Luke19
1यीशु यरीहो शहर में ढूक के ऊ शहर से होके जा रहलन हल।2ऊहाँ पर एगो आदमी हलऽ जेकर नाम जक्कई हलऽ। ऊ चुंगी लेवे वाला के सरदार हलऽ, आउर ऊ बड़ी धनी हल।3ऊ यीशु के देखे ला चाहऽ हल, बाकि ऊ भीड़ के चलते उनका देख नऽ पईलक। ऊ एगो बौना आदमी हल आउर यीशु के चारो तरफ ढेरमनी लोग हलन।4येहिगुने ऊ सड़क पर दौड़ के आगे गेल। ऊ एगो गुलर के पेड़ पर चढ़ गेल ताकि जखनी यीशु ऊहाँ से होके जईतन तऽ ऊ उनका देखत।5जखनी यीशु ऊहाँ पहुँचलन, तऽ ऊ ऊपरे देख के उनका कहलन, "हे जक्कई, जल्दी से नीचे उतर आवऽ, हमरा आज रात के तोर घर में रुके ला जरुरी हे!"6बाकि ऊ जल्दी से नीचे उतर अईलन। ऊ अपन घर के भीतरी यीशु के स्वागत कर के बड़ी खुश हल।7बाकि जौन लोग यीशु के ऊहाँ जईते देखलन तऽ ऊ कुड़कुड़ा के एक दोसरा से काहेकि लगल, “ऊ तऽ एगो सचमुच पापी के ईहाँ कुटुम्ब बन के गेलन हे।”8तऽ जक्कई खड़ा होके जौन घड़ी ऊ खाना खा रहलन हलऽ यीशु से कहलन, “हे प्रभु, हम चाहऽ ही कि तूँ जानऽ लऽ कि हम अपन आधा दौलत गरीबवन के देवे ला ही। आउर अखनी लागी जेकरा साथे हम छल करली, तऽ जौन हम ओखनी से लेली हलऽ हम ओखनी के ऊ पईसा के चार गुणा लौटा के दे देम।” 9यीशु उनका से कहलन, “आज परमेश्वर ई घर के उद्धार देलन हे, काहेकि ई आदमी ई देखईलन हे कि ई अब्राहम के सच्चा वंशज में एगो हथन।10एकरा याद रखिहऽ: हम, आदमी के बेटा, तोरा जईसन भूलायेल लोग के खोजे लागी आउर बचावे लागी अईली हे जौन परमेश्वर के आज्ञा के नऽ मान रहलन हे।”11जौन कुछ भी यीशु कहलन लोग उनका सुन रहलन हल। ऊ यरूशलेम के नजदीक आ रहलन हल, आउर ऊ जानऽ हलन कि लोग के सोच गलत हे। ओखनी सोचलन कि जईसहीं ऊ यरूशलेम पहुँचतन, ऊ परमेश्वर के लोग पर राजा के समान राज करे लगतन येहिगुने यीशु ऊ सोच के ठीक करे लागी ओखनी के एगो आउर दृष्टान्त सुनावे ला फईसला लेलन।12यीशु उनका एगो आउर दृष्टान्त सुनईलन, "एगो राजकुमार दूर देश में जाय के तईयारी कर रहलन हल ताकि महान राजा उनका ऊ देश पर राज करे के अधिकार देतन जहाँ ऊ रहऽ हलन। जखनी उनका ऊ मिल जाय, ओकर बाद ऊ लौट आके उनकर लोगवन पर राज करतन।13उनका जाय से पहिले, ऊ अपन दासवन में से दसगो के बोलईलन। ऊ ओखनी में से सभे कोई के बराबर धन दस सोना के सिक्का देलन। ऊ ओखनी से कहलन, 'जहिया ला हम लौट के नऽ आयेम तहिया ला ई धन से रोजगार करिहऽ!' तऽ ऊ चल गेल। 14बाकि ऊ देश में रहे वालन ढेरमनी लोग उनका से जरंतपन रखऽ हलन। येहिगुने ओखनी उनकर पीछा करे ला आउर महान राजा से कहे लागी कुछ दूतवन के भेजलन, 'हम नऽ चाहऽ ही ई आदमी हमर राजा बनतन!'15बाकि तईयो उनका राजा बना देवल गेल। बाद में ऊ एगो नया राजा के रूप राज पाके लौटलन फिनो ऊ दासवन के भीतर बोलवईलन जिनका ऊ धन देलन हल। ऊ जाने ला चाहऽ हलन कि जौन धन ऊ ओखनी के देलन हलऽ ओकरा से रोजगार के द्वारा ऊ केतना मुनाफा कमईलन हल।16पहिलका दास उनका भीर आके कहलन, 'हे स्वामी, अपने के सोना के सिक्का से हम दस आउर सोना के सिक्का कमईली हे!'17ऊ उनका से कहलन, 'तूँ एगो बढ़ियाँ दास हऽ। तूँ ढेर अच्छा करलऽ हे! काहेकि तूँ जरीमनी धनराशी के रख-रखाव विश्वासयोग्यता से करलऽ हे येहिगुने से हम तोरा अधिकार करे लागी दसगो शहर देम।18तऽ दोसर दास आके कहलन, 'हे स्वामी, जौन सोना के सिक्का अपने हमरा देलन हल ओकर अखनी कीमत पाँच गुणा जादे हे!'19ऊ ओही दास से कहलन, 'बढ़ियाँ करलऽ! हम तोरा पाँचगो शहरवन के पर रखम।20फिन एगो आउर दास अईलन। ऊ कहलन, 'हे स्वामी, तोर सोना के सिक्का ईहाँ हे। हम एकरा सुरक्षा से रखे लागी एगो कपड़ा में लपेट के लुका देली हल।21हम डेरा गेली हलऽ कि जौन कुछ भी हम कमायेम अपने ओकरा ले लेवऽ। हम जानऽ ही कि अपने एगो गोस्सैल आदमी हथन जौन दोसर लोगवन से ऊ समान के भी लेले हऽ जौन सचमुच में अपने के नऽ हे। अपने अईसन किसान नियर हथन जौन ऊ फसल के काटऽ हथन जेकरा कोई दोसर किसान लगईलन हल।22ऊ, ऊ दास से कहलन, 'हे दुष्ट दास! जौन बात तूँ अखनी कहलऽ हे ओकरे से हम तोरा दोषी ठहरायेम। तूँ कहलऽ कि हम एगो गोस्सैल आदमी ही। तूँ कहलऽ कि हम ईहाँ तक ले ही जौन हमर नऽ हे। तूँ कहल कि हम अईसन किसान के नियर ही जौन कोई आउर किसान के रोपल के काट ले हथन।23तऽ कम से कम तोरा हमर धन कारोबारियन के दे देवे ला चाहऽ हलऽ! फिनो जखनी हम लौटती हलऽ तऽ हम ऊ धन के आउर ओकरा से कमायेल सूद के वसूल कर सकली हल!'24तऽ राजा उनका से जौन नजदीक में खड़ा हल ओकरा से कहलन, 'ओकरा से ऊ धन छीन लऽ आउर ऊ दास के दे दऽ जौन दसगो सोना के सिक्का कमईलन हे!'25ओखनी विरोध करलक, 'बाकि स्वामी, उनका भीर पहिले से ही ढेर धन हे!'26बाकि राजा उनका से कहलन, 'हम तोरा से ई कहऽ ही: ऊ लोगवन के जौन ओकरा बढ़ियाँ से इस्तेमाल करलन जौन उनका मिलल हल, हम उनका आउर भी देम। बाकि ओखनी से जौन ओकरा बढ़ियाँ से इस्तेमाल नऽ करलन हे जौन उनका मिलल हलऽ, हम उनका से ऊ भी छीन लेम जौन पहिले से उनका भीर हे।27अब, हमर ऊ दुश्मन लागी जौन नऽ चाहऽ हलन कि हम उनका पर राज करूँ, उनका ईहाँ पर लेके आवऽ आउर हमरा नजर के सामने ओकरा मार दऽ!28यीशु के ई बात के कहे के बाद, ऊ यरूशलेम जाय के राह पर आगे यात्रा कर के चल गेलन।29जखनी ऊ जैतून पहाड़ी के नजदीक, बैतफगे आउर बैतनिय्याह शहर के गाँव भीर पहुँचलन, तऽ ऊ अपन दूगो चेलवन के आगे भेजलन।30ऊ ओखनी से कहलन, “अपन सामने वाला गाँव में जा। जखनी तूँ ऊ में प्रवेश करवऽ, तऽ ऊहाँ तूँ एगो जवान गदही के बच्चा बाँधल देखवऽ जेकरा पर कोई भी सवारी नऽ करलन हे। ओकरा खोल के हमरा भीर ले आवऽ।31जदि कोई तोरा से पूछतन, तूँ ई गदही के काहे खोल रहलऽ हे? तऽ उनका से कह दिहऽ, प्रभु के एकर जरुरत हे।”32बाकि दूगो चेलवन ऊ गाँव में गेलन आउर ऊ गदही उनका मिल गेल, जईसन कि यीशु उनका से कहलन हल।33जखनी ऊ ओकरा खोल रहलन हल, तऽ ओकर मालिक उनका से कहलन, “तूँ हमर गदही के बच्चा काहे खोल रहलऽ हे?”34ऊ जबाब देलन, “यीशु के एकर जरुरत हे।” आउर ऊ मालिक भी ओकर इस्तेमाल करे के आज्ञा दे देलन।35फिन ऊ चेलवन ऊ गदही के बच्चा के यीशु भीर लेके अईलन। ऊ अपन कपड़ा ऊ गदही के पीठ पर धरलन आउर ऊ गदही पर चढ़े में यीशु के मदत करलन।36फिन, जखनी ऊ ओकरा पर सवार हो गेलन, तऽ उनकर इज्जत करे ला दोसर भी अपन कपड़ा के सड़क पर उनकर सामने पसार देलन। 37जखनी यीशु जैतून के पहाड़ी से नीचे जाय वाली सड़क भीर पहुँचलन, तऽ उनकर चेलवन के सभे भीड़ ऊ सभे महान चमत्कार लागी जेकरा करते ऊ उनका देखलन हल जोर से आउर खुशी के नारा से परमेश्वर कि स्तुति करे लगलन। 38ऊ अईसन बात के कहऽ रहलन हल, "परमेश्वर हमर राजा के आशीष देतन जौन प्रभु के नाम के अधिकार के साथे आवऽ हथन! स्वर्ग में विराजमान परमेश्वर आउर हमनी ओखनी के बीच में शान्ति स्थापित होवे, आउर सभे आदमी आकाश में परमेश्वर के स्तुति करतन!" 39कुछ फरीसियन जौन भीड़ में हलन ओखनी से कहलन, "हे गुरु, अपन चेलवन के डाँटऽ कि ई बात के कहेला बन्द करतन!"40ऊ जबाब देलन, "हम तोरा से कहऽ ही: जदि ई लोग चुपचाप रहतन, तऽ पत्थरवन खुद ही हमर स्तुति करे लागी चींख उठत!"41जखनी यीशु यरूशलेम भीर आके शहर के देखलन, तऽ ऊ ओकर बसिन्दा के बारे में रोवे लगलन।42ऊ कहलन, "हम चाहऽ हली कि आज तोहनी जानऽ लेत हलऽ कि परमेश्वर के शान्ति कईसे मिलऽ हे। बाकि अखनी तोहनी ई जाने में कमजोर हऽ। 43हम चाहऽ ही कि तूँ ई जानऽ लऽ: तूँ मुश्किल के दौर के महसूस करे वाला हऽ। तोर दुश्मन आके तोर शहर के चारो तरफ से घेर लेतन। ऊ शहर के घेर के सभे चारो तरफ से ओकरा पर हमला करतन।44ऊ दीवार के तोड़ के ओकरा आउर बचल-कुचल शहर के खतम कर देतन। ऊ तोहनी सभे के मार देतन। ऊ पूरा तौर से बरबाद कर देतन। ई सभे येहिगुने से घटित होत काहेकि तूँ ऊ घड़ी के नऽ पछानलऽ जखनी परमेश्वर तोरा बचावे लागी अईलन हल!45यीशु यरूशलेम में प्रवेश कर के भवन के अँगना में गेलन। ऊ ऊहाँ लोगवन के बाहरी निकासे लगलन जौन ऊहाँ पर सामान के बेच रहलन हल। 46ऊ ओखनी के कहलन, "पवित्रशास्त्र में लिखल हे, 'परमेश्वर के भवन एगो अईसन जगह होवे के चाही जहाँ पर लोगवन प्रार्थना करऽ हथन। बाकि तोहनी लोग एकरा चोरवन के अड्डा' बना देलऽ हे!" 47ऊ सप्ताह के दौरान रोजदिन, यीशु लोगवन के मन्दिर में शिक्षा दे रहलन हलऽ। प्रधान पुरोहित, आउर दोसर धार्मिक व्यवस्था के गुरु, आउर दोसर यहूदी अगुवा उनका मार डाले के उपाय खोजे के कोशिश कर रहलन हल।48बाकि ओखनी के अईसन करे के कोई तरीका नऽ मिलल, काहेकि जादेतर लोग उनका सुने ला चाहऽ रखऽ हलन।
Bridge Connectivity Solutions Pvt. Ltd.