Leviticus1
1फिर यहोवा मिलापवाला तम्बू में से मूसा के बोल के उनका से कहलन,2इस्राएली लोग से कहऽ: कि जखनी तोहनी में से कोई यहोवा लागी भेंट ले आवे, तऽ अपन जानवरवन में से, चाहे गाय-बैल में से, चाहे भेड़-बकरी में से, कोई एगो के चढ़ावा लागी ले अईहऽ।3यदि ऊ गाय-बैल में से होमबलि करतन, तऽ निर्दोष नर चढ़ईतन, ऊ ओकरा मिलापवाला तम्बू के द्वार पर चढ़ईतन; कि ऊ यहोवा के सामने खुशी से कबूल कईल जाय।4ऊ अपन हाथ होमबलि के जनावर के सिर पर रखतन; आउर तऽ ऊ अपन पछतावा लागी ग्रहण करल जायेत। 5तऽ ऊ बछड़ा के यहोवा के सामने बलि करिहऽ। हारून के बेटा याजक खून लेके वेदी भीर लईतन, आउर ऊ ओकरा वेदी पर छीटतन, जौन मिलापवाला तम्बू के द्वार पर हे।6फिन ऊ होमबलि के खाल उतारतन आउर टुकड़ा-टुकड़ा करतन।7तऽ हारून याजक के बेटा वेदी पर आग जलईतन आउर आग पर लकड़ी सजईतन।8तऽ हारून के बेटा, जौन याजक हे, ऊ मुड़ी आउर चर्बी के साथे ऊ टुकड़वन के वेदी के आग के लकड़ी पर रखतन।9बाकि ओकर भीतर के भाग आउर गोड़ पानी से धोतन। तऽ याजक सभे कुछ वेदी पर होमबलि के रूप में जलईतन, तऽ ई यहोवा ला सुखदायक खुशबू बन जायेत; ई यहोवा ला आग में देवल गेल भेंट होवत।10यदि होमबलि लागी ओकर चढ़ावा भेड़ चाहे बकरियन में से कोई एगो चढ़ावे, तऽ ऊ निर्दोष नर के चढ़ईतन।11आउर ओकरा यहोवा के सामने वेदी के उत्तर तरफ बलि करे के चाही, हारून के बेटा, याजक, के वेदी के चारो दने ओकर खून छिटतन।12ऊ ओकरा मुड़ी आउर चर्बी के सहिंत टुकड़ा-टुकड़ा करतन, आउर याजक ऊ टुकड़वन वेदी के आग के लकड़ी पर रखतन।13बाकि भीतरका भाग आउर गोड़वन के, ऊ पानी से धोतन। तऽ याजक सभे कुछ चढ़ा के वेदी पर जलईतन। ऊ होमबलि हे, आउर ओकरा से यहोवा लागी सुखदायक खुशबू बन जायेत; ई ओकरा ला आग में देवल गेल भेंट होवत।14यदि ओकरा यहोवा लागी चिरईंयन के होमबलि होवे, तऽ कबूतर चाहे कबूतरी के एगो बच्चा बलिदान करे लागी ले अईतन।15याजक ओकरा वेदी भीर ले आवे, आउर ओकर मुड़ी मरोड़ के वेदी पर जलईतन। तऽ ओकर खून वेदी के किनारे बहा देवे के चाही।16आउर ऊ ओकर उपज के सभे सामान के साथे निकाल के वेदी भीर पूरब दने राख के जगह मे फेंक देतन। 17फिन ऊ ओकर पंखवन से फाड़ देतन बाकि दु टुकड़ा नऽ करतन। तऽ याजक ओकरा वेदी पर के आग पर रखल लकड़ी के उपर जलईतन। ऊ होमबलि होत, आउर ओकरा से यहोवा लागी सुखदायक खुशबू पईदा होवत, ई उनका लागी आग से देवल गेल भेंट होवत।
Bridge Connectivity Solutions Pvt. Ltd.