Leviticus6
1यहोवा मूसा से कहलन,2जदि कोई अमानत मे रखल गेल चीज, चाहे ओकर देख रेख में छोड़ल गेल चीज, चाहे चोरी कईल गेल चीज के बारे मे अपन साथी-इस्राएली के धोखा दे के पाप करत आउर यहोवा के खिलाफ विश्वासघात करत चाहे अपन पड़ोसी पर अत्याचार करत।3चाहे कोई के अपन पड़ोसी के भुलाल चीज मिल गेल हे, आउर ऊ ओकरा बारे मे झूठ बोलऽ हे, चाहे झूठा किरिया खा हे, चाहे अईसन कोई बात में, जेकरा से लोग पाप करऽ हे।4आउर यदि ऊ पाप कईलक हे आउर दोषी ठहरावल जाय, तऽ जौन कुछ ऊ लूट के चाहे अत्याचार कर के लेलक हे, चाहे जौन कुछ सौंपल गेल हे, चाहे जौन भुला गेल हे, बाकि जौन कोई ऊ पईलन हे, ओकरा लौटा देत।5आउर जौन कोई बात के बारे में ऊ झूठा प्रतिज्ञा खईलक हे, ऊ ओकरा पूरा दाम फेर देतन, आउर जौन दिन ऊ दोषी ठहरावल जायत ओही दिन ओकर दाम में पांचवाँ हिस्सा जोड़ के ओकर मालिक के सभे कुछ लौटा देतन।6तऽ ऊ याजक के अपन दोषबलि लागी यहोवा भीर अपन दोषबलि ले आवे, मतलब कि भेड़-बकरियन में से एगो निर्दोष मेढ़ा, जौन मौजूद दाम के योग्य हे।7याजक ओकरा लागी यहोवा के सामने पछतावा करतन, आउर जौन कुछ काम कर के ऊ दोषी हो गेलन ओकरा लागी परमेश्वर ओकरा पाप के माफ कर देतन।8तऽ यहोवा मूसा से कहलन।9हारून आउर ओकर बेटवन के ई आज्ञा दऽ, कि होमबलि के नियम ई हे, होमबलि रात भर भोरे तक वेदी के आग पर रखल रहत, आउर वेदी के आग जलते रहत।10याजक अपन सनी के कपड़ा पहनतन, आउर अपन सनी के जांघिया के भी पहनतन। आउर वेदी पर होमबलि के आग पर भस्म कईलऽ के बाद ऊ राख बचत ओकरा उठईतन आउर ऊ राख के वेदी भीर रख देतन।11ओकर बाध ऊ अपन कपड़ा उतार के दोसरका कपड़ा के पहिनतन, आउर राख के छावनी के बहारसी शुद्ध जगह पर ले जईतन।12वेदी पर आग जलते रहत। ऊ बुझे के नऽ चाही, आउर याजक रोजदिन भोर के ओकरा पर लकड़ी जलईतन, ऊ होमबलि के जरुरत के मुताबिक ओकरा पर सरियईतन, आउर ओकरा पर मेलबलि के चर्बी जलईतन। 13आउर वेदी पर आग हरदम जलते रहत। एकरा बाहर न जाय के चाही।14अन्नबलि के व्यवस्था येही हे, हारून के बेटा ओकरा वेदी पर यहोवा भीर चढ़ईतन।15याजक अन्नबलि के मैदा, आउर तेल, आउर लोबान में से जौन अन्नबलि पर होत, ओकरा मे से एक मुट्ठी लेतन आउर यादगार भेंट के रूप मे यहोवा के सामने सुखदायक खुशबू पईदा करे ला ओकरा वेदी पर जलईतन। 16आउर बाकि आटा भेंट मे रह जायेत ओकरा हारून आउर उनकर बेटा खईतन। एकरा पवित्र जगह मे बेगर खमीर के खाय के चाही। ऊ ओकरा मिलापवाला तम्बू के आँगन मे खईतन। 17ऊ खमीर से नऽ पकावल गेल रहे। हम ओकरा अपन आग में चढ़ावल गेल हव्य में से उनका देली हे। ई पापबलि आउर दोषबलि के जइसन परमपवित्र हे।18आउर तोर वंश के पीढ़ी-पीढ़ी मे यहोवा के हव्य में से हारून के वंश के कोई भी आदमी अपन हिस्सा के खाय के आदेश हे। जौन कोई ओकरा छूअत ऊ पवित्र हो जायेत19तऽ यहोवा मूसा से फिन कहलन,20"ई हारून आउर ओकर बेटवन के भेंट हे, जेकरा ऊ अपन-बेटा के अभिषेक के दिन यहोवा लागी; मतलब एपा के दसवाँ हिस्सा मैदा लगातार अन्नबलि के रूप में, आधा भोर के, आउर आधा साँझ के यहोवा के चढ़ईतन। 21एकरा चपटा तावा मे तेल लगा के बनावल जायेत, जखनी ऊ भींग जायेत, तऽ तूँ ओकरा ले अईहऽ। यहोवा लागी सुखदायक खुशबू पईदा करे ला पकावल टुकड़वन के अन्नबलि के रूप में चढ़ईहऽ।22अभिषिक्त महायाजक के बेटा जौन हे, अपन बेटवन मे से नया महायाजक बनईतन ऊ एकरा चढ़इतन। हमेसा के नियम के मुताबिक ऊ सभे यहोवा लागी जला देवल जाय।23याजक के सभे अन्नबलि पूरा जला देवल जायेत। एकरा न खाय के चाही।24यहोवा मूसा से फिन कहलन।25हारून आउर ओकर बेटवन से कहऽ कि पापबलि के व्यवस्था ई हे, कि पापबलि के जनावर ओही जगह पर बलि कईल जाय जेज्जा होमबलि यहोवा के सामने बलि कईल जा हे। ई परमपवित्र हे।26जौन याजक ओकरा पाप के बदला में चढ़इतन ऊ ओकरा खईतन। एकरा मिलापवाला तम्बू के आँगन मे कोई पवित्र जगह में खायल जाय के चाही। 27आउर जौन कोई बलि के मांस छुअत ऊ पवित्र ठहरत, आउर जदि लहू कोई कपड़ा पर छीटल जाय, तऽ जौन भाग पर लहू छिटल गेल हे ओकरा पवित्र जगह में धो दिहऽ।28बाकि मिट्टी के ऊ बर्तन जेकरा में ऊ पकावल जा हे, फोड़ देवल जाय। जदि एकरा काँसा के बर्तन मे उबालल जाय तऽ एकरा पानी से रगड़ के साफ कर लेवे के चाही।29याजकवन मे से कोई आदमी ओकरा में से कुछ खा सकलन हे, काहेकि ऊ परमपवित्र हे।30बाकि कोई पापबलि जेकर खून पवित्रस्थान मे पछतावा करे ला मिलापवाला तम्बू मे लावल जाय, ओकरा न खायल जाय। एकरा जला देवे के चाही।
Bridge Connectivity Solutions Pvt. Ltd.