Leviticus5
1जदि कोई गवाह येहिसे पाप करऽ हे जे किरिया खा के पूछे पर भी, जे बात के ओकरा गवाही देवे ला जरुरी हे, ओकरा देख के ऊ गवाही नऽ देत, चाहे ऊ देखलक हे, चाहे सुनलक हे तऽ ऊ जिम्मेवार होत।2चाहे, जदि कोई अईसन चीज के छुअऽ हे जेकरा परमेश्वर अशुद्ध ठहरईलन हे, चाहे ऊ कोई अशुद्ध जंगली जानवर के लाश रहे चाहे कोई मरल जानवर के लाश रहे, चाहे रेंगे वाला जानवर के लाश हे, भले ही ओकरा छुये के इच्छा नऽ करत, ऊ अशुद्ध हे आउर दोषी हे।3चाहे जदि ऊ कोई आदमी अशुद्ध वस्तु के छुअत, चाहे ऊ कईसहूँ अशुद्ध हे, आउर ओकरा एकर ज्ञान नऽ रहे, तऽ जब ऊ जान लेत, तऽ ऊ दोषी ठहरत। 4चाहे कोई बुरा करे वाला चाहे भलाई करे के किरिया बेगर सोचले खईतन, चाहे ऊ कोई भी रीति से कहे, चाहे ऊ बिना जानले भी ई बात के जान लेवे, तऽ दोषी ठहरत। एकरा में से कोई भी चीज मे।5जब कोई ई बतियन मे दोषी ठहरत, तऽ दूसरा के सामने ओकरा अपन सभे पाप मान लेवे के चाही।6तऽ ऊ अपन पाप लागी यहोवा के सामने अपन दोषबलि ले आवे, मतलब कि पापबलि लागी भेड़-बकरी के एगो मादा जानवर ले आवे, आउर याजक ओकर लागी पछतावा करतन।7जदि ऊ भेड़ के बच्चा खरीदे मे लाचार हे, तऽ अपन पाप के लागी दोषबलि कर के यहोवा लागी दुगो कबूतर-ईहाँ कबूतरी के दुगो बच्चा ले आवे, एगो पापबलि ला दूसरा होमबलि लागी। आउर दूसरा होमबलि लागी।8आउर ऊ ओकरा याजक के भीर ले आवे, आउर ऊ पहिले एगो के पापबलि कर के चढ़ावे, आउर ओकर सिर गर्दन से अलग करतन पर देह से पूरा नऽ निकालतन।9फिरू ऊ पापबलि के खून में से कुछ वेदी के चारो कोना पर छिटतन, आउर बाकि खून के वेदी के पाया पर ढार देतन, ई पापबलि हे।10फिर ऊ नियम के मुताबिक दुसरका चिरईं के होमबलि कर के चढ़ईहऽ, आउर याजक ओकरा पाप के पछतावा करतन, ऊ आदमी के क्षमा कर देवल जायेत।11बाकि जदि ऊ दुगो कबूतर ईहाँ तक कि कबूतरी के दूगो बच्चवन मोल लेवे से अलचार हे, तऽ अपन चढ़ाव पाप ला एपा के दसवां भाग मैदा पापबलि कर के ले अईतन, उपर तेल चाहे लोबान न डालतन काहेकि ऊ पापबलि हे। 12ऊ ओकरा याजक भीर ले अईतन, आउर याजक ओकरा मे से मुट्ठी भर यादगार भाग बलि के तौर पर लेतन, आउर ओकरा वेदी पर यहोवा ला हव्य के उपर जलईतन ई पापबलि हे।13याजक ऊ आदमी के कोई भी पाप लागी पछतावा करतन आउर ऊ आदमी के क्षमा कर देवल जायेत। भेंट के बचल भाग अन्नबलि जईसन याजक के होत।14तऽ यहोवा मूसा से कहलन।15जदि कोई यहोवा के चिजवन के बारे मे विश्वासघात कर के पाप करत, तऽ अनजाने मे अईसन करत तऽ ऊ अपन दोषबलि यहोवा के भीर ले अईतन; ई भेट भेड़ बकरियन में से एगो निर्दोष मेढ़ा के बलि होवे के चाही, ओकर कीमत दोषबलि के रूप मे चाँदी के शेकेल मतलब कि पवित्रस्थान के शेकेल मे जानल जायेत। 16आउर ऊ पवित्र चीज के बारे में जौन पाप कईलन हे, ओकर चलते ऊ यहोवा के खुश करतन, आउर ओकरा मे पांचवाँ हिस्सा बढ़ा के याजक के देतन। तऽ याजक दोषबलि के मेढ़वन से ओकरा लागी पछतावा करतन, आउर ऊ आदमी के अपराध क्षमा कईल जायेत।17जदि कोई पाप करत, आउर कोई अईसन काम करतन जौन यहोवा नऽ करे ला आज्ञा देलन हे, चाहे ऊ ओकरा से अनजान हे तईयो ऊ दोषी हे। आउर ओकरा अपन दोष के दोषी ठहरऽ हे।18आउर ओकरा याजक भीर दोषबलि के अपना लागी एगो निर्दोष मेढ़ा लावे के चाही जे वर्तमान मूल के बराबर रहे तब याजक ऊ पाप के बारे में जेकरा से ऊ अनजान हल क्षमा कईल जायेत।19ऊ दोषबलि हे, आउर ऊ यहोवा के नजर में जरुरे दोषी ठहरत।
Bridge Connectivity Solutions Pvt. Ltd.