Luke7
1जखनी यीशु ई सभे बात के ओखनी से कहेला खतम कर लेलन जौन सुन रहलन हल, ओकर बाद ऊ कफरनहूम शहर चल गेलन।2ऊ शहर में रोमी सेना में नियुक्त एगो सूबेदार हलन जेकर एगो दास हल जौन उनकर प्रेमी हल। ऊ दास एतना बेमार हल कि वश ऊ मरहीं पर हल।3जखनी ऊ सूबेदार यीशु के बारे में सुनलन, तऽ ऊ कुछ यहूदी पुरनियन के यीशु भीर भेजलन कि आके ओकर दास के चंगा करे लागी उनका से विनती करतन।4जखनी ऊ यीशु भीर पहुँचलन, तऽ ओखनी हाथ जोर के सूबेदार के दास के मदत लागी यीशु से विनती करलन। ऊ कहलन “ऊ ई लायक नऽ हथन कि तूँ ओकरा ला अईसन करऽ,5काहेकि ऊ हमर यहूदी जाति लोगवन से प्रेम करऽ हथन आउर ऊ हमनी लागी आराधनालय के भी बनवईलन।”6बाकि यीशु उनका साथे ऊ अधिकारी के घरे चल गेलन। जखनी ऊ लगभग ऊहाँ पहुँच ही रहलन हल, तऽ ऊ अधिकारी कुछ दोस्तवन के यीशु भीर ई समाचार देवे ला भेजलन: “हे प्रभु, ईहाँ आवे लागी परेशान मत होवऽ, काहेकि हम ई लायक नऽ ही कि तोरा अपन घरे में बोलईयो।7येहिगुने हमरा नऽ लगल कि हम खुद तोरा भीर आवे के काबिल भी ही। हम जानऽ ही कि तूँ हमर प्रेमी दास के खाली बोल के आदेश दे के भी चंगा कर सकलऽ हे।8हम जानऽ ही कि तूँ अईसन कर सकलऽ हे काहेकि हम खुदे एगो अईसन आदमी ही जेकरा अपन ऊँचा अधिकारियन के आज्ञा के माने पड़ऽ हे। हमरा भीर भी सिपाही हे जेकरा हमर हुकूम के माने पड़ऽ हे। जखनी हम ओखनी में से कोई एगो से कहऽ ही कि, चल जा! तऽ ऊ जा हे। जखनी हम कोई दोसरा से कहऽ ही कि, आ जा! तऽ ऊ आवऽ हे। जखनी हम अपन दास से कहऽ ही कि, ई करऽ! तऽ ऊ ओकरा करऽ हे।”9ऊ अधिकारी जौन कहलन हल जखनी यीशु ऊ सुनलन, तऽ ऊ ओकरा पर अचरज करलन। तऽ जेतना भीड़ उनकर साथे हल ऊ ओखनी तरफ मुड़ के कहलन, “हम तोरा से कहऽ ही, कि हम कोई अईसन इस्राएली से नऽ मिलली हे जौन हमरा पर एतना विश्वास करऽ हे जेतना कि ई दोसर अन्यजातियन के लोग करऽ हे!”10जौन दोस्त सूबेदार भीर अईलन हल जखनी ऊ ओकर घरे लौटलन, तऽ ओखनी पईलन कि ऊ दास फिन से एकदम चंगा हे।11एकर तुरन्त बाद यीशु नाईन शहर के यात्रा करलन। उनकर चेलवन आउर एगो बड़का भीड़ उनका साथे गेलन।12जखनी यीशु शहर के फाटक भीर पहुँचलन, तऽ ऊ शहर में से एगो बड़ी भीड़ के बाहरी निकलते देखलन। एगो आदमी के अखनी मौत होल हल, आउर ऊ ओकरा उठ के गाड़े लागी बाहरी ले जा रहलन हल। भीड़ में ओकर माय भी हलन। ऊ एगो विधवा हलन, आउर ऊ ओकर एकलौता बेटा हल। जहिया ऊ जिन्दा हल तऽ ओही ओकर देख भाल करऽ हल।13जखनी ऊ ओकरा देखलन, तऽ प्रभु ओकरा पर तरस खा के ओकरा से कहलन, “मत रोवऽ!”14तऽ ऊ ओकरा भीर आके अर्थी के छूलन जेकरा पर ऊ लाश रखल हल जौन आदमी ओकरा उठईले हल ऊ रुक के खड़ा हो गेलन। ऊ कहलन, “हे जवान, हम तोरा से कहऽ ही, उठ जा!”15तऽ ऊ आदमी जौन मर गेल हल उठ बईठल आउर बोले लगल, आउर यीशु ओकरा ओकर माय भीर ले गेलन।16जौन लोग ऊहाँ मौजूद हलन ऊ डेरा गेलन। ओखनी परमेश्वर के स्तुति करलन आउर एक दोसर से कहलन, “हमनी के बीच में एगो बड़का भविष्यद्वक्ता अईलन हे!” आउर “परमेश्वर अपन लोगवन ला चिंता करे ला अईलन हे!”17तऽ जौन यीशु करलन हल ओकर बारे में ई समाचार समूचे यहूदिया के इलाका में आउर चारो तरफ के दोसर सभे इलाका में पसर गेल।18यूहन्ना बपतिस्मा देवेवाला के चेलवन ई सभे बात के बारे में उनका बतईलन। येहिगुने यूहन्ना अपन दूगो चेलवन के बोलईलन आउर ओकरा प्रभु भीर जाय ला कहलन कि उनका पूछतन: “का तूँ ओही हऽ जेकरा लागी परमेश्वर वादा करलन हल कि ऊ अईतन कि हम कोई आउर दोसर के इंतजार करूँ?”20जखनी ऊ दूनो आदमी यीशु भीर अईलन, तऽ ओखनी उनका से बतईलन, “यूहन्ना बपतिस्मा देवे वाला हमरा तोरा से पूछेला भेजलन हे कि, 'का तूँ ओही हऽ जेकरा लागी परमेश्वर वादा करलन हल कि ऊ अईतन? कि हमनी कोई आउर दोसर के इंतजार करूँ?”21ओही घड़ी यीशु बड़ी लोगवन के ओकर रोगवन आउर जड़ियाल बेमरियन से चंगा कर रहलन हल, आउर ऊ ओकरा दुष्टात्मावन से भी छुटकारा दे रहलन हल। आउर ऊ ढेर आंधर लोगवन के फिन से देखे में सक्षम कर देलन।22येहिगुने ऊ ओखनी दूनो आदमियन के जबाब देलन, “जौन कुछ तोहनी देख लऽ आउर सुनलऽ हे ऊ लौट के जा के यूहन्ना के खबर दऽ। जौन लोग आंधर हलन ऊ अखनी देख रहलन हे। जौन लोग लाँगड़ हलन ऊ अखनी चल-फिन रहलन हे। जौन लोगवन कोढ़ के बेमारी में हलन ऊ अब शुद्ध हो गेलन। जौन लोग बहिर हलन ऊ अब सुन रहलन हे। जौन लोग मर गेलन हल ऊ जिन्दा हो गेलन हे। हम गरीबवन ला शुभ संदेश के प्रचार कर रहली हे।” 23आउर ओखनी से ई कहऽ, “परमेश्वर सभे ऊ लोगवन के आशीष देतन जौन ऊ देखऽ हथन जौन हम करऽ ही आउर ऊ सुनऽ हथन जौन हम सिखावऽ ही आउर हमरा पर विश्वास करते रहऽ हथन।”24जिनका यूहन्ना भेजलन हल जखनी ऊ आदमी चल गेलन, तऽ यीशु लोगवन के भीड़ से यूहन्ना के बारे में बात करे लगलन। ऊ बोललन, तूँ जंगल में का देखे गेलऽ हलऽ? का हवा से हिले वाला कोई पेड़ के पतरा सरकण्डा के?25बाकि तूँ बाहरी का देखे गेलऽ हल? का मनोहर कपड़ा पेहेनले कोई आदमी के? सुनऽ, जौन अच्छा कपड़ा पेहनऽ हथन आउर जेकरा भीर सभे कुछ बढ़ियाँ हे ऊ राजा के महल में रहऽ हथन।26फिन तूँ ऊहाँ बाहरी का देखे गेल हल? कोई भविष्यद्वक्ता के? हाँ, यूहन्ना ओही हथन! बाकि हम तोरा से कहऽ ही कि यूहन्ना कोई आयेम भविष्यद्वक्ता से भी जादे खास हथन।27ई ओही हथन जेकर बारे में पवित्रशास्त्र में भविष्यद्वक्ता बड़ी पहिले ई लिखलन हल, 'देखऽ, हम अपन दूत के तोर आगे-आगे भेजऽ ही। ऊ तोरा आगमन लागी लोगवन के तईयार करतन। 28“हम तोरा से कहऽ ही कि जेतना लोग अब तक जिन्दा हथन, ओखनी में से यूहन्ना से बड़का कोई नऽ हथन। तईयो नीच लोग जेकर जिनगी में परमेश्वर राज कर हथन ऊ यूहन्ना से बढ़ के हे।”29जब ओखनी सभे लोग जेकरा यूहन्ना बपतिस्मा देलन हल, जौन यीशु कहलन हल ओकरा सुनलन चुंगी लेवे वालन के साथे तऽ ओखनी राजी होलन कि परमेश्वर यूहन्ना के भेज के सही काम करलन हे।30बाकि फरीसियन आउर यहूदी व्यवस्थापक, जिनका यूहन्ना बपतिस्मा नऽ देलन हल, ओखनी ला परमेश्वर के इच्छा के नकार देलन।31तऽ यीशु आगे कहलन, “हम तोरा बतायेम कि ई समय में रहे वाला तोहनी केकरा नियर हऽ।32तोहनी खुलल मैदान में खेले वाला लईकन के जईसन हऽ। जे ऊ ई कह के एक दोसरा के पुकारऽ हथन, 'हम तोरा लागी बाँसुरी पर आनन्द के झुमेवाला गीत बजईली, बाकि तूँ नऽ नाचलऽ! फिन हम तोरा ला अंतिम संस्कार मरनी के गीत गईली, बाकि तूँ नऽ रोलऽ!33अईसहीं, जखनी यूहन्ना बपतिस्मा देवे वाला तोरा भीर अईलन आउर साधारण खाना नऽ खईलन आउर दाखरस नऽ पियलन, तऽ तूँ उनका नकार देलऽ आउर कहलऽ, उनका पर एगो दुष्टात्मा के काबू हे!34बाकि जखनी आदमी के बेटा तोरा भीर अईलन आउर ऊ साधारण खाना खईलन आउर दोसर नियर ही दाखरस पियलन, तऽ तूँ उनका नकार देलऽ आउर कहलऽ, देख! ई आदमी बड़ी जादे खाना खा हथन आउर बड़ी जादे दाखरस पियऽ हथन, आउर ऊ लगान वसूले वाला आउर दोसर पापियन के साथे मिलऽ-जुलऽ हथन आउर ओकर दोस्त हथन!35बाकि जौन लोग बुद्धिमान हथन ऊ खुद पछानऽ हथन कि यूहन्ना आउर हम जौन करऽ ही ओही बुद्धिमानी आउर सच्चाई हे।”36एक दिन शमौन नाम के एगो फरीसी यीशु के अपना साथे खाना खाय लागी विनती करलन। येहिगुने यीशु ऊ आदमी के घरे गेलन आउर खाना खाय लागी आसन पर बईठ गेलन।37ऊ शहर में एगो औरत हल जौन बदचलन हल। जखनी ऊ सुनलन कि यीशु ऊ फरीसी के घर में खाना खा रहलन हे, तऽ एगो पत्थर के बरतन जेकरा में इत्र भरल हल लेके ऊ, ऊहाँ गेल।38जखनी यीशु खाना खाय लागी बईठल हलन, तऽ ऊ औरत उनकर पीछे उनकर गोड़ भीर खड़ा हो गेल। ऊ रो रहल हल, आउर ओकर लोर यीशु के गोड़ पर गिर गेल। ऊ लगातार अपन मुकदमा से उनकर गोड़ के पोछते रहल। ऊ उनका चूमते रहल आउर इत्र से उनकर अभिषेक करते रहलक।39जखनी ऊ फरीसी जौन यीशु के नेऊता देलन हल देखलन जौन ऊ औरत कर रहल हल, तऽ ऊ सोचलक, “जदि ई आदमी सचमुच में भविष्यद्वक्ता रहतन हल, तऽ ऊ जानतन हल कि ऊ औरत कौन हे जौन उनका छू रहल हे। ऊ जान जईतन हल कि ऊ कईसन औरत हे, काहेकि ऊ तऽ एगो पापियन हे।”40जबाब में, यीशु उनका से कहलन, हे “शमौन, हम तोरा से कुछ कहेला चाहऽ ही।” ऊ जबाब देलन, “हे गुरु, ऊ का हे?”41“यीशु ओकरा ई खिस्सा कहलन: दूगो आदमी कोई आदमी से धन कर्जा लेलक जेकर धन सूद पर देवे के रोजगार हल। ऊ ओखनी में से एगो पर ओकर पाँच सौ चाँदी के दीनार कर्जा हल। दोसरका पर ओकर पचासगो दीनार कर्जा हल। 42ऊ दूनो में से कोई भीर अपन लेवल कर्जा चुकावे के काबिल नऽ हल, येहिगुने ऊ आदमी बड़ी दया से भर के ऊ दूनो के क्षमा कर देलन। येहिगुने, ओखनी दूनो में से कौन सभे से जादे प्रेम करतन?”43शमौन उत्तर देलन, “हम तऽ समझऽ ही, कि जेकरा ऊ सभे से जादे मांफ करलन।” तब ऊ उनका से कहलन, “तूँ ठीक फईसला करलऽ हे।”44तऽ ऊ, ऊ औरत तरफ घूम के शमौन से कहलन, “ई औरत का करलन हे एकरा बारे में विचार करऽ! जखनी हम तोर घर में अईली, तऽ तूँ ऊ नऽ करलऽ जौन घरवईया साधारण तौर से अपन मेहमान के स्वागत करे ला करऽ हथन। तूँ हमरा हमर गोड़ धोवे लागी पानियाे नऽ देलऽ। बाकि ई औरत अपन लोर से हमर गोड़वन के धोलन आउर अपन मुकदमा से ओकरा पोछलन!45तूँ चूम के हमरा प्रणाम नऽ करलऽ। बाकि जौन घड़ी हम भीतर अईली हे, ऊ हमर स्वागत लागी गोड़ के चूमेला नऽ छोड़लन हे!46तूँ जैतून के तेल से हमर माथा पर अभिषेक कर के हमरा अतिथि सत्कार नऽ देखईलऽ बाकि ऊ सुगन्धित इत्र से हमर गोड़वन के अभिषेक करलन हे।47येहिगुने हम तोहनी से कहऽ ही कि परमेश्वर ओकर बड़ी पाप मांफ कर देलन हे, आउर येहिगुने ऊ हमरा बड़ी प्रेम करऽ हे। बाकि एगो आदमी जे सोचऽ हथन कि परमेश्वर के खाली तनिसा पाप लागी ओकरा मांफ करे पड़ल हे, तऽ ऊ हमरा से तनिसा प्रेम करतन।”48तऽ यीशु ऊ औरत से कहलन, “हम तोर पापवन के मांफ कर देली हे।”49तऽ जेतना उनका साथे खाना खा रहलन हल, ऊ अपने में बतियाय लगलन, “ई आदमी कौन हथन, जौन कहऽ हथन कि ऊ पापवन के भी मांफ कर सकलन हे?”50बाकि यीशु ऊ औरत से कहलन, “काहेकि तूँ हमरा पर विश्वास करलऽ हे, येहिगुने परमेश्वर तोरा बचईलन हे। जखनी तूँ जईवऽ तऽ परमेश्वर तोरा शान्ति देतन।”
Bridge Connectivity Solutions Pvt. Ltd.