Exodus40
1तऽ यहोवा मूसा से कहलन,2“पवित्र तम्बू खड़ा करिहऽ, जहाँ तूँ साल के पहिला महीना के पहिलका दिन ला हमरा से मिलल करिहऽ।3ओकर भीतर दसो आज्ञा वाला पत्थल के पट्टियन वाला पवित्र सन्दूक रखिहऽ। ओकर सामने परदा लटका के ओकरा छिपा दिहऽ।4मेज के पवित्र तम्बू में ले अईहऽ आउर ओकरा पर ऊ सभे चीज सलीके से व्यवस्थित करिहऽ जे ओखनी उनका लागी बनईलन हल। तऽ दीवट लईहऽ आउर, ओकरा में दीया रखिहऽ।5धूप जलावे लागी सोना के वेदी के पवित्र सन्दूक के सामने रखिहऽ, आउर पवित्र तम्बू के द्वार पर परदा लगईहऽ।6होमबलि के वेदी के पवित्र तम्बू के द्वार के सामने रखिहऽ, जहाँ तूँ हमरा से भेंट करिहऽ।7पवित्र तम्बू आउर वेदी के बीच में हौद रखिहऽ, आउर ओकरा पानी से भर दिहऽ।8आँगन बनावे लागी बाहर परदा लटकईहऽ, आउर आँगन के ढूक्के द्वार पर भी परदा लटकईहऽ।9फिरू अभिषेक के तेल से पवित्र तम्बू आउर ओकरा में जे कुछ हे ऊ सभे पर लगईहऽ, कि ऊ सभे हमरा लागी पवित्र हो जात। फिरू ई हमरा समर्पित कर देवल जात।10आउर तेल में से कुछ ऊ वेदी पर भी डालिहऽ जेकरा पर याजक बलिदान जलईतन, आउर ऊ सभे चीज पर भी जे ऊ वेदी पर इस्तेमाल करम। एकरा से वेदी हमरा लागी पवित्र होत। तब ई डर जईतन, हमरा समर्पित हो जायत।11आउर हौद आउर ओकर पाया पर भी कुछ तेल डाल के ओकरा हमरा लागी पवित्र करिहऽ।12फिर हारून आउर ओकर बेटवन के पवित्र तम्बू के दुआरी पर ले जा के जल से नहलईहऽ।13तऽ हारून के ओकर पवित्र पोशाक पहिना के आउर ओकरा पर तेल डाल के हमरा लागी याजक के काम करे लागी अलग कर दिहऽ।14आउर हारून के बेटवन के भी लावऽ, आउर पवित्र पोशाक उनका पहिनईहऽ,15फिरू उनका पर तेल डालिहऽ, जईसन तूँ उनकर पिता पर डालल हल। एकरा से ऊ याजक के रूप में हमर सेवा करे लागी पवित्र हो जईतन। उनका पर तेल छिड़क के तूँ उनका आउर उनकर वंशजवन के उनकर आवे वाला सभे पीढ़ियन लागी याजक बनईहऽ।”16मूसा ई सभे काम ठीक ओईसहीं कईलन जईसे यहोवा उनका करे के आज्ञा देलन हल।17इस्राएल के दूसरा बरस के पहिलका महीना के पहिलका दिन के लोगवन पवित्र तम्बू खड़ा कईलन 18मूसा पवित्र तम्बू, आउर ओकर कुर्सियन, पटरवन, बेंड़वन, आउर खम्भा खड़ा कईलन।19ऊ पवित्र तम्बू के ऊपर ढक्कन रखलन दूगो परत बिछा देलन, ठीक ओईसहीं जईसे यहोवा मूसा के आज्ञा देलन हल।20तऽ मूसा ऊ दूनो पत्थल के पटियन जेकरा पर यहोवा अपन आज्ञावन लिखलन हल, ओकरा ले पवित्र सन्दूक में रख देलन। ऊ ले जाय वाला डंडवन के सन्दूक के कड़वन में डाललन, आउर ओकरा पर ढक्कन लगा देलन।21तऽ मूसा सन्दूक के पवित्र तम्बू के भीतर पवित्रस्थान में ले गेलन। ऊ आज्ञा के वाला सन्दूक के छिपावे लागी मोटा परदा लटका देलन, ठीक ओईसहीं जईसे यहोवा उनका आज्ञा देलन हल।22आउर ऊ मेज के पवित्र तम्बू के भीतर, उत्तर के तरप, परदा के बाहर, जेकरा पर पवित्र सन्दूक छिपल हल, रखवईलन।23ऊ रोटी के यहोवा के सामने दिखावे लागी मेज पर करीने से रखलन, ठीक ओईसहीं जईसे यहोवा मूसा के आज्ञा देलन हल।24आउर ऊ दीवट के पवित्र तम्बू के भीतर मेज के सामने दक्खिन तरप, उलटा तरप खड़ा कईलन।25तब ऊ दीपक के यहोवा के सामने दीवट पर रखलन, ठीक ओईसहीं जईसे यहोवा मूसा के आज्ञा देलन हल।26आउर ऊ पवित्र तम्बू के भीतर, ऊ परदा के सामने, जा परमपवित्र स्थान के छिपा रख हलन, सोने के वेदी धूप जलावे लागी स्थापित कईलन।27ऊ ओकरा पर सुगन्धित धूप जलईलन, ठीक ओईसहीं जईसे यहोवा मूसा के आज्ञा देलन हल।28आउर ऊ पवित्र तम्बू के द्वार पर परदा लटकईलन।29पवित्र तम्बू के ढूक्के द्वार पर जहाँ ऊ यहोवा से मिलतन, ऊ होम-बलि के लागी वेदी रखलन। तऽ ऊ ओकरा पर मांस आउर आटा जला के बलि कईलन, जईसन यहोवा मूसा के आज्ञा देलन हल।30आउर ऊ पवित्र तम्बू आउर पीतल कि वेदी के बीच में हौद के खड़ा कईलन, आउर हौद के पानी से भर देलन।31मूसा, हारून आउर उनकर बेटा अपन अपन हाथ आउर पैर धोलन।32जखनी कहिनो ऊ पवित्र तम्बू में जा हलन, आउर जखनी कहिनो वेदी के निकट आवऽ हलन, तऽ अपने आप के धोवऽ हलन, ठीक ओईसहीं जईसे यहोवा मूसा के आज्ञा देलन हल।33आउर ऊ पवित्र तम्बू आउर वेदी के चारो तरप के परदा, आउर आँगन के दुआरी पर परदा लटकईलन। तऽ मूसा पवित्र तम्बू परिसर के निर्माण पूरा कईलन।34तऽ ऊँचा बादल पवित्र तम्बू के ढँक लेलक, आउर यहोवा के शक्ति आउर तेज रोशनी पवित्र तम्बू में भर गेल।35काहेकि बादल ओकरा ढँक लेलक हल आउर यहोवा के इंजोर बड़ी उजला हल, मूसा पवित्र तम्बू में ढूक्के नऽ कर सकलन।36ऊ दिन से, जखनी यहोवा बादल पवित्र तम्बू पर से हटा लेलन, तऽ इस्राएली अपन डेरा जमा के यात्रा करे लगलन।37बाकि जदि बादल नऽ हटल, तब ऊ जहाँ रहलन ऊहीं ठहर जात, आउर दिन भर बाट जोहते रहलन, कि बादल हट जाय।38जहाँ कहीं इस्राएलियन यात्रा कईलन हल दिन के समय यहोवा के बादल पवित्र तम्बू के ऊपरे रह हल, आउर रात के उनकर आग उनकर ऊपर रहऽ हल। इस्राएली हमेशा देख सकलन हल कि यहोवा उनका साथ हथन।
Bridge Connectivity Solutions Pvt. Ltd.