Luke1
1परम आदरणीय थियुफिलुस, बड़ी लोगवन पहिले ही से ऊ बात के बारे में लिख देलन हे जौन हमनी के बीच में घटल हल।2ऊ सभे ऊ बात के जमा कर रहलन हे जेकर बारे में हमरा ओखनी बतईलन हल जौन ई सभे बात के घटित होते देखलन हल आउर वचन के सेवक। ऊ सभे ऊ घड़ी से ही ऊहाँ पर हलन जब सभे कुछ होवे ला शुरु होल, आउर तबहिये से ऊ, ऊ घटना के प्रचार कर रहलन हे।3हम खुद ही हर ऊ बात के समझ-बूझके जाँच करली हे जौन शुरु से ही घटित होल हल। येहिगुने हम ई फईसला लेली कि हमरा तोरा लागी भी एगो सही बखान लिखे के चाही। हे श्रीमान, थियुफिलुस,4हम चाहऽ ही कि तूँ जान लऽ कि जौन बात लोगवन तोरा यीशु के बारे में बतईलन हे ऊ सच हे ताकि तूँ ऊ बात के पूरा सच्चाई जान सकवऽ।5जौन घड़ी राजा हेरोदेस यहूदिया के शासक हल, ऊहाँ पर जकर्याह नाम के एगो यहूदी पुरोहित हलन। ऊ अबिय्याह के कुल-वंश के हलन, आउर येही चलते ऊ भवन में ऊ सभे दोसर पुरोहितवन के साथे सेवा करे ला अपन पारी लेते रहऽ हलन जौन अबिय्याह के ही वंशज हलन। उनकर मेहरारू के नाम एलीशिबा हल। ऊ हारून के वंशज हलन आउर येहिगुने ऊ भी याजकीय वंश से सम्बन्धित हलन।6परमेश्वर ई विचार रखऽ हलन कि ऊ दूनो जकर्याह आउर एलीशिबा धर्मी आउर बेकसूर हलन काहेकि ओखनी हमेशा हर ऊ बात के आज्ञा पालन करलन हल जौन प्रभु हुकूम देलन हल।7बाकि उनकर कोई संतान नऽ हल, काहेकि एलीशिबा में कोई संतान पईदा करे के तागत नऽ हल। आउर अखनी ऊ आउर उनकर मरद लईकन पईदा करे लागी बड़ी बूढ़ा हो गेलन हल।8जकर्याह के याजकीय झुण्ड के अपन पारी लेवे ला यरूशलेम में सेवा करे के समय आ गेल। येहिगुने परमेश्वर लागी पुरोहित के रूप में काम करे लागी जकर्याह ऊहाँ मौजूद होलन।9पुरोहितवन प्रभु के मन्दिर में जाय ला आउर ऊहाँ पर धूप जलावे लागी जकर्याह के चुनाव करलन। ओखनी उनकर चुनाव अपन साधारण रीति-रिवाज, मतलब चिट्ठियन डाल के करलन मतलब ई तय कर के कि कोई खास काम करे लागी परमेश्वर केकरा चाहऽ हलन। 10जब परमेश्वर लागी धूप जरावे के समय आयेल तऽ बड़ी लोग भवन के बाहरी अँगना में प्रार्थना कर रहलन हल।11ओही घड़ी, जकर्याह भीर प्रभु के स्वर्गदूत आ पहुँचल। ऊ वेदी के दहिना तरफ खड़ा हो गेल जहाँ पर ऊ धूप जला रहलन हल।12जखनी जकर्याह स्वर्गदूत के देखलन, तऽ ऊ घबरा गेलन आउर डेरा गेलन।13बाकि ऊ स्वर्गदूत उनका से कहलन, “हे जकर्याह, हमरा से डेराय के कोई जरुरत नऽ हे। काहेकि तूँ प्रार्थना कर रहलऽ हल, आउर परमेश्वर तोर प्रार्थना के जबाब देवे जा रहलन हे। तोर मेहरारू एलीशिबा तोरा लागी एगो बेटा पईदा करतन। ओकर नाम यूहन्ना रखिहऽ।14ओकर जनम लेला पर तूँ बड़ी खुश होवऽ, आउर बड़ी दोसर लोग भी खुश होतन।15तूँ आउर ऊ येही से खुश होवऽ काहेकि तोर बेटा प्रभु लागी बड़ी जादे असरदार होतन। ऊ कहियो दाखरस चाहे कोई दोसर नसीला चीज नऽ पियतन। उनकर जनम लेवे से पहिले से ही पवित्र आत्मा उनका पर असर करे ला शुरु कर देतन। 16तोर बेटा बड़ी इस्राएलियन के पाप करे से रुक जाय लागी आउर फिन से प्रभु उनकर परमेश्वर के आज्ञा माने ला शुरु करे लागी राजी कर लेतन।17तोर बेटा प्रभु के आगे-आगे चलतन आउर ऊ आत्मा में ओईसहीं सामर्थी होतन जईसे एलिय्याह भविष्यद्वक्ता हलन। ऊ माय-बाप के अपन बेटा से दूबारा प्रेम करे लागी प्रेरित करतन। ऊ, ऊ बड़ी लोगवन के परमेश्वर के आज्ञा पालन नऽ करऽ हथन ओखनी के मन के उनकर आज्ञा माने ला आउर बुद्धिमानी से धर्मी जिनगी जीये ला प्रेरित करतन ऊ अईसन येहिगुने करतन जेकरा से कि जहिया प्रभु अईतन तऽ उनकर लोग उनका ला तईयार रहतन।” 18तऽ जकर्याह ऊ स्वर्गदूत से कहलन, “हम कईसे मानम कि जौन बात तूँ कहलऽ हे ऊ सच में होत? हम तऽ बड़ी बूढ़ा ही, आउर हमर मेहरारू भी बड़ी बूढ़ी हे। येहिगुने हमरा ई विश्वास करे ला बड़ी मुश्किल हे कि ई बात होत।”19फिन स्वर्गदूत उनका जबाब दे के कहलन, “हम जिब्राएल ही! हम परमेश्वर के सामने खड़ा रहऽ ही! परमेश्वर हमरा ऊ बारे में ई शुभ संदेश तोरा बतावे ला भेजलन हे कि तोरा साथे का होवे वाला हे। 20अखनी सुनऽ जौन हम तोरा से कहली हे जरुर ऊ तोरा से ऊ घड़ी ला पूरा होत जौन समय परमेश्वर तय करलन हे। बाकि काहेकि तूँ हमर समाचार पर विश्वास नऽ करलऽ हे येहिगुने परमेश्वर तोर मुँह बंद कर देतन। अपन बेटा के पईदा लेवे के दिन ला तूँ बोल नऽ सकवऽ!”21जौन घड़ी जकर्याह आउर ऊ स्वर्गदूत मन्दिर में बात रहलन हल, तऽ अँगना में लोग जकर्याह के बाहरी आवे के इंतजार कर रहलन हल। ओखनी अचरज करलन कि जकर्याह भवन में एतना जादे समय ला काहे रुकल रहलन।22तऽ ऊ मन्दिर से बाहरी निकललन, बाकि ऊ ओखनी से बतियाय के काबिल नऽ हलन। काहेकि ऊ बोल नऽ सकलन हल, येही से ऊ अपन हाथ से इशारा कर के ई बतावे ला कोशिश करलन कि का होल हल। एकरा से लोगवन ई निचोड़ निकासलन कि जौन घड़ी ऊ भवन के भीतरे हलन तऽ ऊ परमेश्वर के तरफ से कोई दर्शन देखलन हे।23भवन में, जखनी जकर्याह ऊ घड़ी के खतम कर लेलन जेकरा में ऊ भवन के पुरोहित के रूप में काम करे ला जरुरी हल तऽ ऊ यरूशलेम छोड़ देलन आउर अपन घरे वापस लौट गेलन।24एकर थोड़ा समय के बाद उनकर मेहरारू एलीशिबा पेट से रह गेलन, ऊ पाँच महीना ला बाहरी समाज में नऽ निकललन ऊ अपने आप से कहलन,25प्रभु हमरा गर्भधारण करे के काबिल बनईलन हे। येहिगुने ऊ अपन कृपा हमरा पर परकट करलन हे। उनकर धन्यवाद होवे कि, अखनी हमरा दोसरा लोगवन के सामने लजाय नऽ पड़त जेकरा से लोग फिन कहियो बाँझपन लागी हमरा अपमान नऽ करतन। 26जहिया एलीशिबा छौ महीना के गर्भवती हलन तऽ परमेश्वर जिब्राएल स्वर्गदूत के गलील राज के नासरत नाम के शहर में भेजलन।27परमेश्वर उनका ऊहाँ एगो कुँवारी से बात करे ला भेजलन जेकर नाम मरियम हल। ओकर माय बाप ई वादा करलन हल कि ऊ यूसुफ नाम के एगो मरद से वियाह करतन जौन कि राजा दाऊद के कुल खानदान से हलन।28जहाँ पर मरियम हलन ऊहाँ ऊ स्वर्गदूत अईलन आउर उनका से कहलन, “प्रणाम, हे आशीषित औरत! तूँ प्रभु लागी बड़ी बेसकीमती हऽ”।29बाकि जखनी ऊ ई कहलन, तऽ ऊ दुविधा में पड़ गेल उनका ई समझे ला कोशिश करे पड़ल कि ई प्रणाम के का मतलब हो सकल हे।30तऽ ऊ स्वर्गदूत उनका से कहलन हे, “हे मरियम; परमेश्वर तोरा पर अनुग्रह करे लागी चाहऽ हथन येहिगुने मत डेरा।31अखनी सुनऽ तूँ गर्भवती होवऽ आउर तूँ एगो बेटा के जनम देवऽ ओकर नाम यीशु रखिहऽ। 32ऊ महान होतन आउर ऊ परमप्रधान परमेश्वर के बेटा होतन परमेश्वर प्रभु ओकरा अपन समाज ला सिंहासन बनईतन जईसे उनकर पुरखा दाऊद हलन। 33ऊ याकूब के घराना पर हमेशा राजा बनल रहतन ऊ उनका पर हमेशा राज करतन।” 34तऽ मरियम ऊ स्वर्गदूत से कहलन, "बाकि हम तऽ कुमारी ही। तऽ ई कईसे हो सकल हे?"35ऊ स्वर्गदूत जवाब दे के कहलन, “पवित्र आत्मा तोरा पर उतरतन। परमप्रधान परमेश्वर के सामर्थ से अईसन होत जईसे कि तोरा पर छहूँरा गिर रहल हे। येहिगुने जौन लईका के तूँ जनम देवऽ तऽ ऊ पवित्र लईका होतन। ऊ परमेश्वर के बेटा होतन।36ई सुन लऽ। तोर परिवार एलीशिबा भी छौ महीना के गर्भवती हथन आउर ऊ एगो बेटा जनम देवे वाली हथन।37येहिगुने तूँ देखऽ कि परमेश्वर के वचन कुछ भी कर सकलन हे!” 38तऽ मरियम कहलन हम प्रभु के दासी ही, “ठीक हे हम प्रभु के आज्ञा माने ला तईयार ही। परमेश्वर ऊ बात के कर सकलन हे जौन हमरा साथ होवे के बखान तूँ करलऽ हे।” तऽ ऊ स्वर्गदूत उनका भीर से चल गेल।39एकर कुछ दिन के बाद ही मरियम तईयार हो गेलन आउर जेतना जल्दी उनका से हो सकऽ हल ऊ नगर तक चल देलन जौन यहूदिया के पहाड़ी इलाका में हल जहाँ पर जकर्याह रह रहलन हल।40ऊ जकर्याह के घर में घूँसलन आउर ओकर मेहरारू एलीशिबा के प्रणाम करलन।41जईसहीं ऊ एलीशिबा सुनलन कि मरियम हमरा प्रणाम करलन हे तऽ पवित्र आत्मा से भर गेलन आउर एलीशिबा के पेट के लईका अचानक उछलल।42ऊ जोर से आवाज में पुकार के मरियम से कहलन, “परमेश्वर तोरा कोई भी दोसर औरतियन से बढ़ के धन्य करलन हे, आउर परमेश्वर ऊ लईका के भी आशीषित करलन हे जेकरा तूँ पईदा करवऽ!43हम ई काबिल नऽ ही, कि तूँ, हमर प्रभु के माय, हमरा से मिले ला आवऽ!44हम ई सभे येहिगुने जानऽ ही काहेकि जईसहीं हम सुनली कि तूँ हमरा प्रणाम करलऽ हे तऽ हमर पेट के लईका हिले डोलेला शुरु कर देलक काहेकि ऊ बड़ी खुश हल!45तूँ येहिगुने आशीष पईलऽ हे काहेकि तूँ ओकरा पर विश्वास करल हल जौन प्रभु तोरा से कहलन हल कि पूरा होत।”46फिनो मरियम ई कहलन, हमर आत्मा परमेश्वर के स्तुति करलन: “आह, हम कईसे प्रभु के स्तुति करऽ ही47आउर हमर आत्मा उद्धार करे वाला परमेश्वर के बारे में बड़ी जादे आनन्द के महसूस करऽ ही, ओही जौन हमरा बचावऽ हथन! 48हम येहिगुने खुश ही काहेकि ऊ अपन दासी पर कृपा करलन हे भले हम जादे खास महत्व नऽ रखऽ हली। एकरा पर विचार तऽ करऽ कि अखनी से भविष्य में आवे वाला दिन में रहे वालन लोग कहल करतन कि परमेश्वर हमरा धन्य करलन हे। 49ऊ अईसन येहिगुने कहतन काहेकि परमेश्वर, जौन सर्वशक्तिमान आउर उनकर नाम पवित्र हे, हमरा ला बड़का-बड़का काम करलन हे।50ऊ हर घड़ी ऊ लोग के साथे ढेर दया से भरल भाव से बर्ताव करऽ हथन जौन उनकर डर मानऽ हथन। 51ऊ लोगवन पर ई परकट करलन हे कि ऊ ढेर तागतवर हथन। ऊ, ऊ लोगवन के बाहरी निकास देलन हे जौन अपन मन पर घमण्ड करऽ हलन। 52ऊ शासकवन के सिंहासनवन से गिरा देलन, बाकि जौन गरीब हथन ऊ ओखनी के इज्जत करलन हे। 53ऊ ओखनी के जौन भूखल हलन उनका पेट भर बढ़ियाँ खाना खिलईलन हे, बाकि ऊ धनवान के खाली हाथ बाहरसी करलन हे। 54ऊ अपन सेवक इस्राएलियन के, मतलब कि ऊ लोगवन के मदत करलन हे जौन उनकर सेवा करऽ हथन ढेर समय पहिले ऊ हमनी के पुरखा से ई वादा करलन हल कि ऊ उनका पर दया करते रहतन। ऊ, ऊ वादा के पूरा करलन आउर ऊ अब्राहम आउर ओकरा से पईदा होल वंश के प्रति हमेशा दया से भर के बर्ताव करलन।” 55ऊ, ऊ वादा के पूरा करलन आउर ऊ अब्राहम आउर उनका से पईदा होल वंश पर हमेशा दया से भरल वर्ताव करलन हे। 56मरियम लगभग तीन महीना ला एलीशिबा के साथे रहलन। ओकर बाद ऊ घरे चल गेलन।57जब एलीशिबा के अपन लईका के पईदा होवे के समय होल, तऽ ऊ एगो बेटा के जनम देलन।58जखनी उनकर पड़ोसियन आउर रिश्तेदार लोग ई बारे में सुनलन कि ओकरा एगो बेटा दे के कईसे प्रभु उनका पर दया करलन हे तऽ ओखनी एलीशिबा से बड़ी खुश होलन।59जब लईका आठ दिन के होल, आठ दिन के बाद, लईका के खतना करे ला सभे लोग जमा होलन ई देखावे ला कि ऊ परमेश्वर ला सौंपल हे। एकर साथे-साथे ई ऊ लईका के नाम रखे के भी समय हल। ओखनी ऊ लईका के नाम जकर्याह रखे ला चाहऽ हलन काहेकि ऊ ओकर बाबूजी के नाम हल 60बाकि ओकर माय कहलन, नऽ, ओकर नाम जकर्याह नऽ रखल जायेत। ओकर नाम यूहन्ना रखल जायेत।"61येहिगुने ओखनी उनका से कहलन, "बाकि यूहन्ना नाम तऽ तोर परिवार में से कोई के भी नऽ हे!"62फिन ओखनी ओकर बाबूजी के उनका से ई पूछेला अपन हाथ से चिन्हासी देखईलन कि ऊ इशारा करतन कि ऊ अपन बेटा के का नाम रखे ला चाहऽ हथन।63येहिगुने ऊ इशारा करलन कि ओखनी लिखे ला एगो पट्टी व्यवस्था करतन। जब ऊ ओखनी उनका लिखे लागी एगो तख्ती मंगवईलन। तऽ ऊ ओकरा पर लिखलन, “ओकर नाम यूहन्ना हे।” ई बात ऊ सभे लोगवन के हैरानी में डाल देलक जेतना ऊहाँ पर मौजूद हलन!64तुरन्त जकर्याह फिन से बोले के लायक हो गेलन आउर ऊ परमेश्वर के स्तुति करे ला शुरु कर देलन।65जखनी अगल बगल के रहे वालन ई बात के बारे में सुनलन तऽ डर गेलन आउर ओखनी परमेश्वर के प्रति बड़ी श्रद्धा के महसूस करलन। जौन घटना होल हल ओखनी ओकर बारे में बड़ी लोगवन के बतईलन, आउर ई बात यहूदिया के समूचे पहाड़ी इलाका के रहे वालन में फैल गेल।66जे कोई भी ई बात के बारे में अपन मन में सुनलन ऊ एकरा बारे में सोच विचार करे लगलन। ओखनी सोचलन “जरुर ई लईका बड़का होके कोई खास आदमी बनतन!” ओखनी अईसन येहिगुने सोचलन काहेकि ओखनी देखे पा रहलन हल कि प्रभु शक्तिशाली रूप से उनकर जिनगी में मौजूद हलन।67ऊ लईका के बाबूजी जकर्याह के फिन से बोले के काबिल होला के बाद पवित्र आत्मा जकर्याह के प्रेरित करलक आउर परमेश्वर के तरफ से भविष्यद्वाणी बोले लगलन:68“प्रभु के, ऊ परमेश्वर के स्तुति करऽ जिनकर हमनी इस्राएली लोग आराधना करऽ ही, काहेकि ऊ हमनी के, जौन उनकर लोग ही आजाद करे ला आ गेलन हे। 69ऊ एगो अईसन सेवक के भेजलन हे जौन हमनी के शक्तिशाली रूप से उद्धार करतन, एगो अईसन आदमी जौन दाऊद के कुल खानदान के हथन, जेकरा ऊ राजा होवे ला चुन लेलन हे। 70दुनियाँ के शुरुआत के पहिले परमेश्वर अपन पवित्र भविष्यद्वक्तावन के ई कहेला प्रेरित करलन कि ऊ ई सभे काम करतन।71परमेश्वर ई छोड़ावे वाला के येहिगुने भेज रहलन हे कि हमनी के अपन दुश्मन से उद्धार करतन, आउर सभे ऊ आदमी के सामर्थ से ऊ हमनी के छोड़ा लेतन जौन हमरा से जलन करऽ हथन। 72परमेश्वर अईसन येहिगुने करलन हे काहेकि ऊ हमर कुल खानदान के प्रति दयालु रहलन हे आउर येहिगुने ऊ पवित्र वाचा के पालन कर रहलन हे जौन ऊ उनका से करलन हल।73ई ऊ किरिया हे जौन ऊ हमर पुरखा अब्राहम से सच्चाई से ई बारे में खईलन हल कि ऊ हमरा साथे का करतन। 74ऊ किरिया खईलन हल कि ऊ हमर दुश्मन के तागत से हमरा छोड़ईतन ताकि ओकरा से बेगर डरले हम उनकर सेवा कर सकम।75एकर फलस्वरूप जब ला हमनी जिन्दा ही तब ला हमनी जिनगी के अईसन लोगवन के जईसन जीयम जौन पूरा तौर से धर्मी आउर पवित्र आउर उनकर हे।”76फिनो जकर्याह अपन बेटा से कहलन,
आउर तूँ, हे हमर बेटा, तूँ परमप्रधान परमेश्वर के एगो भविष्यद्वक्ता बनवऽ, तूँ प्रभु के आवे के पहिले अपन काम के शुरु करवऽ जेकरा से तूँ लोगवन के ओकरा में लगल रहे लागी तईयार कर सकवऽ। 77तूँ परमेश्वर के लोगवन के बतईवऽ कि ऊ ओखनी के पापवन के मांफ कर के ओखनी के उद्धार चाहऽ हथन।78हमर परमेश्वर के करूणा आउर दया के चलते, जेकरा से सूर्योदय ऊपर से हमरा सुधि लेतन,79कि जौन अंधार आउर मौत के छहूँरा में बईठल हे, उनका पर रोशनी डालऽ; हमनी के गोड़ के शान्ति के राह पर ले जाय लागी। 80समय बीतला के साथे-साथ, जकर्याह आउर एलीशिबा के लईका सियाना होते गेल आउर आत्मा से बरियार होते गेल। फिन ऊ एगो सुनसान इलाका में रहे ला चल गेलन ऊ, ऊ घड़ी भी उँहें पर रह रहलन हल जहिया ऊ सभे समाज में परमेश्वर के प्रजा, इस्राएलियन में प्रचार करे ला शुरु करलन हल।
आउर तूँ, हे हमर बेटा, तूँ परमप्रधान परमेश्वर के एगो भविष्यद्वक्ता बनवऽ, तूँ प्रभु के आवे के पहिले अपन काम के शुरु करवऽ जेकरा से तूँ लोगवन के ओकरा में लगल रहे लागी तईयार कर सकवऽ। 77तूँ परमेश्वर के लोगवन के बतईवऽ कि ऊ ओखनी के पापवन के मांफ कर के ओखनी के उद्धार चाहऽ हथन।78हमर परमेश्वर के करूणा आउर दया के चलते, जेकरा से सूर्योदय ऊपर से हमरा सुधि लेतन,79कि जौन अंधार आउर मौत के छहूँरा में बईठल हे, उनका पर रोशनी डालऽ; हमनी के गोड़ के शान्ति के राह पर ले जाय लागी। 80समय बीतला के साथे-साथ, जकर्याह आउर एलीशिबा के लईका सियाना होते गेल आउर आत्मा से बरियार होते गेल। फिन ऊ एगो सुनसान इलाका में रहे ला चल गेलन ऊ, ऊ घड़ी भी उँहें पर रह रहलन हल जहिया ऊ सभे समाज में परमेश्वर के प्रजा, इस्राएलियन में प्रचार करे ला शुरु करलन हल।
Bridge Connectivity Solutions Pvt. Ltd.