Leviticus7
1ई दोषबलि के व्यवस्था हे। ई परमपवित्र हे। 2आउर ऊ दोषबलि के ओकर बलि के जगह में ही मार देतन, आउर ओकर लहू के वेदी के चारो तरप छिटतन।3ओकरा में से सभे चर्बी चढ़ावल जायेत, मतलब कि मोटका पूंछ, आउर भीतरका भाग के चर्बी।4दूनो गुर्दावन आउर ओकरा पर के चर्बी, जौन कमर भीर हे, आउर जौन गुर्दा के साथे कलेजवन के झाँपले रहऽ हे, ऊ सभे निकालल जाय।5याजक के ई सभे भाग के वेदी पर यहोवा लागी आग मे हव्य कर के जलावे के चाही। ई दोषबलि हे।6याजकवन मे से सभे आदमी ई भेंट के कुछ भाग खा सकलन हे। एकरा कोई पवित्रस्थान में खाय के चाही, काहेकि ई परमपवित्र हे।7पापबलि, दोषबलि के जईसन हे, दूनो पर एक्के गो आज्ञा लागू होवऽ हे। ऊ ओही याजक ला हे जे ओकरा साथे पछतावा करऽ हे।8जौन याजक कोई के होमबलि चढ़ावऽ हे ऊ अपन चढ़ावा के खाल अपना ला रख सकलन हे।9सभे अन्नबलि जौन तंदूर पर पकावल जा हे, आउर हर एगो अईसन अन्नबलि जौन तावा में पकावल जा हे ऊ चढ़ावे वाला याजक के ठहरतन।10हर एगो अन्नबलि चाहे सुखल रहे, चाहे तेल से सानल होवे, हारून के सभे वंश ला बराबर रूप से मिलत।11ई मेलबलि हे व्यवस्था हे जेकरा लोग यहोवा लागी चढ़ईतन।12यदि कोई परमेश्वर के धन्यवाद करे लागी एकरा चढ़ावे, तऽ ऊ बिना खमीर के, बाकि तेल से सानल गेल, मतलब कि बेगर खमीर के, बाकि तेल से चुपड़ल, आउर मैदा से बनावल गेल, मतलब कि मैदा से बनल फुल्का के बलिदान कर के चढ़इतन, जौन तेल के साथे मिलावल होत। 13आउर धन्यवाद करे लागी ऊ अपन मेलबलि के साथे खमीर से बनल रोटी भी चढ़ईतन।14ऊ ई सभे तरह के बलिदान में से एक-एक कर के यहोवा ला चढ़ावा के रूप चढ़इतन। ई ऊ याजकवन के होत जौन वेदी पर मेलबलि के खून छिड़कऽ हे।15जौन आदमी यहोवा के धन्यवाद करे ला मेलबलि चढ़ावऽ हे, ओकरा बलिदान के दिन अपन चढ़ावा के मांस खाय के चाही। ओकरा अगला विहान तक ओकरा मे से कुछ भी नऽ छोड़े के चाही।16बाकि जदि, ओकर बलिदान मनिता लागी, चाहे अपन स्वेच्छाबलि लागी होवे, तऽ ओकर मांस बलिदान करे के दिन तऽ खायेल जाय, बाकि ओकर जौन कुछ भी बच जाय, ऊ ओकरा दूसरका दिन खायल जाय।17बाकि तिसरका दिन बलिदान के जौन कुछ मांस बचत, ओकरा जला देवल जाय।18आउर जदि कोई मेलबलि मांस में से तिसरका दिन खायल जाय, तऽ ओकरा कबूल कईल नऽ जायेत, आउर ओकर भाग चढ़ावे वाला के देवल जायेत। ऊ घिनामन चीज होत, आउर जौन कोई ओकरा खायेत ऊ खुद के दोषी ठहरावत।19जौन मांस कोई अशुद्ध चीज से छुआ जाय, ओकरा नऽ खायल जाय। एकरा जला देवे के चाही, जहाँ ला बचल मांस के सवाल हे, जौन कोई शुद्ध हे ऊ ओकरा खा सकल हे।20बाकि यदि कोई अशुद्ध आदमी यहोवा के मेलबलि में से कुछ मांस खाइ, तऽ ऊ आदमी अपन लोगवन में से निकास देवल जाइ।21जदि कोई अशुद्ध चीज के छुअत, चाहे ऊ आदमी के अशुद्ध चीज हे, चाहे अशुद्ध जानवर के हे, चाहे कोई अशुद्ध घिनामन चीज के हे, आउर यदि ऊ यहोवा के मेलबलि के मांस मे से कुछ खा लेवे, तऽ ऊ आदमी दोषी ठहरत। आउर ऊ अपन लोग मे से निकास देवल जायेत।22तऽ यहोवा मूसा से कहलन।23इस्राएल के लोगवन से कहऽ, कि तूँ बैल, चाहे भेड़, चाहे बकरी के चर्बी नऽ खईहऽ।24जौन पशु बिन बलि कईल मर जाय, चाहे जंगली जानवर से फाड़ल गेल जानवर के चर्बी, तूँ दोसर काम में लईहऽ, बाकि तूँ ओकरा कहियो नऽ खईहऽ।25जौन ऊ जानवर के चर्बी खईतन जे आदमी यहोवा लागी आग में होमबलि कर के चढ़ा सकल हे, ऊ अपन लोगवन मे से निकास देवल जाइ।26तूँ अपन घर में केकरो भी खून नऽ खईहऽ, चाहे ऊ कोई चिरईं के रहे, चाहे जानवर के।27जे कोई केकरो भी खून खईतन ऊ अपन लोगवन मे से निकास देवल जईतन।28तऽ यहोवा मूसा से बात कईलन आउर कहलन।29इस्राएली लोगवन से कहऽ, कि जौन कोई यहोवा ला मेलबलि चढ़इतन, ऊ अपन बलिदान में से कुछ यहोवा ला लईतन।30यहोवा ला आग में चढ़ावल गेल हव्य ओकरे हाथ से लावल जाय। ऊ चर्बी के छाती के साथे ले अईतन, कि छाती हिलावल भेंट लागी यहोवा के सामने हिलावल जाय।31याजक के चर्बी के तऽ वेदी पर जलावे के चाही, बाकि छाती हारून आउर ओकर वंश के रहत।32आउर अपन मेलबलि मे से दायाँ जाँघ याजक के भेंट कर के दिहऽ।33जौन याजक हारून के वंश में से होत, ऊ मेलबलि के खून आउर चर्बी चढ़इतन, ओकर भेंट के भाग दहिना जाँघ मिलत।34काहेकि हम इस्राएलियन मेलबलियन मे से हिलावे के भेंट के छाती, आउर उठावल गेल जाँघ ले लेली हे, आउर ओकरा हारून याजक आउर ओकर बेटवन के ओकरा अपन हिस्सा कर के दे देली हे।35जौन दिन मूसा ओकरा यहोवा के सेवा करे लागी याजक के काम करे लागी ठहरइलन हल, ओही दिन यहोवा ला जौन हव्य कईल गेल हल, ओकरा में से हारून आउर उनकर वंश ला ई भाग ठहरत।36ई, ऊ भाग हे जेकरा यहोवा याजकवन के अभिषेक करे के दिन इस्राएल में से ओकरा देवे के आज्ञा देलन हल। ई हमेसा सभे पीढ़ी तक उनकर हिस्सा रहत। 37होमबलि, अन्नबलि, पापबलि, दोषबलि, याजकवन के संस्कार बलि, आउर मेलबलि के व्यवस्था येही हे। 38जेकर बारे मे यहोवा मूसा के सीनै पर्वत पर ओदिनमा आज्ञा देलन, जौन दिन ऊ इस्राएलियन सीनै के जंगल में यहोवा लागी अपन बलिदान चढ़ावे ला आज्ञा देलन हल।
Bridge Connectivity Solutions Pvt. Ltd.