Luke8
1कुछ समय बाद, यीशु आउर उनकर बारहो चेलवन अगल बगल के अलग-अलग शहर आउर गाँव में होके गुजरलन। जखनी ऊ गेलन, तऽ यीशु लोगवन ला प्रचार करलन, आउर उनका ई शुभ संदेश बतईलन कि अपन जिनगी पर राज करे लागी ओखनी परमेश्वर के अपना सकलन हे।2उनका साथे चलेवाली कुछ अईसन औरतियन भी हल जेकरा ऊ दुष्टात्मावन से छुटकारा देलन हल आउर बेमरियन से चंगा करलन हल। एकरा में मरियम भी शामिल हल जौन मगदलीनी गाँव के रहे वाली हल। यीशु सातगो प्रेतात्मावन के ओकरा में से निकल जाय ला मजबूर करलन हल।3एकरे में से एगो दोसर औरत योअन्ना हल। ऊ खोजा के मेहरारू हल, जौन राजा शासक हेरोदेस के एगो मुनीम हल। सुसन्नाह आउर ढेरमनी दोसर भी येहिगुने सभे औरतियन में शामिल हल ओखनी यीशु आउर उनकर चेलवन के मदत करे लागी अपन खुद के दौलत के इस्तेमाल उनकर सेवा में कर रहलन हल।4एक दिन एगो बड़ी बड़का भीड़ जमा हो गेल। यीशु के देखे लागी लोग ढेरमनी अलग अलग शहर से आ रहलन हल। ऊ उनका ई दृष्टान्त कहलन:5“एगो किसान कुछ गेहूँ के बिच्चा बुने लागी निकललन। जखनी ऊ ओकरा मट्टी में बुन रहलन हल, तऽ कुछ बिच्चा कड़ा राह पर गिरल। ऊ बिच्चवन के लोग धाँग देलन, आउर आसमान पक्षियन ओकरा खा गेल।6कुछ बिच्चा पत्थरवन के एगो चट्टान पर उभरल मट्टी पर गिरल। जखनी ऊ बिच्चा बढ़ल, तऽ पौधा येहिगुने सुख गेल काहेकि ओकर जड़ी पत्थरवन के पार कर के नमी भीर ला नऽ पहुँचल।7कुछ बिच्चा अईसन जमीन पर गिरल जहाँ झाड़ीदार पेड़वन अपन बिच्चा रोपले हल। आउर नया काँटेदार पेड़वन भी गेहूँ के पौधा के साथे-साथे बढ़ल। ऊ बरियार काँटेदार पेड़ गेहूँ के पौधा के घेर लेलक, येहिगुने गेहूँ सही ढंग से बढ़ नऽ पईलक।8बाकि कुछ गेहूँ के बिच्चा उपजाऊ मट्टी पर गिरल। ऊ एतना बढ़ियाँ से बढ़लक कि एगो अईसन अनाज पईदा होल जेकरा में सौ गुणा जादे बिच्चा हल।” ई सभे बात कहला के बाद, यीशु भीड़ के पुकार के कहलन, “जौन तोहनी हमरा से अखनी कहते सुनलऽ हे ओकर बारे में तोरा बड़ी गौर से सोचे के चाही!”9फिन यीशु के चेलवन उनका से पूछलन “ऊ दृष्टान्त के का मतलब हे?”10आउर यीशु कहलन “परमेश्वर तोरा ओकर बारे में गड़ल बात के जाने ला अच्छा मौका देलन हे कि राजा के रूप में परमेश्वर कईसे राज करतन” काहेकि बाकि सभे ला हम खाली दृष्टान्त में बोलऽ ही, जेकरा से कि, जबकि ओखनी देखऽ हथन, तईयो ओखनी नऽ समझतन, आउर जबकि ओखनी सुनऽ हथन, तईयो ऊ ओखनी नऽ समझतन। 11अखनी, ऊ दृष्टान्त के मतलब ई हे: ऊ बिच्चा ऊ बात के देखावऽ हे जौन परमेश्वर लोग के समझावे ला चाहऽ हथन।12जौन बिच्चा राह पर गिरल हल ई देखावे हे कि का होवे हे जखनी परमेश्वर तरफ से आयेल समाचार के लोग खाली ऊपरे मन से समझऽ हथन। एकरा से शैतान ला ई आसान हो जा हे कि ऊ आके समाचार के ओकर मन से निकास ले जाय। एकर नतीजा, से ओखनी ओकरा पर विश्वास नऽ करऽ हथन, आउर येहिगुने परमेश्वर ओकरा नऽ बचावऽ हथन।13ऊ बिच्चा जौन पथरीला जमीन पर गिरल ई देखावे हे कि का होवऽ हे जखनी परमेश्वर तरफ से आयेल समाचार के लोग सुन के खुशी के साथे अपना ले हथन, बाकि ऊ खुदे के सोच समझ के जड़ नऽ पकड़ऽ हथन। ऊ खाली थोड़ा समय लागी विश्वास करऽ हथन। जईसहीं उनका पर कठिन समय आवऽ हे तऽ, ओखनी परमेश्वर पर भरोसा करे ला छोड़ दे हथन।14ऊ बिच्चा जौन कँटीला पौधा के बीच में गिरल ई देखावे हे कि ऊ कुछ दोसर लोग के साथे का होवऽ हे जौन परमेश्वर के तरफ से आयेल समाचार के सुनऽ हथन। जखनी ऊ अपन जिनगी में आगे बढ़ऽ हथन, तऽ ऊ चिंता के, धन के, आउर ई जिनगी के सुख के अपन पूरा मन पर काबू रखे ला इजाजत दे हथन। जेकर नतीजा, ऊ आत्मिक रूप से मजबूत नऽ होवऽ हथन।15बाकि ऊ बिच्चा जौन उपजाऊ जमीन पर गिरल हे देखावे हे कि का होवऽ हे जखनी परमेश्वर के बारे में शुभ समाचार के लोग सुनऽ हथन आउर बड़ी ईमानदारी से अपन मन में ओकरा अपना ले हथन। ऊ एगो मजबूत समर्पण करऽ हथन आउर काहेकि ऊ, ऊ समर्पण के पालन करऽ हथन येहिगुने ऊ आत्मिक रूप से मजबूत हो जा हथन।16एकरा बारे में सोचऽ। जखनी कोई आदमी दीया जरावऽ हथन, तऽ ऊ ओकरा छैंटी से नऽ झाँक दे हथन। ऊ ओकरा खटिया के तरे नऽ धर दे हथन। एकर बदले, ऊ ओकर दीवट पर रखऽ हथन। अईसे कर के घर में ढूके वाला सभे कोई ओकर इंजोर में देख सकलन हे।17ई देखावऽ हे कि कोई दिन सभे आदमी ऊ सभे कुछ देखे के काबिल होतन जौन अखनी ला देखाई नऽ दे हे। आउर कोई दिन सभे आदमी ऊ सभे कुछ खुलेआम देख सकलन हे जौन अखनी लुकल हे।18येहिगुने तय करऽ कि जौन हम तोरा बतावऽ ही ओकरा तूँ गौर से सुन रहलऽ हे, काहेकि जदि कोई परमेश्वर के सच्चाई पर विश्वास करऽ हथन, तऽ परमेश्वर ओकरा आउर भी जादे समझे के काबिल बनईतन। काहेकि जदि कोई परमेश्वर के सच्चाई पर विश्वास नऽ करऽ हथन, तऽ परमेश्वर ओकरा ऊ जरी-जरीगो बात के भी नऽ समझे देतन जेकरा ला ओकरा लगऽ हे ऊ समझ गेल हे।19एक दिन यीशु के माय आउर उनकर भाई उनकर से मिले लागी अईलन, बाकि ऊ उनकर नजदीक नऽ जा पईलन काहेकि जौन घर में ऊ हलन ओकर अगल-बगल ऊहाँ बड़ी जादे भीड़ हल।20तऽ कोई यीशु से कहलन, “तोर माय आउर छोटा भाई बाहरी खड़ा हथन, आउर तोरा से मिले ला चाहऽ हथन।”21बाकि ऊ उनका जबाब देलन, “जौन लोग परमेश्वर के तरफ से आयेल संदेश के सुनऽ हथन आउर ओकरा मानऽ हथन, ओही हमर माय आउर हमर भईवन नियर प्यारा हथन।”22कोई दोसर दिन यीशु अपन चेलवन के साथे एगो नाव पर चढ़ गेलन। ओखनी से कहलन, “हम चाहऽ ही कि हमनी झील के पार कर के दोसरा तरफ जायेम।” येहिगुने ओखनी झील के पार जाय ला जलयात्रा शुरु करलन।23बाकि जखनी ओखनी जलयात्रा कर रहलन हल, तऽ यीशु के नींद आ गेल। ओकर बाद झील में एगो बड़का भारी बवण्डर उठल। तुरन्त ऊ नाव पानी से भर गेल, आउर ऊ लोग खतरा में पड़ गेलन।24येहिगुने यीशु के चेलवन उनका जगावे लागी उनका भीर पहुँचलन। ओखनी उनका से कहलन, “हे स्वामी! हे स्वामी! हमनी सभे के सभे मरे वाला ही!” यीशु उठलन आउर हवा के आउर जानलेवा हलफा के डाँटलन। अंधड़ चले ला रुक गेल, हलफा नाव से टकराय ला बंद हो गेल आउर सभे कुछ शान्त हो गेल।25तऽ ऊ ओखनी से कहलन, “तोहनी तऽ अईसन डरलऽ जईसे कि तोरा में विश्वासे नऽ हे!” जौन अखनिये होल हल ओकरा चलते चेलवन दोवधा में आउर हैरान रह गेलन। ऊ एक दोसरा से पूछते रहलन, “यीशु कौन हो सकलन हे? ऊ तऽ अंधड़ आउर तूफान के भी आज्ञा देवे के लायक हथन, आउर ओखनी उनकर आज्ञा के मानऽ हे।”26यीशु आउर ओकर चेलवन जलयात्रा करते रहलन आउर ओखनी गलील झील में अईलन जहाँ गिरासेनी लोग रहऽ हलन।27जखनी यीशु नाव से उतर के जमीन पर अईलन, तऽ ऊ शहर के एगो आदमी उनका से एगो इलाका में मिलल। ई आदमी में दुष्टात्मावन हलऽ। ढेर दिन से ई आदमी कपड़ा नऽ पेहनऽ हल आउर ऊ घरवो में नऽ रहऽ हल। एकर उल्टा, ऊ कब्र में रहऽ हल।28जखनी ऊ आदमी यीशु के देखलक, तऽ ऊ चींख के उनकर सामने औंधे मुँह पड़ गेल। ऊ चींख के बोललक, “हे यीशु, परमप्रधान परमेश्वर के बेटा, तूँ हमर से का चाहऽ हऽ? हम तोरा आगे हाथ जोर ही, हमरा दुःख नऽ दऽ!”29ऊ आदमी अईसन येहिगुने कहलन काहेकि यीशु अखनी तुरन्त ऊ अशुद्धात्मा के ओकरा में से बाहरी निकसे ला आज्ञा देलन हल। पहिले, लोग ओकरा सिकड़ आउर डण्डा-बेड़ी से बाँध के कड़ा पहरा में रखऽ हलन। तईयो, केतना बेरा अशुद्धात्मा एकबैग ओकरा चमोट के पकड़ लेवल कर हल। तऽ ऊ आदमी बाँधलकन के तोड़ के छूट जा हल, आउर ऊ अशुद्धात्मा ओकरा जंगले जंगल घुमईते रहऽ हल।30तऽ यीशु ओकरा से पूछलन, “तोर नाम का हे?” ऊ प्रेतात्मावन जबाब देलक, “हमर नाम हे सेना।” ऊ अईसन येहिगुने कहलन काहेकि केतना दुष्टात्मावन ऊ आदमी के भीतरे ढूकल हल।31ऊ प्रेतात्मा यीशु से विनती करते रहल कि ओकरा गबड़ा खाई में जाय के हुकूम नऽ देतन जहाँ परमेश्वर प्रेतात्मावन के सजा दे हथन।32ऊहाँ नजदीक के पहाड़ पर सूअरवन के एगो बड़कागो झुण्ड चर रहल हल। प्रेतात्मावन यीशु से विनती करलन कि ऊ ओकरा सूअरवन में ढूक जाय ला इजाजत देतन। आउर ऊ ओकरा इजाजत दे देलन।33तऽ ऊ दुष्टात्मा ऊ आदमी के छोड़ के सूअरवन में ढूक गेल, आउर सूअरवन के ऊ झुण्ड खड़ा अरार पर से झपट के झील में जा गिरल आउर डूब मरल।34जौन घटना होल हल जखनी ओखनी देखलन जौन सुअरवन के देख-रेख कर रहलन हल, तऽ ऊ भागे लगलन! ऊ अपन अगल बगल के रहे वालन सभे समाज के जौन कुछ ऊ देखलन हल ओकर खबर देलन।35तऽ जौन घटना होल हल ऊ देखे लागी लोग निकल के अईलन। जखनी ऊ ऊहाँ पहुँचल जहाँ यीशु हलन, तऽ ओखनी ऊ आदमी के यीशु के गोड़ भीर बईठल देखलन जेकरा में से दुष्टात्मा निकल गेल हल। ओखनी देखलन कि ऊ कपड़ा पेहेनले हल आउर उनकर मन फिन से शान्त हो गेल। ओखनी जान लेलन कि यीशु केतना सामर्थी हथन, आउर ऊ डर गेलन।36जौन होल हल जौन ऊ देखलन हल, ऊ अभी-अभी आयेल लोगवन के बतईलन कि कईसे यीशु ऊ आदमी के बचईलन हल जौन दुष्टात्मा के कब्जा में हल।37तऽ जहाँ गिरासेनी रहऽ हलन, ऊ जगह के ढेरमनी लोग यीशु के उनकर इलाका छोड़ के जाय लागी विनती करलन, काहेकि ऊ बड़ी डेरा गेलन हल। येहिगुने यीशु आउर उनकर चेलवन झील के ऊ पार जाय लागी नाव पर चढ़ गेलन।38उनका जाय के पहिले, जौन आदमी से दुष्टात्मा निकलल हल, ई कह के विनती करलक, “कृपा कर के हमरा अपन साथे चले दऽ!” बाकि एकर उल्टे, यीशु ओकरा ई कह के विदा कर देलन,39“नऽ, अपन घरे वापस लौट जा आउर सभे आदमी के प्रचार करऽ कि परमेश्वर तोरा लागी केतना कुछ करलन हे!” तऽ ऊ आदमी चल गेल आउर समूचे शहर में लोगवन के बता देलक कि यीशु ओकरा ला केतना कुछ करलन हे।40आउर जखनी यीशु आउर उनकर चेलवन झील के पार कफरनहूम में लौटलन, तऽ लोगवन उनकर स्वागत करलन। ओखनी ऊहाँ उनकर इंतजार कर रहलन हल41ओही घड़ी याईर नाम के एगो आदमी, जौन ऊहाँ के आराधनालय के अगुवा में से एगो हलन, यीशु के नजदीक अईलन, आउर ऊ उनका सामने पट्टे पड़ गेलन। ऊ यीशु से अपन घरे आवेला विनती करलन।42ऊ अईसन येहिगुने करलन काहेकि ओकर एगो एकलौती बेटी हल, जौन करीब-करीब 12 साल के उमर के हल, आउर ऊ मर जा रहल हल। ऊ चाहऽ हल कि यीशु ओकरा चंगा करतन।
अब जखनी यीशु ओकर साथे गेलन, तऽ ढेरमनी लोग उनकर चारो तरफ भीड़ लगा रहलन हल।43अब भीड़ में एगो औरत हल जौन 12 साल से लगातार लहू बहे के गम्भीर बेमारी से परेशान हल। ऊ अपन सभे पईसा आउर अपन सभे जीविका चंगा होवे ला वैद्य-हकीम के देवे में खरचा कर देलक हल, बाकि ओखनी में से कोई भी ओकरा चंगा कर नऽ पा रहलन हल।44ऊ यीशु के पीछे-पीछे अईलक आउर उनकर कपड़ा के कोरी के छू लेलक। एक बेरा में ओकर लहू बहेला रुक गेल।45यीशु कहलन, “कौन हमरा छूलक?” यीशु के अगल-बगल के सभे कोई पतरस आउर उनकर दोस्तवन कहलन, “हे स्वामी, ईहाँ बड़ी लोग हथन जौन तोर चारो तरफ से भीड़ लगईले हथन आउर तोरा पर लदल जा रहलन हे। येहिगुने ओखनी में से कोई तोरा छू लेलक होत”46बाकि यीशु कहलन, “हम जानऽ ही कि कोई हमरा जान बुझ के छूलन हे, काहेकि, हमरा में से ऊ आदमी के चंगा करे लागी सामर्थ निकलल हे।”47तऽ ऊ औरत ई जान गेल कि ऊ लुक नऽ सकल हे। येहिगुने ऊ थरथरईते यीशु भीर अईलक आउर श्रद्धा से भर के उनकर सामने धरती पर औंधे मुँहे पड़ गेल। जखनी दोसरा लोग सुन रहलन हल, तऽ ऊ बतईलन कि ऊ यीशु के काहेला छूलक हल आउर कईसे ऊ तुरन्त चंगा हो गेल।48यीशु उनका से कहलन, “हे प्यारी औरत, काहेकि तूँ विश्वास करलऽ हल कि हम तोरा चंगा कर सकऽ ही, येहिगुने तूँ ठीक हो गेल। अब अपन राह में चल जा, आउर परमेश्वर के शान्ति तोरा पर बनल रहत।”49जखनी यीशु ऊ औरत से अखनी बात ही रहलन हल, तऽ कोई आराधनालय के सरदार के ईहाँ से याईर के घरे एगो आदमी अईलन आउर याईर से बोललन, तोर बेटी मर गेल हे। येहिगुने गुरु के जादे समय बर्बाद नऽ करऽ50बाकि जखनी यीशु ई सुनलन, तऽ यीशु याईर से कहलन, “डरऽ नऽ। वश हमरा पर विश्वास करऽ, आउर ऊ फिन से बच जईतक।”51जब ऊ घर के बाहरी पहुँचलन, तऽ यीशु पतरस, यूहन्ना, आउर याकूब आउर लड़की के बाप आउर माय के अलावे कोई भी आदमी के घर के भीतर जाय के इजाजत नऽ देलन।52आउर ऊहाँ पर मौजूद सभे लोग ऊँचा आवाज में ई देखा रहलन हल कि ऊ केतना दुःख हे काहेकि ऊ लड़की के मौत हो गेल हे। बाकि यीशु उनका से कहलन, “रोवे ला बंद कर दऽ! लड़की मरल नऽ हे! ऊ सुतल हे!”53आउर ऊ लोगवन उनका पर हँसे लगलन काहेकि ऊ जानऽ हलन कि ऊ लड़की मर गेल हे।54बाकि यीशु ओकर हाथ के पकड़ लेलन आउर ओकरा पुकार के कहलन, हे लड़की उठ जा!55आउर तुरन्त ओकर प्राण लौट गेल आउर ऊ उठ के बईठ गेल। आउर यीशु उनका से कहलन कि ओकरा कुछ खाय लागी दऽ।56आउर उनकर माय-बाप अचरज हो गेलन, बाकि यीशु उनका से कहलन जौन कुछ होल हल अखनी ऊ दोसर कोई के भी नऽ बतईहऽ।
अब जखनी यीशु ओकर साथे गेलन, तऽ ढेरमनी लोग उनकर चारो तरफ भीड़ लगा रहलन हल।43अब भीड़ में एगो औरत हल जौन 12 साल से लगातार लहू बहे के गम्भीर बेमारी से परेशान हल। ऊ अपन सभे पईसा आउर अपन सभे जीविका चंगा होवे ला वैद्य-हकीम के देवे में खरचा कर देलक हल, बाकि ओखनी में से कोई भी ओकरा चंगा कर नऽ पा रहलन हल।44ऊ यीशु के पीछे-पीछे अईलक आउर उनकर कपड़ा के कोरी के छू लेलक। एक बेरा में ओकर लहू बहेला रुक गेल।45यीशु कहलन, “कौन हमरा छूलक?” यीशु के अगल-बगल के सभे कोई पतरस आउर उनकर दोस्तवन कहलन, “हे स्वामी, ईहाँ बड़ी लोग हथन जौन तोर चारो तरफ से भीड़ लगईले हथन आउर तोरा पर लदल जा रहलन हे। येहिगुने ओखनी में से कोई तोरा छू लेलक होत”46बाकि यीशु कहलन, “हम जानऽ ही कि कोई हमरा जान बुझ के छूलन हे, काहेकि, हमरा में से ऊ आदमी के चंगा करे लागी सामर्थ निकलल हे।”47तऽ ऊ औरत ई जान गेल कि ऊ लुक नऽ सकल हे। येहिगुने ऊ थरथरईते यीशु भीर अईलक आउर श्रद्धा से भर के उनकर सामने धरती पर औंधे मुँहे पड़ गेल। जखनी दोसरा लोग सुन रहलन हल, तऽ ऊ बतईलन कि ऊ यीशु के काहेला छूलक हल आउर कईसे ऊ तुरन्त चंगा हो गेल।48यीशु उनका से कहलन, “हे प्यारी औरत, काहेकि तूँ विश्वास करलऽ हल कि हम तोरा चंगा कर सकऽ ही, येहिगुने तूँ ठीक हो गेल। अब अपन राह में चल जा, आउर परमेश्वर के शान्ति तोरा पर बनल रहत।”49जखनी यीशु ऊ औरत से अखनी बात ही रहलन हल, तऽ कोई आराधनालय के सरदार के ईहाँ से याईर के घरे एगो आदमी अईलन आउर याईर से बोललन, तोर बेटी मर गेल हे। येहिगुने गुरु के जादे समय बर्बाद नऽ करऽ50बाकि जखनी यीशु ई सुनलन, तऽ यीशु याईर से कहलन, “डरऽ नऽ। वश हमरा पर विश्वास करऽ, आउर ऊ फिन से बच जईतक।”51जब ऊ घर के बाहरी पहुँचलन, तऽ यीशु पतरस, यूहन्ना, आउर याकूब आउर लड़की के बाप आउर माय के अलावे कोई भी आदमी के घर के भीतर जाय के इजाजत नऽ देलन।52आउर ऊहाँ पर मौजूद सभे लोग ऊँचा आवाज में ई देखा रहलन हल कि ऊ केतना दुःख हे काहेकि ऊ लड़की के मौत हो गेल हे। बाकि यीशु उनका से कहलन, “रोवे ला बंद कर दऽ! लड़की मरल नऽ हे! ऊ सुतल हे!”53आउर ऊ लोगवन उनका पर हँसे लगलन काहेकि ऊ जानऽ हलन कि ऊ लड़की मर गेल हे।54बाकि यीशु ओकर हाथ के पकड़ लेलन आउर ओकरा पुकार के कहलन, हे लड़की उठ जा!55आउर तुरन्त ओकर प्राण लौट गेल आउर ऊ उठ के बईठ गेल। आउर यीशु उनका से कहलन कि ओकरा कुछ खाय लागी दऽ।56आउर उनकर माय-बाप अचरज हो गेलन, बाकि यीशु उनका से कहलन जौन कुछ होल हल अखनी ऊ दोसर कोई के भी नऽ बतईहऽ।
Bridge Connectivity Solutions Pvt. Ltd.