Leviticus23
1यहोवा मूसा से कहलन,2"इस्राएल के लोगवन से कहऽ, कि ई यहोवा लागी ठहरावल गेल परव हे, एकरा तूँ पवित्र सभा कर के प्रचार करिहऽ: ऊ हमर नियमित परब हे।3हर सप्ताह छौ दिन तक तऽ तूँ काम काज कर सकल हे, बाकि सातवाँ दिन परमविश्राम के दिन, मतलब कि पवित्र सभा के दिन हे। तोहनी के कोई काम काज नऽ करे के चाही, काहेकि ई यहोवा लागी विश्रामदिन हे।4यहोवा के ठहरावल गेल परव आउर पवित्र सभा ई सब हे, जेकर तोरा अपन नियत समय पर परचार करे के चाही। 5हर साल के पहिलका महीना के चौदहवाँ दिन के साँझ के समय यहोवा के फसह मनईहऽ। 6ओही महीना के पन्द्रहवाँ दिन के यहोवा लागी अखमीरी रोटी के पर्व मनईहऽ। सात दिन तक तोहनी के अखमीरी रोटी खाइ के चाही।7त्यौहार के पहिला दिन तूँ एक जगह होवे लागी अलग भाग करिहऽ; तूँ अपन रोजाना के जईसन काम न करिहऽ।8तोहनी सात दिन तक यहोवा लागी अन्नबलि चढ़ईते रहिहऽ। सातवाँ दिन यहोवा लागी तय करल गेल पवित्र सभा होवत, आउर ऊ दिन तूँ कोई रोजाना जईसन काम न करिहऽ।9यहोवा मूसा से कहलन,10"इस्राएल के लोगवन से कहऽ, कि जब तूँ ऊ देश मे पहुँचवऽ जौन हम तोरा देम, आउर ओकर उपज काटिहऽ, तब एगो बोझा ले अईहऽ। अनाज के पहिलका उपज के एगो बोझा याजक भीर ले अईहऽ।11ऊ अनाज के बोझा के यहोवा के सामने उठ के उनका सामने खड़ा करिहऽ, कि ऊ तोरा ला खुशी से ग्रहण करल जाय। विश्रामदिन के दोसरका दिन याजक ओकरा उठ के हमरा सामने खड़ा करतन।12जौन दिन तूँ अनाज के बोझा उठ के हमरा सौंप देवऽ, ओही दिन एक साल के निर्दोष नर भेड़ के बच्चा यहोवा लागी होमबलि कर के चढ़ईहऽ।13अन्नबलि एपा के दु दसवां भाग तेल से सानल मैदा होवे के चाही, जौन सुखदायक खुशबू पईदा करे ला यहोवा लागी आग मे जलावल गेल हव्य होत, आउर ओकरा साथे एक चौथाई हीन दाखमधु के अर्घ होत।14जौन दिन तक तूँ अपन परमेश्वर लागी ई चढ़ावा नऽ चढ़ईवऽ ऊ दिन तक नऽ तऽ रोटी, आउर नऽ भूँजल गेल, चाहे ताजा अनाज नऽ खईहऽ। ई तोहनी के पीढ़ी लागी, जहाँ भी तूँ रहबऽ, एगो स्थाई कानून होत।15सब्त के अगला दिन से सुरु कर के मतलब कि ऊ दिन से जहिया तूँ अनाज के बोझा हिलावे के भेट लागी लावऽ हलऽ, पूरा सात सप्ताह गिनल जायेत।16तोरा पचास दिन गिने के चाही, जे सतमा विश्रामदिन के बाद के दिन होत। तब तोरा यहोवा लागी नया अन्नबलि चढ़ाबे के चाही।17तोरा अपन घर में से एपा के दुगो दसवाँ भाग के दुगो रोटी निकाल लेवे के चाही। ऊ मैदा के बनल आउर खमीर से पकावल होवे के चाही; ऊ यहोवा लागी पहिला उपज के हिलावल गेल चढ़ावा होवत।18तोरा रोटी के साथे एक-एक बरिस सातगो निर्दोष भेड़वन के बचवन, आउर एगो बछड़ा, आउर दुगो मेढ़ा चढ़ावे के चाही। ऊ यहोवा लागी होमबलि ठहरत, आउर ओकर अन्नबलि आउर यहोवा लागी सुखदायक खुशबू उत्पन्न करे बाला हव्य होत।19तोरा पापबलि लागी एगो बकरा आउर मेलबलि लागी एक एक साल के दुगो मेमना चढ़ावे के चाही।20याजक ओकरा पहिला उपज के रोटी समेत यहोवा के सामने हिलईतन, आउर ऊ दुन्नो भेड़ के बचबन जे साथ ओकरा भेट कर के चढ़ावत ऊ याजक लागी यहोवा लागी पवित्र भेट ठहरत।21तोरा ओही दिन घोषणा करे पड़त। उहाँ एगो पवित्र सभा होत, आउर तोरा कोई साधारण काम नऽ करे के चाही। ई ऊ सभे जगह मे जहाँ तूँ रहऽ, तोर लोग के पीढ़ियन लागी एगो स्थाई कानून होत। 22जब तूँ अपन देश के उपज काटिहऽ, तब अपन खेत के कोनमन के पूरा न काटे के चाही, आउर अपन उपज के बाल भी न बटोरे के चाही। तोरा ओकरा गरीबवन आउर परशियन लागी छोड़ देवे के चाही। हम तोर परमेश्वर यहोवा ही!23यहोवा मूसा से कहलन,24"इस्राएल के लोगवन से कहऽ, हर साल सातवाँ महिना मे, ऊ महीना के पहिला दिन तोरा लागी विश्राम के दिन होत, आउर नरसिंगा फूँके के साथे यादगारी परव होत, एगो पवित्र सभा।25तूँ कोई साधारण काम नऽ करऽ, आउर यहोवा लागी आग मे होमबलि करिहऽ। पछतावा के दिन, ई एगो पवित्र सभा हे, आउर तोरा नम्र होके यहोवा लागी आग मे हव्य चढ़ावे के चाही।26तब यहोवा मूसा से कहलन,27अब ई सातवाँ महिना के दसमां दिन पछतावा के दिन हे। ई एगो पवित्र सभा होत, आउर तोरा दिन होके यहोवा लागी आग मे हव्य चढ़ाबे के चाही।28ऊ दिन तोरा कोई काम नऽ करे के चाही, काहेकि ऊ पछतावा के दिन हे, जौन दिन तूँ अपन परमेश्वर यहोवा के सामने अपना लागी पछतावा करव।29जौन कोई ऊ दिन खुद के दीन नऽ बनइतन, ऊ अपन लोग के बीच में से निकास देवल जाइ। 30जौन कोई ऊ दिन काम काज करत हम यहोवा ओकरा ओकर लोग के बिच मे से नास कर देम,31ऊ दिन तोरा कोई प्रकार के कोई काम न करे के चाही। ई ऊ सभे जगह मे जहाँ तूँ रहऽ हऽ, तोर लोग के पीढ़ी लागी एगो स्थाई कानून होत।32ई तोरा लागी परम विश्राम के दिन ठहरत आउर महिना के नौवाँ दिन के साँझ के तूँ दिन होईहऽ, साँझ से साँझ तक तूँ अपन विश्रामदिन मानिहऽ।33यहोवा मूसा से कहलन,34"इस्राएल के लोगवन से कहऽ, कि सातवाँ महिना के पन्द्रहवाँ दिन यहोवा लागी झोपड़ी के परब मनावल करिहऽ। ई सात दिन तक चलत। 35पहिला दिन एगो पवित्र सभा एगो होवे तक चाही। तोरा कोई साधारण काम नऽ करे के चाही।36सात दिन तक तूँ यहोवा लागी आग मे होमबलि चढ़ईहऽ हऽ। अठवाँ दिन पवित्र सभा होत, आउर तोरा कोई साधारण काम नऽ करे के चाही। 37ई यहोवा लागी ठहरावल परव हे, जेकरा तोरा यहोवा लागी आग मे होमबलि, मतलब होमबलि, अन्नबलि, मेलबलि, आउर अर्घ, अपन-अपन दिन पर चढ़ावे लागी पवित्र सभा के रूप मे प्रचार करे के चाही।38ई परव यहोवा के विश्रामदिन आउर तोर सब दान, सब मनिता आउर अपन मन से यहोवा के देवे वाला सब भेंटवन के अलावे होत, जौन तूँ यहोवा के दे हऽ।39आउर सातवाँ महीना के पन्द्रहवाँ दिन के झोपड़ी के परव के बारे में, जब तूँ भूमि के उपज जमा कर लिहऽ, तऽ शरण के परव के यहोवा के ई पर्व के सात दिन तक मनईहऽ। पहिलका दिन परम विश्राम के दिन होत, आउर आठवाँ दिन भी परम विश्राम के दिन होत।40पहिलका दिन तूँ पेड़वन मे से अच्छा-अच्छा फल, मतलब कि खजूर के पेड़वन के डालियन, आउर घना पेड़वन के हरा पत्तेदार डालियन, आउर नालियन मे से मजनू ले लिहऽ, आउर अपन परमेश्वर यहोवा के सामने सात दिन तक आनन्द मनईहऽ।41हर साल सात दिन तक तूँ यहोवा लागी ई परव मनईहऽ। ई ऊ सभे जगह में जहाँ तूँ रहऽ हऽ, तोहनी सब के पीढ़ी लागी एगो स्थाई कानून होत, तोहनी के ई परव सातवाँ महीना में जरुर मनावे के चाही।42तोरा सात दिन तक छोटा घर मे रहे के चाही। सभे मूलनिवासी इस्राएलियन के सात दिन लागी छोटा आश्रम में रहे पड़त,43जेकरा से तोर वंश के लोग पीढ़ी दर पीढ़ी सीखते रहतन, कि हम इस्राएल के लोगवन के मिस्र देश से निकाल के कईसे ओकरा अईसन आश्रम में बसईली हे। हम तोर परमेश्वर यहोवा ही।44येही रीति से, मूसा इस्राएल के लोग के यहोवा लागी ठहरावल गेल परव के घोषणा कईलन।
Bridge Connectivity Solutions Pvt. Ltd.