Luke18
1एक दिन यीशु अपन चेलवन से ई सिखावे लागी एगो आउर दृष्टान्त सुनईलन कि उनका लगातार प्रार्थना करे के चाही आउर जदि परमेश्वर तुरन्त ओखनी के प्रार्थना के जवाब नऽ दे हथन तऽ हताश नऽ होवे के चाही2ऊ कहलन, “एगो शहर में एगो न्यायी रहऽ हलन जौन नऽ तऽ परमेश्वर से डेरा हलन आउर नऽ ही लोगवन के बारे में परवाह करऽ हलन।3ऊ शहर में एगो विधवा हल जौन ऊ न्यायाधीश भीर बार-बार आके कह रहल हल, कृपया कर के हमरा ऊ आदमी के सामने फईसला करवावऽ जौन अदालत में हमर विरोध कर रहलक हे।4एगो लमहर समय ला ऊ न्यायाधीश ओकर मदत करे से मना करते रहलन। बाकि बाद में, ऊ खुद से कहलन, हम नऽ तऽ परमेश्वर से डेरा ही आउर नऽ ही आदमी के बारे में परवाह करऽ ही।5बाकि ई विधवा हमरा परेशान करते रहऽ हे! येहिगुने हम ओकर मुकदमा के फईसला करम आउर तय करम कि ओकरा साथे सही तरीका से व्यवहार करल गेल हे। हमरा चिंता हे कि जदि हम अईसन नऽ करम, तऽ ऊ लगातार हमरा भीर आ-आ के हमरा बेदम कर देत!”6तऽ प्रभु कहलन, ई विषय में बड़ी सोच-समझ के विचार करऽ कि ई अधर्मी न्यायी का कहलन हे।7एकरो से बढ़ के जरुर परमेश्वर, जौन न्यायी हथन, अपन ऊ चुनल लोगवन लागी फईसला लेके अईतन, जौन दिन भर उनका से हाथ जोर के प्रार्थना करऽ हथन! आउर ऊ हमेशा ओखनी के साथे मदत लागी धीरज धरऽ हथन।8हम तोरा से कहऽ ही कि परमेश्वर तुरन्त अपन ऊ चुनलकन लागी न्याय लेके अईतन! तईयो, जखनी हम, आदमी के बेटा, धरती पर, लौट के आयेम, तईयो ईहाँ ढेर अईसन लोग होतन जौन हमरा पर विश्वास नऽ करऽ होतन।9फिन यीशु ओखनी लोगवन के बड़ी मनी दृष्टान्त बतईलन जौन भरोसा करऽ हलन कि ऊ धर्मी हे आउर दोसर लोग के तुच्छ समझऽ हल10ऊ कहलन, दूगो आदमी प्रार्थना करे लागी यरूशलेम के आराधनालय में गेलन। उनका में से एगो आदमी फरीसी हलन। आउर दोसरा आदमी कोई अईसन जन हल जौन रोमी सरकार लागी लोग से लगान वसूलऽ हलन11ऊ फरीसी खड़ा होके अपन बारे में ई तरह से प्रार्थना करलन, 'हे परमेश्वर, हम अपने के धन्यवाद करऽ ही कि हम दोसर लोग के जईसन नऽ अन्यायी ही। कुछ लोग दोसर के धन चुरावऽ हथन। कुछ लोग दोसर लोग के साथे अन्याय से वर्ताव करऽ हथन कुछ व्यभिचार करऽ हथन। हम ई सभे में से कोई भी काम नऽ करऽ ही। आउर एकदम से हम ई पापी लगान लेवे वालन नियर भी नऽ ही जौन लोग से कपट करऽ हथन12हम हर सप्ताह दू दिन के उपवास रखऽ ही, आउर जे कुछ भी हम भवन में से कमा ही ओकर दसवाँ हिस्सा हम दान करऽ ही!'13बाकि ऊ चुंगी लेवे वाला भवन के अँगना में दोसर लोगवन से दूर खड़ा हो गेलन। ईहाँ तक ऊ ऊपरे स्वर्ग तरफ भी नऽ देखलन। ऊ अपन छाती पीट-पीट के कहलन, 'हे परमेश्वर, कृपया कर के हमरा पर दया करऽ, काहेकि हम एगो बड़का पापी ही! 14तब यीशु कहलन, “हम तोरा से कहऽ ही कि जखनी ऊ घरे चल गेलन, तब परमेश्वर ऊ लगान लेवे वालन के मांफ करलन आउर धर्मी ठहरईलन हल, बाकि परमेश्वर ऊ फरीसी के क्षमा नऽ करलन हल। अईसन येहिगुने हल काहेकि परमेश्वर हर ऊ आदमी के नम्र करतन जौन खुद के बड़ा बनावऽ हे, आउर परमेश्वर हर ऊ आदमी के बड़का बनईतन जौन खुद के नम्र करऽ हे।”15एक दिन कुछ लोग अपन लईकन के यीशु भीर ला रहलन हल कि ऊ ओखनी पर हाथ धरतन आउर ओखनी के आशीष देतन। जखनी चेलवन ई देखलन तऽ ऊ ओखनी के डाँटलन।16बाकि यीशु लईकवन के अपना भीर लेके आवे लागी बोललन। ऊ चेलवन से कहलन, “छोटकन लईकवन के हमरा भीर आवे दऽ! ओखनी के मत रोकऽ, काहेकि ई लोगवन ई लईकन नियर नम्र आउर आश्रित हथन जौन परमेश्वर के अपन जिनगी पर राज करे दे हथन17हम तोरा से सच-सच कहऽ ही, कि जौन कोई नम्रता आउर भोलापन से परमेश्वर के अपन जिनगी पर राज करे नऽ देतन ऊ परमेश्वर के राज के कहियो कबूल नऽ करतन।”18एक बार एगो यहूदी अगुवा यीशु से पूछलन, “हे उत्तम गुरु, अनन्त जिनगी पावे ला हमरा का करे के चाही?”19यीशु उनका से कहलन, तूँ हमरा उत्तम काहे कहऽ हऽ? खाली परमेश्वर ही एक मात्र हथन जौन सच में उत्तम हथन!20आउर अपने के सवाल के जबाब में, सही से अपने ऊ सभे आज्ञावन के जानऽ हऽ जेकरा परमेश्वर मूसा के हमनी के माने ला देलन हल: व्यभिचार नऽ करिहऽ। “चोरी नऽ करिहऽ। झूठा गवाही नऽ दिहऽ। अपन बाबूजी आउर माय के आदर करिहऽ।”21ऊ आदमी से कहलन, “हम तऽ ऊ सभे आज्ञा के तहिये से मानऽ ही जहिया से हम जवान होली हल।”22जखनी यीशु उनका अईसन कहते सुनलन, तऽ ऊ उनका जबाब देलन, “तोरा अखनी भी एगो आउर काम करे के जरुरत हो। जौन कुछ भी तोरा भीर हो ओकरा बेच दऽ। फिन ऊ धन के अईसन लोग के दान कर दऽ जेकरा भीर जिन्दा रहे लागी बड़ी कम हे। फल ई होत कि तोरा स्वर्ग में आत्मिक धन मिलत। तऽ आके हमर चेला हो जा!”23जखनी ऊ ई सुनलन तऽ ऊ आदमी बड़ी दुःख हो गेल, काहेकि ऊ बड़ी धनी हल।24जखनी यीशु ऊ आदमी के दुःख देखलन तऽ कहलन, “जौन धनी हे ऊ लोग लागी ढेर मुश्किल हे कि ऊ परमेश्वर के अपना पर राज करे देतन।25ईहाँ तक, धनवान लोग के परमेश्वर के अपन जिनगी पर राज करे देवे के तुलना में एगो ऊँट लागी ई आसानी हे कि ऊ सूई के छेद में से निकल जाय।”26जौन लोग यीशु के ई कहते सुनलन ऊ कहलन, “तऽ लगऽ हे कि परमेश्वर ई पर धियान नऽ देतन कि कोई के अनन्त जिनगी उद्धार!”27बाकि यीशु कहलन, “जौन लोग लागी नऽ हो सकऽ हे ऊ परमेश्वर लागी हो सकऽ हे।”28तऽ फिन पतरस कहलन, “तऽ हमनी के बारे में का? हम तऽ अपने के चेला होवे लागी जौन कुछ हमरा भीर हल ऊ सभे कुछ त्याग देली हे।”29यीशु उनका से कहलन, “हम तोरा सच में विश्वास देला सकऽ ही कि जौन अपन घर के, अपन औरत के, अपन भाई के, अपन बाबूजी-माय के, चाहे अपन लईकन के परमेश्वर के ओखनी पर राज करे देवे ला त्याग देलन हे30ऊ ई जिनगी में जेतना छोड़ देलन हे ओकरा से बड़ी जादे बढ़ के मिलत आउर, आवे वाला युग में, ओकरा अनन्त जिनगी मिलत।”31यीशु अपना साथ ऊ बारहो चेलवन के एगो जगह पर ले गेलन। ऊ ओखनी से कहलन, “धियान दे के सुनऽ! हम यरूशलेम जाय के राह पर ही। जब हम ऊहाँ रहम, तऽ जौन कुछ भी भविष्यद्वक्तावन बड़ी समय पहिले हमरा, आदमी के बेटा के बारे में लिखलन हल, ऊ होत।32ई तखनी होत जखनी हमर दुश्मन हमरा ऊ अधिकारियन के हाथ में दे देतन जौन अन्यजाति हे। ऊ हमर मजाक उड़ईतन, अपमान भरल हमरा से वर्ताव करतन, आउर हमरा पर थूकतन।33ऊ हमरा कोड़ा मारतन आउर फिन ऊ हमरा मार देतन। बाकि तिसरका दिन हम फिन से जिन्दा हो जायेम।”34बाकि ऊ चेलवन ओकरा में से कोई भी बात के नऽ समझलन जौन ऊ कहलन हल। परमेश्वर ओखनी के उनकर खासियत के पछाने से रोक देलन, येहिगुने ओखनी नऽ जानलन कि जौन यीशु ओखनी से कह रहलन हल ओकर का मतलब हे।35जखनी यीशु आउर उनकर चेलवन यरीहो शहर के नजदीक पहुँचलन, तऽ एगो आंधर आदमी सड़क के किनारे पर बईठल हल। ऊ धन लागी भीख माँग रहल हल।36जखनी ऊ लोगवन के भीड़ के अपना भीर से जईते सुनलन, जौन ओकर अगल-बगल हलन उनका से ऊ पूछे लगलन, “का हो रहल हे?”37ऊ उनका बतईलन, “ईहाँ एगो भीड़ हे काहेकि ऊ आदमी यीशु नासरी, जौन नासरत के रहे वाला हथन, सड़क पर से जा रहलन हे।”38ऊ पुकारे लगल, “हे यीशु, तूँ जौन राजा दाऊद के वंशज हऽ, हमरा पर दया करऽ!”39जौन लोग भीड़ के आगे-आगे चल रहलन हल ओखनी ओकरा डाँटलन आउर ओकरा चुप रहे लागी बोललन। बाकि ऊ तऽ आउर भी जोर से चिकरके पुकारे लगल, “तूँ जौन राजा दाऊद के वंशज हऽ, हमरा पर दया करऽ!”40यीशु चलते-चलते रुक गेलन आउर लोगवन के हुकूम देलन कि ऊ आदमी के हमरा भीर लेके आवऽ। जखनी ऊ आंधर आदमी उनका भीर अईलन, तऽ यीशु उनका से पूछलन,41“तूँ का चाहऽ हऽ कि हम तोरा ला करूँ?” ऊ जबाब देलन, “हे प्रभु, हम चाहऽ ही कि अपने हमरा देखे काबिल बना दऽ।”42यीशु उनका से कहलन, “तऽ हम अखनी तोर आँख के ठीक करऽ ही! काहेकि तूँ हमरा पर विश्वास करलऽ, येहिगुने हम तोरा चंगा कर देली!”43तुरन्त ऊ देखे के योग्य हो गेल। आउर ऊ परमेश्वर के स्तुति करते, यीशु के साथ हो लेलक। आउर जखनी ऊहाँ पर मौजूद सभे लोग देखलन, तऽ ओखनी भी परमेश्वर के स्तुति करलन।
Bridge Connectivity Solutions Pvt. Ltd.