Leviticus18
1यहोवा मूसा से कहलन,2इस्राएल के लोग से बात करऽ आउर ओखनी से कहऽ, हम तोर परमेश्वर ही,3तोरा ओईसन काम नऽ करे के चाही जईसन ऊ लोग मिस्र में करऽ हलन, जेज्जा तूँ पहिले रहऽ हलऽ। तोरा ओईसन काम न करे के चाही जईसन लोग कनान में करऽ हलन जौन देश में हम तोरा ले जा रहली हे, ओकर रीति रिवाज के पालन नऽ करिहऽ।4तोरा हमरे ही व्यवस्था के पालन करे ला हे, आउर ओकरे पालन करे ला हे, काहेकि हम तोर परमेश्वर यहोवा ही।5येहिसे तोरा हमर विधियन आउर नियम के पालन करे के चाही। जदि कोई आदमी ओकरा पालन करऽ हे, तऽ ऊ ओकर कारण जीवित रहत। हम यहोवा ही।6कोई नजदीकी रिश्तेदार के तन उघाड़े लागी ओकर भीर नऽ जईह, हम यहोवा ही।7अपन माय के देह नऽ उघारिहऽ, ऊ तोर माय हे, तोरा ओकर नंगापन उघार नऽ करे के चाही।8अपन पिता के औरतियन के देह नऽ उघारिहऽ, ई तोर पिता के नंगापन हे। 9अपन बहिन के देह नऽ उघारिहऽ, चाहे ऊ तोर पिता के बेटी होवे, चाहे तोर माय के बेटी होवे, चाहे ऊ तोरा घर में पलाल हे, चाहे तोरा से दूर रहे।10अपन बेटा-बेटी चाहे अपन बेटी के देह नऽ उघारिहऽ काहेकि ओकर तन तोर ही तन हे।11तोर पिता के औरत के बेटी, जौन तोर पिता के घर मे पालल गेल हे, ओकर तन नऽ उघारे के चाही काहेकि ऊ तोर बहिन हे।12अपन पिता के बहिन के देह उघार नऽ करिहऽ, ऊ तोर पिता के रिश्तेदार हे।13अपन माय के बहिन के तन नऽ उघाड़े के चाही, ऊ तोर माय के रिश्तेदार हे।14तूँ अपन पिता के भाई के देह नऽ उघारिहऽ मतलब कि ओकर औरत के नजदीक नऽ जईहऽ, ऊ तोर चाची हे।15अपन पुतोह के देह नऽ उघारिहऽ, ऊ तोर बेटा के औरत हे, तोरा ओकर नंगापन उघार नऽ करे के चाही।16अपन भाई के औरत के देह नऽ उघारिहऽ, ऊ तोर भाई के मेहरारु हे। 17कोई औरत चाहे ओकर बेटी के देह नऽ उघारिहऽ, आउर ओकर देह उघारे लागी तूँ कोई के नतनी, चाहे नाती से वियाह नऽ कर लिहऽ; ई भी तोर परिवार हे, ऊ एगो बुराई हे।18जब ला तोर पहिलका मेहरारु जिन्दा रहत, तब ला तूँ अपन मेहरारु के बहिन से वियाह नऽ करिहऽ, आउर नऽ ओकर देह उघारिहऽ।19कोई औरत के अशुद्ध होवे के दिन ओकर देह उघाड़े लागी ओकरा भीर नऽ जईहऽ।20तूँ अपन पड़ोस के औरत के साथे व्यभिचार नऽ करिहऽ आउर ओकरा साथे ई रीति से खुद के अशुद्ध नऽ करिहऽ।21आउर अपन कोई लड़का के मोलेक लागी होमबलि कर के आग में नऽ डालिहऽ, काहेकि तूँ अपन परमेश्वर के नाम अपवित्र नऽ करिहऽ। हम यहोवा ही। 22तूँ औरत के जईसन कोई पराया मरद से कुकर्म नऽ करिहऽ; ई घिनामन हे। 23कोई जानवर के साथे कुकर्म नऽ करिहऽ, आउर ओकरा से अपने आप के अशुद्ध नऽ करिहऽ। नऽ ही कोई औरत के खुद के कोई जनावर के साथे सुते ला नऽ विवश करे के चाही। ई अनर्थ हे।24ई सभे काम से खुद के अशुद्ध नऽ करिहऽ, काहेकि ऊ जातियन, जेकरा हम तोरा सामने से निकाल देम, ओखनी येही सभे रीति से अशुद्ध हो जा हे।25आउर ऊ देश अशुद्ध हो गेल हे, येहिसे हम ओकर पाप के सजा देली, आउर देश अपन रहेवालन के उगल देलक।26येहिसे तूँ हमर आज्ञा आउर विधियन के पालन करिहऽ, आउर नऽ तऽ देशी इस्राएली, आउर नऽ तोर बीच में रहे वाला परदेशी, कोई अईसन घिनामन काम में से कोई काम नऽ करतन।27काहेकि ई देश में तोहनी से पहिले जे लोग रहऽ हल, ओखनी येहि गलती घिनामन काम कईलन हे, आउर अब ऊ देश अशुद्ध हो गेल हे।28येहिसे सावधान रहिहऽ अईसन नऽ होवे कि धरती तोहनी भी उगल के अशुद्ध कर देत, जईसे ऊ तोहनी से पहिले ऊ लोग के उगल देलक हल।29जौन कोई ई घिनामन काम मे से कोई भी काम करत, अईसन काम करे वाला आदमी अपन लोग में से निकास देवल जाइ।30येहिसे तूँ हमर आज्ञा पालन करिहऽ, कि ई सभे घिनामन रीति-रिवाज में से जौन तोरा से पहिले इहाँ होवऽ हल, ओकरा में से कोई के भी नऽ मानिहऽ, अईसन नऽ होवे कि तूँ ओकरा से खुद के अशुद्ध कर लेबऽ। हम तोर परमेश्वर यहोवा ही।"
Bridge Connectivity Solutions Pvt. Ltd.