Judges7
1तब यरूब्बाल मतलब कि गिदोन, एक दिन सबेरे उठलन आउर सभे लोग के सहिंत उनका साथे उठलन, आउर ओखनी हरोद के सोता भीर अपन डेरा खड़ा कईलन। मिद्यानी लोग के छावनी ओकरा से उत्तर दने, घाटी में मोरे के पहाड़ी दने हल। 2यहोवा गिदोन से कहलन, मिद्यानी लोग के उनकर हाथ में नऽ कर सकऽ ही, नऽ तऽ ओखनी में से बहुत सा लोग जौन तोरा साथे हे, अईसन नऽ होवे कि इस्राएल हमरा पर ई कह के घमण्ड करतन, कि हमरे हाथ आउर भुजबल हमरा बचइलक हे।3येहिसे अब लोग के ई सुनावऽ, कि जौन कोई डेरा हे आउर काँपऽ हे, ऊ गिलाद पहाड़ पर से लौट अईतन। तब बाईस हजार जन लौट अईलन, बाकि दस हजार रह गेलन।4तब यहोवा गिदोन से कहलन, “अखनियो भी बड़ी आदमी हे। ओखनी के पानी भीर ले जा, आउर हम हूँआ तोरा ला ओकरा आउर परखम। येहिसे जौन कुछ हम तोरा से कहम, 'ई तोरा साथे चलतन, ऊ तोरा साथे चलतन, 'बाकि जौन कोई के हम तोरा से कहम, कि ई तोरा साथे नऽ जईतन, ऊ नऽ जइतन।”5तऽ ऊ लोग के पानी भीर ले गेलन, आउर यहोवा गिदोन से कहलन, जौन कोई पानी पिये में कुत्ता जइसन अपन जीभ चपड़-चपड़ करऽ हे, ओकरा पिये लगी अलगे करिहऽ।6आउर अईसन होल कि मुंह तक हाथ लगा के चपड़-चपड़ करे वाला के गिनती तीन सौ आदमी के होल, बाकि आउर सभे लोग ठेहुनियाँ मार के बैठ के पानी पिये लगलन।7तब यहोवा गिदोन से कहलन, “ओखनी सभे तीन सौ चपड़-चपड़ करे वालन के द्वारा हम तोरा छोड़ायम, आउर मिद्यान के तोर हाथ में कर देम। येहिसे बाकि लोग अपन-अपन जगह में चल जा।”8तब लोग अपन हाथ में भोजन के सामान आउर तुरही लेलन, बाकि ऊ इस्राएल के दोसर लोग के ऊ डेरा में जाय देलन, बाकि ऊ तीन सौ आदमी के अपना भीर रख छोड़लन; आउर मिद्यान के छावनी उनकर नीचे तराई में पड़ल हल।9आउर रात में यहोवा गिदोन के आज्ञा देलन, “उठऽ! छावनी में जा, काहेकि हम मिद्यानी के तोर हाथ में कर देली हे।10बाकि तूँ नीचे जाय से डेरा हऽ तऽ अपन हथियार ढोवेवालन फूरा के साथे लेके छावनी में जा।11आउर जौन कुछ ओखनी सभे कहऽ हे ओकरा तूँ सुनऽ कि ओखनी का कह रहलन हे, आउर ओकर बाध तोर हाथ बरियार हो जइतन, आउर तूँ छावनी पर चढ़ाई करिहऽ।” तऽ ऊ अपन हथियार ढोवे वाला फूरा सहिंत ऊ पचास लोग के साथे छोर पर गेलन जौन छावनी में हलन, उतर गेलन।12आउर मिद्यानी लोग, अमालेकी लोग आउर सभे पूरब के लोग, तराई में बड़ी मनी टिड्डियन के जइसन पड़ल हलन। उनकर ऊँट के संख्या अनगिनती हल, जइसे कि समुद्र के किनारे के बालू बड़ी मनी होवऽ हे।13जखनी गिदोन आयेल, तऽ का देखलन कि एगो आदमी अपन पड़ोसी से सपना बता रहलन हे, ऊ कहलन, “देखऽ! हम सपना देखली हे, कि जौ के एगो गोल रोटी मिद्यान के छावनी में लुढ़कते आ रहल हे। ऊ तम्बू भीर आके ओकरा पर अईसन मारलक कि ऊ गिर पड़ल, आउर तम्बू के अईसन उलट देलन कि तम्बू ढह गेल।”14उनकर पड़ोसी जबाब देलन, “ई इस्राएली आदमी योआश के बेटा गिदोन के तलवार के अलावे आउर कुछ नऽ हो सकल हे। परमेश्वर मिद्यानी के उनकर हाथ में सभे छावनी सहिंत कर देलन हे।”15जखनी गिदोन सपना के व्याख्या आउर ओकर अर्थ सुनलन, तऽ ऊ दण्डवत कर के इस्राएल के छावनी में लौट अईलन आउर कहलन, “उठऽ! काहेकि यहोवा मिद्यानी के छावनी के तोर हाथ में कर देलन हे।”16तऽ ऊ तीन सौ आदमी के तीन दल में बाँट देलन, आउर ऊ सभे के हाथ में तुरही आउर खाली मटका दे देलन, आउर मटका के भीतरे मशाल रख देलन।17ऊ ओखनी से कहलन, “तूँ हमरा दने देखिहऽ आउर अईसन करिहऽ। देखऽ! जब हम छावनी के किन्छारा पर आवऽ ही, तऽ जईसे हम करऽ ही ओईसहीं तोरा भी करे के चाही।18जखनी हम आउर हमर साथे के सभे लोग तुरही फूकतन, तऽ तोहूँ छावनी के चारो दने तुरहियन फूकिहऽ। तऽ तूँ जय जयकार करिहऽ, यहोवा लागी आउर गिदोन लागी!”19येहिसे गिदोन आउर उनकर साथे एक सौ आदमी आधा रात के पहर के सुरुआत में छावनी के किनारे अईलन। ओखनी अभी-अभी पहरेदार लोग के रखलन हल, जखनी ओखनी तुरहियन फूकलन आउर ओखनी उनकर हाथ में के घईला के फोड़ देलन। 20तब तीनो दल नरसिंगा फूकलन आउर घईलवन के फोड़ देलन। ओखनी अपन बामा हाथ में मशाल आउर अपन दाहिना हाथ में नरसिंगा फूँके लागी तुरहियन लेले हलन। ओखनी चिल्ला उठलन, “यहोवा आउर गिदोन लागी तलवार।”21सभे आदमी छावनी के चारो पट्टी अपन जगह पर एक-एक आदमी खड़ा हो गेलन, आउर समूचे छावनी दौड़े लगलन। ऊ चिंचिया के भगा देलन।22जब ओखनी तीन सौ नरसिंगा फूकलन, तऽ यहोवा सभे आदमी के तलवार उनकर साथी आउर सभे छावनी के विरोध में चला देलन। जेकर नतीजा सेना बेतशित्ता शहर से सरेरा दने, आउर आबेल-महोला के किन्छारा तक, तब्बात शहर दने भाग गेलन।23तऽ नप्ताली, आशेर आउर सभे मनश्शे से इस्राएली सिपाही के बोलावल गेल, आउर ओखनी मिद्यानी लोग के पीछा कईलन।24आउर गिदोन एप्रैम के सभे पहाड़ी देश में दूत भेज के कहला भेजलन, “मिद्यान के सामने जा के बेतबारा आउर यरदन नदी तक के पानी के अपन अधिकार में कर लऽ।” ई तरह से एप्रैम के सब आदमी के बोलावल गेल, आउर ओखनी बेतबारा आउर यरदन नदी तक के पानी के अपन अधिकार में कर लेलन।25आउर ओखनी मिद्यान के दुगो हाकिम ओरेब आउर जीब के पकड़ लेलन। ओखनी ओरेब के ओरेब नामके चट्टान पर आउर जेब के जेब नामके दाखरस के कुण्ड पर मार देलन। ओखनी मिद्यान के पीछा कईलन, आउर ओरेब आउर जेब के सिर के यरदन के पार से गिदोन भीर ले अईलन।
Bridge Connectivity Solutions Pvt. Ltd.