Leviticus3
1यदि कोई मेलबलि में से गाय या बैल चढ़ावे ला चाहे ऊ नर होवे चाहे मादा होवे, तऽ ओकरा यहोवा के सामने एगो निर्दोष पशु चढ़ावे के चाही। 2ऊ अपन चढ़ावा के जनावर के सिर पर अपन हाथ रखतन, आउर ओकरा मिलापवाला तम्बू के दुआरी पर मार देतन। तऽ हारून के बेटा याजक ओकर खून के वेदी के चारो पट्टी छिटतन।3ऊ आदमी यहोवा लागी आग में मेलबलि कर के चढ़ईतन ऊ चर्बी जौन भीतरी हिस्सा के ढकले रहऽ हे ओकरा से जुड़ल रहऽ हे,4आउर दूनो गुर्दा आउर ओकरा पर जांघ के चर्बी, आउर गुर्दा सहिंत के कलेजा के झिल्ली चाहे ई सभे के हटा देतन।5हारून के बेटा ओकर वेदी पर होमबलि के साथे चढ़ईतन जौन आग पर रखल लकड़ी पर होत। एकरा से यहोवा लागी सुखदायक खुशबू होत; ई ओकरा लागी आग में देवल गेल भेंट होवत।6जदि आदमी यहोवा लागी मेलबलि कर के भेड़-बकरी में से लावे; चाहे नर होवे चाहे मादा, ओकरा निर्दोष मेलबलि चढ़ावे के चाही।7जदि ऊ मेमना बलि लागी चढ़ईतन, तऽ ओकरा यहोवा सामने चढ़ईतन।8ऊ अपन हाथ ऊ बलि के जनावर के सिर पर रखतन, आउर ओकरा मिलापवाला तम्बू के सामने बलि चढ़ईतन। तऽ हारून के बेटा ओकर खून के वेदी के चारो कोना पर छिटतन।9फिन ऊ आदमी यहोवा लागी आग में जला के मेलबलि के बलिदान चढ़ईतन। चर्बी, मतलब कि रीढ़ के हड्डी के सभे चर्बी के पूँछ काट देवल जा हे, आउर ऊ चर्बी जौन भीतर हिस्सा के झाँपऽ हे, आउर ऊ पूरा चर्बी जौन भीतर के हिस्सा भीर होवऽ हे।10आउर दूनो गुर्दा आउर ओकर जौरे चर्बी जौन जांघ, आउर कलेजा के झिल्ली आउर गुर्दा, चाहे ई सभे के निकास देतन।11तऽ याजक ऊ सभे के यहोवा लागी होमबलि कर के वेदी पर जलईतन।12यदि आदमी के चढ़ावल गेल एगो बकरा हे तऽ ऊ ओकरा यहोवा के सामने चढ़ईतन।13ऊ अपन हाथ बकरा के सिर पर रखतन, आउर ओकरा मिलापवाला तम्बू के सामने बलि करतन। तऽ हारून के बेटा ओकर खून के लेके वेदी के चारो कोना पर छिटतन।14ऊ आदमी यहोवा लागी अपन बलिदान चढ़ईतन। ऊ भीतर के हिस्सा झाँपेवाला चर्बी के, आउर भीतरका सभे चर्बी के हटा देतन।15ऊ दूनो गुर्दा ओकर भीर के चर्बी, जौन कमर के पास हे आउर गुर्दा भीर झिल्ली भीर हे, निकास देतन।16याजक ऊ सभे के अन्नबलि लागी वेदी पर जलईतन, जेकरा से सुखदायक खुशबू पईदा होवे। बलि के जानवरवन के समूचे चर्बी यहोवा के हे।17आउर जेज्जा-जेज्जा तूँ अपन निवास रखबऽ उहाँ तोहनी के लोग के पीढ़ी दर पीढ़ी में ई सदा लागी नियम होवत, कि तूँ चर्बी चाहे खून के नऽ खईहऽ।
Bridge Connectivity Solutions Pvt. Ltd.