक्षा के मानऽ हथन। तऽ, हम, आदमी के बेटा, कहम अईसन आदमी हमर नऽ हथन। ई तहिया घटत जहिया हम अपन महिमा में आउर पिता परमेश्वर आउर पवित्र स्वर्गदूतवन के महिमा में वापस आयेम।27हम तोरा से सच कह ही: तोहनी में से कुछ जौन अखनी ईहाँ खड़ा हथन, जब ला तूँ राजा के रूप में परमेश्वर के राज करते नऽ देख लेवऽ तब ला नऽ मरवऽ!”28यीशु के ऊ बात के बोलला के लगभग आठ दिन के बाद, ऊ अपना साथे पतरस, यूहन्ना, आउर याकूब के लेके एगो पहाड़ पर ऊहाँ प्रार्थना करे लागी चल गेलन।29जौन घड़ी यीशु प्रार्थना कर रहलन हल, तखनी उनकर चेहरा के रूप-रंग बड़ी अलग हो गेल, आउर उनकर कपड़ा उजला होके चमके लगल।30एक समय, दूगो पुरनका जमाना के भविष्यद्वक्ता यीशु साथे ऊहाँ बात कर रहलन हलऽ। ऊ मूसा आउर एलिय्याह हलन।31ई सभे आदमी महिमा में घेरायेल देखाई देलन। ओखनी यीशु के साथे ई विषय में बात करलन कि ऊ कईसे मरे वाला हथन। ई कुछ अईसन हल जौन जल्दी यरूशलेम में मर के परमेश्वर के इच्छा के कईसे पूरा करतन।32पतरस आउर दोसरकन चेलवन जौन उनका साथे हलन ऊ नीन्द से मातल हलन। बाकि जखनी ऊ एकदम से उठ गेलन, तऽ ओखनी देखलन कि यीशु कईसन महिमामय होके चमक रहलन हे। ओखनी मूसा आउर एलिय्याह के भी उनका साथे खड़ा होल देखलन।33जखनी मूसा आउर एलिय्याह उनकर भीर से जाय लगलन, तऽ पतरस यीशु से कहलन, “हे स्वामी, हमनी लागी ईहाँ रहे ला बढ़ियाँ हे! हमनी के तीनगो तम्बू बनावे के चाही, एगो तोरा लागी, आउर एगो मूसा ला आउर एगो एलिय्याह ला!” बाकि ऊ सचमुच में नऽ जानऽ हल कि ऊ का कहऽ रहलन हे34जखनी ऊ ई बात के कहऽ रहलन हल, तऽ एगो बादल आके ओखनी के झाँक लेलक। जखनी ऊ बादल ओखनी के घेर लेलक तऽ चेलवन डेरा गेलन।35बादल में से परमेश्वर के आवाज ओखनी से ई कहऽ के बात करे लगलन, “ई हमर बेटा हथन, जेकरा हम चुन लेली हे; उनकर सुनिहऽ!” 36जखनी ऊ आवाज के बोले ला खतम हो गेल, तऽ ऊ तीनो चेलवन देखलन कि ऊहाँ खाली यीशु मौजूद हथन। ई सभे बात के ओखनी अपने में रखलन। जौन ओखनी देखलन हल ढेर दिन ला ओखनी ऊ केकरो से भी नऽ बतईलन।37दोसरका दिन जखनी ओखनी पहाड़ से उतर अईलन तऽ लोगवन के एगो बड़का भीड़ यीशु से मिलल।38एकबैग भीड़ में से एगो आदमी चिकरे लगल, “हे गुरु, हम तोरा से विनती करऽ ही, हमर बेटा के मदत ला कुछ करऽ! ऊ हमर एकलौता बेटा हे।39जौन हो रहले हे, ऊ ईहाँ हे। एगो दुष्टात्मा एकबैग ओकरा पकड़ऽ हे आउर ओकरा चिकरे ला मजबूर करऽ हे। ऊ ओकरा पर हमला कर के झिकझोरे लगऽ हे आउर ओकर मुँह में फेन भरे लागी ऊ मजबूर करऽ हे। ई दुष्टात्मा ढेर मुश्किल से कभी कभार ही हमर बेटा के छोड़ हे आउर जखनी ऊ अईसन करऽ हे, तऽ ऊ ओकरा बड़ी चोट पहुँचावऽ हे।40ऊ दुष्टात्मा के ओकरा में से निकल जाय के हुकूम देवे ला चेलवन से विनती करली हल, बाकि ऊ अईसन करे में असमर्थ हलन!”41एकर जबाब में, यीशु कहलन, “ई पीढ़ी के लोग अविश्वासी हथन, आउर येहिगुने उनकर बुद्धि भ्रष्ट हो गेल हे! यीशु उनका से कहलन तोरा विश्वास करे से पहिले हम कखनी ला तोरा साथे रहम?” फिन ऊ, ऊ लईका के बाप से कहलन अपन बेटा के ईहाँ ले आवऽ!42जौन घड़ी ऊ लईका के लेके आ रहलन हल तऽ ऊ दुष्टात्मा लईका के जमीन पर पटक देलक आउर ओकरा बुरा तरह से झिकझोर देलक। बाकि यीशु ऊ अशुद्ध आत्मा के डाँटलन आउर ऊ लड़का के चंगा कर देलन। फिनो ऊ ओकरा ओकर बाबूजी के दे देलन।43ओकर बाद ऊहाँ जमा सभे लोग ऊ महान सामर्थ से भरल अचरज हो गेलन जौन परमेश्वर परकट करलन हलऽ।
जौन घड़ी ओखनी सभे ऊ सभे चमत्कार पर अचरज हो रहलन हल जौन यीशु कर रहलन हलऽ, ऊ अपन चेलवन से कहलन,44“जौन हम तोरा कहे ला ही ढेर धियान से सुनऽ, काहेकि कोई आदमी हम, आदमी के बेटा के दुश्मन के हाथ में सौंप देतन।”45बाकि चेलवन ई बात समझ नऽ पईलन कि ओकर एकरा से का मतलब हे। परमेश्वर ओखनी के ई समझे से रोक देलन जेकरा से कि ओखनी अखनी ई नऽ समझ पावे कि ओकर का मतलब हे, आउर जौन कुछ ऊ कहलन हल ओकरा बारे में ऊ यीशु से पूछे से डेरा हलन।46फिन कुछ समय के बाद, चेलवन अपने में ई बात के चलते बहस करे लगलन कि हमनी में से कौन सभे से बढ़ियाँ हे।47बाकि यीशु अपन मन में जानऽ हलन कि ओखनी का सोच रहलन हे येहिगुने ऊ एगो लईका के अपना भीर लेके अईलन आउर ऊ लईका के अपन भीर खड़ा करलन।48तऽ यीशु अपन चेलवन से कहलन, “जदि कोई हमरा नाम के चलते एकरा जईसन छोटका लईका अपनावऽ हथन, तऽ ई हमरा अपनावे के बराबर हे। आउर जदि कोई हमरा अपनावऽ हथन तऽ ई ऊ परमेश्वर के अपनावे के जईसन हे, जौन हमरा भेजलन हे। याद रखऽ कि तोहनी में जौन सभे से कम खास लगऽ हे, ऊ ओही हे जेकरा परमेश्वर सभे से जादे खास मानऽ हथन।”49यूहन्ना यीशु के जबाब देलन, “हे स्वामी, हमनी एगो आदमी के देखली जौन लोगवन में से दुष्टात्मा के निकल जाय के आज्ञा देवे ला तोर नाम के इस्तेमाल कर रहलन हल। बाकि हम ओकरा अईसन करे से रुक जाय लागी कहलन, काहेकि ऊ तोरा भीर रह के अईसन काम नऽ कर रहलन हल जौन तरह से हमनी करऽ ही।”50बाकि यीशु यूहन्ना से कहलन, “ओकरा अईसन करे से मत रोकऽ! जदि कोई कुछ अईसन नऽ कर रहलन हे जौन तोरा ला घटा देवेवाला हे, तऽ जौन ऊ कर रहलन ऊ तोहनी ला फायदेमन्द हे!”51जखनी ऊ समय नजदीक आ रहल हल जखनी परमेश्वर उनका स्वर्ग तक उठा लेतन, तऽ यीशु हौसला से भर के यरूशलेम जाय ला तय करलन।52ऊ अपन आगे कुछ दूत के भेजलन। ऊ यात्रा करते सामरिया इलाका के एगो गाँव में गेलन जेकरा से ऊहाँ उनका रुके ला व्यवस्था करे के उपाय करतन।53बाकि सामरियन यीशु के अपन गाँव में रुके नऽ देलन, काहेकि ऊ यरूशलेम जा रहलन हल।54उनकर दूगो चेलवन, याकूब आउर यूहन्ना खिसिया गेलन जखनी ओखनी ई देखलन कि सामरिया के लोग उनकर इज्जत नऽ करे वाला हलन। तऽ ओखनी यीशु से पूछलन, “हे प्रभु, का तूँ चाहऽ हऽ कि हम आज्ञा देम, कि आसमान से आग गिरत, आउर ओखनी के भसम कर देत?” 55बाकि यीशु ओकर तरफ घूम के कड़ाई से डाँट के ओखनी से कहलन कि ओखनी के अईसन कहना नाजायज हे।56येहिगुने ओखनी कोई दोसर गाँव में चल गेलन।57जखनी यीशु आउर उनकर चेलवन सड़क पर जा रहलन हल, तऽ कोई उनका से कहलन, “जहाँ कहीं तूँ जईवऽ, हमहूँ तोरा साथे चलम!”58यीशु जवाब देलन, “लोमड़ियन के रहे ला खोह होवऽ हे, आउर पक्षियन के आसमान आउर खोंता होवऽ हे, बाकि हम आदमी के बेटा, के सुते लागी कोई घर नऽ हे!”59यीशु कोई दोसर आदमी से कहलन, “हमरा साथे चलऽ!” बाकि ऊ आदमी कहलन, “हे प्रभु, हमरा पहिले अपन घरे जा के अपन बाबूजी के दफना लेवे दऽ।”60बाकि यीशु ओकरा से कहलन, “मरलकन के अपन मुरदा गाड़े दऽ। हम चाहऽ ही कि तूँ सभे जगह जा के लोगवन के बतावऽ कि अपन जिनगी पर राज करे ला ऊ परमेश्वर के पा सकलन हे।”61कोई आउर कहलन, “हे प्रभु, हम तोरा साथे चलम आउर तोर चेला बनम, बाकि पहिले ही हमरा अपन परिवार विदागी लेवे लागी घरे जाय दऽ।” 62यीशु उनका से कहलन, “कोई भी जन अईसन किसान के समान हे जौन हल पर हाथ रख के पीछे मुड़ के अपन खेत के जोतेला कोशिश करऽ हे, ऊ परमेश्वर के राज में सेवा करे योग्य नऽ हे।”
जौन घड़ी ओखनी सभे ऊ सभे चमत्कार पर अचरज हो रहलन हल जौन यीशु कर रहलन हलऽ, ऊ अपन चेलवन से कहलन,44“जौन हम तोरा कहे ला ही ढेर धियान से सुनऽ, काहेकि कोई आदमी हम, आदमी के बेटा के दुश्मन के हाथ में सौंप देतन।”45बाकि चेलवन ई बात समझ नऽ पईलन कि ओकर एकरा से का मतलब हे। परमेश्वर ओखनी के ई समझे से रोक देलन जेकरा से कि ओखनी अखनी ई नऽ समझ पावे कि ओकर का मतलब हे, आउर जौन कुछ ऊ कहलन हल ओकरा बारे में ऊ यीशु से पूछे से डेरा हलन।46फिन कुछ समय के बाद, चेलवन अपने में ई बात के चलते बहस करे लगलन कि हमनी में से कौन सभे से बढ़ियाँ हे।47बाकि यीशु अपन मन में जानऽ हलन कि ओखनी का सोच रहलन हे येहिगुने ऊ एगो लईका के अपना भीर लेके अईलन आउर ऊ लईका के अपन भीर खड़ा करलन।48तऽ यीशु अपन चेलवन से कहलन, “जदि कोई हमरा नाम के चलते एकरा जईसन छोटका लईका अपनावऽ हथन, तऽ ई हमरा अपनावे के बराबर हे। आउर जदि कोई हमरा अपनावऽ हथन तऽ ई ऊ परमेश्वर के अपनावे के जईसन हे, जौन हमरा भेजलन हे। याद रखऽ कि तोहनी में जौन सभे से कम खास लगऽ हे, ऊ ओही हे जेकरा परमेश्वर सभे से जादे खास मानऽ हथन।”49यूहन्ना यीशु के जबाब देलन, “हे स्वामी, हमनी एगो आदमी के देखली जौन लोगवन में से दुष्टात्मा के निकल जाय के आज्ञा देवे ला तोर नाम के इस्तेमाल कर रहलन हल। बाकि हम ओकरा अईसन करे से रुक जाय लागी कहलन, काहेकि ऊ तोरा भीर रह के अईसन काम नऽ कर रहलन हल जौन तरह से हमनी करऽ ही।”50बाकि यीशु यूहन्ना से कहलन, “ओकरा अईसन करे से मत रोकऽ! जदि कोई कुछ अईसन नऽ कर रहलन हे जौन तोरा ला घटा देवेवाला हे, तऽ जौन ऊ कर रहलन ऊ तोहनी ला फायदेमन्द हे!”51जखनी ऊ समय नजदीक आ रहल हल जखनी परमेश्वर उनका स्वर्ग तक उठा लेतन, तऽ यीशु हौसला से भर के यरूशलेम जाय ला तय करलन।52ऊ अपन आगे कुछ दूत के भेजलन। ऊ यात्रा करते सामरिया इलाका के एगो गाँव में गेलन जेकरा से ऊहाँ उनका रुके ला व्यवस्था करे के उपाय करतन।53बाकि सामरियन यीशु के अपन गाँव में रुके नऽ देलन, काहेकि ऊ यरूशलेम जा रहलन हल।54उनकर दूगो चेलवन, याकूब आउर यूहन्ना खिसिया गेलन जखनी ओखनी ई देखलन कि सामरिया के लोग उनकर इज्जत नऽ करे वाला हलन। तऽ ओखनी यीशु से पूछलन, “हे प्रभु, का तूँ चाहऽ हऽ कि हम आज्ञा देम, कि आसमान से आग गिरत, आउर ओखनी के भसम कर देत?” 55बाकि यीशु ओकर तरफ घूम के कड़ाई से डाँट के ओखनी से कहलन कि ओखनी के अईसन कहना नाजायज हे।56येहिगुने ओखनी कोई दोसर गाँव में चल गेलन।57जखनी यीशु आउर उनकर चेलवन सड़क पर जा रहलन हल, तऽ कोई उनका से कहलन, “जहाँ कहीं तूँ जईवऽ, हमहूँ तोरा साथे चलम!”58यीशु जवाब देलन, “लोमड़ियन के रहे ला खोह होवऽ हे, आउर पक्षियन के आसमान आउर खोंता होवऽ हे, बाकि हम आदमी के बेटा, के सुते लागी कोई घर नऽ हे!”59यीशु कोई दोसर आदमी से कहलन, “हमरा साथे चलऽ!” बाकि ऊ आदमी कहलन, “हे प्रभु, हमरा पहिले अपन घरे जा के अपन बाबूजी के दफना लेवे दऽ।”60बाकि यीशु ओकरा से कहलन, “मरलकन के अपन मुरदा गाड़े दऽ। हम चाहऽ ही कि तूँ सभे जगह जा के लोगवन के बतावऽ कि अपन जिनगी पर राज करे ला ऊ परमेश्वर के पा सकलन हे।”61कोई आउर कहलन, “हे प्रभु, हम तोरा साथे चलम आउर तोर चेला बनम, बाकि पहिले ही हमरा अपन परिवार विदागी लेवे लागी घरे जाय दऽ।” 62यीशु उनका से कहलन, “कोई भी जन अईसन किसान के समान हे जौन हल पर हाथ रख के पीछे मुड़ के अपन खेत के जोतेला कोशिश करऽ हे, ऊ परमेश्वर के राज में सेवा करे योग्य नऽ हे।”
Bridge Connectivity Solutions Pvt. Ltd.