Leviticus2
1आउर जब कोई यहोवा लागी अन्नबलि ले आवे, तऽ ओकर चढ़ावा मैदा होवे, आउर ऊ ओकरा पर तेल डालतन, आउर लोबान जलईतन। 2आउर ऊ हारून के बेटा, याजक लागी भेंट ले जाय, आउर उहाँ याजक तेल आउर लोबान के साथे मुट्ठी भर मैदा निकास लेतन। तऽ याजक यादगार भेंट के रूप मे वेदी पर भेंट जलइतन। ऊ यहोवा के सुखदायक खुशबू पईदा करत; ई उनका लागी आग में से देवल गेल हवन होत।3अन्नबलि में से जौन कुछ बचत ओकर हारून आउर ओकर बेटवन के होत। आग द्वारा यहोवा के चढावल गेल ई हवन यहोवा लागी बड़ी पवित्र हे।4जखनी तूँ तवा में पकावल गेल अखमीरी अन्नबलि चढ़ईहऽ, तऽ ऊ तेल में सानल गेल मैदा के मुलायम रोटी रहे, चाहे अखमीर के कड़ा रोटी रहे, जेकरा पर तेल चपोतल रहे।5जदि तोर अन्नबलि लोहा के चपटा तवा पर पकावल गेल हे, तऽ ऊ बेगर खमीर मिलावल मैदा के होवे के चाही।6तूँ ओकरा टुकड़ा-टुकड़ा कर के बाँट लिहऽ आउर ओकरा पर तेल उझल दिहऽ ई एगो अन्नबलि हे।7यदि तोर अन्नबलि कड़ाही में पकावल जायेत, तऽ मैदा आउर तेल से बनल होवे के चाही।8आउर तूँ ई चिजवन से बनावल गेल अन्नबलि यहोवा भीर ले अईहऽ, आउर ऊ याजक के देवल जाय आउर जौन ओकरा वेदी पर पहुंँचइतन।9तऽ याजक ऊ अन्नबलि में से कुछ यादगार भाग लेके परतिनिधि बलि के रूप में वेदी पर जलावे, आउर ऊ आग में जलावल गेल हव्य होवत, आउर ओकरा से यहोवा लागी सुखदायक खुशबू पईदा होवत।10अन्नबलि में से जौन कुछ बचल हे ऊ हारून आउर ओकर बेटवन के होवत, आग द्वारा यहोवा के चढ़ावल गेल हव्य के वजह से ई यहोवा लागी बड़ी पवित्र होवत।11जौन अन्नबलि तूँ यहोवा लागी चढ़ईहऽ ओकरा खमीर से नऽ बनईहऽ; काहेकि यहोवा लागी आग में चढ़ा के खमीर चाहे मधु न जलईहऽ।12तूँ ओकरा यहोवा लागी पहिलका उपज के चढ़ावा कर के चढ़ईहऽ, बाकि ऊ वेदी पर सुखदायक खुशबू पईदा करे लागी काम में नऽ आवत।13तोरा अपन सभे अन्नबलि में नीमक डाले के चाही। तोरा अपन अन्नबलि में अपन परमेश्वर के वाचा के नीमक कभी कम नऽ होवे के चाही। तोरा अपन सभे चढ़ावा के साथे नीमक जरुर चढ़ावे के चाही। 14यदि तूँ यहोवा के पहिला अनाज के अन्नबलि चढ़ावऽ हऽ, तऽ आग में भूँजल आउर पीस के पकावल गेल ताजा अनाज चढ़ईहऽ। 15तऽ ओकरा पर तनी-मनी जैतून के तेल आउर लोबान डालिहऽ ई अन्नबलि हे।16ओकर बाद याजक कूटल गेल अनाज आउर तेल में से कुछ यादगार भाग, आउर लोबान के प्रतिनिधि भेंट लागी जलइतन। ई यहोवा लागी आग में से देवल गेल भेंट हे।
Bridge Connectivity Solutions Pvt. Ltd.