Leviticus8
1तब यहोवा मूसा से कहलन।2हारून आउर ओकर बेटवन के, पुरोहिती वस्त्र आउर अभिषेक तेल, आउर पापबलि के बछड़ा, आउर दुन्नो मेढ़वन आउर अखमीरी रोटी के टोकरी अपना साथे लेले जा।3आउर इस्राएल के समूचे मण्डली के मिलापवाला तम्बू के द्वार पर जमा करिहऽ4तऽ मूसा यहोवा के आज्ञा के मोताबिक कईलन, आउर मण्डली मिलापवाला तम्बू के द्वार पर जमा हो गेल।5तऽ मूसा मंडली से कहलन, यहोवा एही करे के आज्ञा देलन हे।6मूसा हारून आउर ओकर बेटवन के पानी से नहलईलन।7आउर ऊ हारून के अंगरखा पहिनईलन, आउर ओकर कमर में पटुका बांधलन, आउर ओकरा बागा पहिनइलन, आउर ओकरा पर एपोद रखलन, आउर एपोद के सूक्ष्म बुनल कमरबंध से ओकरा चारो दने बाँध देलन।8आउर ऊ सीनाबंद ओकरा पहिनइलन, आउर सीनाबंद मे ऊरीम आउर तुम्मीम रखलन।9आउर ऊ ओकर माथा पर पगड़ी रखलन, आउर पगड़ी के उपर आगे सोना के ताज, मतलब कि पवित्र मुकुट रखलन, जईसन यहोवा मूसा के आज्ञा देलन हल।10मूसा अभिषेक के तेल लेके निवास के आउर जौन कुछ ओकरा में हल ओकर अभिषेक कईलन, आउर ओकरा यहोवा ला अलगे कर के रख देलन।11आउर ऊ वेदी पर सात बार तेल छिटलन, आउर सभे समान समेत वेदी के, आउर हौदी आउर पाया के अभिषेक कर के ओकरा यहोवा ला पवित्र कईलन।12आउर ऊ अभिषेक तेल में से कुछ हारून के माथा पर डाल देलन, आउर ओकर अभिषेक कर के ओकरा पवित्र कर देलन।13मूसा हारून के बेटवन के लाके ओकरा अंगरखा पहिनइलन। यहोवा के आज्ञा के मुताबिक ऊ ओकर कमर पर पट्टी बाँधलन, आउर ओकर माथा पर सनी के कपड़ा लपेट देलन।14मूसा पापबलि लागी बछड़ा के ले अईलन, आउर हारून आउर ओकर बेटवन बछड़ा के मुड़ी पर अपन हाथ रखलन, जेकरा ऊ पापबलि लागी लईलन हल।15आउर ऊ ओकरा मार देलन, आउर मूसा ओकर कुछ लहू लेके अपन ऊँगली से वेदी के सींग पर लगईलन, आउर वेदी के शुद्ध कईलन, आउर खून वेदी के पाया पर उझल देलन, आउर पछतावा करे ला ओकरा परमेश्वर ला पवित्र कर देलन। 16आउर ऊ भीतरी अंग पर के समूचे चर्बी, आउर कलेजा पर के परदा, आउर दुन्नो गुर्दा आउर ओकर चर्बी ले लेलन, आउर मूसा सभे के वेदी पर जला देलन।17बाकि यहोवा के आज्ञा के मोताबिक ऊ बछड़ा के खाल, मांस, आउर गोबर के छावनी से बाहर जला देलन, जौन तरह से मूसा के आज्ञा एलन हल।18फिन मूसा होमबलि ला मेढा चढ़ईलन, हारून आउर ओकर बेटवन मेढ़वन के मुड़ी पर अपन हाथ रखलन।19तब ऊ ओकरा मार देलन आउर ओकर लहू वेदी के चारो तरफ मूसा छिटलन। 20आउर मूसा मेढ़वन के टुकड़ा-टुकड़ा कर के, आउर मुड़ी, टुकड़वन, आउर चर्बी के जला देलन।21आउर ऊ भीतरका भाग आउर गोड़ पानी से धोलन, आउर ऊ समूचे मेढ़वन के वेदी पर जलईलन ऊ होमबलि हल, आउर ओकरा से सुखदायक खुशबू पईदा होव हल, मतलब कि यहोवा ला आग में जलावल हव्य हल, जईसन यहोवा मूसा के आज्ञा देलन हल। 22तऽ मूसा दूसरका मेंढ़वन के, मतलब कि पवित्र संस्कार के मेढ़वन ठहरईलन, आउर हारून आउर ओकर बेटवन अपन अपन हाथ मेढ़ा के मुड़ी पर रखलन।23हारून ओकरा बलि कईलन, आउर मूसा ओकर कुछ खून लेके हारून के दहिना कान के छोर पर, आउर दहिना हाथ के अंगूठा, आउर दहिना गोड़ के अंगूठा पर लगईलन।24आउर ऊ हारून के बेटवन भीर ले अईलन, आउर खून मे से कुछ दहिना कान के छोर पर आउर दहिना हाथ आउर दहिना गोड़ के अंगूठा पर लगईलन। तऽ मूसा ओकर खून के बेदी के चारो दने छिटलन।25आउर ऊ चर्बी आउर मोटका पूंछ, भीतरका भाग के जौरे सभे चर्बी, आउर कलेजा के झिल्ली, दुन्नो गुर्दा, आउर ओकर चर्बी. आउर दहिना जाँघ भी ले लेलन26आउर अखमीरी रोटी के जौन टोकरी यहोवा सामने हल ओकरा मे से ऊ एगो अखमीरी रोटी, आउर एगो तेल लगावल चुपड़ी रोटी, आउर एगो रोटी लेके चर्बी आउर दहिना जाँघ पर रख देलन।27आउर ऊ ओकरा सभे के हारून आउर ओकर बेटवन के हाथ मे दे के हिलावे के भेट कर के यहोवा के सामने हिलईलन।28तऽ मूसा ओकरा ओकर हाथ से छीन के होमबलि के वेदी पर जला देलन। ऊ पवित्रीकरण भेंट हल, आउर सुखदायक खुशबू पईदा करऽ लागी। संस्कार के भेंट आउर ई यहोवा ला आग द्वारा देवल गेल भेंट हल।29मूसा छाती के लेके हिलावे वाला भेंट कर के यहोवा भीर हिलईलन। याजकवन के संस्कार ला मेढ़ा मे से मूसा के हिस्सा हल, जइसन कि यहोवा ओकरा आज्ञा देलन हल।30मूसा अभिषेक के तेल आउर वेदी में से खून मे से कुछ लेलन आउर ओकरा से ऊ हारून आउर ओकर कपड़ा आउर ओकर बेटवन के कपड़ा पर छिटलन। ई तरह ऊ हारून के ओकर कपड़ा समेत, आउर ओकर बेटवन के ओकर कपड़ा समेत यहोवा लागी पवित्र कर देलन।31तऽ मूसा हारून आउर ओकर बेटवन से कहलन कि मांस के मिलापवाला तम्बू के द्वार पर पकइहऽ, आउर ऊ रोटी के जे संस्कार के टोकरी में हे, दुन्नो ओज्जे खईहऽ, जइसन कि हम आज्ञा देली हे। हारून आउर ओकर बेटवन एकरा खा लेतन।32मांस आउर रोटी मे से जौन कुछ रह जाय, ओकरा जला दिहऽ।33जखनी ला तोर संस्कार के दिन पूरा न होत, तखनी ला सात दिन लागी मिलापवाला तम्बू के द्वार से बाहरे नऽ निकले के चाही। काहेकि यहोवा सात दिन लागी तोरा अभिषेक करतन।34जे कुछ आज के दिन कईल गेल हे ओकर यहोवा तोरा लागी पछतावा करेलागी आज्ञा देलन हे।35तूँ सात दिन लागी मिलापवाला तम्बू के द्वार पर दिन-रात बैठल रहिहऽ, आउर यहोवा के आज्ञा मानिहऽ। येहिगुने तूँ नऽ मरवऽ काहेकि हमरा एही आज्ञा देवल गेल हे।36येहिसे हारून आउर ओकर बेटवन ऊ सभे काम कईलन, जेकरा आज्ञा यहोवा मूसा के द्वारा ओखनी के देलन हल।
Bridge Connectivity Solutions Pvt. Ltd.