Leviticus4
1यहोवा मूसा से कहलन,2इस्राएल के लोग से कहऽ कि जदि कोई बेगर इच्छा के पाप करऽ हे, आउर अईसन काम करतन जेकरा यहोवा नऽ करे ला आज्ञा देलन हे, आउर अईसन काम करतन जे मनाही हे।3यदि अभिषिक्त महायाजक अईसन पाप करतन कि प्रजा दोषी ठहरत तऽ ऊ अपन पाप ला एगो निर्दोष बछड़ा के पापबलि कर के यहोवा लागी चढ़ईतन। 4आउर ऊ बछड़ा के मिलापवाला तम्बू के द्वार पर यहोवा के सामने ले अईतन, आउर ओकर सिर पर अपन हाथ रखतन, आउर यहोवा के सामने बछड़ा के बलि करतन।5अभिषिक्त याजक बछड़ा के खून में से एगो कटोरा में कुछ लेके मिलापवाला तम्बू में ले जईतन।6तऽ याजक अपन ऊँगली खून मे डूबा के ओकरा में से कुछ परमपवित्र स्थान के पर्दा के सामने यहोवा के सामने सात बार छिटतन।7फिन याजक ऊ लहू में से कुछ यहोवा के सामने जौन मिलापवाला तम्बू मे सुगन्धित धूप के वेदी हे ओकर सींग पर लगईतन, आउर बछड़ा के जौन कुछ खून बच गेल हे ओकरा वेदी के पाया पर ढार देतन। आउर होमबलि लागी जौन मिलाप वाला तम्बू के द्वार पर हे।8ऊ पापबलि के बछड़ा के समूचा चर्बी काट डालतन ऊ चर्बी जौन भीतर के भाग के झाँपले रहऽ हे, ऊ समूचे चर्बी भीतरी हिस्सा से लगल रहऽ हे।9दूनो गुर्दा आउर ओकरा पर के चर्बी, जौन कमर भीर होवे हे, आउर गुर्दा के साथे कलेजा के झिल्ली गुर्दा समेत ई सभे के ऊ काट देतन।10ऊ सभे कुछ ओईसहीं काटतन, जईसन ऊ मेलबलि के बछड़ा के काटल जा हे। तऽ याजक ई हिस्सा के होमबलि लागी वेदी पर जलईतन।11बछड़ा के खाल, आउर ओकर सऊँसे मांस, आउर ओकर मुड़ी, गोड़, भीतरका भाग आउर गोबर।12आउर बछड़ा के आउर सभे अंग के ऊ छावनी के बहारसी ऊ जगह पर ले जईतन। जौन ऊ हमरा ला शुद्ध कईलन हे, जहाँ ऊ राख डालऽ हे, ऊ स्थान हिस्सा के ओही लकड़ी पर जला देतन। जहाँ ऊ राख डालऽ हे। ऊ, ऊ जगह के उँहे लकड़ी पर जला देतन ओकरा ऊ हिस्सा के जला देवे के चाही जेज्जा ऊ राख डालऽ हथन।13जदि इस्राएल के सभे समाज नऽ चाहला पर भी पाप करऽ हे, आउर समाज ई बात से अनजान होतन कि ऊ पाप कईलन हे, आउर जौन कुछ काम यहोवा नऽ करे ला आज्ञा देलन हे, ओकरा में से कोई भी काम कईलन हे, आउर यदि ऊ दोषी हे।14तऽ जब जौन पाप करतन, ऊ प्रगट हो जायेत, तऽ मंडली के एगो बछड़ा पापबलि कर के मिलापवाला तम्बू के सामने लावे के चाही।15मंडली के पुरनियन यहोवा के सामने बछड़ा के सिर पर अपन हाथ रखतन, ऊ बछड़ा यहोवा के सामने बलि करल जायेत।16अभिषिक्त याजक बछड़ा के खून मे से एगो कटोरा में कुछ मिलापवाला तम्बू में ले अईतन।17आउर याजक अपन उंगली खून मे डूबा के ओकरा परदा के सामने यहोवा के सामने सात बेर छिटतन,18आउर ऊ कुछ खून में यहोवा के सामने जौन मिलापवाला तम्बू मे हे ओकरा सींग पर लगईतन सब खून के होमबलि के वेदी के मिलाप वाला तम्बू के दुआरी पर हे, उझल देतन।19ऊ बैल में से समूचे चर्बी के काट के वेदी पर जलईतन।20ओकरा बैल के साथे एही करल जायत। जईसे ऊ पापबलि के बछड़ा के साथ कईलन, ओईसहीं ई बछड़ा के साथ भी करतन, आउर याजक लोगवन लागी पछतावा करतन आउर परमेश्वर उनकर पापवन के माफ कर देतन।21तऽ याजक बछड़ा के छावनी से बहारसी ले जा के जला देतन, जईसे ऊ पहिलका बछड़ा के जलईलन हल, ई मण्डली लागी पापबलि हे।22जखनी कोई हाकिम पाप करे के इच्छा न कर के पाप करतन, आउर जेतना काम के करे के आज्ञा ओकर परमेश्वर यहोवा नऽ देलन हे, ऊ सभे में से कोई एगो के करतन आउर ऊ दोषी हे।23तऽ ओकर जौन पाप ऊ कईलन हे, ऊ ओकरा पर प्रकट हो जायेत, आउर ऊ अपन बलिदान लागी एगो निर्दोष बकरा ले आवे के चाही।24ऊ बकरा के सिर पर अपन हाथ रखतन आउर ओकरा ओही स्थान पर बलि करतन जहाँ हम यहोवा के सामने बलि करऽ ही। ई पापबलि हे।25याजक अपन उंगली से पापबलि के खून लेके होमबलि के वेदी के सींग पर लगईतन, आउर ओकर खून होमबलि के वेदी के पाया पर उझल देतन।26बकरी के समूचे चर्बी के मेलबलि के चर्बी समान वेदी पर जलईतन। याजक शासक लागी ओकर पाप के पछतावा करतन, आउर शासक के क्षमा कर देवल जायेत।27यदि साधारण आदमियन मे से कोई बिना इरादा के पाप करतन, आउर जौन काम के करे लागी आज्ञा यहोवा ओकरा नऽ देलन हे, ऊ करतन, आउर जखनी ओकरा अपन दोष के पता होत।28तऽ ओकर पाप जौन ऊ कईलक हे ओकरा पर प्रगट हो जायेत, तऽ ऊ अपन पाप के कारण एगो निर्दोष बकरा, आउर निर्दोष मादा बकरा बलिदान लागी ले अईतन।29ऊ अपन हाथ पापबलि जनावर के सिर पर रखतन, आउर पापबलि के होमबलि के जगह पर बलिदान करतन30आउर याजक ओकरा खून में से कुछ अपन ऊँगली से कुछ लेके होमबलि के वेदी के सींगवन पर लगईतन। आउर समूचे खून के ओही वेदी के पाया पर उझल देतन।31ऊ समूचे चर्बी के ओईसहीं काट देतन, जईसे मेलबलि के चर्बी के काटल जा हे, याजक एकरा यहोवा लागी सुखदायक खुशबू करे लागी वेदी पर जलईतन। याजक ऊ आदमी लागी पछतावा करतन, आउर ओकरा क्षमा कर देवल जायत।32जदि कोई आदमी पापबलि करे लागी मेमना लईतन तऽ निर्दोष मादा के ले अईतन।33ऊ अपन हाथ पापबलि पशु के सिर पर रखतन, आउर ओकरा ओही स्थान पर पापबलि कर के बलि करतन जेज्जा होमबलि लागी बलि करल जा हे।34याजक अपन उंगली से पापबलि के खून में से कुछ लेके होमबलि के वेदी के सींग पर लगईतन, आउर ओकर सभे खून वेदी पर उझल देतन।35ऊ सभे चर्बी के ओईसहीं काट देतन, जईसे मेलबलि मे से मेम्ना के चर्बी काट देवल जा हे, आउर याजक ओकरा वेदी पर यहोवा के हव्य के उपर जला देतन। याजक ओकर पाप लागी पछतावा करतन तऽ ऊ आदमी के परमेश्वर माफ कर देतन।
Bridge Connectivity Solutions Pvt. Ltd.