Leviticus24
1यहोवा मूसा से कहलन,2इस्राएल के लोग के आज्ञा दऽ, कि ऊ पवित्र तम्बू में दीया मे जलावे ला जैतून के कूटके निकालल गेल शुद्ध तेल अपना भीर ले अईतन, कि दीया लगातार जलते रहे।3आउर हारून मिलापवाला तम्बू में वाचा के विधि के सामने पर्दा के बाहरे साँझ से लेके भोर तक यहोवा के सामने दीया जलईते रहतन। ई तोर समाज के सभे पीढ़ी लागी एगो स्थाई नियम होत।4महायाजक के यहोवा के सामने रोज दीया जलईते रहे के चाही, मतलब कि शुद्ध सोना के दीवट पर के दीया जलईते रहे के चाही।5तूँ मैदा लिहऽ आउर ओकरा से बारहगो रोटी पकईह। सब रोटी के एपा के दुगो दसमां भाग होवे के चाही।6फिन ओकरा यहोवा के सामने शुद्ध सोना के मेज पर दूगो धारी में, मतलब कि एगो धारी में छौगो कर के खड़ा रखिहऽ।7तोरा यादगार भाग भेट के रूप मे रोटी के सब धारी में शुद्ध धूप जलइतन। ई लोबान यहोवा लागी हव्य होत।8हर सब्त के दिन महायाजक के इस्राएल के लोग के तरफ से यहोवा के सामने रोजाना रोटी रखे के चाही, ई एगो पक्का वाचा के निसानी हे।9ई भेट हारून आउर ओकर बेटवन लागी होत, आउर ऊ एकरा कोई पवित्रस्थान मे खईतन, काहेकि ई यहोवा लागी आग मे चढ़ावल हव्य में से हमेसा के विधि मुताबिक एगो भाग ठहरत।10अब अईसन होल कि एगो इस्राएली औरत के बेटा, जेकर बाबूजी मिस्री चाहे इस्राएलियन के बीच गेलन। इस्राएली औरत के ई बेटा छावनी मे एगो इस्राएली मरद से लड़ल।11ऊ इस्राएली औरत के बेटा यहोवा के नाम के निंदा कईलक, आउर परमेश्वर के श्राप देलक, येहिसे ओकरा लोग मूसा के पास ले गेलन। ओकर माय के नाम शालोमी हल, जौन दान के गोत्र से दिब्री के बेटी हल।12ऊ ओकरा तब तक हिरासत मे रखलक जब तक यहोवा खुद ओकरा अपन इच्छा न बता देतन।13तब यहोवा मूसा से कहलन,14जौन आदमी के जौन परमेश्वर के शाप देलक हे, ओकरा छावनी से बाहरे ले जईह। आउर जौन कोई ओकर बात सुनतन ऊ अपन हाथ ओकर माथा पर रखतन, आउर समूचे मंडली ओकरा पर पथराव करतन।15तोरा इस्राएल के लोग के समझावे के चाही आउर कहे के चाही, जौन कोई अपन परमेश्वर के श्राप देतन ओकरा अपन पाप के भार खुद उठावे पड़त।16जौन कोई यहोवा के नाम के निन्दा करतन ऊ जरुर मार देवल जइतन। चाहे ऊ परदेशी रहे चाहे मूलनिवासी इस्राएली रहे, सकल समाज के ओकरा पर जरुर पथराव करे के चाही। जदि कोई यहोवा के नाम के निंदा करतन तऽ ओकरा जरुर मार डालल जाय।17जदि कोई केकरो दोसर आदमी के मार देवे, तऽ जरुर मार देवल जाय।18जदि कोई केकरो जनावर के मार देवे, तऽ ओकरा जान के बदले जान के बदला देवे पड़त।19जदि कोई अपन पड़ोसी के चोट पहुँचावत, तऽ ओकरो साथे ओईसने वर्ताव करल जाय जईसन ऊ अपन पड़ोसी के साथ कईलक हे।20अंगभंग के बदले अंगभंग, आँख के बदले आँख, दाँत के बदले दाँत। जईसन ऊ कोई आदमी के चोट पहुँचईलक हे, ओईसहीं ओकरा साथे भी करल जाय के चाही।21जौन कोई केकरो जानवर के मार देवे ऊ ओकरा बदला देवे, आउर जौन कोई कौनो आदमी के मार देवे ऊ मार देवल जाय।22तोरा भीर परदेशी आउर मूलनिवासी इस्राएल दुन्नो लागी एक्के किसीम के नियम होवे के चाही, काहेकि हम तोर परमेश्वर यहोवा ही।23तऽ मूसा इस्राएल के लोग से कहलन, आउर लोग ऊ आदमी के, जौन यहोवा के श्राप देलन हल, छावनी के बाहरे ले गेलन। ऊ ओकरा पत्थर से मार देलन। इस्राएल के लोग यहोवा के ऊ आज्ञा के पालन कईलन जे मूसा के देवल गेल हल।
Bridge Connectivity Solutions Pvt. Ltd.