Leviticus17
1यहोवा मूसा से कहलन,2हारून आउर ओकर बेटवन, आउर इस्राएल के सभे आदमियन से बात करऽ। उनका बतावऽ कि यहोवा कौची आज्ञा देलन हे:3इस्राएल के कोई भी आदमी में से जौन बलि चढ़ावे ला छावनी में चाहे छावनी से बाहर बछड़ा, मेम्ना चाहे बकरी के बलि करऽ हे,4यदि ऊ नऽ लावे ओकरा मिलापवाला तम्बू के दुआरी पर यहोवा के तम्बू के सामने बलि कर के चढ़ईहऽ, ऊ आदमी खून बाहवे के दोषी ठहरतन। ऊ खून बहईलन हे, आउर ऊ आदमी अपन लोग के बीच में से नाश कईल जाय के चाही5ई आज्ञा के मकसद ई हे कि इस्राएल के लोग अपन बलिदान के खुला मैदान में चढ़ावे के बदले, मिलापवाला तम्बू के द्वार पर यहोवा लागी याजक भीर अपन बलिदान ले अईतन।6याजक यहोवा के वेदी पर मिलापवाला तम्बू के द्वार पर खून छिटतन, आउर ओकर चर्बी के जलावत, जेकरा से यहोवा लागी सुखदायक खुशबू पईदा होवत।7आउर लोग अब बकरियन के मूर्ति के आगे बलिदान नऽ चढ़ईतन काहेकि ऊ वैश्या के काम करऽ हे। ई ओखनी के पीढ़ी दर पीढ़ी में उनका लागी एगो सदा ला नियम होत।8तूँ ओखनी से कहिहऽ, कि इस्राएल के कोई आदमी चाहे ओकर बीच में रहे वालन कोई भी परदेशी, जौन होमबलि चाहे मेलबलि चढ़ाव हे।9आउर जदि कोई ओकरा यहोवा के बलि चढ़ावे ला मिलापवाला तम्बू के द्वार पर नऽ ले आवऽ हे, तऽ ऊ आदमी अपन लोग में से निकास देवल जाइ।10जदि इस्राएल के घराना के कोई आदमी चाहे ओकर बीच में रहे वाला कोई परदेशी आदमी खून खा हे, तऽ हम ऊ खून खाय वाला के खिलाफ में हो जायेम, आउर ओकरा ओकर लोग के बीच में से निकास देम।11काहेकि जनावर के जान ओकर खून में होवऽ हे। येहिगुने ओकर खून तोहनी के वेदी पर तोहर जान के पछतावा करे ला देली हे; काहेकि ई ऊ खून हे जेकरा से ही पछतावा होव हे, काहेकि ई ऊ खून हे जौन जीवन के पछतावा करऽ हे। 12येहिसे हम इस्राएलियन से कहली, कि तोहनी में से कोई भी आदमी खून नऽ खईतन, आउर नऽ ही तोहनी के बीच में रहे वाला कोई भी परदेशी भी खून खईतन।13इस्राएल के लोग में से चाहे ओकर बीच मे रहे वाला परदेशियन में से कोई भी आदमी, जौन शिकार कर के कोई अईसन जनावर चाहे पक्षी के मार दे हे, जेकरा खायल जा सकल हे, तऽ ऊ आदमी के ओकर खून बहा देवे के चाही, आउर खून के मिट्टी से झाँप देवे के चाही।14काहेकि सभे जीव-जन्तु के जीवन ओकर खून मे होवऽ हे, येहिसे हम इस्राएल के लोग से कहली, “तूँ कोई जीव-जन्तु के खून नऽ खईहऽ, काहेकि सभे जिन्दा प्राणी के जीवन ओकर खून में हे। जौन कोई एकरा खायेत ओकरा परमेश्वर के समुदाई से निकास देवल जाइ के चाही।” 15जौन कोई मरल चाहे फाड़ल गेल जनावर के खईतन, चाहे मूलनिवासी रहतन, चाहे ऊ तोहनी के बीच में रहे वाला कोई परदेशी रहतन ऊ अपन कपड़ा धोके पानी से नहा लेतन, आउर ऊ साँझ लागी अशुद्ध रहतन, ओकर बाद ऊ शुद्ध हो जइतन।16बाकि जदि ऊ अपन कपड़ा नऽ धोतन, आउर नऽ नहइतन, तऽ ओकरा दोषी ठहरावल जाइ, अपन गलती के सजा के जिम्मेबार ऊ खुद होतन।
Bridge Connectivity Solutions Pvt. Ltd.