Luke17
1एक दिन यीशु अपन चेलवन से कहलन, “अईसन बात जौन लोगवन के पाप करे के चलते परीक्षा में डालऽ हे ऊ जरुर से घटित होवऽ हे। बाकि ई ऊ आदमी लागी केतना आफत होत जौन ऊ बात के घटित होवे दे हे!2ऊ आदमी ला बढ़ियाँ होत कि जदि कोई आदमी एगो बड़कागो चक्की के पत्थर ओकर घेंची में बाँध दे आउर ऊ समुद्र में फेंक देवे एकर बदले कि ऊ ऊ ओखनी में से कोई से ठोकर के काम करवावे जेकर विश्वास कमजोर हल।3सावधान रहऽ कि तूँ कईसन व्यवहार करऽ हऽ। जदि हमर कोई भी अनुयायी पाप करऽ हे, तऽ तोरा ओखनी के डाँटे के चाही। जदि ऊ कहतन कि ऊ पाप करे ला दुःख हे आउर तोरा से ओकरा ला पछतावा करे, तऽ तोरा ओकरा मांफ कर देवे के चाही।4ईहाँ लागी कि जदि ऊ तोर खिलाफ में एक दिन में सात बेरा भी पाप करतन, आउर ऊ तोरा भीर हर बेरा आ के काहेकि, जौन हम करली हे ओकरा लागी पछता ही, तऽ तोरा ओकरा मांफ करते रहे के चाही।”5तऽ प्रेरितवन प्रभु से कहलन, “हमरा आउर जादे विश्वास दऽ!”6प्रभु जवाब दे के कहलन, “ईहाँ तक कि जदि तोर विश्वास अईसन हे जौन ई जरीगो राई के दाना से भी बड़कागो नऽ हे, तईयो तूँ ई सहतूत के पेड़ से कह सकलऽ हे, खुद के जमीन से जड़ समेत उखड़ जा, आउर समुद्र में चल जा, आउर ऊ तोर आज्ञा मानतक!”7यीशु ई भी कहलन, “मान लऽ कि तोहनी में से कोई भीर एगो दास हे जौन खेत में हर जोत रहल हल चाहे तोहनी के भेड़वन के रखवाली कर रहलन हल। ओकरा खेत में से लौट के घर आवे के बाद, तूँ ई नऽ कहवऽ, जल्दी से आके भोजन करे लागी बईठ जा!8एकर बदले, तूँ ओकरा से कहवऽ, हमरा लागी भोजन तईयार करऽ! तऽ अपन सेवा करे वाला पोशाक पेहेन के हमरा खाना परसऽ ताकि हम खायेम आउर पियम! ओकर बाद तूँ खा आउर पी सकलऽ हे।9तोहनी ऊ काम करे लागी अपन दास के धन्यवाद नऽ देवऽ जेकरा करे लागी ओकरा से कहल गेल हे!10अईसे कर के, जखनी तोहनी ऊ सभे काम के कर ले हऽ जेकरा करे लागी परमेश्वर तोरा से कहलन हल, तऽ तोरा कहे के चाही, कि हम तऽ खाली परमेश्वर के दास ही। हम ई जोग नऽ ही कि तूँ हमरा धन्यवाद देवऽ। हम खाली ऊ काम करली हे जेकरा करे ला तूँ हमरा से कहलऽ हल।”11जखनी यीशु आउर उनकर चेला यरूशलेम जाय वाला सड़क पर चल रहलन हल तऽ यीशु सामरिया आउर गलील इलाका के बीच से होके जा रहलन हल।12जखनी यीशु एगो गाँव में गेलन, तऽ दसगो कोढ़ी उनका भीर अईलक, बाकि ओखनी तनिसा दूरगरे रुक गेलन। 13ओखनी चिकरके कहलन, “हे यीशु, हे स्वामी, कृपया कर के हमरा पर दया कर।”14जखनी यीशु ओखनी के देखलन, तऽ ऊ ओखनी से कहलन, “जा के याजकवन से अपन जाँच करवावऽ।” येहिगुने ओखनी चल गेलन, आउर राह में ही ओखनी के कोढ़ शुद्ध हो गेल। 15तऽ ओखनी में से एगो जखनी देखलन कि अखनी ओकरा कोढ़ नऽ हे, तऽ ऊ परमेश्वर के स्तुति करते वापस लौट गेलन।16ऊ यीशु भीर अईलन आउर यीशु के गोड़ पर ऊ मुँह भरे झुक गेलन, आउर ओखनी परमेश्वर के धन्यवाद देलन। ऊ आदमी सामरिया देश के रहे वाला हलन।17तऽ यीशु कहलन, “हम तऽ दसगो कोढ़ियन के शुद्ध करली हल! हम तऽ बाकि नौ गो से भी वापस लौटे ला उम्मीद करली हल!18ई परदेशी आदमी ही खाली अईसन हलन जौन परमेश्वर के महिमा करे लागी लौट अईलन। दोसर आदमी में से कोई भी वापस नऽ लौटलन!”19फिन यीशु, ऊ आदमी से कहलन, “उठ के अपन राह पर चल जा। काहेकि तूँ परमेश्वर पर विश्वास करल येहिगुने ऊ तोरा चंगा कर देलन हे।”20एक दिन कुछ फरीसियन यीशु से पूछलन, “परमेश्वर सभे लोग पर राज करे ला कहिया शुरु करतन?” यीशु जवाब देलन “ई ऊ चिन्हासी के साथे नऽ घटत जेकरा जदि लोग देखलन तऽ ओखनी के पछान जईतन।21लोग ई कहे के लायक नऽ होतन कि, देखऽ! परमेश्वर ईहाँ राज कर रहलन हे! चाहे परमेश्वर ऊहाँ राज कर रहलन हे! जौन तूँ सोचऽ हऽ ओकर उल्टा, परमेश्वर पहिलहीं से तोहनी के बीच में राज करे ला शुरु कर देलन हे।”22यीशु अपन चेलवन से कहलन, अईसन समय आवत जहिया तूँ हमरा, आदमी के बेटा, के सामर्थी रूप से राज करते देखे ला चाहवऽ, बाकि तूँ ओकरा देख नऽ पईवऽ। 23तोरा से लोग कहतन, देखऽ ऊ ऊहाँ पर हे! चाहे ऊ कहतन, देख ऊ ईहाँ पर हथन! जखनी ऊ अईसन कहतन, तऽ ओखनी के मत करिहऽ24काहेकि जखनी बिजुली चमकऽ हे आउर आसमान के एक तरफ से दोसर तरफ तक इंजोर करऽ हे, तऽ सभे कोई ओकरा देख सकलन हे ओईसहीं, जखनी हम, आदमी के बेटा, लौट के आयेम तऽ सभे कोई हमरा देखतन।25बाकि एकरा घटित होवे से पहिले हमरा बड़ी बात में दुःख उठावे पड़तक, आउर लोग हमरा नकार कर देतन।26बाकि जखनी हम, आदमी के बेटा, लौट के आयेम तऽ लोग ओईसने काम के करते रहलन होत जईसन ऊ घड़ी के आदमी कर रहलन हल जहिया नूह जिन्दा हलन। 27ऊ घड़ी लोग साधारण तौर पर खईते आउर पीते हलन, आउर ओखनी साधारण तौर से वियाह करते रहऽ हलन, ऊ दिन के आवे लागी जखनी नूह आउर उनकर परिवार ऊ बड़कागो नाव में नऽ गेलन हल। बाकि फिन बाढ़ आयेल आउर सभे के खतम कर देलक जौन नाव के भीतरे नऽ हल।28ओईसहीं, जखनी लूत सदोम शहर में रहऽ हलन, तऽ ऊहाँ रहेवालन लोग साधारण तौर से खा आउर पियऽ हलन। ऊ सामान के किनल करऽ हलन आउर ओखनी सामान के बेचल करऽ हलन। ओखनी साधारण तौर से अनाज के बुनऽ आउर ओखनी घर के बनावऽ हलन।29बाकि ऊ दिन जखनी लूत सदोम से निकलल, आग आउर गंधक आसमान से बरसल आउर ओखनी सभे के खतम कर देलक जौन शहर के भीतरे रुकल हलन। 30ओईसहीं, जखनी हम, आदमी के बेटा, धरती पर वापस लौट के आयेम तऽ लोग तईयार नऽ होतन।31ऊ दिन जौन छत पर हे; आउर ओकर सामान घर में हे, ऊ ओकरा लेवे ले नऽ उतरतन। आउर ओईसहीं जौन खेत में हे पीछे नऽ लौटके आवे।32जौन लूत के औरत साथे घटल हल ओकरा याद रखऽ! 33जे कोई भी अपन खुद के तरीका से जिनगी जीये ला शुरु रखऽ हथन। ऊ मर जईतन। बाकि जौन कोई भी हमरा ला जिनगी जीये के अपन पुरनका तरीका के छोड़ देतन ऊ हमेशा लागी जिन्दा रहतन।34हम तोरा से ई कहऽ ही ऊ रात में जखनी हम लौट के आयेम, तऽ दूगो आदमी एगो खटिया पर सुतल रहतन। जौन हमरा पर विश्वास करऽ हथन परमेश्वर ऊ एगो आदमी के उठा लेतन आउर दोसर आदमी के ऊहें छोड़ देतन। 35दूगो औरतियन एक साथे गेहूँ पिसते होत। परमेश्वर ओखनी में से एगो के उठा लेतन आउर दोसरकी के ऊहें छोड़ देतन।36“दूगो जन खेत में होतन एगो के उठा लेवल जाय आउर दोसर के छोड़ देवल जायेत।”37उनकर चेलवन उनका से कहलन, “हे प्रभु, ई कहाँ पर घटित होत?” ऊ ओखनी के जवाब देलन, “जहाँ कहूँ मरल देह होत, ऊहाँ पर ओकरा खाय लागी गिद्ध जमा होत।”
Bridge Connectivity Solutions Pvt. Ltd.