Luke10
1एकर बाद, प्रभु दोसर 72 चेलवन के चुनलन कि ऊ जा के लोगवन के उनकर बात सुने ला तईयार करतन। ऊ ओखनी के अपन आगे-आगे सभे शहर आउर गाँव में दूगो कर के भेजलन जहाँ ऊ खुद जाय के मन बनईलन हल। 2ऊ ओखनी से कहलन, “बड़ी लोगवन हमरा पर विश्वास करे लागी तईयार हथन, बाकि तोहनी में से थोड़ा ही अईसन हथन जेकरा हम ओखनी के मदत करे ला भेज सकऽ ही, येहिगुने स्वामी से प्रार्थना करऽ, जौन चाहऽ हथन कि ऊ सभे के सभे लोग विश्वास करतन, आउर ओकरा से आउर भी चेलवन लागी प्रार्थना करतन जौन जा के उनकर मदत कर सकऽ हे।3अखनी जा, बाकि याद रखिहऽ कि हम तोरा अईसन लोगवन के बीच में भेड़ के समान भेड़िया के बीच में अपन समाचार बतावे ला भेज रहली हे जौन तोरा से जरंतपन से व्यवहार करतन।4अपना साथे कोई धन नऽ रखिहऽ। अपना साथे कोई बड़ी जादे समान से भरल झोला नऽ लिहऽ। एगो आउर जोड़ी जूता अपने साथे नऽ लिहऽ। राह में रुक के लोगवन के साथे बात भी मत करिहऽ। 5जखनी भी तूँ कोई घर में जईहऽ, तऽ सभे से पहिले ऊहाँ के बसिन्दा लोग से कहिहऽ, परमेश्वर ई घर में रहे वाला सभे कोई के शान्ति देतन!6जदि ऊहाँ रहे वाला लोग परमेश्वर के शान्ति के चाहे वाला होतन, तबहिये ऊ शान्ति के महसूस कर पईतन जौन तूँ ओखनी के दे रहलऽ हे। बाकि ऊ, ऊहाँ परमेश्वर के शान्ति के चाहे वाला नऽ होतन, तऽ ऊ शान्ति के अनुभव तूँ खुदे महसूस करवऽ।7ऊ गाँव से निकल जाय के घड़ी ला ओही घर में रुकल रहिहऽ। अगल-बगल में एक घर से दोसरा घर नऽ घूमते रहिहऽ। ओही खईहऽ आउर पियहऽ जौन ओखनी तोरा दे हथन, काहेकि एगो मजदूर अपन काम के बदला में मजदूरी लेवे के हकदार हथन।8जदि तूँ कोई शहर में जा रहलऽ हे आउर ऊहाँ के लोग तोरा मान-मर्याद करऽ हथन, तऽ ओही खईहऽ जौन ऊ तोरा दे हथन।”9ऊ शहर के बसिन्दा अईसन लोगवन के चंगा करिहऽ जौन बेमार हथन। सभे कोई से कहऽ, तूँ उनका भीर से देख रहलऽ हे कि हर जगह राजा के रूप में परमेश्वर राज कर हथन तऽ ई केकरा नियर होत।10बाकि जदि तूँ कोई शहर में जा रहल हे आउर ऊहाँ के लोग तोरा मान-मर्याद नऽ करतन, तऽ ओकर मुख्य सड़कवन पर जा के कहिहऽ,11तोहनी के खिलाफ में चेतौनी के रूप में, तोहनी के शहर से निकल के जईते घड़ी हम ऊ धूरी के भी झाड़ दे ही जौन हमर गोड़ में सटल हे। बाकि तूँ ई जानऽ लऽ कि तूँ उनका भीर से देख लऽ हे कि जखनी सभे जगह राजा के रूप में परमेश्वर राज करऽ हथन तऽ ई केकर समान होत!12हम चाहऽ ही कि तूँ जान लऽ कि जखनी परमेश्वर सभे के न्याय करतन, तऽ ऊ समय परमेश्वर ऊ शहर के लोगवन के ऊ दुष्ट लोगवन से भी जादे कड़ाई से सजा देतन जौन पुरनका जमाना में सदोम नगर में रह रहलन हल! 13हे खुराजीन आउर बैतसैदा शहर के बसिन्दा लोग, तोहनी ला ई केतना आफत आउर डेरावना होत! हम अईसन येहिगुने कहऽ ही काहेकि जौन घड़ी हम तोहनी के शहर में हली तऽ हम बड़का-बड़का चमत्कार करली। जदि हम ओही चमत्कार के सोर आउर सीदोन के पुरनकन शहरवन में करती हल, तऽ ऊहाँ के रहे वाला दुष्ट लोग अपन पापवन से बड़ी पछतावा करतन हल। फटल-पुरान टाट पेहेन के आउर अपन माथा पर राख उझल के जमीन पर बईठे के ऊ एकरा देखईतन भी हलऽ।14येहिगुने जखनी परमेश्वर सभे के न्याय करतन, तऽ ऊ तोरा ऊ सभे दुष्ट लोगवन के तुलना में जादे कड़ाई से सजा देतन जौन सोर आउर सीदोन में रहऽ हथन! 1515 आउर हे कफरनहूम, तूँ स्वर्ग तक ऊँचा नऽ करल जईवऽ? तोरा अधोलोक तक नीचे लावल जायेत। 16यीशु चेलवन से भी कहलन, जे कोई भी तोर समाचार सुनऽ हे ऊ सचमुच में हमरा सुनऽ हे। जे कोई भी तोर समाचार के कबूल नऽ कर हथन ऊ सचमुच में परमेश्वर के कबूल नऽ करऽ हथन जौन हमरा भेजलन हे।17जौन 72 गो लोग के यीशु रखलन हल ओखनी जा के ऊ करलन जौन ऊ ओखनी के करे ला कहलन हल। जखनी ऊ लौट अईलन, तऽ ओखनी बड़ी ही खुश हलन। ओखनी कहलन, “हे प्रभु, ईहाँ ला कि दुष्टात्मा भी हमर हुकूम के मानलक जखनी, तोर द्वारा देवल गेल अधिकार से, हमनी ओकरा लोगवन में से निकल जाय ला हुकूम देली!”18यीशु उनका से कहलन, “जौन समय तूँ ऊहाँ दूर अईसन कर रहलऽ हल, जईसे एकबैग आउर जल्दी से ठनका गिरऽ हे, ओईसहीं हम शैतान के स्वर्ग से फईदा के चीज के खतम होते देखली! 19सुनऽ! हम तोरा प्रेतात्मावन आउर साँप बिच्छा के हरावे के अधिकार देली हे। हम तोरा अपन दुश्मन, शैतान के हरावे लागी भरपूर शक्ति भी देली हे। कोई भी चीज से तोरा कुछ क्षति नऽ होत। 20बाकि खाली येहिगुने खुश मत होईहऽ कि दुष्टात्मा के तोर हुकूम माने पड़ऽ हे। तोरा आउर भी बढ़ के खुशी येहिगुने होवे के चाही कि परमेश्वर तोहनी के नाम स्वर्ग में लिख देलन हे, काहेकि एकर मतलब हे कि हमेशा लागी परमेश्वर के साथे रहवऽ।”21ठीक ओही घड़ी, पवित्र आत्मा यीशु के बड़ा आनन्दित करलन। ऊ कहलन, “हे हमर परमेश्वर पिता, अपने स्वर्ग के आउर धरती पर के समूचे चिजवन के प्रभु हथन। हम तोर स्तुति करऽ ही कि तूँ ओखनी के बात के समझे से रोक देलऽ हे जौन सोचऽ हथन कि हम लूरगर ही। एकर बदले, तूँ ओकर अईसन लोगवन पर परकट करलन हे जौन तोर सच्चाई के जरिगो लईका नियर आराम से स्वीकार कर लेलन हे। हाँ, हे पिता, तूँ अईसन येहिगुने करलऽ हे काहेकि अईसन करे से तोरा खुशी मिलऽ हे।22परमेश्वर, हमर पिता, सभे कुछ हमरा दे देलन हे। खाली हमर पिता हमरा, अपन बेटा के, सच में जानऽ हथन। आउर हम, उनकर बेटा, सचमुच में अपन पिता के जानऽ ही। बाकि हम कुछ लोगवन के ई देखावे ला चाहऽ ही कि ऊ कौन हथन।”23फिन ओकर बाद यीशु, खाली अपन चेलवन से कहलन, “जौन हम कर रहली हे धन्य हे ऊ काम के देखे के काबिल बना के परमेश्वर तोरा बड़ी बड़कागो तोहफा देलन हे!24हम चाहऽ ही कि तूँ जानऽ लऽ कि बड़ी भविष्यद्वक्ता आउर राजा ऊ बात के देखे ला चाहऽ हलन जेकरा हमरा करते तूँ देख रहलऽ हे। बाकि ऊ ओकरा देखे नऽ पईलन, काहेकि ऊ पुरनका जमाना में जी रहलन हल ओखनी ऊ बात के सुने ला चाहऽ रहलन हल जेकरा हमरा कहते तूँ सुन रहलऽ हे। बाकि ऊ ओकरा ऊ सुन नऽ पईलन काहेकि ऊ पुरनका जमाना में रह रहलन हल।”25ऊहाँ पर एगो आदमी हलन जौन यहूदी व्यवस्थापक हलन। ऊ यीशु के उनका से एगो कड़ा सवाल पूछ के परीक्षा करे ला चाहऽ हलन। येहिगुने ऊ खड़ा होके उनका से पूछलन, “हे गुरु, परमेश्वर के अनन्त जिनगी पावे ला हमरा का करे के चाही?”26यीशु उनका से कहलन, “परमेश्वर द्वारा देवल गेल व्यवस्था में मूसा जौन लिखलन हे ओकरा तूँ पढ़लऽ हे। ऊ व्यवस्था का कहऽ हे?”27ऊ आदमी जबाब देलन, व्यवस्था में लिखल हे कि “तूँ प्रभु अपन परमेश्वर से अपन पूरा दिल, आउर अपन पूरा जी मन, आउर अपन पूरा शक्तिभर, आउर अपन पूरा समझदारी से प्रेम रखऽ, जेतना प्रेम तूँ खुद से रखऽ हऽ।” 28यीशु उनका से कहलन, “तूँ सही-सही जबाब देलऽ हे। जदि तूँ अईसन करवऽ, तऽ तूँ परमेश्वर के अनन्त जिनगी पईवऽ।” 29बाकि ऊ आदमी धर्मी देखावे ला चाहऽ हलन कि परमेश्वर ओकरा समर्थन करतन। येहिगुने ऊ यीशु से कहलन, “हमर पड़ोसी कौन लोग हथन जेकरा से हमरा प्रेम करे के चाही?”30यीशु जबाब देलन, “एक दिन, एगो यहूदी आदमी यरूशलेम से यरीहो तक जाय वाला राह पर जा रहल हल। कुछ चोर ओकरा पर हमला कर देलक। ओखनी उनकर सभे कपड़ा आउर बाकि जौन कुछ भी ओकरा भीर हल छीन लेलक। ओखनी ओकरा तब ला पीटलक जब ला ऊ अधमरा नऽ हो गेल। फिन ओखनी ओकरा ओज्जे छोड़ के भाग गेल।31अईसन होल कि एगो यहूदी याजक ऊ राह से होके गुजर रहलन हल। जखनी ऊ, ऊ आदमी के देखलन, तऽ ओकर मदत करे के बजाय, राह से किरगी कटाके आगे बढ़ गेलन।32ओईसहीं, एगो लेवी भी जौन परमेश्वर के भवन में सेवा करऽ हलन ओज्जा पड़ी अईलन आउर ऊ आदमी के देखलन। बाकि ओहू राह से कनी कटाके आगे बढ़ गेलन।33ओकरा बाद सामरिया इलाका के बसिन्दा एगो आदमी ऊ राह से गुजरलन जहाँ ऊ आदमी पड़ल हल। जखनी ऊ ई आदमी के देखलन तऽ ओकरा ई आदमी पर तरस आ गेल। 34ऊ ओकरा भीर आके ओकर घाव पर ओकरा चंगा होवे में मदत करे ला थोड़ा जैतून के तेल आउर दाखरस रखलन। ऊ घाव पर कपड़ा के पट्टी बाँध देलन। फिन ऊ आदमी के अपन गदहा पर चढ़ईलन आउर ओकरा धरमशाला में लाके ओकर देख-रेख करलन।”35बिहान होके ऊ धरमशाला के मालिक के दूगो चाँदी के दीनार दे के कहलन, ई आदमी के देख भाल करिहऽ। जदि तोरा इनकर देख-भाल करे लागी एतना पईसा से जादे खरचा के जरुरत हे, तऽ जखनी हम वापस लौटम तऽ ऊ हम तोरा चूका देम। 36ओकर बाद यीशु पूछलन जौन आदमी पर चोरवन हमला करलक हल ऊ तीन गो आदमी के मिलल। ओखनी में से तूँ केकरा कहवऽ कि ऊ आदमी के सच्चा पड़ोसी हल।37ऊ व्यवस्था के गुरु जबाब में कहलन, ओही जौन ओकरा ला दया से भर के सुलूक करलन, यीशु उनका से कहलन, “ई सही बात हे। येहिगुने तोरो भी जा के ऊ लोग से अईसने सुलूक करे के चाही जेकरा तोर मदत के जरुरत हे।”38जखनी यीशु आउर उनकर चेलवन यात्रा करतही रहलन तऽ ओखनी एगो गाँव में घूँसलन। ऊहाँ मार्था नाम के एगो औरत हल जौन ओखनी के अपन घर में आवेला नेऊता देलक।39ओकर बहिन, जेकर नाम मरियम हल, ऊ प्रभु के गोड़ तर बईठ गेल आउर जौन ऊ उपदेश दे रहलन हल ओकरा सुने लगल।40बाकि मार्था उनकर सेवा लागी खाना पकईते-पकईते फिकिर कर रहल हल। ऊ यीशु भीर जा के कहलन, “हे प्रभु, हमर बहिन हमरा सभे कुछ पकावेला अकेलहीं छोड़ देलक हे। तूँ समझलऽ कि ई ठीक नऽ हे। कृपा कर के ओकरा हमर मदत करे ला कह दऽ!”41बाकि प्रभु जबाब में ओकरा कहलन, हे मार्था, हे मार्था, तूँ बड़ी बात के चिंता में हऽ।42“बाकि एगो बात जौन सच में बड़ी जरुरी हे ऊ, ऊ शिक्षा के सुने ला हे जौन हम दे रहली हे। काहेकि मरियम करे ला बढ़ियाँ बात के चुन लेलक हे, येहिगुने हम ओकरा बाकि आउर कुछ भी करे ला नऽ कहम।”
Bridge Connectivity Solutions Pvt. Ltd.