Luke20
1ऊ सप्ताह के दौरान एक दिन, यीशु भवन में लोगवन के शिक्षा दे रहलन हल आउर ओखनी के शुभ संदेश बता रहलन हल। जखनी ऊ अईसन कर रहलन हल, तऽ प्रधान पुरोहित, यहूदी व्यवस्था के गुरु आउर कुछ दोसर पुरनियन उनका भीर अईलन2ओखनी उनका से पूछलन, “हमरा बतावऽ, तूँ कौन अधिकार से ई काम के करऽ हऽ? आउर कौन तोरा ई अधिकार देलन हे?”3ऊ जबाब देलन, “पहिले हम तोरा से एगो सवाल पूछऽ ही। हमरा जबाब दऽ4यूहन्ना के लोगवन के बपतिस्मा के बारे में: बपतिस्मा देवे लागी का उनका परमेश्वर स्वर्ग से आज्ञा देलन हल चाहे आदमी हुकूम देलन हल?”5ओखनी अपने में सोच-विचार करलन। ऊ कहलन, “जदि हम जबाब दे ही, 'परमेश्वर उनका स्वर्ग से आदेश देलन हल, 'तऽ ऊ कहतन, 'तऽ तूँ उनका पर विश्वास काहे नऽ करलऽ?6बाकि हम कहऽ ही, 'ऊ तऽ खाली एगो आदमी हलन जौन उनका बपतिस्मा देवे लागी बोललन हलऽ, तऽ लोग हमरा मारे लागी पत्थरवाह करतन, काहेकि ओखनी में से जादे से जादे ई भरोसा करऽ हथन कि यूहन्ना एगो भविष्यद्वक्ता हलन जेकरा परमेश्वर भेजलन हल।”7येहिगुने ओखनी जबाब देलन कि ऊ नऽ जानऽ हथन कि यूहन्ना के बपतिस्मा देवे लागी कौन बोललन हल।8तऽ यीशु उनका से कहलन, “जईसे तूँ हमरा नऽ बतावऽ हऽ, ओईसहीं हमहूँ तोरा नऽ बतायेम कि ई काम के करे के अधिकार दे के हमरा कौन भेजलन हे।”9फिन यीशु लोगवन से ई दृष्टान्त कहलन: “कोई आदमी एगो दाख के बारी लगईलन। ऊ दाख के बारी कुछ लोग के भाड़ा पर दे देलन जेकर से कि ओकरा देख-रेख करतन। फिन ऊ दोसर देश चल गेलन आउर एगो लम्बा समय तक ऊहें पर ठहरल रहलन। 10जखनी अँगूरवन के तोड़े के समय आयेल, तऽ मालिक एगो दास के ओखनी भीर भेजलन जौन ऊ दाख के बारी के देख-रेख कर रहलन। ऊ चाहऽ हलन कि ओखनी उनकर अँगूरवन के ऊ हिस्सा उनका देतन जौन दाख के बारी में उपजल हल। बाकि उदास के पहुँचला के बाद, ओखनी ऊ दास के मारलन-पीटलन आउर बिना उनकर हिस्सा के खाली हाथ उनका लौटा देलन।11बाद में, मालिक कोई दोसर दास के भेजलन, बाकि ऊ दास के भी मारलन-पीटलन आउर बेईज्जती करलन। ऊ उनका बेगर कोई अंगूर के खाली हाथ भेज देलन12ओकर बाद भी, ऊ मालिक एगो तिसरका दास के भी भेजलन। ऊ किसान ई दास के भी जख्मी कर देलन आउर उनका जबरदस्ती दाख के बारी से निकास देलन।13येहिगुने ऊ दाख के बारी के मालिक खुद से कहलन, अखनी हमरा का करे के चाही? हम अपन बेटा के भेजम, जेकरा से हम बड़ी जादे प्रेम करऽ ही। हो सकऽ हे ऊ ओकरा इज्जत करतन।14येहिगुने से ऊ अपन बेटा के भेजलन, बाकि लोग जौन दाख के बारी के देख-रेख कर रहलन हलऽ जखनी उनका अईते देखलन, तऽ ओखनी एक दोसर से कहलन, 'ईहाँ ऊ आदमी आ रहलन हे जौन कोई दिन ई दाख के बारी के वारिस होतन!आवऽ हमनी ओकरो मार देम! तऽ दाख के बारी हमनी के हो जायेत!15येहिगुने ओखनी ओकरा घिसिया के दाख के बारी से बाहरी ले गेलन, आउर ओकरो मार देलन। तब यीशु लोगवन से पूछलन, दाख के बारी के मालिक ओखनी के साथे का करतन।16ऊ आके ओखनी के मार देतन जौन दाख के बारी के देख-रेख कर रहलन। फिन ऊ ओकरा देख-रेख करे लागी दोसर लोग के इन्तजाम करतन।” जौन लोग यीशु के सुन रहलन हल जखनी लोग ई सुनलन, तऽ ओखनी कहलन, “अईसन समय कहियो नऽ आवत!”17बाकि यीशु सामने ओखनी तरफ देख के कहलन, तूँ अईसन कह सकलऽ हे, बाकि ई बात के मतलब के बारे में विचार करऽ जौन पवित्रशास्त्र में लिखल हे।जौन पत्थर के राजमिस्त्रियन नकार कर देलक हल ओही महल के सभे से खास पत्थर हो गेल। 18“ई पत्थर सभे ऊ आदमियन के बोटी-बोटी कर देत जौन एकरा पर गिरऽ हे, आउर जेकरा पर ई गिरऽ हे ई ऊ आदमी के पीस देत।” 19प्रधान पुरोहित आउर यहूदी व्यवस्था के गुरु के समझ में आ गेल कि जखनी ऊ ओखनी दुष्ट लोग के बारे में दृष्टान्त बतईलन तखनी ऊ उनका पर इजलेम लगा रहलन हलऽ। येहिगुने से ओखनी तुरन्त उनका पकड़ के तरीका खोजे के कोशिश करलन। बाकि ऊ उनका नऽ पकड़ पईलन, काहेकि जदि ओखनी अईसे करतन हल तऽ लोग जौन करतन ओखनी ओकरा से डेरा हलन।20येहिगुने से ऊ उनका गौर से देखते रहलन। ओखनी यीशु से बात करे लागी जासूस के भी भेजलन जौन धर्मी होवे के ढोंग करलन, बाकि सच में यीशु से कुछ गलत कहवावे ला चाहऽ हलन। ओखनी चाहऽ हलन अईसन होवे कि उनका पर रोमी सरकार के विरोध के बढ़ावा करे के बदनामी कर सकऽ जेकरा से ओखनी उनका ऊ प्रान्त के शासक राजपाल के हाथ आउर अधिकार सौंप सकलन हे।21ओखनी में से एगो यीशु से कहलन, “हे गुरु, हम जानऽ ही कि जौन सच हे तूँ ओकरे बात करऽ हऽ आउर शिक्षा दे हऽ। तूँ तखनियो अईसन करऽ हऽ जखनी खास लोग एकरा पसन्द नऽ करऽ हे। तूँ ऊ बात के शिक्षा सही से दे हऽ जेकरा परमेश्वर के मार्ग चाहऽ हथन कि हम करूँ।22येहिगुने हमरा बतावऽ कि तूँ ई मसला के बारे में का विचार रखऽ हऽ। हमरा बतावऽ का ई हमर कानून के मुताबिक सही हे कि रोमी सरकार के लगान के भुगतान करूँ, कि नऽ करूँ?”23बाकि ऊ जानऽ हलन कि ओखनी चाहे तऽ यहूदियन के साथे, जौन ऊ लगानो के भुगतान करे ला कोशिश कर रहलन हल, चाहे फिन रोमी सरकार के साथे, उनका दिक्कत में डाले लागी उनका साथे छल करे के कोशिश कर रहलन हल। येहिगुने से ऊ ओखनी से कहलन,24“हमरा रोमी सिक्का देखावऽ। आउर हमरा बतावऽ कि एकरा पर केकर छाप आउर नाम हे।” येहिगुने ओखनी उनका एगो चाँदी के दीनार देखईलन आउर कहलन, “ई पर कैसर के छाप आउर नाम हे।”25बाकि ऊ ओखनी से कहलन, “ई मसला में तऽ जौन सरकार के हे ऊ उनका दे दऽ, आउर जौन परमेश्वर के हे ऊ उनका दे दऽ।”26ऊ जासूस कोई भी बात सक्षम नऽ हल में उनका में कुछ भी गलत खोज पईतन जौन यीशु जखनी कहलन हलऽ जखनी लोग उनकर चारो तरफ खड़ा हलन। ऊ जासूसवन उनकर जबाब से एतना हैरान हलन कि ऊ आउर कुछ भी नऽ कहलन।27एकर बाद, कुछ सदूकी यीशु भीर अईलन। उनकर यहूदियन के समाज में शिक्षा दे हलन कि कोई भी मरलकन में से नऽ जी उठतन। ऊ भी यीशु से कड़ा सवाल पूछे के इच्छा रखऽ हलन।28ओखनी में से एगो उनका से कहलन, “हे गुरु, मूसा हमनी यहूदियन के सिखईलन हे कि तखनी का करे ला हे जदि कोई अईसन आदमी मरे जेकर मेहरारू तऽ हे बाकि संतान नऽ हे। तऽ ओकर भाई के ऊ विधवा से वियाह करे के चाही जेकरा से कि ऊ ओकरा से एगो संतान पईदा करतन। तखनी लोग ऊ संतान के जौन आदमी मर गेल हल ओकर कुल खानदान मानतन, व्यवस्था में लिखल गेल हे। 29येहिगुने, एगो परिवार में सातगो भाई हलन। सभे से बड़का एगो औरत से वियाह कर लेलक, बाकि एकरा से पहिले कि उनका से संतान जनम लेतक हलऽ, ऊ ओकरा विधवा छोड़ के मर गेलन।30दोसरका भाई विधवा से वियाह करलन बाकि ओही मर गेल।31तऽ तिसरका भाई ओकरा से वियाह कर लेलन, बाकि फिन से ओही बात होल। आउर अंतिम में, सभे सातो भईवन, एक-एक कर के, ऊ औरत से वियाह करलन बाकि बेगर संतान पईदा कईले मर गेलन।32ओकर बाद, ऊ औरत भी मर गेल।33येहिगुने जदि ई सच हे कि एगो अईसन समय आवत कि जखनी जौन लोग मर गेलन हे ऊ फिन से जी उठतन तऽ तोर विचार से ऊ घड़ी ऊ औरत ओखनी में से केकर मेहरारू होत? धियान रहे कि ऊ सातो भईवन से वियाह करलन हल!”34यीशु उनका जबाब देलन, “ई संसार में आदमी औरतियन से वियाह करऽ हथन, आउर माता-पिता अपन बेटियन के वियाह आदमियन से करऽ हथन।35बाकि जौन लोग ऊ युग के परमेश्वर स्वर्ग में रहे के योग्य समझतन, उनका मरे के बाद जखनी ऊ ओखनी के फिन से जी उठतन तऽ अनन्त जिनगी ओखनी वियाह नऽ करतन।36ऊ वियाह येहिगुने नऽ करतन काहेकि ऊ अब नऽ मरतन। ईहाँ तक, ऊ स्वर्गदूतवन के जईसन हो जईतन जौन सदा ला जिन्दा रह हथन। ऊ परमेश्वर के सन्तान हे, काहेकि परमेश्वर उनका मर जाय के बाद फिन से जिन्दा करलन हे।37बाकि ई कि मरल जिन्दा हो जा हथन, मूसा भी झाड़ी भीर परकट करलन हे, जखनी ऊ प्रभु के अब्राहम के परमेश्वर, आउर इसहाक के परमेश्वर, आउर याकूब के परमेश्वर कहऽ हथन। 38अन्त में, ऊ अईसन लोग के परमेश्वर नऽ हथन जौन मरल हथन। ऊ अईसे लोग के परमेश्वर हथन जौन जिन्दा हथन, काहेकि परमेश्वर लागी, सभे आदमी उनका मर गेला के बाद भी जिन्दा रहऽ हथन।”39यहूदी व्यवस्था के शिक्षकवन में से कुछ जौन ऊहाँ पर मौजूद हलन उतर में कहलन, “हे गुरु, तूँ एकदम सही जबाब देलऽ हे!”40ऊ शास्त्रियन अईसन येहिगुने कहलन काहेकि जौन लोग यीशु के जाल में फँसावे के कोशिश कर रहलन हल ओखनी उनका से कड़ा सवाल पूछेला बंद कर देलन। ऊ एतना सही तरीका से जबाब देलन कि ओखनी उनका से आउर कुछ पूछे लागी डर गेलन।41येहिगुने लौटते घड़ी, यीशु खुद ही उनका से एगो कड़ा सवाल पूछलन। ऊ कहलन, लोग अईसन काहे कहऽ हथन कि मसीह खाली राजा दाऊद के वंशज हथन।42गौर करऽ कि दाऊद खुदे ही भजन संहिता के किताब में मसीह के बारे में लिखलन हल, 'परमेश्वर हमर प्रभु से कहलन, “ऊहाँ महान सम्मान के ऊ पद पर हमर दहिना तरफ हमर बगल में बईठऽ43जब तक हम तोर दुश्मन के पूरा तरह से तोर पाँव के तरे चौकी नऽ कर देम।” 44ई भजन में, राजा दाऊद मसीह के 'हमर प्रभु कहऽ हथन। ई महान इज्जत के उपाधि हे। तऽ मसीह दाऊद के वंशज कईसे हो सकलन हे? ऊ तऽ वंशज हथन जिनका पुरखावन के प्रति बड़का इज्जत कर के देखावे के चाही।45तऽ, जौन समय दोसर सभे लोग सुन रहलन हल, यीशु अपन चेलवन से कहलन,46“पक्का कर कि तूँ ऊ लोग के नियर वर्ताव नऽ करवऽ शास्त्रियन हमनी के यहूदी व्यवस्था के शिक्षा दे हथन। ओखनी लम्बा कपड़ा के पेहेन के आउर लोगवन के ई देखावे ला चारो तरफ घूमें-फिरे ला पसन्द करऽ हथन कि ऊ बड़ी बड़का हथन। ओखनी लोगवन के बजार में आदर के साथे प्रणाम करे ला भी पसन्द करऽ हथन। ऊ आराधनालय में सभे से बड़का जगह पर बईठे ला पसन्द करऽ हथन। रात्रिभोज में भी सभे से बढ़ियाँ लोग के जगह पर बईठे ला पसन्द करऽ हथन।47ऊ विधवावन घर के धन के भी चोरा ले हथन। बाकि दोसर लोग के ई बतावे लागी कि ऊ धर्मी हथन, ऊ सामाजिक रूप में देर तक प्रार्थना करऽ हथन। जौन कुछ भी ओखनी करलन हे ओकरा ला परमेश्वर उनका कड़ा सजा देतन।”
Bridge Connectivity Solutions Pvt. Ltd.